Өнөөдрийн гадаад валютын дуудлага худалдаагаар банкууд 11.0 сая ам.доллар худалдах, 20 сая юань худалдан авах санал тус тус ирүүлсэн бөгөөд Монголбанк энэ удаагийн арилжаанд оролцоогүй болно.
    Банкууд 12.3 сая ам.доллар худалдан авах, 10 сая ам.доллар худалдах своп, форвард санал, 20 сая юанийн своп хэлцэл хийх санал тус тус ирүүлж, Монголбанк юанийн своп хэлцлийг 100 хувь биелүүлэв.
    Гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.