“Холбоотой байя” уриатай манай www.24tsag.mn веб сайт үүсгэн байгуулагдаад хоёр жил боллоо. Бид улс орон, цэнхэр дэлхийнхээ өнцөг булан бүрт болж буй үйл явдлыг түргэн шуурхай, үнэн бодитой, тэнцвэртэйгээр мэдээллэхийг зорьж уншигчдынхаа идэвхтэй оролцоо, санал хүсэлтэд тулгуурлан ажиллаж ирсэн. Олон хүний нөр их хөдөлмөрийн үр дүн, уншигчдынхаа идэвхтэй оролцооны ачаар бид хоёр жилийн дотор Монголын хамгийн их хандалттай шилдэг мэдээллийн сайтуудын дөрөвдүгээрт эрэмблэгдэх боллоо.
 
    Дэлхийд хүлээн зөвшөөрөгдсөн “Web Analytic system” болох “Amazon” компаний “Alexa” болон “Google Analytic”, “OWN”  зэрэг хандалт, судалгааны бие даасан системийн эрэмбээр үүнийг баталгаажуулж байна.

Монголын хамгийн их хандалттай шилдэг 5 веб сайтад
1.    Zaluu.com    
2.    Caak.mn
3.    News.mn
4.    24tsag.mn
5.    Gogo.mn бичигдэж байна.

    Өнгөрсөн хугацаанд бидэнтэй хамтран ажиллаж дэмжиж ирсэн хувь хүн албан байгууллагууд, нийтлэлч, зохиолчид, мэдээллийн эх сурвалжууд, найз веб сайтууд, нийт уншигчиддаа талархал илэрхийлье.

    Цаашид манай хамт олон мэдээллийн шуурхай байдал, олон эх сурвалж, тэнцвэртэй бодит анализийг хөгжүүлэхийн төлөө хичээн ажиллах болно. Бид тэргүүлэгч контент үйлдвэрлэгч, интернэт мэдээллийн эрин үеийн хөгжлийг тодорхойлогч Монголын нүүр царай болохыг зорьж веб сайтынхаа контент үйлдвэрлэл, програм хангамж, дизайны шийдэлд томоохон өөрчлөлт хийхээр бэлтгэж байна.

Үргэлж ХОЛБООТОЙ БАЙЯ!