Ухаа худаг, Нарийнсухайт, Тавантолгойн бүлэг ордын нэг Барууннаран болон “Ачит ихт” компанийн эзэмшиж буй Эрдэнэтийн зэсийн үүсмэл ордын өгөөжийн 60 хувийг ард түмэнд хүртээх урьдчилсан тохиролцоонд хүрсэн хэлцэлд талууд гарын үсэг зурж байна. Энэ үеэр Ерөнхий сайд Г.Занданшатар үг хэллээ. 

Тэрбээр "Компаниуд суурь зарчмуудаа харилцан тохиролцож, тодорхой үр дүнд хүрснээ илэрхийлж өнөөдрийн энэ бичиг баримтыг байгуулж байна. Гол зүйл нь Стратегийн орд газрын өгөөжийн 51-ээс дээш хувиас дээш хувийг ард иргэдэд ноогдож байх зарчмыг давуулан биелүүлж, 60 хувийг ард иргэдэд ноогдож байхаар тооцоод байна. Хэлэлцээрийн үед Засгийн газар хувийн хэвшлийн компаниудынхаа хувийг нээлттэй сонсож, үйл ажиллагаанд нь дарамт шахалт үзүүлэхгүй байхаар ажиллана" гэв.