Авлигатай тэмцэх газрын шаардлагын дагуу түрээсийн мопед, скутерийн үйл ажиллагаатай холбоотой нийслэлийн Засаг даргын 2026 оны А/387, А/552 дугаар захирамжийг 2026 оны 6 дугаар сарын 2-ны өдрийн А/820 дугаар захирамжаар хүчингүй болголоо.
Авлигатай тэмцэх газраас түрээсийн мопед, скутерийн үйл ажиллагаанд хяналт тавьж, хууль тогтоомжид нийцүүлэх зорилгоор холбогдох албан бичгийг нийслэлийн Засаг даргад хүргүүлсэн.
Уг албан бичгээр зорчих чиглэл, замын маршрутыг тодорхой болгох, зөвшөөрлийг Зөвшөөрлийн тухай хуульд нийцүүлэх, 18 нас хүрээгүй иргэд ашиглах боломжийг хязгаарлах, явган хүний замаар зорчуулахгүй байх техникийн шийдэл нэвтрүүлэх, бүртгэлжүүлэх, замын хөдөлгөөний аюулгүй байдлыг бүрэн хангах шаардлагыг тавьсан юм.
Дээрх нөхцөл, шаардлагыг бүрэн хангаж, холбогдох хууль тогтоомжид нийцүүлсний дараа үйл ажиллагааг үргэлжлүүлэхээр болсон байна.
Сэтгэгдэл (2)