Сонгинохайрхан дүүргийн 31 дүгээр хороо, Дунд нарангийн 18 дугаар гудамжинд амбаар шатаж байна гэсэн дуудлагын дагуу Аврах, гал унтраах 10 дугаар ангийн 1 дүгээр тасгийг гаргахад 2х3 метрийн хэмжээтэй амбаар шатаж байсныг унтраасан байна. Мөн Баянзүрх дүүргийн 16 дугаар хороо, Хайрцагны 24 айлын орон сууцны 1 дүгээр орцонд цахилгаан хуваарилах самбар шатаж байна гэсэн дуудлагаар Аврах, гал унтраах 63 дугаар ангийн тасгийг гаргахад цахилгааны тоолуур шатаж байсныг унтраажээ. Түүнчлэн,  Сонгинохайрхан дүүргийн 4 дүгээр хороо, Их нарангийн 1 дүгээр гудамжинд байшин шатаж байна гэсэн дуудлагыг 18:58 цагт өгснөөр Аврах, гал унтраах 26 дугаар ангийн тасгийг гаргахад 8х8 метрийн хэмжээтэй байшингийн дээврийн хэсэг шатаж байсныг унтраажээ.