Ерөнхий сайд Н.Алтанхуягийг огцруулсан талаар Ройтерс агентлаг онцолжээ.
Монголын парламент алт, зэс, нүүрсний үнэ хямдарч, гадаадын шууд хөрөнгө оруулалт буурч, эдийн засгийн ноцтой уналтад орсон эгзэгтэй агшинд ерөнхий сайд Норовын Алтанхуягийг огцруулахын төлөө санал хурааж, огцрууллаа. Парламементын 66 гишүүний 34 нь огцруулахын төлөө саналаа өгсөнийг Монголын телевизээр үзүүлэв. Чуулганд оролцоогүй 10 гишүүний найм нь Алтанхуягийн эвслийнх ажээ.
Монголын Засгийн газар өнгөрсөн сард үймж, уул уурхай, гадаад харилцаа зэрэг 7 сайдаа огцруулсан билээ. Сөрөг хүчин болох МАН ерөнхий сайдыг огцруулахыг шаардаж байсан юм.
Байгалийн баялаг ихтэй, Орос-Хятадын дунд орших далайд гарцгүй энэ улсын улс төрийн тэмцэл цаашаа яаж эргэх нь эргэлзээтэй боллоо.
Парламент төсвийн төслийг хэрээс хэтэрсэн зардалтай, эдийн засгийн өөдрөг төсөөлөлтэй хэмээн шүүмжилсээр хоёр дахь удаагаа батлахаас татгалзсан юм. Монголын санхүүгийн тогтвортой байдлын хууль ирэх оноос бүрэн хэрэгжих эхлэх бөгөөд хуульд өр зээлийн хэмжээ дотоодын нийт бүтээгдэхүүний 40 хувиас доош байхыг заажээ. “Ирэх он гэхэд төрийн албан хаагчдын цалинг тавихад хүртэл хүндрэлтэй болох нь илэрхий” гэж Сант Марал судалгааны төвийн дарга Л.Сумати ярив.
Энэ онд гэхэд гадаадын хөрөнгө оруулалт 59 хувиар буурсан байна. Энэ хэцүү нөхцөл байдлаас гарахын тулд Оюутолгойн зэсийн уурхайтай холбоотойгоор Рио Тинтогийн “Turquoise Hill Resources”-той үүсгэсэн маргааныг шийдвэрлэх хэрэгтэй байна. Рио Тинто бүтээн байгуулалтын өртгийг хүлээн зөвшөөрөөгүй учир 2013 оны наймдугаар сард 5,4 тэрбум ам.долларын өртөгтэй газар доорх төслөө хэрэгжүүлэхээ түр хойшлуулсан ажээ. Уг нь Алтанхуяг сайд банкеруудтай төслийн санхүүжилтэд туслах 4 тэрбум ам.долларын асуудлаар ойлголцлын санамж бичигт гарын үсэг зурна гэж найдаж байжээ.
Хятад улс Монголын экспортын гол бүтээгдэхүүн болох зэс, нүүрсний 90 хувийг худалдаж авдаг гэж Синьхуа агентлаг мэдээлэв. Мөн гадаадын бизнес эрхлэгчдийн 49 хувь нь Хятадын иргэд байна.
Хятад улс Монголын экспортын гол бүтээгдэхүүн болох зэс, нүүрсний 90 хувийг худалдаж авдаг гэж Синьхуа агентлаг мэдээлэв. Мөн гадаадын бизнес эрхлэгчдийн 49 хувь нь Хятадын иргэд байна.
Сэтгэгдэл (11)