Хууль зүйн байнгын хорооны хуралдаан үргэлжилж байна. Хуралдаанаар Шүүхийн ерөнхий зөвлөлийн шүүгч бус гишүүнд нэр дэвшигчийн томилгооны сонсголыг явуулж байгаа юм. Сонсголыг УИХ-ын гишүүн Н.Алтанхуяг даргалж байна.
Шүүхийн ерөнхий зөвлөлийн шүүгч бус гишүүнд дөрвөн хүн нэр дэвшиж байна.
- Х.Эрдэм-Ундрах - 2020-2025 онд Хууль зүйн үндэсний хүрээлэнгийн захирлаар ажиллаж байсан. Одоо МУИС-ийн Хууль зүйн сургуульд гэрээт профессороор ажилладаг.
- Ч.Баянжаргал - Нотариотчидын холбооны ерөнхийлөгчөөр ажиллаж байсан.
- Ц.Жавхлантөгч - 23 жил хууль зүйн зөвлөгөө үзүүлэх салбарт ажиллаж байгаа.
- Ч.Өнөржаргал - 2019 оноос хойш Өмгөөллийн компани үүсгэн байгуулаад захирлаад ажиллаж байгаа. Дээрх нэр дэвшигчид хуулийн шаардлагын дагуу эрүүгийн хариуцлага хүлээж байгаагүй, улс төрийн намын удирдах албан тушаал хашиж байгаагүй байна.
