Өнөөдөр УИХ-ын байнгын хороо хуралдаж төрийн оролцоотой газрын тосны үйлдвэр барих асуудлыг хэлэлцлээ. Үйлдвэр барих өртөг нь 2.5 тэрбум ам.доллар бөгөөд Монголын эдийн засаг эрчимтэй хөгжих юм бол энэ үйлдвэр зардлаа нэг юм уу, хоёр жилийн дотор нөхөөд, ашигтай ажиллах бололцоотой гэж урьдчилсан байдлаар тооцжээ. Харин үйлдвэрт ашиглах түүхий нефтийг одоогийн байдлаар ОХУ-аас авна гэсэн санал байгаа ч бензинээ энэ улсаас авахгүй гэж үйлдвэр барьж байгаа болохоор барын амнаас гараад арслангийн аманд орно гэсэн үг болно. Түүхийн нефтийн хомсдол болж, үнэ нь нэмэгдвэл бас л “ах” нарыгаа царайчлах хэрэг гарах тул энэ саналыг хурлаар оруулсан ажлын хэсгийнхэн аль болох Монголын компаниудыг дэмжих хүсэлтэй байгаагаа хэлсэн юм. Түүхий нефтиэ өөрсдөө гаргаж, үйлдвэрээ хангадаг болбол бензиний үнээс болж эдийн засаг хэлбэлзэж, ганхахаа болино. Иймд Засгийн газрын зүгээс хувийн компаниудад баталгаа гаргаж өгч, хөрөнгө мөнгөний тал дээр туслахаар амлаад байгаа юм.
Одоогоор энэ үйлдвэр хэзээ баригдаж эхлэх нь тодорхойгүй байгаа. Гэсэн ч Хятад, Германы хөрөнгө оруулагчид болон дотоодын хэд хэдэн компани хамтран ажиллах, хувь эзэмших саналаа гаргаад байна. Хамгийн гол нь энэ төсөлд оролцох компаниуд техник, эдийн засгийн үзүүлэлтээ сайн гаргах хэрэгтэй гэж ажлын хэсгийнхэн анхаарууллаа.
Б.Баярмаа
Өнөөдөр УИХ-ын байнгын хороо хуралдаж төрийн оролцоотой газрын тосны үйлдвэр барих асуудлыг хэлэлцлээ. Үйлдвэр барих өртөг нь 2.5 тэрбум ам.доллар бөгөөд Монголын эдийн засаг эрчимтэй хөгжих юм бол энэ үйлдвэр зардлаа нэг юм уу, хоёр жилийн дотор нөхөөд, ашигтай ажиллах бололцоотой гэж урьдчилсан байдлаар тооцжээ. Харин үйлдвэрт ашиглах түүхий нефтийг одоогийн байдлаар ОХУ-аас авна гэсэн санал байгаа ч бензинээ энэ улсаас авахгүй гэж үйлдвэр барьж байгаа болохоор барын амнаас гараад арслангийн аманд орно гэсэн үг болно. Түүхийн нефтийн хомсдол болж, үнэ нь нэмэгдвэл бас л “ах” нарыгаа царайчлах хэрэг гарах тул энэ саналыг хурлаар оруулсан ажлын хэсгийнхэн аль болох Монголын компаниудыг дэмжих хүсэлтэй байгаагаа хэлсэн юм. Түүхий нефтиэ өөрсдөө гаргаж, үйлдвэрээ хангадаг болбол бензиний үнээс болж эдийн засаг хэлбэлзэж, ганхахаа болино. Иймд Засгийн газрын зүгээс хувийн компаниудад баталгаа гаргаж өгч, хөрөнгө мөнгөний тал дээр туслахаар амлаад байгаа юм.
Одоогоор энэ үйлдвэр хэзээ баригдаж эхлэх нь тодорхойгүй байгаа. Гэсэн ч Хятад, Германы хөрөнгө оруулагчид болон дотоодын хэд хэдэн компани хамтран ажиллах, хувь эзэмших саналаа гаргаад байна. Хамгийн гол нь энэ төсөлд оролцох компаниуд техник, эдийн засгийн үзүүлэлтээ сайн гаргах хэрэгтэй гэж ажлын хэсгийнхэн анхаарууллаа.
Б.Баярмаа
