Ардчилсан намын Үндэсний зөвлөлдөх хорооны хурал эхнээсээ ширүүхэн өрнөж байна. Намын дарга Н.Алтанхуяг, ЗТБХБ-ын сайд Х.Баттулга хоёрын зөрчил хурцадсан нь хурлын оршлоос л харагдлаа. Н.Алтанхуяг, Д.Эрдэнэбат, Ш.Түвдэндорж нараар даргалуулсан хурал эхэлмэгц Х.Баттулга сайд “Тэргүүн шадар сайд та ингэж азаргалж болохгүй шүү. Хуралдааныг та гурваар даргалуулна гэж хэн шийдсэн юм бэ? Танхим дотроос даргалагчаа сонгож явуулъя” гэв.
Ардчилсан намын Үндэсний зөвлөлдөх хорооны хурал эхнээсээ ширүүхэн өрнөж байна. Намын дарга Н.Алтанхуяг, ЗТБХБ-ын сайд Х.Баттулга хоёрын зөрчил хурцадсан нь хурлын оршлоос л харагдлаа. Н.Алтанхуяг, Д.Эрдэнэбат, Ш.Түвдэндорж нараар даргалуулсан хурал эхэлмэгц Х.Баттулга сайд “Тэргүүн шадар сайд та ингэж азаргалж болохгүй шүү. Хуралдааныг та гурваар даргалуулна гэж хэн шийдсэн юм бэ? Танхим дотроос даргалагчаа сонгож явуулъя” гэв. Үүний хариуд намын дарга “Та намайг тэргүүн шадар сайд гэж харж байна уу, намын дарга гэдгээр харж байна уу? Өчигдөр олонхийн саналаар намын дарга, Нийслэлийн АН-ын дарга, ЕНБ дарга гурав даргалахаар болсон юм” гэж тайлбарлав. Энэ мэтээр ширүүхэн уур амьсгалтай эхэлсэн хурал зохион байгуулалт тааруухан байна. Хамгийн наад зах нь гишүүдийн тооллого явуулах, суудал байр эзлүүлэх гэх зэргийг цэгцлэх гэж баахан удав. Хуралдаан даргалагч нарыг хүлээн зөвшөөрөх, хэлэлцэх асуудлыг батлах санал хураалтыг Н.Алтанхуяг яаравчлуулан явуулж дууссаны дараа намын даргын илтгэл эхлэхийн өмнө Нийслэлийн АН-ын дарга Ш.Түвдэндорж хурлын тэргүүлэгчдийн суудлаас гэнэт босч микрофон руу очив. Тэрбээр “Гишүүдийг ялгаварласан, эрхийг нь хааж боосон ийм хурлыг даргалах хүсэлгүй байна” хэмээгээд танхим руу очиж суусан юм. Мөн Засгийн газраас гарч байгаа сайд нар хийсэн ажлаа тайлагнаж, илтгэл тавих байсан бол түүнийг хэтэрхий товчилж таван минутад багтаан танилцуулахыг үүрэг болгосон гэж эх сурвалж мэдээллээ. Сонирхолтой нь намын даргын илтгэлд МАН-ыг “Манай өрсөлдөгч” хэмээн нэрлэсэн нь сүүлийн гурван жилд Н.Алтанхуягийн амнаас гарсан анхны ийм үг байлаа.“Аливаад цаггүй нь үгүй” гэсэн Богд Жавзандамбын үгийг эшлээд “Салах цаг боллоо” гэж дууссан АН-ын даргын илтгэл өндөрлөсний дараа сайд нарын илтгэлийг С.Ламбаа эхлүүлэв.
Б.Болдсүх
