Дэвид Бекхэм. Энэ нэр өөрөө брэнд. Бэкхэм бол зөвхөн хөл бөмбөгч биш. Энэ бол сурталчилгааны дүр, хувцасны дизайн, секс символ, үндэсний баатар юм. Бэхкэм яаж Бэкхэм болсон 24 фото баримтыг хүргэе.
2. Дэвид Бекхэм зөвхөн дур булаам эр биш хүнлэг сайхан хүн. “Пари Сен-Жермен” клубтэй хийсэн гэрээнийхээ бүх мөнгийг тэр сайн үйлсийн санд хандивлаж байсан билээ.
3. Дэвид Бекхэм эхнэрээсээ дутахыг хүсдэггүй. Эхнэр Виктория Бекхэм (Victoria Beckham) шигээ өөрийн нэртэй хувцасны брэнд гаргажээ. Гэхдээ “Бэкхэм” бол дотуур болон спорт хувцас.
4. Дэвид Бекхэм өөрийн нэрээр бас үнэртэй ус гаргажээ. Мэдээж хамгийн гол шинжээч нь эхнэр Виктория.
5. Битлз, Шерлок Холмс шиг үндэсний билэг тэмдэг учраас Хатан хааны банк түүний дүрийг 10 паундын зоосон дээр мөнхлөх санал тавьжээ.
6. Испаний “Эросын нулимс” хэмээх бэлгэвчний сурталчилгааны дүр төрх хэн бэ?
7. Тэр биен дээрээ 17 шивээстэй. Brooklyn, Cruz, Romeo гээд 3 хүүгийнхээ нэр, Иисусын дүр, эхнэр Виктория Бекхэмийн самгардиар бичсэн нэр, хөрөг гээд цуварч өгнө. Хамгийн сүүлд охин Харпер Севеныхаа нэрийг эгэм дээрээ шивүүлжээ.
8. Бекхэм Британы офицерийн одонтой, ЮНИСЕФ-ийн сайн санааны элч.
9. Хөл бөмбөгийн домог болсон энэ эр “Манчестер Юнайтед”, “Престон Норт Энд”, “Реал”, “Милан”, “Лос-Анджелес Гэлакси” гээд олон багт тоглож ирсэн юм.
10. Хятадын шүтэн бишрэгчдийнхээ өмнө алдарт баруун гуяддаг цохилтоо хийх гэж байгаад мань эр бөмбөгөө онолгүй уначихсан юм. Бекхэмийн тухай алдарт хөл бөмбөгч Жорж Бест “Цаадах чинь зүүнээр өшиглөж чадахгүй, толгойгоор тоглож чадахгүй, бөмбөг булааж чадахгүй, гоол цөөн хийдэг. Бусдаар бол тун сайн залуу” гэсэн байдаг.
11. Бэкхэм эмэгтэчүүдийн ELLE сэтгүүлийн хавтсан дээр гарсан анхны эрэгтэй хүн болсон юм. Лондонгийн олимпод зориулсан дугаарт зориулж тус сэтгүүл ийм хачирхам шийдвэр гаргасан нь алдаагүй гэдэг.
12. Түүний гол орлого нь сурталчилгаанаас орж ирдэг. Burger King, Pepsi, H&M гээд хөвөрнө...
13. Зөвхөн гадаад төрхөөрөө биш дотоод сэтгэлээрээ хүүхнүүдийн зүрхэнд хутга дүрдэг хүн бол Бэкхэм. Хагас бүтэн сайнд ээж аав, эмээ өвөөгөө эргэдэг сайн хүү гээд л...
14. Гурван хүү, нэг охинтой Бэкхэм бол сайн аав. Лондонд эгэл жирийн иргэдтэй хамт гулгуур дээр хүүхдээ тоглуулж явахыг нь ч харж болно.
15. Дөрвөн хүүхдийн ээж аав болсон Дэвид, Виктория хоёр одоо ч халуун хосууд бөгөөд англичууд тэднийг үлгэр жишээ, нэр цэвэр гэр бүл гэдэг.
16. Гэхдээ баян хүнийг балаг тойроогүй. Ирма Ничи хэмээх биеэ үнэлэгчтэй нэр холбогдон олон сараар шүүхийн хаалга татахад нь хамгийн үнэнч өмгөөлөгч нь Виктория байлаа.
17. Үс зүсээ бараг сард нэг өөрчилдөг Бэкхэм хамгийн сүүлд шадар цэрэг шиг сахал тавьжээ.
18. Энэ зууны хамгийн цуутай хуримын нэг ханхүү Уильям, Кейт Миддлтон хоёрын ёслол Дэвид Бекхэм, Виктория хоёргүй болоогүй нь мэдээж.
19. Лондон-2012 олимпийн наадамд Дэвид Бекхэм хатан хаан II Елизавета, Джеймс Бонд – Дэниел Крейг нараас дутахгүй чухал үүрэгтэй оролцсон юм. Түүний залуурдсан завин дээр олимпийн бамбар Англид иржээ.
20. Их спортын дараа тэр фото зургаар хичээллэх бололтой. Үнэтэй аппаррат, нэртэй багштай болсон гэнэ.
21. Тэр тансаг амьдарч сурсан хүн. 2013 оны зул сарын амралтаар Мальдивын арал руу гэр бүлээрээ амрах гэж явахдаа 400 мянган доллар заржээ. Түүнй хобби бол серфинг.
22. Од хүн одтойгоо л найзалдаг бололтой. Хоёр том хүүгийнх нь загалмайлсан эцэг Элтон Жон. Мөн Том Круз, ханхүү Уильям, Гарри нар түүний найзууд.
23. Обама цагаан ордонд “Лос-Анджелес Гэлакси” багийнхантай уулзах үеэрээ түүний дотуур хувцасны брэндийг дайруулж “чалхтай эр” гэж шоглосон гэдэг.
24. “Пари Сен-Жермен”-ий 5 сарын гэрээгээ дуусгаад яах нь одоогоор тодорхойгүй байна. Гэхдээ тэрээр Бразилд 2014 онд болох дэлхийн аваргад үндэснийхээ шигшээ багийн бүрэлдхүүнд тоглон гоол хийчихээд спортоо орхино гэж мэдэгджээ. Гэхдээ тэр үед мань эр 39-тэй байх болно.
