Засгийн газрын ээлжит хуралдаанаас гаргасан шийдвэрийг танилцуулж байна. Энэ үеэр Эрчим хүчний сайд Б.Чойжилсүрэн дараах мэдээллийг өглөө.
Тэрбээр "Өчигдрөөс эхлээд хязгаарлалт хийсэн. Нэгдүгээр сарын 20-ны өглөө ТЭЦ4-ийн наймдугаар зуухан дээр улиалт гарсан. Зогсоохоос өөрцгүй шаардлага үүссэн. Үүний дараа засвар хийж эхэлсэн. Өнөөдөр өглөө 9:46 минутанд буцаад сүлжээнд залгасан. Энэ хооронд 100 мвт цахилгаан эрчим хүчний хомсдол үүссэн. Нөөц тоноглолгүй ажиллаж байгаа учраас тэр тоноглол дээр хязгаарлалт хийх нөхцөл байдал үүссэн.
Хоёр дахь хүндрэл бол, бөөрөлжүүлэлтийн цахилгаан станц дээр. Цахилгаан станц руу орох хэсэг дээр нүүрс хөлдөж эхэлсэн. Үүнээс шалтгаалаад 300 мвт-ийн хүчин чадалтай ажиллаж байсан бөөрөлжүүлэлтийн цахилгаан станц 120 мвт-ийн хүчин чадалтай ажилласан. Ийм хоёр хүндрэл гарсан. Өчигдрөөс эхлээд бид 160 мвт-ийн хязгаарлалт хийсэн. Цагийн дараагаас эхлээд гайгүй болох байх" гэв.
Д.Батчулуун
