* * *ӨРНИЙН ЗУРХАЙ * * *
ХОНЬ (3/21-4/19)

Ухаалаг байж, хэцүү байсан ч дуугүй байх өдөр. Тэнэгүүдээс ч суралцах ухаантай бай. Тэдэнтэй хэцүү байсан ч бүү марга.Болгоомжгүй хэлсэн үг муу үр дагаварт хүргэж болно. Өнөөдөр та муу санаатай гэж нэрлүүлэхээр тэвчээртэй бай. Ажлын үр дүн чухал байна.
ҮХЭР (4/20-5/20)

Сэтгэл санаа тайван бус өдөр. Өнөөдөр ихэнхи үхэрийнхэн бусдын дэмжлэг, сэтгэлийн дулаан үгс, дотно хандлагаар дутна. Үүнд яаран гомдоллож, түрэмгий ааш гаргах хэрэггүй. Сэтгэл хөдлөлөө сайтар хяна. Бухимдал төрсөн ч, сэтгэлээ барьж, бясалгал хий. Хэцүү зүйл хийж өөрийгөө ядраахаас зайлсхий.
ХАМТАТГАХ (5/21-6/21)

Өнөөдөр ажил дээр чинь бага зэрэг асуудал гарна. Та хийж байгаа ажлаа дуусгах гэж битгий хэт яар. Хамтрагч нарын харилцаандаа сэтгэл зүйн арга барил, тактик ашигла. Тусламж хэрэгтээ хүмүүст хүндрэлтэй асуудлуудад нь мэддэг чаддаг зүйлээрээ туслахыг хичээ. Дурлалт хосууд бие биедээ бэлэг өгнө.
МЭЛХИЙ (6/22-7/22)

Ажил дээр нэг нэгнийхээ үгийг үл сонсох байдлаас үүдэн таарамжгүй байдал үүснэ. Хэвийн ажил явуулахад олон хүндрэл учирна. Хов живэнд орооцолдож, хүчээ дэмий бүү үр. Та өөртөө ямар ч хамаагүй зүйлд бүү хутгалд.
АРСЛАН (7/23-8/22)

Идэвх зүтгэл өндөр байх өдөр. Ажил хэргээ та бусдаас хараат бус бие даан гүйцэтгэнэ. Эргэн тойрны илүү дутуу асуудлаар та анхаарлаа сарниулах хэрэггүй. Бусдын асуудал зовлонг сонсож цаг гарздах шаардлагагүй. Богино хугацаанд гүйцэтгэх шаардлагатай төслүүдийг зоригтой барьж авч, хурдан гараас гарга. Тодорхой эрсдэл гарга. Оюун санааны их хүч шаардах тул анхаарлаа жижиг зүйлд бүү сатааруул.
ОХИН (8/23-9/22)

Үл ойлголцох байдалд хүрвэл салалт хагацлыг авчрах өдөр. Та буруугүй бол хэт битгий гэмш. Дотоод сэтгэлээ тогтворжуулж, зөн совиндоо итгэж зөвхөн урагшаа тэмүүл. Бусдын явуулгаар нэр хүнд тань гэнэт унаж болзошгүй байна. Хэт шатах хэрэггүй. Сонгосон зарчмаа барьж, өөрийгөө зөв илэрхийлж чаддаг бол аяндаа байдал хэвийн болно. Санхүүгийн алдагдал, томоохон зардал гарах эрсдлээс зайлсхий.
ЖИНЛҮҮР (9/23-10/22)

Хувь заяанд тань эргэлт гарах өдөр. Үүнд бэлэн байж, хүчээ гамна. Хамтрагч хүмүүстэйгээ нөхцөл байдлын талаар илэн далангүй ярилцах, хамт олонтойгоо зугаацах зэргээр цагийг үр дүнтэй өнгөрөө. Хоосон, нэрэлхүү зан хэрэггүй. Энэ өдөр таны хойшдын амьдрал, хувь заяанд нөлөөлөх эрхэм хүнтэй уулзах эсвэл танилцах болно. Эргэн тойрны тань бодит байдал таны биеэ авч явахад нөлөөлөх учир анхааралтай байж, өөрийгөө тусгаарла. Хэрэгтэй цаг болох агшинд бүх хүчээрээ дайр.
ХИЛЭНЦ (10/23-11/21)

Өнөөдөр орлогын шинэ эх үүсвэртэй болно. Эрсдэлтэй алхам хий. Томоохон зээл хөөцөлд. Хэцүү үед хааяа гардаг хүн болгон олж харж чадахгүй алтан боломжийг та харжээ. Таны удирдан зохион байгуулах авьяас чадвараа улс төрд ашигла. Гялалзсан амжилтаар бусдаас ялгарч, албан тушаал өсөх боломжтой байна. Зарим нь ажлаа зохицуулж амралт зугаалгад явах бололтой.
НУМ (11/22-12/21)

Олонтой байх өдөр. Соёл урлаг, спортын болон олон нийтийн арга хэмжээ зохион байгуулахад өөрийн ба бусдын хүчин чармайлтыг дайчлах, оролцоо идэвхээ дээшлүүлэхийг од эрхэс зөвлөж байна. Хамт олон дотроо баясгалантай, албан бус уур амьсгал бүрдүүлэхийг хичээ. Энэ өдөр олон хүний сэтгэлд удаан үлдэхээр байлга.
МАТАР (12/22-1/19)

Хууль сахиулах байгууллагатай таарамжгүй байдалд харьцах магадлалтай. Бичиг баримт бүрдүүлэхдээ алдаа гаргах буюу зарим нь хуурамч байж магадгүй. Хийж байгаа үйлдлүүд тань хууль зөрчиж байгаа эсэхийг анхаарч, бусдаас хэт давуу байхыг эрмэлзэх хэрэггүй. Үгүй бол байдал таны эсрэг эргэж мэдэх юм. Жолоо барихдаа болгоомжтой бай. Дээгүүр албан тушаалтантай бүү харьц.
ХУМХ (1/20-2/18)

Наанатай цаантай хандахыг сануулсан өдөр. Хуучин хэргийн улмаас хүндрэлүүд гарна. Эцсийн эцэст бүх зүйл сайнаар төгсөх боловч таны зорилгоос хөндийрүүлж, ажил хэргийг зогсонги байдалд оруулна. Түр зуур аргацаасан арга хэмжээ хожим төвөг уддагийг та ойлгоно. Анхнаасаа далайцтай сэтгэж, хуулийг чанд сахин мөрд.
ЗАГАС (2/19-3/20)

Таны ашиг сонирхол бусдынхтай зөрчилдөх өдөр. Өсж хөгжих, албан тушаал ахихад чинь өрсөлдөх хүний зүгээс цохилт ирнэ. Энэ үед танд санхүүгийн болон сэтгэл санааны бодит дэмжлэг үгүйлэгдэнэ. Бухимдаж ганцаардахын оронд тулгамдсан асуудлуудыг сайн нягтал. Санахгүй мартаж магадгүй хүнээс их хэмжээний тус дэм, үнэтэй санал зөвлөгөө авах боломж байна.

2017.2.14, МЯГМАР ГАРАГ / БИЛГИЙН ТООЛЛЫН: 19

ӨВЛИЙН АДАГ ЦАГААГЧИН ҮХЭР САР
ХОЁР ХАР МЭНГЭТЭЙ ХАР БИЧ ӨДӨР

Аргын тооллын: 2017.2.14, Мягмар гараг
Наран ургах шингэх: 08.01-18.13
Үс засуулбал: Сайн нөхөртэй нөхөрлөнө
Барилдлага: Хүчин төгсөх
Шүтэн барилдлага: Сансар
Тухайн өдөр могой, морь, гахай, хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Буян үйл үйлдвээс өлзийтэй, өргөл хүндлэл, бурханд соёрхол тавих, амирлуулах, дэлгэрүүлэх, эрхшээх үйл нигууд бүтээх, амраг нөхдийг хураахуйд сайн. Баруун чих хангинавал асрагдах, зүүн нь бол буян арвижих, нохой уливал гэрийн тэнгэр зайлсан, хэрээ гуаглавал эд агуурс олдох, тагнай загатнавал зочин ирэх, бие татвал гаслан болох, хөл татвал хувцас олдоно. Өдрийн сайн цаг нь хулгана, үхэр, луу, могой, хонь, нохой болой.

БАРУУН АЙМГУУДЫН НУТГААР: Үүлшинэ. Зарим газраар цас орж, зөөлөн цасан шуурга шуурна. Салхи баруун өмнөөс баруун хойш эргэж секундэд 5-10 метр, зарим газраар секундэд 12-14 метр хүрч ширүүснэ. Увс нуурын хотгор, Хүрэн бэлчир, Идэр, Тэс голын хөндийгөөр шөнөдөө 28-33 градус, өдөртөө 18-23 градус, Их нууруудын хотгор болон Монгол Алтайн нурууны өвөр хэсгээр шөнөдөө 17-22 градус, өдөртөө 4-9 градус, бусад нутгаар шөнөдөө 11-16 градус хүйтэн, өдөртөө 0-5 градус хүйтэн байна.

ТӨВИЙН АЙМГУУДЫН НУТГААР: Үүлшинэ. Шөнөдөө Хөвсгөлийн уулсаар, өдөртөө нутгийн баруун хэсгээр цас орно. Салхи баруун өмнөөс секундэд 7-12 метр, явган шуурга шуурна. Дархадын хотгор, Ерөө голын хөндийгөөр шөнөдөө 26-31 градус, өдөртөө 16-21 градус, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж голын хөндийгөөр шөнөдөө 22-27 градус, өдөртөө 8-13 градус, Хангай, Хэнтэйн уулархаг нутгаар шөнөдөө 15-20 градус, өдөртөө 2-7 градус, бусад нутгаар шөнөдөө 10-15 градус хүйтэн, өдөртөө 2 градус дулаанаас 3 градус хүйтэн байна.

ЗҮҮН АЙМГУУДЫН НУТГААР: Солигдмол үүлтэй. Цас орохгүй. Салхи зүүн өмнөөс секундэд 6-11 метр. Хэрлэн, Онон, Улз, Халх голын хөндийгөөр шөнөдөө 21-26 градус, өдөртөө 8-13 градус, бусад нутгаар шөнөдөө 15-20 градус, өдөртөө 3-8 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун өмнөөс секундэд 4-9 метр. Шөнөдөө 24-26 градус, өдөртөө 8-10 градус хүйтэн байна.

ГОВИЙН АЙМГУУДЫН НУТГААР: Үүлшинэ. Цас орохгүй. Салхи баруун өмнөөс секундэд 7-12 метр. Шөнөдөө Өмнөговийн нутгаар 6-11 градус хүйтэн, бусад нутгаар 11-16 градус, өдөртөө бүх нутгаар 1-6 градус дулаан байна.

УЛААНБААТАР ХОТ: Үүлшинэ. Цас орохгүй. Салхи баруун өмнөөс секундэд 6-11 метр. Шөнөдөө Яармаг-Сонгины орчмоор 25-27 градус, бусад хэсгээр 15-17 градус, өдөртөө 2-4 градус хүйтэн байна.

Бразилын Рио-де-Жанейро хотод хөлбөмбөгийн “Ботафого” болон “Фламенго” багуудын хөгжөөн дэмжигчдийн хооронд болсон зодооны үеэр нэг хүн амиа алдаж

Худалдаа, үйлдвэрлэл, үйлчилгээний газарт ариун цэвэр, эрүүл ахуйн зохистой дадал хэвшээгүй, хүнс үйлдвэрлэлийн технологийн горим мөрдөөгүй болон хадгалалт, тээвэрлэлтийн горим зөрчсөнөөс гэмтэж муудсан чанар, аюулгүй байдлын шаардлага хангаагүй хүнсний түүхий эд, бүтээгдэхүүнийг үйлдвэрлэн борлуулах, иргэдийн хүнсний зөв сонголт, зохистой хэрэглээ алдагдагдсаны улмаас хоол, хүнсний гаралтай халдвар, хордлого гарч байна.

Нийслэлийн хэмжээнд хүүхдийн клиник сувилал ердөө 3 байдгаас нэг нь Сонгинохайрхан дүүрэгт бий. “Хүүхдийн клиник сувилал 41” нэртэйгээр үйл ажиллагаагаа явуулдаг уг байгууллага дүүргийн 32 хорооны Өрхийн Эрүүл Мэндийн Төвүүдтэй хамтран архаг суурь өвчтэй хүүхдүүдийг сувилдгаараа бусад цэцэрлэг яслиудаас ялгаатай юм.

Монгол Улсын гавьяат тамирчин Г.Өсөхбаяр энэ удаа дэлхийн хамгийн эрсдэлтэй гэдгээрээ хоёрт ордог “К2” уулын оргилд гарахаар төлөвлөн бэлтгэлээ базааж эхэлжээ. Пакистаны Балтистан болон БНХАУ-ын Синьцзяний хил орчимд орших Дэлхийн хоёр дахь ноён оргил “K2” уул нь далайн түвшнээс дээш “8611” метрт оршдог. Энэ уул нь дэлхийн олон шилдэг уулчдын амийг авч одсон хамгийн эрсдэлтэй уулсын нэг гэдгээрээ алдартай.

​

Энэ талаараа өөрийн цахим хуудаснаа ийнхүү бичжээ.



IFrame



Тэрбээр Дэлхийн дээвэр хэмээгддэг Ази тивд орших Гималайн нурууны ноён оргил болох далайн түвшнээс дээш 8848 метр өндөртэй, дэлхийн хамгийн өндөр уул Эверестийн оргилд хоёр талаас нь гарч чадсан Монголын анхны уулчин билээ.

Монгол Улсын Шадар сайд У.Хүрэлсүх өнөөдөр /2017.02.13/ “Өнөр бүл” хүүхдийн асрамжийн төвд ажиллалаа. Энэ үеэрээ хүүхэд бүхэнд гарын бэлэг, тус асрамжийн төвд бүрэн автомат угаалгын машин хоёр, 50 ширхэг иж бүрэн хөнжил, гудас бэлэглэсэн юм. “Өнөр бүл” асрамжийн төвд өнөөдрийн байдлаар 02-18 насны 154 хүүхэд амьдарч байна.

мнөд Солонгос улсын Кёнгбук аймгийн цагдаагийн газар монгол залууг, солонгос иргэний амь насыг хөнөөсөн хэрэгт холбогдуулан саатуулжээ. Монгол залуу С энэ жил 26 настай, тус улсад хөдөлмөрийн гэрээгээр ажиллаж байсан байна.

АНУ-д зохиогддог “Крещендо” олон улсын хөгжмийн наадамд “Ану мюзик” хийлийн студийн сурагч М.Анужин, М.Анунгоо, Д.Санчирмаа нар амжилттай оролцож, тус бүр дэд байрт шалгарчээ. Уг наадам өнгөрсөн оны 12 дугаар сараас эхэлж, оролцогчдынхоо бичлэгийг хүлээн авч түүнээсээ шалгаруулалтаа явуулсан байна. Ингэхэд дээрх гурван сурагч шалгарсан тул наадмыг зохион байгуулагчдын зүгээс өсвөрийн хийлчдийг алдарт Карнегийн театрын “Weill Recital” танхимд тоглуулахаар урьсан байна.



Энэхүү урилгын дагуу өсвөрийн хийлчид маань энэ сарын 12-ны өдөр АНУ-ын Нью-Йорк хотноо болсон хүндэтгэлийн тоглолтод оролцож, дэлхийн сонгодог бүтээлүүдээс толилуулжээ. Энэ үеэр дэд байрт шалгарсан батламжийг оролцогчдод гардуулсан аж.



“Крещендо” олон улсын хөгжмийн наадам нь АНУ-даа нэр хүндтэйд тооцогддог ба тус улсын бүх мужаас гадна орос, канад, германи зэрэг орны хүүхдүүд оролцсон байна.

Шаргын говийн бөхөнгөөс мялзан төст өвчин илэрчээ

С.Зоригийн амь насыг хохироосон хэрэгт шүүхээр ял шийтгэгдсэн Т.Чимгээгийн нөхөр С.Бямбасүрэн ”Өдрийн сонин”-д өгсөн ярилцлагадаа ” ...эхнэрийг шалгагдаж байхад охин Сэлэнгэ аймгийн нутагт автын осолд орж нас барсан. Осол юунаас болж гарсныг одоо болтол мэдээгүй явж байна. Осолд орсон уу, осолд оруулсан уу гэдэг нь маш эргэлзээтэй...” гэсэн зүйлийг ярьжээ.

Авто тээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хурааж эхэлсэнтэй холбогдуулан зохион байгуулах үүрэг бүхий ажлын хэсэг өнгөрсөн сард байгуулагдсан. Ажлын хэсгийн гишүүд өнөөдөр Сонгинохайрхан дүүргийн Татварын хэлтсийн энэ жилийн албан татвар төлбөрийг хураах ажлын явцтай танилцав.

“Нийслэлийн Засаг даргын болон дүүргийн Засаг даргын захирамжийн дагуу ажилаж байна. Дүүргийн хэмжээнд албан татвар, төлбөрийн ажил нийт найман хувьтай явагдаж байгаа” хэмээн Татварын ерөнхий газрын Татварын орлогын тасгийн дарга Б.Энхтогтох хэллээ.

Тус дүүргээс нэгдүгээр сард татвар, төлбөрт хамрагдах 14 мянган тээврийн хэрэгсэл байгаагаас 6700 нь хамрагдсан байдалтай байна. Өнгөрсөн онд дүүргийн хэмжээнд нийт 88 мянга гаруй тээврийн хэрэгсэл эзэмшигчээс 60 мянган нь буюу 67.5 хувьтай хамрагдсан аж.

Нийслэлийн Татварын газрын НТТОТ-ийн дарга Д.Очирсүрэн “Автотээврийн болон өөрөө явагч хэрэгслийн албан татвараас 26.2 тэрбум, агаарын бохирдлын төлбөрөөс нэг тэрбум, авто зам ашигласны төлбөрөөс 11.5 тэрбум төгрөг төвлөрүүлэхээр ажиллаж байна. Өнөөдрийн байдлаар нийслэлийн хэмжээнд 47 мянган тээврийн хэрэгсэл татвар төлбөрөө төлөөд байна. Иргэд, ААН-үүд сар шинийн баяраас өмнө татвар хураалтад идэвхтэй хамрагдаж, шинэ оноо өр төлбөргүй угтах хэрэгтэй” хэмээлээ.

Түүнчлэн ажлын хэсгээс авто тээврийн болон өөрөө явагч хэрэгслийн албан татвар, төлбөртөө идэвхтэй хамрагдахыг уриалж байна. Тус дүүргээс иргэдэд илүү ойр үйлчлэхийн тулд таван шар дахь Монгол хьюндай төвийн байранд нэмэлт салбар ажиллуулж эхэлсэн байна. Энэ салбар нь ажлын өдөр 09:00-20:00, бямба гаригт 09:30-17:00 цагийн хооронд иргэдэд үйлчилнэ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Манай орны нийт нутаг дэвсгэрийн 70 гаруй хувь нь цасан бүрхүүлтэй байна.

Баруун, төв, зүүн аймгуудын зарим газраар тал газраа 25-50 см, уулархаг газар, гуу жалгандаа 60-100 см-ийн зузаан цасан бүрхүүл тогтон, ихэнх нутгаар олон жилийн дунджаас 1.1-14.9 градус хүрч 7-10 хоног хүйтрээд, дараа нь хүйтний эрч суларч тал, хээрийн бүс нутгат тогтсон цас өдөртөө хайлмагтан, шөнөдөө мөстөн, нягтарч хатуурсан, салхи 16-27 м/с, зарим үед 28-30 м/с хүртэл ширүүсч аюулт болон гамшигт үзэгдлийн хэмжээнд хүрсний улмаас 2016-2017 оны өвөл нийтдээ 17 аймгийн 156 сум, нийслэлийн 2 дүүрэгт (Багануур, Налайх) өвөлжилт хүндэрсэн.

Үүссэн нөхцөл байдалтай холбогдуулан Монгол Улсын Шадар сайд, Улсын онцгой комиссын даргын 2016 оны 12 дугаар сарын 03 дугаар тушаалаар өвөлжилтийн нөхцөл байдалтай газар дээр нь танилцаж, үнэлэлт дүгнэлт, зөвлөмж, чиглэл өгөх үүрэг бүхий Улсын онцгой комиссын ажлын албаны нарийн бичгийн дарга, хурандаа М.Энх-Амар, Гамшгийн шуурхай удирдлагын газрын дарга, хурандаа Б.Ууганбаяр нараар ахлуулсан хоёр шуурхай бүлэг 21 аймагт ажиллаж үнэлгээг Засгийн газарт танилцуулсан.

Төв, суурин газрын болон аймаг, орон нутгийн 2016-2017 оны өвөлжилтийн бэлтгэл ажлыг хангах ажлын хүрээнд:

– “Хөдөө аж ахуйн салбарын 2016-2017 оны өвөлжилтийн бэлтгэл ажлыг хангах зарим арга хэмжээний тухай” Засгийн газрын 2016 оны 322 дугаар тогтоол,

-“Төв, суурин газрын 2016-2017 оны өвөлжилтийн бэлтгэл ажлыг хангах зарим арга хэмжээний тухай” 338 дугаар тогтоол,

“Хөрөнгө гаргах тухай” Засгийн газрын 2016 оны 160 дугаар тогтоол,

-“Өвөлжилтийн бэлтгэл ажлыг хангах зарим арга хэмжээний тухай” Засгийн газрын 2016 оны 163 дугаар тогтоол,

-“Өвөлжилтийн нөхцөл байдал хүндэрч байгаатай холбогдуулан авах зарим арга хэмжээний тухай” 2017 оны 08 тогтоол буюу нийт 5 удаагийн тогтоол гаргуулж, Засгийн газрын нөөц сангаас 3,7 тэрбум төгрөгийн хөрөнгийг гаргуулсан.

Тодруулбал, 2016-2017 оны өвөлжилтийн хүндрэлийг даван туулах чиглэлээр өнөөдрийн байдлаар Засгийн газрын дээрх тогтоолуудаар:

– 12 аймагт 1,1 тэрбум төгрөгийн мөнгөн хөрөнгө,

– улсын нөөцийн 2410 тонн өвсийг үнэгүй, 1700 тонн тэжээлийн үнийг 50 хувь хямдруулсан үнийн зөрүү болон тээвэрлэн хүргэх зардалд 1,1 тэрбум төгрөг,

– эрүүл мэндийн тусламж үйлчилгээг ард иргэдэд шуурхай хүргэх зорилгоор 19 аймгийн Эрүүл мэндийн төвд 36 автомашин,

– аймгуудад олгох малын эм, биобэлдмэлд 41,8 сая төгрөг,

– зарим аймгийн Онцгой байдлын газар, Хүнс, хөдөө аж ахуйн газарт төрийн үйлчилгээг шуурхай хүргэх зорилгоор улсын нөөцөөс 4 автомашиныг орон нутагт хуваарилж олгосон.

Улсын хэмжээнд 61.5 сая мал өвөлжиж байгаагаас аймаг, сум дундын, тусгай хэрэгцээний болон хилийн зурвас отрын бүс нутгаар 16.1 мянган малчин өрхөд 6.9 сая толгой мал өвөлжиж байна.

Монгол Улсын Засгийн газраас тодорхой асуудлуудыг шийдвэрлэн ажиллаж байгаа бөгөөд манай оронд үйл ажиллагаа явуулж байгаа донор улсууд, хүмүүнлэгийн тусламжийн байгууллагууд, төрийн болон төрийн бус байгууллага, иргэдээс мал бүхий иргэдэд чиглэсэн тусламж үйлчилгээг хүргэсээр байна.



2017.02.13

Цагдаагийн алба хаагчид галын аюулаас нэг гэр бүлийн гурван хүний амь насыг авран хамгааллаа.

Монгол Улсын Ерөнхийлөгчийн сонгуулийн бэлтгэл ажил, явцын талаар Сонгуулийн ерөнхий хорооноос мэдээлэл хийлээ.

Авлигын хэрэгт холбогдсон БОАЖЯ-ны хоёр ажилтанг суллаж, газрын даргыг үргэлжлүүлэн хорьжээ

Нийслэлийн захиргааны хэргийн давж заалдах шатны шүүх Ноён ууланд зөвшөөрөлгүй олгосон дөрвөн лицензийг хүчингүй болгох асуудлын талаар өнгөрсөн долоо хоногт хэлэлцжээ.

Нийслэлийн Засаг даргын Тамгын газар, Улаанбаатар хотын худалдааны танхимтай хамтран “Улаанбаатар хөрөнгө оруулалт-2017” бизнес чуулга уулзалтыг энэ сарын 20-нд зохион байгуулах гэж байна.

Тус чуулга уулзалтын зорилго нь нийслэлийн эдийн засгийн хөгжлийг дэмжих, бизнес эрхлэгчдийн эрх ашгийг хамгаалах, төр хувийн хэвшлийн хамтын ажиллагааг хөгжүүлэх, иргэд, аж ахуйн нэгжид хөрөнгө оруулалт бизнесийн таатай орчин нөхцөлийг бүрдүүлэхэд оршино. Уулзалтад УИХ болон Засгийн газрын гишүүд, Монгол Улсад суугаа Онц бөгөөд Бүрэн эрхт Элчин сайд нар, нийслэлийн ИТХ-ын төлөөлөгчид, Нутгийн захиргааны байгууллагын удирдлагууд, Улаанбаатар хотын худалдааны танхимын гишүүд, олон улсын байгууллагын төлөөлөгч, үндэсний баялаг бүтээгчид, хөрөнгө оруулагчид оролцоно. “Улаанбаатар хөрөнгө оруулалт-2017” бизнес чуулга уулзалтаар төр хувийн хэвшлийн түншлэл, эдийн засгийн стратеги, хөрөнгө оруулалтын төсөл хөтөлбөр, худалдан авалт, шилэн тендер, хот байгуулалт, дэд бүтэц зэрэг асуудлыг хэлэлцэх юм. Гадаад, дотоодын төсөв, хөрөнгө оруулалтаар хийгдэх хаврын бүтээн байгуулалтын ажлаа нийслэлээс ил тод зарлаж, аж ахуйн нэгж, бизнесийнхэнд тендерээр зарлах ажлуудаа танилцуулна.

Хаврын бүтээн байгуулалт, хөрөнгө оруулалтын ажил эхлэхээс өмнө бизнесийнхэн чуулж буй уг арга хэмжээнд нийслэлийн иргэд, аж ахуйн нэгжүүд оролцох бүрэн боломжтой гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монголчуудын цагаан сараар цээрлэх зүйлс

-Бурхан болооочид зориулсан тавгийн идээнд зочид хүрэхийг цээрлэдэг. Цагаан сар өнгөрсний дараа хураахдаа хүртэж, амсалгүй галын тахилгад өргөдөг.