УИХ-ын чуулганы хуралдаан үргэлжилж байна. Хуралдаанаар Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. Энэ үеэр УИХ-ын гишүүн Х.Тэмүүжин асуулт асууж, үг хэллээ. 

Тэрбээр "Нийгэмд ухаалаг бус, чирэгдэл гомдол ихтэй, хүнд суртал ихтэй байдлууд гараад байхаар авлига гараад байгаа юм. Үүнийг зогсоохын тулд зөвшөөрлийн тухай хуульд өөрчлөлт оруулах гэж байгааг дэмжиж байгаа. Гэхдээ судалгаатай хийхгүй бол эрсдэл гарч байгаа. 2017 оны өөрчлөлт дээр галт зэвсгийг давсан зүйлийг хуульчилсан. Үүнээс болж гааль дээр хэрүүл гарсан. Амьдралд байдаг зүйлүүдийг судалж байж, хуулийг хийх хэрэгтэй. Ийм хууль хийчихээр иргэд асуудлаа шийдэж чадахгүйд хүрнэ. Асуудлаа шийдэхийн тулд авлига өгнө" гэв.