Америкчуудын хамгийн хайртай хүмүүсийг тодруулдаг “People"s Choice Awards” шагнал гардуулах ёслол болж өнгөрчээ.Лос-Анжелес хотноо өнгөрсөн лхагва гаригийн үдэш болсон энэхүү шагнал гардуулах ёслолын гол баатар нь дуучин Кэти Перри байлаа. Дуучин бүсгүй ёслолын ажиллагаанд ирээгүй ч долоон номинацид нэр дэвшиж, тавд нь тэргүүлжээ. Тэрээр 2012 онд хүмүүсийн  хайрыг  хамгийн ихээр татсан уран бүтээлч болсноос гадна түүний “The last Friday night” дууны клип үзэгчдэд хамгийн ихээр таалагдсан байна. Мөн түүний аялан тоглолт, телевизийн ярилцлагууд нь үзэгчдээр тасраагүй байна. Түүнчлэн энэ үдшийг гэрэлтүүлж байсан өөр нэг хүн бол жүжигчин Морган Фрийман, Жонни Депп нар байлаа. Учир нь Холливудын хамгийн нэр хүндтэй, эрхэм жүжигчин Морган Фрийманыг хүмүүс “Movie Icon”-оор нэрлэсэн байна. Морган Фрийман шагнал гардах үедээ “Icon” гэдэг үгийг толь бичигт юу гэж тайлбарласаныг харлаа л даа. Эхнийх нь утга компьютерийн дэлгэцэн дээрх файлыг илэрхийлж байдаг жижигхэн зураг гэсэн байна. Дажгүй шүү” гээд хоёр дахь нь харин “Ариун дагшин, бурхан мэт хүн”, гуравдахь нь “Ямар нэгэн зүйлийн төлөөлөл” гэх утгыг илэрхийлдэг аж. Тиймээс тэр ямар нэгэн зүйлийг төлөөлж байна гэдэг нь намайг илэрхийлж байгаа байх хэмээн даруу загнажээ. Тэрээр “Энэ бизнест бахархам амжилт гаргаж яваа жүжигчний ажил хийдэг тэр бүх хүнийг төлөөлж байгаа гэдэгт би итгэж байна. Тиймээс энэ шагнал хамтран ажилладаг найз нөхөд, студи, продакшны маань шагнал гэж бодож байна. Энэ шагналыг авсандаа үүрд талархаж явах болно. Маш их баярлалаа” хэмээн баярласнаа илэрхийлжээ. Харин хүмүүсийн хайртай эмэгтэй жүжигчнээр Эмма Стөүн тодорсон бол инээдмийн шилдэг жүжигчнээр мэдээж Адам Сандлер. Хөгжмийн ертөнцийнхнөөс хүмүүсийн хайртай эрэгтэй дуучин нь Бруно Марс болсон байна.