БАРИМТ 1
Яков Милатович 1986 оны 12 дугаар сарын 7-нд Монтенегрогийн нийслэл Подгорица хотод төрсөн. 2023 оны тавдугаар сарын 20-нд Ерөнхийлөгчийн албан тушаалаа хүлээн авсан бөгөөд тухайн үедээ 36 настай байв.
БАРИМТ 2
Мэргэжлээрээ эдийн засагч Тэр Монтенегрогийн Их сургуулийн Эдийн засгийн факультетийг 10 гэсэн дүнгийн дундажтай, үеийнхнийхээ шилдэг оюутнаар төгссөн.
БАРИМТ 3
Оксфордод эдийн засгийн чиглэлээр магистр хамгаалсан Милатович Их Британийн Оксфордын их сургуульд эдийн засгийн чиглэлээр магистрын зэрэг хамгаалсан бөгөөд Британийн Засгийн газрын Chevening тэтгэлэгт хамрагджээ.
БАРИМТ 4
Нэг биш, хэд хэдэн улсын их сургуульд суралцсан Тэр АНУ-ын Иллинойс мужийн их сургуульд нэг жил, Австрийн Вена хотын Эдийн засаг, бизнесийн их сургуульд нэг семестр, Италийн Ромын Ла Сапиенца их сургуульд нэг жил тус тус тэтгэлгээр суралцсан байна.
БАРИМТ 5
Олон улсын байгууллагад ажилласан туршлагатай Милатович улс төрд орохоосоо өмнө Европын Сэргээн Босголт, Хөгжлийн Банк (EBRD)-нд эдийн засаг, улс төрийн шинжилгээний чиглэлээр ажиллаж байжээ.
БАРИМТ 6
EBRD-д Зүүн Өмнөд Европ болон Баруун Балканы эдийн засгийг судалж байсан Түүний ажил зөвхөн Монтенегрогоор хязгаарлагдаагүй. Зүүн Өмнөд Европ, Баруун Балканы орнуудын эдийн засгийн нөхцөлд дүн шинжилгээ хийж байсан бөгөөд 2018–2020 онд Бухарест хотод Румын, Болгар, Хорват, Словенийн ахлах эдийн засгийн шинжээчээр ажилласан.
БАРИМТ 7
Улс төрд орохоосоо өмнө банкны салбарт ажиллаж байв Тэр Монтенегрогийн NLB Bank-д эрсдэлийн удирдлагын чиглэлээр, дараа нь Франкфурт дахь Deutsche Bank-д Төв болон Зүүн Европын орнуудын зээлийн эрсдэлийн үнэлгээний чиглэлээр ажиллажээ.
БАРИМТ 8
2020 онд Эдийн засгийн хөгжлийн сайд болсон 2020 оны арванхоёрдугаар сард Здравко Кривокапичийн тэргүүлсэн 42 дахь Засгийн газарт Эдийн засгийн хөгжлийн сайдаар томилогдсон.
БАРИМТ 9
“Европ Одоо!” хөтөлбөрөөрөө улс төрийн танил болсон Тэр тухайн үеийн Сангийн сайд Милойко Спайичтай хамт эдийн засгийн шинэчлэлийн “Europe Now!” хөтөлбөрийг хэрэгжүүлсэн. Хөтөлбөр нь цалин, татвар, нийгмийн шимтгэл зэрэгт өөрчлөлт хийх замаар иргэдийн амьжиргааг дээшлүүлэхийг зорьж байв.
БАРИМТ 10
Тэр “Europe Now!” хөдөлгөөнийг өөрөө үүсгэн байгуулсан 2022 оны зургадугаар сард Милойко Спайичтай хамт “Europe Now!” улс төрийн хөдөлгөөнийг байгуулсан. Энэ хөдөлгөөн эдийн засгийн шинэчлэл, авлигатай тэмцэх, Европын холбоонд нэгдэх чиглэлийг гол зорилтуудаа болгожээ.
БАРИМТ 11
2023 онд 30 орчим жил улс төрд ноёрхсон ерөнхийлөгчийг ялсан 2023 оны Ерөнхийлөгчийн сонгуулийн хоёр дахь шатанд Милатович 58.88 хувийн санал авч, Монтенегрог олон жил удирдсан Милo Жукановичийг 41.12 хувийн саналтайгаар ялсан. Энэ нь Монтенегрогийн улс төрийн хувьд томоохон өөрчлөлт болсон.
БАРИМТ 12
Европын интеграц бол түүний Ерөнхийлөгчийн гол чиглэлүүдийн нэг Милатович Монтенегрог Европын холбоонд элсэх үйл явцыг хурдасгах байр суурийг идэвхтэй илэрхийлдэг. 2026 онд тэр Европын Парламентын чуулганд үг хэлж, Монтенегрогийн ЕХ-нд элсэх замын талаар онцлон ярьсан байна.
