Өнөөдөр Монгол эрсээрээ бахархах өдөр гэж хэлж болно. Тиймээс 24tsag.mn сайт 24 сайхан залуусаараа бахархаж байна. Энд эрэмбэ, дараалал тогтоогоогүй
гэдгийг сануулья. Энэ даршрамд эх орноо хамгаалах, хөгжүүлэх, мандуулах ариун үйлсэд
залуу халуун нас, эрч хүч, эрдэм боловсролоо харамгүй зориулсан эрчүүддээ баярын мэнд хүргэе.
Х.Баттулга бол Монгол Улсын гавъяат тамирчин, самбо бөхийн дэлхийн аварга тамирчин төдийгүй сайн улстөрч, бизнесмен. Бөхчүүд бизнес эрхэлбэл тун овсгоотой, зах зээлийн мэдрэмжтэй гэдэг. Энэ нь богино хугацаанд оновчтой шийдвэр гарган ялалт байгуулдаг мэргэжлийн онцлог гэж судлаачид хэлснийг нотолсон хүн бол Халтмаагийн Баттулга юм.
Жүжигчин Г.Эрдэнэбилэг: Сайхан эрийн дүр болгонд сонгогддог
сүйхээтэй залуу. Тэрээр авьяас чадвар, монгол эрийн дүр төрх, донжтой стиль гээд бүх зүйлийг төгс зохицуулж чаддаг.
Жүжигчин Ц.Цэрэнболд: Нүдэнд дулаахан сайхан төрх нь түүний имиж.
Жүжигчин Т.Бархүү: Түүнийг бүсгүйчүүд сайхан залуу гэж ярьдаг. Үнэхээр сайхан үгүйг нь энэ зургаас харна уу.
МУГТ, олимпийн хос медальт Н.Түвшинбаяр: Монголын спортын түүхэнд хосгүй амжилт гаргасан хүн бол яах аргагүй Н.Түвшинбаяр билээ. Бие хаа жигд, нүдэнд дулаахан төрхтэй түүнийг
сайхан эр хүн хэмээн хүмүүс ярьдаг.
УИХ-ын гишүүн С.Баярцогт: УИХ-д дөрөв дэх удаагаа сонгогдсон
С.Баярцогтыг шаргал ордонд суудаг хамгийн сайхан залуу хэмээн
бүсгүйчүүд битүүхэндээ дүгнэдэг. Улс төрчид дундаас түүнийгээ царайгаараа "дийлэх" хүн одоогоор гараагүй байна.
Монгол Улсын гарьд Ж.Бат-Эрдэнэ: Дөрвөн ч том ой давхацсан наадмаар
одтой барилдсан бөхчүүдийн нэг бол Говь-Алтай аймгийн Цээл
сумын харьяат, улсын гарьд Ж.Бат-Эрдэнэ. Уран мэх, үзүүштэй
барилдаанаараа үзэгчдийг шуугиулсан түүнд бүсгүйчүүд талтай байдаг гэх юм.
Жүжигчин СТА, С.Болд-Эрдэнэ:Найруулагч аавынхаа авьяасыг
өвлөсөн С.Болд-Эрдэнийг хүмүүс “алт” шиг мэдрэмжтэй, авьяастай
залуу гэж үнэлдэг. Тэрээр 50 гаруй жүжиг, 10 хол гарсан кинонд
амжилттай ажиллаж, дүр бүтээжээ.
Архангай аймгийн Батцэнгэл суманд төрсөн Даян аварга Г.Өсөхбаярыг сайн ч бөх, сайхан ч эр гэлцдэг. Даян аварга Н.Жамьян аваргын ач хүү Г.Өсөхбаяр
бөхийн бүх шинжийг агуулсан сэтгэл сэргээсэн хийморилог нэгэн.
Даян аварга А.Сүхбат: 1990-ээд оны сүүлээр бөхийн хорхойтнуудыг суудал
дээр нь өндөлзүүлсэн уран хурц барилдаантай залуу бөх гарч ирсэн нь
ирээдүйн Даян аварга А.Сүхбат байв. Түүнийг Монгол бөхийн зүлэг ногоон
дэвжээн дээр ирснээс хойш үзэгчдийн суудал битүүрч, чухам л Монгол
бөхийн өргөөг нураах шахам хашгирч, алгаа хорстол ташдаг байсан цаг
саяхан.
“Guys” хамтлагийн дуучин М.Мягмар: Цагтаа олон сайхан дуугаараа
залуусыг байлдан дагуулсан “Guys” хамтлагийн дуучин Мийгааг монгол төрхтэй сайхан залуу гэж хэн хүнгүй хэлэх юм билээ. Тэрээр энэ жил "Ану хатан" түүхэн кинонд Галданбошигт хааны дүрийг амжилттай бүтээжээ.
СТА, дуучин Б.Амархүү: Монголчууд түүнийг хөөрхөн ааштай, соёлтой
залуу гэж дүгнэдэг. Залуугаасаа амжилтад хүрч чадсан энэ залууд олон
охин ам сайтай байдаг.
МУГТ, Х.Цагаанбаатар: Манай улсын урдаа барьдаг шилдэг жүдочдын нэг
Х.Цагаанбаатар. Яалт ч үгүй монголчуудын бахархалын нэг болсон эр хүн мөн.
Дуучин Д.Болд: Залуусыг байлдан дагуулсан, гайхалтай хөдөлмөрч Д.Болдоос үлгэрлэх зүйл олон. Тэрээр үргэлж эрч хүчээр дүүрэн байж шинийг санаачилдаг.
МУ-ын хөдөлмөрийн баатар, Дархан аварга, УИХ-ын гишүүн Б.Бат-Эрдэнэ бол Монгол бөхийн түүхэн дэх бахдам амжилтын эзэн билээ. Тэрээр улсын наадамд 13 удаа, Цагаан
сарын барилдаанд 12 удаа түрүүлж байсан. Түүний энэ амжилтыг өнөөдөр хэн
ч эвдээгүй байна.
Олимпийн аварга Э.Бадар-Ууган: Монголын боксын түүхэнд өмнө нь гаргаж
байгаагүй их амжилтын эзэн.
Өөрийн өвөрмөц царай, дүр төрхөөр кино урлагт дүрээ мөнхөлсөн энэ эр
Чингис хаан, баатарын дүрийг нэгэнтээ бүтээж явсан. Загвар өмсөгчөөс
дутахааргүй царайлаг залуу чанартай уран бүтээлд л хүч үздэг чансаатай
жүжигчин.
МУГЖ, балетчин Ж.Алтанхуяг: МУГЖ, дэлхийн сонгодог урлагийн томоохон
тайзыг эзэгнэж яваа бvжигчин Д.Алтанхуяг. Тэрээр Орос, Канад, Япон,
Италийн шилдэг бүжигчдээс уран хөдөлгөөн, өвөрмөц техникээрээ ялгардаг.
Жүжигчин Б.Амарсайхан: "Намайг Амраа" гэдэг хэмээн өөрийгөө сурталчилж олонд танигдсан жүжигчин Б.Амарсайхан. "Боолын гэрээ"
,"Бодлын хулгайч" зэрэг чансаатай уран бүтээлд тоглосон түүнийг энэ
цагийн кино урлагийн өнгө төрхийг тодорхойлогч гэж хэлж болно.
МУГЖ Ц.Төмөрбаатар: Монгол кино урлагт бахдам амжилт гаргаж, өөрийн гэсэн өнгө төрх, орон зайг шингээж чадсан эгэлгүй их авьяастаны амьдрал, алхаа гишгээ бүр бусдад сонин.
Япон улсын үндэсний бөх сүмогийн дэвжээг доргиож явсан Асашёорюү
Дагвадоржийг хийморьтой, хүчтэй тэнхээтэй сайхан монгол эр гэдгийг хэн
хүнгүй мэднэ. Тийм ч учраас тэр манай үеийн сайхан эрсийн жагсаалтад
багтаж байна.
Улсын заан Д.Рагчаа: Монгол бөхийн энэ цагийн өнгийг тодорхойлж яваа хүчтэнүүдийн нэг бол Архангай аймгийн Булган сумын харъяат Монгол Улсын заан Дамбийн Рагчаа юм.
БШУ-ны сайд Л.Гантөмөр: УИХ-д Нийслэлийн Сүхбаатар дүүрэгт АН-аас нэр дэвшин гурав дах удаагаа сонгогдон, Боловсрол, Шинжлэх ухааны яамны сайдаар ажиллаж байгаа. Тэрээр Монгол төрийн залгамж халаа, шинэ залуу, өндөр боловсролтой улс төрчдийн нэг хэмээн хүмүүс ярих юм билээ.
Дуучин Х.Лхагвасүрэн: “Харанга” хамтлагын нэрээр 20 гаруй жил овоглосон Х. Лхагвасүрэн бол бидний мэддэг хэрнээ мэддэггүй эрхэм. Х.Лхагвасүрэнг хар савхи, хар шилтэйгээр нүдэндээ төсөөлөх ч дууг нь сонсоод өөр мэдрэмжээр “амьсгалдаг” хүн олон. “Харанга”-ын Лхагваа хэвлэлийнхэнд тун цөөхөн “олзлогддог”, тэр хэрээрээ нууцлаг хүмүүн юм.
24tsag.mn
Сэтгэгдэл (51)