Хөдөлгөөний хомсдлоос үүссэн шохойжилт, гэмтэл бэртлээс авсан хүзүү нурууны өвчлөлүүд цөөнгүй байгаа бөгөөд ихэвчлэн илүүдэл жинтэй хүмүүс энэ өвчлөлд өртөмтгий байдаг юм байна.
Иргэдийн дунд их байдаг энэ өвчний талаар “Оргил” рашаан сувиллын мэргэжлийн эмчээс авсан мэдээллийг хүргэж байна.
Хүзүү нурууны бүтэц:
Нуруу нь хүзүүний долоон үе (C), цээжний 12 (T), бүсэлхий нурууны тав (L), ахар сүүлний хэсгээс бүрддэг. Суурь нь хэмтэй яс, бүрхүүл зөөлөн эд, хальс , нугалам хооронд нь мөгөөрсөн жийрэгтэй (диск), нугалмайн яс болон үе холбоосоор хамгаалагдсан нугас.
Нуруу яагаад хөшиж өвддөг вэ?
Хөдөлгөөн багасахаар мөгөөрс диск шохоождог. Мөгөөрс нь ясжина, ясны хэмтэй хэсэг нь алдагдахаараа хавчигдаад гэмтэхээрээ өвдөлт мэдрэгдэж эхэлнэ. Энэ нугалмуудын хооронд мөгөөрсөн диск байдаг бөгөөд үүний хажуугаар судсууд явдаг байна. Цусан хангамжийн дутагдлын улмаас хэмтэй хэсэгт тэжээл алдагдах мөн ямар нэгэн гэмтэл авахад нугалам хавчигдаж, хугарсны улмаас мэдрэлийн ёзоорууд хагардаг. Гэмтлийн гаралтай эсвэл хөдөлгөөний дутагдалд орсны улмаас мэдрэлийн ёзоорууд гэмтэж цочроод, нуруу бүсэлхийний өвдөлтүүд үүсдэг.
Хүний үе мөч хөдөлгөөнд орж чөлөөтэй байх ёстой. Байнгын суугаа ажилтай хүмүүсийн дунд хөдөлгөөний хомсдол өндөр байдаг бөгөөд нэг хэвэндээ удаан сууж, нуруугаа байнгын дарамтанд байлгахаар ачаалал өгч, өвдөлт мэдрэгдэж эхэлнэ.
Сэтгэгдэл (2)