Их сургуулийн оюутнуудын хоёрдугаар улирлын хичээл маргаашнаас эхэлж байна. Манай улсад үйл ажиллагаа явуулж байсан их, дээд сургуулийн тоо өнөөдөр 95 болж 59-өөр цөөрөөд байгаа юм. Хамгийн сүүлд 14 сургуулийг хаасан бөгөөд оюутнуудын хичээлийг завсардуулахгүйн тулд өөр сургуульд шилжүүлэх ажил гарч ирсэн. Энэ ажлыг нэгдүгээр сарын 20-ны дотор дуусгана гэж БСШУЯ-ны мэргэжлийн боловсролын газрын мэргэжилтэн Х.Батсайхан хэлж байсан юм.

    Монголд үйл ажиллагаа явуулж буй 95 сургуулиас 55-ыг нь аттестатчилалд хамруулсан байна. Оюутанд олгох 70 000 төгрөгийг аттестатчилсан сургуулийн оюутнуудад олгохоор хуулинд заасан байгаа тул энэ жил үлдсэн 40 сургуулийг аттестатчилах аж.