БНХАУ-ын 2 иргэн  гадаад улсын банкны виза болон мастер картыг хуурамчаар үйлдэж, Монгол улсад ирээд  Сүхбаатар дүүргийн нутаг дэвсгэрт үйл ажиллагаа явуулдаг Итали зоогийн газрын “Хаан” банкны “Пос терминал” картын машиныг ашиглан 2014 оны 10 сарын 27-ны өдөр  хуурамч гүйлгээ хийж мөн Сүхбаатар дүүргийн нутаг дэвсгэрт байрлах “Хаан” банкны салбараас 40 сая төгрөгийг  өөрсдийн харилцах дансанд шилжүүлэн авсан гэмт хэрэг үйлдсэн талаар бид мэдээлж байсан.

Тэд энэ хэрэгтээ Монгол Улсын 3 иргэнийг ашигласан байдаг.

БНХАУ-ын иргэд энэ гэмт хэргийг үйлдэхдээ  хөрөнгө оруулалт хийнэ, хамтран ажиллана гэж итгүүлэн Монгол иргэдийн нэр дээр банктай гэрээ хийлгэж , пос терминал машин авахуулж түүгээрээ  хуурамч төлбөрийн картыг уншуулж мөнгө гаргуулан авч улмаар БНХАУ уруу гуйвуулдаг байна. Энэ асуудалд эрүүгийн хэрэг үүсгэн шалгаж байгаа юм

Тэгвэл түүнийг Урьдчилан хорих 461 дүгээр ангид саатуулаад байгаа бөгөөд одоогийн байдлаар түүний биеэс 36 карт хураагаад байгаа аж.

Дашрамд хэлэхэд, энэ он гарсанаас хойш гадаад иргэдийн цахим карт ашиглан бусдыг хуурч мэхэлсэн хэрэг зургаа бүртгэгдсэнийг албаныхан онцоллоо.