Хар сармис нь эрүүл мэндийн нэмэлт бүтээгдэхүүн юм. Хар сармис нь огт хурц үнэргүй. Бүр зөөлөн чавга шиг амттай. Үүнийг хэдэн долоо хоноогийн турш хатааж, амт оруулагч нэмж хийдэг. Анх 2008 онд Америкийн ресторануудад хар сармисны тухай дуулиан дэгдэж байв. 2004 онд Солонгосын иргэн Скот Ким хар сармисыг нээж, Калифорнид үйл ажиллагаагаа эхлүүлсэнээс хойш дэлхий даяар түгжээ.
    Гэхдээ сармисны өвөрмөц амт нь алга болоогүй гэдгийг санах хэрэгтэй. Хар сармисны өөх, тос, уураг, төмөр, цайр, магни, натри зэрэг химийн элементүүд нь энгийн сармисаас 30 дахин их байдаг. Хамгийн гол нь хөгшрөлтийн эсрэг үйлчлэл нь 11 дахин их байдаг нь эрдэмтэд болоод үйлчлүүлэгчдийн анхаарлыг ихэд татдаг билээ. Полифенол буюу хөгшрөх үйлчилгээг сааруулдаг энэхүү химийн бодис нь энгийн сармисаас 20 дахин илүү байдаг ажээ. Мөн антиоксидантаар баялаг тул эрч хүч бэлэглэнэ гэдэгт итгэдэг байна.
    Мөн цусны эргэлтийг сайжруулж, зрх судасны өвчнөөс урьдчилан сэргийлэн чалх сайжруулдаг гэж үздэг.

    Энэ бүх “ид шид” ямар процессоор бий болоод байна вэ гэдэг асуулт урган гарч магадгүй. Гэхдээ их энгийн. Зүгээр л байгальд ургасан сармисыг элдэв бодисгүйгээр тусгайлан тохируулсан исгэх зууханд, химийн ямар нэгэн бодис холилгүйгээр 90 хонуулахад л энэ “ид шид” бий болдог аж. Урт хугацаанд исгэж болгосон сармисан дахь уураг нь 18 төрлийн аминдэм болдог бөгөөд тэрхүү аминдэм нь  энгийн сармиснаас 6 ба түүнээс дээш дахин, антиоксидант, полифенол агуулга нь 5-10 дахин, хөгшрөлтийн эсрэг үйлчлэл нь 10 дахин их байдаг. Товчхондоо эрүүл мэндэд тустай байдлаараа энгийн сармиснаас 30 дахин илүү байдаг ажээ.

    Эртний Хятад, Япон, Солонгос, Египетэд хар сармис хэрэглэдэг байсан гэвэл та итгэх үү? Энгийн сармис антиоксидантаар баялаг. Тэгвэл хар сармисанд хоёр дахин их хэмжээгээр агуулагддаг учир ужгирсан хууч өвчнөөс урьдчилан сэргийлдэг байна. Хар сармисыг төрөл бүрийн хоол хүнстэй хольж хэрэглэж болдог.