МОХ өнгөрөгч хагас сайн өдөр Дархан-Уул аймагт ээлжит чуулганаа хийжээ. Энэхүү байгууллагын дүрмээр ерөнхийлөгч, хоёр дэд ерөнхийлөгчийг хоёр жил тутам дээрх чуулганаар сонгодог. Гэтэл энэ чуулган хэвлэлд мэдээллийнхэнд хаалттай болж өнгөрчээ.
МОХ-ны Ерөнхийлөгчийг сонгох болоход оюутан залуучуудын нэр дэвшүүлсэн тамхимийн гаднах нэр дэвшигчид болох “Номтой нөхөрлөе” клубийн үүсгэн байгуулагч Н.Хүлгэн, "Оюутан Залуусын Сайн Дурын нэгдэл"-ийн Ерөнхийлөгч Д.Батзориг, НАМОХ-ны ерөнхий нарийн бичгийн дарга Д.Гантулга, "Монгол залуу хүн" ТББ-ын тэргүүн А.Отгонбаатар нарыг чуулганд оруулж өрсөлдүүлэхгүй хэмээж МОХ-ны экс ерөнийлөгч Х.Батсайхан, түүний зөвлөх Н.Батбаяр, МОХ-ны дэд ерөнхийлөгч Д.Батчулуун нар танхимаас нэр дэвшиж, Х.Батсайхан нэрээ татаж, оюутнууд Н.Батбаяр, Д.Батчулуун хоёрын аль нэгийг сонгохоос өөр аргагүйд хүрсэн юм.
Үүнийг эсэргүүцсэн театрын гаднах оюутнууд “Оюутнуудын эрх ашгийн төлөө ажилладаг байгууллага хаалттай хаалганы цаана хуралдах ёсгүй. Ингэж будлиантуулж улс төржихөө болиоч ээ Батсайхан, Батбаяр, Алтаншагай, Жигжид нар аа” гэж орилолдож, танхимийн гаднаас нэр дэвшсэн дөрвөн хүнийг оруулахыг шаардаж цагдаа нар болон хамгаалагч нартай зөрчилдөж улмаар үймээн самуун дэгдсэн байна.
"Монголын оюутны эрх ашгийн төлөөх байгууллага байж гаднаас бид нарын нэр дэвшүүлсэн хүмүүсийг МОХ-ны Ерөнхийлөгчид өрсөлдүүлэхгүй, угсаа залгамжилсан хаан тодруулах гэж байгаа мэт МОХ дотроос заавал нэр дэвшүүлнэ гээд хоёр хүнийг өрсөлдүүлж байна. Ардчилсан нийгэмд амьдарч байж арай л шударга бус байна" хэмээн ХААИС-иас ирсэн төлөөлөл Б.Энх-Эрдэнэ хурлыг хаян гарч ирсэн ажээ.
Хаалттай хаалганы цаана үргэлжилсэн хурлын эцсийн шийдвэрээр МОХ-ны шинэ өрөнхийлөгчөөр Н.Батбаяр сонгогджээ. Тэрбээр МОХ-ны дэд ерөнхийлөгч. Д.Батчулуунтай 103, 103-ын харьцаатай тэнцэж, эцэст нь Х.Батсайхан санал өгснөөр тэргүүнээр сонгогдсон байна. Хоёр нэр дэвшигч урд нь зэрэгцэж зогсоод оюутнууд мандатаа аль нэгэнд нь өгөх замаар санал хураажээ.
Эх сурвалж: Photonews.mn
Эх сурвалж: Photonews.mn
Сэтгэгдэл (1)