БНХАУ-ын дарга Си Зиньпин манай улсад хоёр өдөр айлчиллаа. Түүний айлчлалын үеэрх анхаарал татсан сонирхолтой гэрэл зургуудыг хүргэж байна.
Си Зиньпин дарга нарлаг эх оронд маань хур бороо дагуулан ирсэн. Тэрээр онгоцноос буухдаа шүхрээ өөрөө барьж, гэргийгээ сугдан буусан нь эгэл хүн гэдгээ батлах мэт. Харин манай дарга нар шүхрээ өөрөө барьдаггүйг бид мэднэ.
Хятадын даргыг Ерөнхий сайд өөрийн биеэр угтан авав. Уг нь дипломат ёсонд ямар ч өндөр хэмжээний зочинг Гадаад харилцааны сайд угтаж мөн үддэг. Энэ нь манай улс түүний айлчлалд ямархуу ач холбогдол өгсөнийг гэрчилнэ.
Түүнийг угтан авах ажиллагаа ерөнхийдөө бороон дунд явагдсан гэж дээр дурдсан. Үүнд оролцсон бяцхан сурагчид бороонд багагүй норсон харагдана. Магадгүй хүүхдүүдэд өгөх шүхэр байгаагүй бололтой.
БНХАУ-ын дарга онгоцноос буух мөчид хуран цугларсан сэтгүүлчид болон хамгаалагчдын хооронд бяцхан зодоон өрнөжээ. За тэгээд нэрээ бодоо байлгүй тэмцэл нэг их удаан үргэлжлээгүй юм.
Си Зиньпин даргыг Төрийн тэргүүн Чингисийн талбайдаа угтан авав. Кабелийн сувгийн тетрийн алдаа дээрх үйл явдалд "Тулаан" хэмээх нэр өгчээ.
Энэ үеэр аюулгүй байдлыг дээд зэргээр бүрдүүлж ойролцоох бүхий л байшингийн дээвэрт тусгай хүчнийхэн заларчээ.
Мөн энэ үеэр манай улсад оршин суугаа Хятадын иргэд төв талбайд хуран цуглажээ. Магадгүй Си Зиньпин даргыг харах гэж цугласан бололтой. Аргагүй дээ. Харийн нутагт яваа хэн ч өөрийн улсын төрийн тэргүүнийг ирэхэд баярлах нь мэдээж юм.
Монголын төрийн гурван өндөрлөг гурвуулаа Ши жиньпин даргаас намхан байлаа. Угтаа бол монголчууд хятадуудаас нуруугаар илүү гэгддэг. Гэвч үүнээс улбаалаад монголчууд намхан гэдэг ойлголтыг Хятадын төлөөлөгчид авсан биз ээ.
Сайд нар нь хүртэл намхан.
Төрийн түшээдийн дунд нүүр тахалсан ханхар эр нь Н.Батбаяр сайд л байлаа.
"Монгол шуудан" компани БНХАУ-ын дарга Си Зиньпиний айлчлалд зориулан марк гаргажээ. Өмнө нь ямар ч өндөр хэмжээний зочинд зориулан марк гаргаж байгаагүй юм.
Мөн Монгол, Хятадын хамтарсан “Үү цай” дунд сургуулийн сурагчид түүний айлчлалд зориулан зураг зурсан бөгөөд тэдгээр зургуудаа Си Зиньпин даргад бэлэглэх хүсэлтэй байсан юм. Тэд зургуудаа өгч амжаа болов уу?
Хятадын дарга УИХ-ын хүндэтгэлийн чуулганд оролцов. Энэ үеэр нэгэн хөгжилтэй явдал болсон нь УИХ-ын даргын сураггүй алга болсон Алх юм. Тэрээр “Алх хаана байна. Алхаа мартсан байна” хэмээн хурсан олныг инээлгээд авав.
Манай чуулганы танхимд тусгайлан зассан хүндэтгэлийн индэр байхгүй. Иймд түүнийг индэргүй сандал дээр суулгасан нь эвгүй харагдаж байв. Ямартай ч монголчууд бид хүндэт зочноо хоймортоо суулгасан юм.
Си Зиньпин айлчлалынхаа төгсгөлд түүнд зориулсан бэсрэг наадмыг үзэж сонирхов. Наадмыг тайлбарлах үүрэг манай төрийн тэргүүнд оногджээ.
24tsag.mn
Сэтгэгдэл (21)