Монгол Улс 2026 оны наймдугаар сард нийт 271,910 тонн шатахуун импортлохоор төлөвлөжээ. 

Засгийн газрын мэдээлснээр, импортын дийлэнх хувийг ОХУ-аас нийлүүлэх бөгөөд Роснефть компаниас 49,280 тонн АИ-92, 1,280 тонн АИ-95 автобензин, 89,930 тонн дизель түлш импортлох юм. Мөн Нефтехимсервис компаниас 31,600 тонн дизель түлш, бусад нийлүүлэгчдээс 9,700 тонн Евро АИ-92, 27,700 тонн дизель түлш, 8,420 тонн Евро дизель түлш авахаар төлөвлөжээ.

Үүнээс гадна БНСУ-аас 20,000 тонн Евро АИ-92, 20,000 тонн дизель түлш, 5,000 тонн онгоцны түлш импортлохоор болсон байна. Мөн БНХАУ-аас 6,000 тонн АИ-92, АИ-95 автобензин, 1,000 тонн Евро дизель түлш, 2,000 тонн онгоцны түлш импортлохоор төлөвлөжээ. Ингэснээр наймдугаар сард ОХУ, БНСУ, БНХАУ-аас нийт 271,910 тонн шатахуун импортлон дотоодын хэрэгцээг хангахаар ажиллаж байгаа аж.