Пакистаны алан хядагч Осама Бин Ладены бэлэвсэн гурван эхнэрт ял оноосон байна. Америкийн тусгай албаныхан Осама Бин Ладеныг Пакистаны Абботтабад хотод бүгэж байхад нь олж хөнөөсний дараа түүний эхнэр, хүүхдүүдийг баривчилж хорьжээ.

Бин Ладены эхнэрүүд болон хүүхдүүд нь түүний алан хядлагын хэрэгт огт оролцдоггүй байсан нь нотлогдсон боловч тэднийг хууль бусаар хил нэвтэрснээс гадна хуурамч бичиг баримт үйлдсэн, залилан хийсэн гэх хэрэгт ял оноосон байна.

Түүнээс гадна Бин Ладены гуравдах эхнэр Кайриахыг нөхрөө барьж өгсөн байж болзошгүй гэж байна. Учир нь Бин Ладен орогнож байсан байшиндаа 27-уулаа нуугдаж байсан байна. Харин түүний эхнэр Кайриах Иранд хоригдож байгаад 2010 онд чөлөөлөгдөж ирснээс хойш байдал сэжигтэй болж Америкчууд тэднийг барьсан гэж хамт амьдарч байсан цэрэг ярьсан байна.

Бин Ладены үлдсэн эхнэрүүд болох Сабар, Сихам, Сауди /3 хүүхдийг нь төрүүлсэн/ нар 54 настай бөгөөд 31 настай Амал нь Бин Ладены таван хүүхдийг төрүүлсэн байна. Бин Ладен 2005 онд Амалтай гэрлэснээс хойш бусад эхнэрүүдтэйгээ нэг оронд ороогүй гэж цэрэг мэдээллэсэн байна.

Пакистаны Дотоод хэргийн сайдын мэдээлснээр хууль сахиулагчид бэлэвсэн эхнэрүүдэд ял оноож, ээж нар нь зөвшөөрвөл хүүхдүүдийг нь эх орон руу нь буцаахаар болжээ.
Пакистаны хууль сахиулагчдын хэлснээр тэдгээр бүсгүйчүүдэд дээд тал нь таван жил хорих ял оноосон байна.

Д.Идэр