Монгол Улсын Үндсэн хуулийн брайл үсгээр хэвлэсэн хувилбар номын нээлт болж байна. Энэ үеэр УИХ-ын дарга Н.Учрал үг хэллээ. 

Тэрбээр "Үндсэн хууль бол төр, нийгмийн гэрээ. Монгол Улсын иргэн бүрд байх ёстой эрх, эрх чөлөөг хуульчилж өгснөөрөө эрх чөлөөгөө сахин хамгаалах боломжийг хүртдэг. Тийм ч учраас Үндсэн хууль бол төрд эрх мэдлийг төвлөрүүлэх гэсэндээ биш, иргэддээ эрх эрх чөлөөг эдлүүлэх гол зорилготой. УИХ-аас Үндсэн хуулийг түгээн дэлгэрүүлэх ажлыг хийж ирсэн. Энэ жилийн үндсэн хуулийн өдөрт зориулан Монгол Улсын Үндсэн хуулийн брайл үсгээр хэвлэсэн хувилбарыг хүргэж байна. Энэ брайл үсэгтэй хувилбарын Монголын хараагүйчүүдийн дэргэдэх брайл үсгийн хэвлэлийн газар хэвлэлээ. Харааны бэрхшээлтэй иргэддээ зориулаад Үндсэн хуулийг хурууны өндгөөр унших бололцоог олгож өгч байна" гэв.