Орхон аймгийн засаг дарга Д.Оюунбатыг ажлаас нь чөлөөлөх шийдвэрийг аймгийн ИТХ нь гаргажээ. ИТХ нь гурван өдөр хуралдаж ханцуйндаа наймаалцсаны эцэст ийм шийдвэрт хүрч өнөөдөр ерөнхий сайдад танилцуулахаар болсон байна. Д.Оюунбатыг төрийн мөнгө шамшигдуулж, хувьдаа ашигласан гэж үзэж байгаа юм. Харин түүний оронд, Орхон аймгийн дараагийн засаг даргын суудалд “Эрдэнэт” үйлдвэрийн Үйлдвэрлэл эрхэлсэн орлогч З.Ганбаатар, Ц.Бат-Энх, аймгийн Гаалийн газрын дарга Винтов нарын нэр яригдаж байгаа гэнэ. Энэ нэр дэвшигчид нь бүгд “Эрдэнэт” үйлдвэрийн захирал Ч.Ганзоригийн талын хүмүүс гэж баттай эх сурвалж хэлж байна. Тиймээс засаг даргыг буулгахад цаанаас нь удирдан багагүй үүрэгтэй оролцсон гэв. Тэгээд ч одоо байгаа Орхон аймгийн Засаг даргын тамгын газарт Ч.Ганзоригийн далбаан доор намирдаг Архангайнхан ажиллаж байгаа гэнэ. Ингээд толгой дээр нь өөрийн хүнээ залчихвал Орхон аймаг “Эрдэнэт”-ийн захирлын гарын үзүүрт хөдөлдөг болох нь. Тэрбээр 2012 оны сонгуульд нэр дэвшинэ гэж яригдаж байсан ч хүүгээ уугуул нутаг Архангайгаасаа “сойх”-оор болж, суудалдаа үлдсэн. Түүний хувьд Орхон аймгийн засаг даргад хүссэн хүнээ суулгачихвал ч УИХ-ын гишүүн болохоос илүү ашиг хонжоотой наймаа болох юм. Д.Оюунбатыг огцруулах нэг санал 50 сая төгрөг хүрсэн тухай хуралд оролцсон хүмүүс хэлж байна.
