Нийслэлийн удирдлагын зөвлөлийн ээлжит хуралдаан болж, Удирдлагын зөвлөлийн хуралдааны журамд өөрчлөлт орууллаа.

Нийслэлийн үйлчилгээний нэгдсэн төвийн нэгдүгээр салбарыг Дүнжингарав худалдааны төвд байгуулсан. Тус төв нь нийслэлийн нутгийн захиргааны 25 байгууллагын 350 гаруй үйлчилгээг иргэдэд үзүүлж байгаа бөгөөд өдөрт дунджаар 2000-2500 иргэн үйлчлүүлж байна. Үйлчлүүлж буй иргэдийн дийлэнх өргөдөл, гомдлыг өдөрт нь шийдвэрлэж байгаа бол тодорхой хугацаа шаардлагатай асуудлыг дараагийн шатанд шилжүүлэх зарчмаар ажиллаж байна. Тус төвийн ачаалал, иргэдийн өргөдөл, гомдлыг шуурхай шийдвэрлэхийн тулд Нийслэлийн удирдлагын зөвлөл Нийслэлийн үйлчилгээний нэгдсэн төвд тогтмол хуралдахаар боллоо. Ингэснээр Нийслэлийн ИТХ-ын дарга Д.Баттулга, Нийслэлийн Засаг дарга бөгөөд Улаанбаатар хотын Захирагч Э.Бат-Үүл, Нийслэлийн Засаг даргын салбар хариуцсан орлогч нар, Засаг даргын Тамгын газрын дарга, Хотын Ерөнхий менежер, Ерөнхий архитектор нарын бүрэлдэхүүнтэй Нийслэлийн удирдлагын зөвлөлийн хуралдаан долоо хоногийн даваа гарагт 14 цагаас Нийслэлийн үйлчилгээний нэгдсэн төвд, пүрэв гарагт 14 цагаас Нийслэлийн Төрийн захиргааны Хангарди ордонд болно. Даваа гарагийн хуралдаанаар зөвхөн Нийслэлийн үйлчилгээний нэгдсэн төвд иргэдээс ирүүлсэн өргөдөл, гомдолтой холбоотой асуудлыг шийдвэрлэх бол пүрэв гарагийн хуралдаанаар бусад асуудлыг хэлэлцэхээр тогтлоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

даваа гаригт буюу хоёрдугаар сарын 22-нд Засгийн газрын ээлжит хуралдаан болно. Тус хуралдаанаар долоон асуудал хэлэлцэх бол зургаан асуудалтай танилцахаар төлөвлөжээ.

Эдгээрээс хамгийн анхаарал татах нь “Халх гол” төслийг хэрэгжүүлэхтэй холбоотойгоор салбарын яамнаас хийж байгаа ажлын талаар сайд Р.Бурмаа танилцуулах аж. Мөн хэд, хэдэн сайдын гадаадад хийсэн ажлын айлчлалын үр дүнтэй танилцах юм байна.

Дэлгэрэнгүй мэдээллийг энэхүү хүснэгтээс тодруулж харна уу.

Тухайн өдөр нохой, хонь жилтнээ аливаа үйлийг хийхэд эерэг сайн. Эл өдөр насан бүтээл хийгээд хишиг даллага дуудуулах, өглөг өгөх, мод таслах, тангаргийг хаах, гөрөөлөх, хатуу үйл, мал адгуус муулах үйл, хувцас урлах, орныг барих, санд нууцлах, элдэв урлалын үйлд сайн. Бэрийн үйл, үнэт эдлэлийг гадагш өгөх, хүүхдийг анх хөлд оруулах, хүүр түлэх, цэрэг хөдөлгөхөд муу. Өвдвөл долоо хоногоос илааршина. Замд гарвал төрөлхтний асрахуй яриаг сонсоно. Баруун чих хангинавал өчүүхэн төдий айдас болно. Зүүн чих хангинавал хэрүүл тэмцэл болно. Тагнай эрвэгнэвэл сэтгэл үймэрнэ. Өдрийн сайн цаг нь могой, бич, тахиа, гахай, бар, луу болой. Үс шинээр үргээлгэх буюу засуулбал өлзийтэй сайн.

2016 оны 02 дугаар сарын 21- ний 20 цагаас 02 дугаар сарын 22-ны 20 цаг

хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Солигдмол үүлтэй. Нутгийн зүүн хэсгээр цас орж, зөөлөн цасан шуурга шуурна. Салхи баруун хойноос секундэд 5-10 метр, Алтайн салбар уулсаар секундэд 12-14 метр хүрч ширүүснэ. Завхан голын эхээр шөнөдөө 46-51 градус, өдөртөө 32-37 градус, Их нууруудын хотгор, Идэр, Тэс голын хөндийгөөр шөнөдөө 35-40 градус, өдөртөө 25-30 градус, Алтайн өвөр говиор шөнөдөө 13-18 градус, өдөртөө 4-9 градус, бусад нутгаар шөнөдөө 23-28 градус, өдөртөө 12-17 градус хүйтэн байна.

ТӨВИЙН АЙМГУУДЫН НУТГААР: Үүлэрхэг. Шөнөдөө ихэнх нутгаар, өдөртөө нутгийн өмнөд хэсгээр цас орж, зөөлөн цасан шуурга шуурна. Салхи баруун хойноос секундэд 5-10 метр, шөнөдөө зарим газраар секундэд 12-14 метр хүрч ширүүснэ. Хүйтэрч Дархадын хотгороор шөнөдөө 32-37 градус, өдөртөө 21-26 градус, Хэнтэйн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө 22-27 градус, өдөртөө 13-18 градус, бусад нутгаар шөнөдөө 19-24 градус, өдөртөө 10-15 градус хүйтэн байна.

ЗҮҮН АЙМГУУДЫН НУТГААР: Үүлшинэ. Зарим газраар бага зэргийн цас орж, явган шуурга шуурна. Салхи баруун өмнөөс хойш эргэж зарим газраар секундэд 12-14 метр хүрч ширүүснэ. Хүйтэрч нутгийн хойд хэсгээр шөнөдөө 24-29 градус, өдөртөө 14-19 градус, нутгийн өмнөд хэсгээр шөнөдөө 20-25 градус, өдөртөө 11-16 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 7-12 метр. Шөнөдөө 25-27 градус, өдөртөө 10-12 градус хүйтэн байна..

ГОВИЙН АЙМГУУДЫН НУТГААР: Үүлшинэ. Шөнөдөө ихэнх нутгаар, өдөртөө зарим газраар цас орж, цасан шуурга шуурна. Салхи баруун хойноос секундэд 7-12 метр, зарим газраар секундэд 14-16 метр хүрч ширүүснэ. Хүйтэрч Дундговийн нутгаар шөнөдөө 21-26 градус, өдөртөө 10-15 градус, бусад нутгаар шөнөдөө 14-19 градус, өдөртөө 6-11 градус хүйтэн байна.

УЛААНБААТАР ХОТ: Шөнөдөө үүлэрхэг, цас орж зөөлөн цасан шуурга шуурна. Өдөртөө үүл багасна, цас орохгүй. Салхи баруун хойноос секундэд 7-12 метр. Хүйтэрч шөнөдөө Яармаг-Сонгины орчмоор 25-27 градус, бусад хэсгээр 20-22 градус, өдөртөө 12-14 градус хүйтэн байна.

-ИРЭХ ДОЛОО ХОНОГИЙН СҮҮЛЧЭЭР ХҮЙТНИЙ ЭРЧ СУЛАРНА-

Маргааш буюу энэ сарын 22-нд нутгийн зүүн хэсгээр, 23-нд нутгийн өмнөд хэсгээр, 24-нд нутгийн хойд хэсгээр, 25-нд зарим газраар цас орж, цасан шуурга шуурна. Салхи 22-нд говь талын нутгаар, 24-нд зарим газраар секундэд 12-14 метр хүрч ширүүснэ. Хүйтэрч Завхан голын эхээр шөнөдөө 42-47 градус, өдөртөө 33-38 градус, Увс нуур болон Дархадын хотгор, Идэр, Тэс голын хөндийгөөр шөнөдөө 37-42 градус, өдөртөө 24-29 градус, Хэнтэйн уулархаг нутаг, Хараа, Ерөө, Туул, Тэрэлж, Хэрлэн голын сав газраар шөнөдөө 29-34 градус, өдөртөө 17-22 градус, говийн бүс нутгийн өмнөд хэсгээр шөнөдөө 16-21 градус, өдөртөө 4-9 градус, бусад нутгаар шөнөдөө 22-27 градус, өдөртөө 10-15 градус хүйтэн байна. Хугацааны сүүлчээр өдөртөө хүйтний эрч суларна гэж Ус цаг уурын эрдэм шинжилгээний хүрээлэнгээс мэдээллээ.

Хүйтний эрч суларч цас ханзрах цагаар “Blue Moon” арт галерейн танхимд цэцэгс дэлбээлнэ. Уран бүтээлч та бүгдийг шинэ хайр, шинэ бүхний эхлэл болсон улирлыг угтaн цэцэгс үзэсгэлэнд идэвхитэй оролцохыг урьж байна. Үзэсгэлэн энэ оны 03-р сарын 01-10-ний хооронд “Blue Moon” арт галерейн танхимд дэлгэгдэх юм.Бүтээл авах хугацаа: 2016.02.25-26 нд 11-18 цагийн хооронд хүлээн авна.

Төрийн соёрхолт хөгжмийн зохиолч ЦОГЗОЛЫН НАЦАГДОРЖ нь 1951 оны дөрөвдүгээр сарын 17-нд Дундговь аймгийн Эрдэнэдалай сумын ”Шаврын ханан” гэдэг газар төржээ. 1966-1970 онд Улаанбаатар хотын Багш нарыг бэлтгэх сургуулийн дуу хөгжмийн багшийн ангид, 1970-1972 онд Улаанбаатар хотын Багшийн сургуулийн дуу хөгжмийн ангид хөгжмийн онол, зохирлын ухааны багш, 1972-1978 онд Свердловск хотын Уралын хөгжмийн их сургуулийн хөгжмийн зохиолчийн ангид суралцан төгссөн.

1978-1982 онд Хөгжим бүжгийн дунд сургуульд хөгжмийн онол, хөгжмийн түүх, зохирлын ухааны багш, 1982-1984 онд БНМАУ-ын Соёлын Яаманд уран бүтээлийн хэлтсийн даргын үүрэг гүйцэтгэгч, 1984-1987 онд Дуурь бүжгийн улсын академик театрын дарга, 1987 оноос Монголын хөгжмийн зохиолчдын эвлэлийн хорооны хөгжмийн уран бүтээлийн зөвлөлийн эрхлэгч, гадаад харилцаа эрхэлсэн нарийн бичгийн дарга, 1984-1990 онд нарийн бичгийн даргаар сонгогдон ажиллаж байв.

1985 онд Монголын хөгжмийн зохиолчдын эвлэлийн шагналыг 2-р симфони, ”Хөдөөгийн сайхан” симфони чуулбараар, 1993 онд ”Үүлэн заяа” дуурь, 4-р симфони, ”Хөдөөгийн сайхан” симфони чуулбараараа Төрийн соёрхол хүртсэн. Тэрээр ”Үүлэн заяа” (1988), ”Өгөөдэй хаан” (1991), ”Гэсэр хаан” (1995), ”Гүн гэрийн гүнж” (2004) дуурь, 1-5-р симфони (1978, 1979, 1988, 1990, 2002) бичсэн.

“Тунгалаг тамир” романыг мюзикл болгохоор зорьж байсан тэрээр 5 симфони, 4 дуурь, 2 бүжгийн жүжиг, морин хуурт зориулсан дөрвөн том бүтээл гээд маш олон бүтээл туурвисан. Мөн 60 гаруй дуу бичжээ. Тэрээр олонд хамгийн танил “Нутгийн чулуу” дуугаараа нэрлэсэн дууны гурван түүвэр гаргахаар төлөвлөж байсан ч эхний түүврийг гаргаад хорвоогийн мөнх бусыг үзүүлсэн. Иймд энэ удаад түүний уран бүтээлийн анд нөхөд 60 насны ойд нь зориулан “Нутгийн чулуу” түүврийн хоёр дахийг хэвлүүлэн гаргажээ.

Энэ жил төрийн соёрхолт, хөгжмийн зохиолч Ц.Нацагдоржийн мэндэлсний 65 насны ой тохиож байгаа бөгөөд тус ойд зориулж улсын Филармонийн Симфони найрал хөгжмийн уран бүтээлчид хөгжмийн зохиолчын дан хөгжмийн болон дууны уран бүтээлийн тоглолтыг 2-р сарын 26-нд улсын Филармонийн тайзнаа тоглох гэж байна. Тоглолтын хөтөлбөрт “Симфони №3”, “Өргөөний баяр наадам” симфони удиртгал, ”Үүлэн заяа” дуурын “Хоролдой ноёны ари, Цурхайн ари”, “Хөдөөгийн сайхан” симфони сюит, “Нутгийн чулуу” гэх зэрэг бүтээлүүд нь тоглогдох гэнэ.

Өнөөдөр нутгийн төв хэсгээр цас орж, цасан шуурга шуурч хүйтрэхийг онцгойлон анхааруулж байна.Ихэнх нутгаар үүлэрхэг. Төвийн нутгийн ихэнх, баруун зүгийн нутгийн зүүн, говийн нутгийн хойд, зүүн зүгийн нутгийн баруун хэсгээр цас орж, зөөлөн цасан шуурга шуурна. Салхи баруун болон төвийн нутгаар хойноос, бусад нутгаар зүүн өмнөөс баруун хойш эргэж секундэд 6-11 метр, нутгийн өмнөд хэсгээр секундэд 12-14 метр хүрч ширүүснэ. Завхан голын эхээр 32-37 градус, Их нууруудын болон Дархадын хотгор, Идэр, Тэс голын хөндий, 23-28 градус, Хэнтэйн уулархаг нутаг, Хараа, Ерөө, Туул, Тэрэлж голын хөндийгөөр 13-18 градус, говийн бүс нутгийн өмнөд хэсгээр 3-8 градус, бусад нутгаар 8-13 градус хүйтэн байна. Улаанбаатар хотод үүлшинэ. Бага зэргийн цас орно. Салхи зүүн хойноос секундэд 6-11 метр. 9-11 градус хүйтэн байна.

Нийслэлийн удирдлагын зөвлөлийн ээлжит хуралдаан болж, Удирдлагын зөвлөлийн хуралдааны журамд өөрчлөлт орууллаа.
Нийслэлийн үйлчилгээний нэгдсэн төвийн нэгдүгээр салбарыг Дүнжингарав худалдааны төвд байгуулсан. Тус төв нь нийслэлийн нутгийн захиргааны 25 байгууллагын 350 гаруй үйлчилгээг иргэдэд үзүүлж байгаа бөгөөд өдөрт дунджаар 2000-2500 иргэн үйлчлүүлж байна. Үйлчлүүлж буй иргэдийн дийлэнх өргөдөл, гомдлыг өдөрт нь шийдвэрлэж байгаа бол тодорхой хугацаа шаардлагатай асуудлыг дараагийн шатанд шилжүүлэх зарчмаар ажиллаж байна. Тус төвийн ачаалал, иргэдийн өргөдөл, гомдлыг шуурхай шийдвэрлэхийн тулд Нийслэлийн удирдлагын зөвлөл Нийслэлийн үйлчилгээний нэгдсэн төвд тогтмол хуралдахаар боллоо. Ингэснээр Нийслэлийн ИТХ-ын дарга Д.Баттулга, Нийслэлийн Засаг дарга бөгөөд Улаанбаатар хотын Захирагч Э.Бат-Үүл, Нийслэлийн Засаг даргын салбар хариуцсан орлогч нар, Засаг даргын Тамгын газрын дарга, Хотын Ерөнхий менежер, Ерөнхий архитектор нарын бүрэлдэхүүнтэй Нийслэлийн удирдлагын зөвлөлийн хуралдаан долоо хоногийн даваа гарагт 14 цагаас Нийслэлийн үйлчилгээний нэгдсэн төвд, пүрэв гарагт 14 цагаас Нийслэлийн Төрийн захиргааны Хангарди ордонд болно. Даваа гарагийн хуралдаанаар зөвхөн Нийслэлийн үйлчилгээний нэгдсэн төвд иргэдээс ирүүлсэн өргөдөл, гомдолтой холбоотой асуудлыг шийдвэрлэх бол пүрэв гарагийн хуралдаанаар бусад асуудлыг хэлэлцэхээр тогтлоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

”Reuters” агентлагийн өнгөрсөн долоо хоногийн шилдэг зургууд

Оросын Холбооны Улсын Ерөнхий прокурор Юрия Чайка ОХУ-ын Ерөнхий прокурорын газрын Олон нийт,Хэвлэл Мэдээлэлтэй харилцах албаны дарга Марина Гредневаг Ерөнхий прокурорын чухал хэргийн ахлах туслахаар томилогдсонтой нь холбогдуулан, үүрэгт ажлаас нь чөлөөлжээ.

Ерөнхий прокурор Юрий Чайка 2016 оны 02 дугаар сарын 11-ний өдөр ОХУ-ын Ерөнхий прокурорын газрын Олон нийт, Хэвлэл Мэдээлэлтэй харилцах албаны даргын албан тушаалд Александр Куренног томилсон байна.

Александр Куренно нь М.В.Ломоносовын нэрэмжит Москвагийн их сургуулийг олон улсын сэтгүүлч мэргэжлээр төгссөн, мэргэжлийн сэтгүүлч юм. Тэрээр ОХУ-ын телевизийн “НТВ” болон эрэн сурвалжлах чиглэлээр нэвтрүүлэг явуулдаг “ТВ центр” телевизийн сувгуудад сурвалжлагч, тусгай сурвалжлагчаар, телевизийн “Рен ТВ” сувгийн хууль, эрх зүйн сэдэвт баримтат кинонуудын зохиогчоор ажиллаж байсан байна. Мөн нэлээд хэдэн жил “Оросын дуу хоолой” радио станцын “Радио Россий”, “Арсенал” зэрэг нэвтрүүлгийг хөтлөн явуулдаг байжээ. Александр Куренно нь олон нийттэй харилцах ажлын асар их туршлагатай бөгөөд ОХУ-ын Ерөнхий прокурорын газрын Олон нийт, Хэвлэл Мэдээлэлтэй харилцах албаны даргын албан тушаалд томилогдохоос өмнө Оросын улс төрийн “Нэгдсэн Орос Улс” намын хэвлэл мэдээллийн албаны даргаар ажиллаж байжээ.

Үндсэн хуулийн цэцийн гишүүн асан Д.Сугарын хүү С.Цог Өршөөлийн хуульд хамрагдаж, өнгөрөгч нэгдүгээр сарын сүүлээр хорих ангиас суллагдсан тухай эх сурвалж мэдээллээ.

ЭЕШ-ын бүртгэл явагдаж байна
Түгээх
2016-02-21 12:46:05 - Боловсрол

SHALGALTЭлсэлтийн ерөнхий шалгалтын бүртгэл өнгөрсөн даваа гарагт орон даяар эхэлсэн. Энэ жилийн шалгалтын онцлог нь элсэлтийн ерөнхий шалгалт өгсөн бүх хичээлдээ 400-гаас дээш оноо авч их, дээд сургууль, коллежид элсэх боломжтой болж байгаа юм. Мөн Засгийн газрын 37 дугаар тогтоолын дагуу элсэлтийн ерөнхий шалгалт өгч буй нийт шалгуулагчдаас монгол хэл, бичгийн шалгалт заавал авах юм. Үүнээс гадна монгол, англи, орос хэлний хичээлийн шалгалтад сонсоод ойлгох чадварыг шалгасан даалгавруудыг багтаасан байна. Шалгалтад eyesh.eec.mn/reg цахим хууцсаар бүртгүүлэх бөгөөд нэг шалгалт 5800 төгрөг, батламж хуудас 700 төгрөг байх юм. Бүртгэл ирэх дөрөвдүгээр сарын 25-ны 18.00 цагт дуусна.

Нийслэлийн Засаг дарга “Монгол цэргийн өдөр, Зэвсэгт хүчний 95 жилийн ойг тэмдэглэх тухай” захирамж гаргалаа. Захирамжаар Монгол цэргийн өдөр, Зэвсэгт хүчний 95 жилийн ойд зориулсан Батлан хамгаалах хууль тогтоомжийг сурталчлах, төрийн үйлчилгээг иргэдэд хүргэх, Цэргийн штабуудын үйл ажиллагаа, “Монгол цэргийн жавхаа” уралдааныг сурталчлах “Иргэдэд ажлаа танилцуулах өдөр” үйл ажиллагааг ирэх гуравдугаар сарын 16-ны өдрийн 13.00–18.00 цагийн хооронд нийслэлийн Соёлын төв өргөөнд зохион байгуулах болжээ.

Улс төр менежментийн академийн Захирал Д.Уламбаяр Монголын бурхан шашинтны төв Гандантэгчилэн хийдийн Хамба лам Д.Чойжамцад хандаж захидал бичжээ. Түүний захидал сошиал ертөнцөд уншилт ихтэй байна. Учир нь тэрбээр захидалдаа Буддын шашны сургааль номлолыг монгол хэлээр уншихын ач тус хийгээд Түвдийн ард түмний өмнө бид хэл, шашин соёлыг нь хадгалж тээх үүрэггүй гэдгийг онцолжээ. Мөн бид бурханы сургаалыг огт мэдэхгүй өөр хэлээр сонссоор байх нь ямар хор нөлөөллийг авчрахыг ч дурьджээ. Энэхүү захидал олон нийтэд нэгийг бодогдуулах нь дамжиггүй юм.
Тиймээс манай сайт захидлыг бүрэн эхээр нь хүргэж байна.

Санкт-Петербург хотын дуурийн театрын тайзнаа Ж.Бизегийн “Кармен” дуурь маргааш эгшиглэх юм. Халуун цуст Кармен бүсгүйн амьдрал, хайр сэтгэлийн тухай өгүүлэх тус бүтээлд ОХУ-ын Марийнский театрт гоцлол дуучнаар ажиллах болсон Монгол Улсын гавьяат жүжигчин Г.Ариунбаатар дуулах аж. Тэрээр Эскамильогийн дүрийг бүтээх аж. “Марийнский” театрын уран бүтээлчид дэлхийн сонгодог бүтээлүүдээс дээжлэн хүргэж байгаа бөгөөд удахгүй Монголын .үзэгчидтэй уран бүтээлээрээ уулзах ажээ.

Хоёрдугаар сарын 21-нд “Олон улсын эх хэлний” өдөр тохиож байна. Энэ өдрийг угтан “Нийтийн эх хэлний боловсролд хэвлэл мэдээллийн үүрэг” эрдэм шинжилгээний хурал зохион байгуулж, хэвлэл мэдээллийн байгууллага, сэтгүүлчдэд зөвлөмж хүргүүллээ.

Санхүүгийн байгууллага зээл олгохоос татгалзвал өөр арга зам хайх хэрэгтэй. Тэвчээргүй зан зорилгодоо хүрэхэд туслахгүй, тиймээс хийж буй зүйлдээ ухамсартай бай. Чин сэтгэлээсээ хүсдэг юмаа төлөвлөж эхэл. Хэрвээ аз жаргалтай, өөдрөг байвал энерги эрүүл байна. Харин сэтгэл санаа таагүй, уйтгартай бол энергийн урсгал удаан, хүч муутай болно.

Тухайн өдөр луу жилтнээ аливаа үйлийг хийхэд эерэг сайн. Эл өдөр угаал үйлдэх, бурхан лус тахих, мод босгох, газрын үүд боох, тангаргаас няцах, зэтгэрийг дарах, мал адгуус муулах үйл, аюулаас зайлах, ламтай учрах, цагаан зүгийн үйлд сайн. Нялхасыг хөлд оруулах, гадагш гаргах, байшингийн суурь тавих, өс дарах, угаал үйлдэх, залбирал тавихад муу. Өвчин болвол гурав ба тав хоногт амирлана. Замд гарвал муу, гаслантай учран, найз нөхдөөс хагацахуй гэм буй. Баруун нүд татвал холын мэдээ, сураг сонсоно. Зүүн нүд татвал эдийг олох болой. Баруун чих хангинавал ундаа олдоно. Зүүн хангинавал гэм ирнэ. Нохой уливал үхэгсэдийн сураг сонсох ба хэрээ дуугарвал нөхөртэйгөө учирна. Шилбэ татвал хэрүүл тэмцэл болно. Өдрийн сайн цаг нь морь, хонь, тахиа, хулгана, бар, туулай болой. Үс шинэр үргээлгэх буюу засуулбал эд мал арвидна.

2016 оны 02 дугаар сарын 20-ны 20 цагаас 02 дугаар сарын 21-ний 20 цаг

хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлшинэ. Шөнөдөө зарим газраар, өдөртөө нутгийн зүүн хэсгээр цас орж, зөөлөн цасан шуурга шуурна. Салхи баруун өмнөөс хойш эргэж секундэд 6-11 метр, нутгийн өмнөд хэсгээр секундэд 12-14 метр хүрч ширүүснэ. Хүйтэрч Завхан голын эхээр шөнөдөө 41-46 градус, өдөртөө 32-37 градус, Их нууруудын хотгор, Идэр, Тэс голын хөндийгөөр шөнөдөө 34-39 градус, өдөртөө 23-28 градус, Алтайн өвөр говиор шөнөдөө 9-14 градус, өдөртөө 3-8 градус, бусад нутгаар шөнөдөө 19-24 градус, өдөртөө 9-14 градус хүйтэн байна.

ТӨВИЙН АЙМГУУДЫН НУТГААР: Үүлшинэ. Шөнөдөө зарим газраар, өдөртөө ихэнх нутгаар цас орж, зөөлөн цасан шуурга шуурна. Салхи зүүн өмнөөс баруун хойш эргэж секундэд 5-10 метр, зарим газраар секундэд 12-14 метр хүрч ширүүснэ. Дархадын хотгороор шөнөдөө 28-33 градус, өдөртөө хүйтэрч 18-23 градус, Хэнтэйн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө 25-30 градус, өдөртөө 12-17 градус, бусад нутгаар шөнөдөө 16-21 градус, өдөртөө 8-13 градус хүйтэн байна.

ЗҮҮН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө нутгийн баруун хэсгээр бага зэргийн цас орж, явган шуурга шуурна. Салхи зүүн өмнөөс баруун хойш эргэж өдөртөө секундэд 7-12 метр. Шөнөдөө Хэрлэн голын эхээр 21-26 градус, бусад нутгаар 18-23 градус, өдөртөө нутгийн хойд хэсгээр 9-14 градус, бусад нутгаар 5-10 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Шөнөдөө цас орохгүй, өдөртөө бага зэргийн цас орно. Салхи баруун хойноос секундэд 5-10 метр. Шөнөдөө 25-27 градус, өдөртөө 7-9 градус хүйтэн байна.

ГОВИЙН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө нутгийн хойд хэсгээр бага зэргийн цас орж, зөөлөн цасан шуурга шуурна. Салхи зүүн өмнөөс баруун хойш эргэж секундэд 6-11 метр, өдөртөө зарим газраар секундэд 12-14 метр хүрч ширүүснэ. Шөнөдөө Өмнөговийн нутгаар 13-18 градус, бусад нутгаар шөнөдөө 17-22 градус, өдөртөө Дундговийн нутгаар 6-11 градус, бусад нутгаар 3-8 градус хүйтэн байна.

УЛААНБААТАР ХОТ: Үүлшинэ. Цас орно. Салхи зүүн өмнөөс баруун хойш эргэж секундэд 7-12 метр, зөөлөн цасан шуурга шуурна. Шөнөдөө Яармаг-Сонгины орчмоор 27-29 градус, бусад хэсгээр 17-19 градус, өдөртөө 9-11 градус хүйтэн байна.