Жил бүрийн нэгдүгээр сард болдог дэлхийн эдийн засгийн Давосын энэ жилийн уулзалтад Монгол Улсын Ерөнхий сайд Г.Занданшатар, Сангийн сайд Б.Жавхлан нар оролцохоор болжээ.

“Давос 2026” “Харилцан ойлголцол-Хамтын ажиллагаа” уриан доор нэгдүгээр сарын 19-23-нд болно. Уулзалтаар дэлхийн улс орнууд цаашид эдийн засаг, технологи, нийгэм, байгаль орчны сорилтуудыг хамтдаа хэрхэн шийдэх талаар хэлэлцэнэ.

Өнгөрсөн жилийн Давосын уулзалтад Монгол Улсын Шадар сайд Т.Доржханд оролцож сэргээгдэх эрчим хүчний боломж, хөрөнгө оруулалтын түншлэлийн талаар танилцуулж байсан юм.

Ташрамд дурдахад, Давосын энэ удаагийн уулзалтад АНУ-ын Ерөнхийлөгч Доналд Трамп оролцож шинэ орон сууц, төсвийн асуудлаар илтгэл тавихаар төлөвлөсөн талаар мэдээлэл байна.

А.Сүх