Монголын урлагийн өнөөгийн өнгө төрхийг тодорхойлж рок поп урлагийн түүхэнд үнэлж барамгүй хувь нэмрээ оруулан яваа эрэгтэй шилдэг таван хамтлагийн нэгдэл өнгөрөгч 10 дугаар сард ”Мартагдашгүй” тоглолтоо хийж тэдний дуу хуураар дурсамж бүхэн нь хөглөгдөж ирсэн олон мянган залуусыг ёстой л нэг доргиож шуугиулаад авсан.

Харин энэхүү тоглолтыг үзэж амжаагүй олонч сонсогч фенүүд нь сэтгэл дундуур үлдсэн юм. Тэгвэл хамтлагийн залуус дахин нэгдэн эгнээндээ “Freezone”, “Хар сарнай”, “Нисванис” гэсэн нэгэн үеийн үзэгчдийн хайр хүндэтгэлийг хүлээсэн хамтлагуудын хамт ”Мартагдашгүй” тоглолтоо дахин тоглохоор болсон билээ. Тоглолт монголд анх удаа дэлхий стандартын дагуу нээлтээ хийж буй ”Castle” клубын нээлтэнд зориулагдаж байгаа юм.

Тоглолт энэ сарын 18-ны баасан гарагт буюу өнөөдөр ”Castle” клубд болно. ”Castle” клубын байршлыг сануулахад 6-р бичил, өргөө кино театрын зүүн хойно, хуучнаар Mass club. Өнөө орой ”Castle” клубын нээлтэнд ”Мартагдашгүй” тоглолтонд уулзацгаая.

Дэлгэрэнгүй мэдээллийг: 99117476 утаснаас

Агаарын бохирдлыг бууруулах үндэсний хорооны 2015 оны гуравдугаар хурал өнөөдөр боллоо.

Тус хурлаар Үндэсний хорооны бүтэц, ажиллах журамд нэмэлт өөрчлөлт орсон тухай аймгийн Засаг дарга нарт танилцуулах, аймаг, нийслэлийн төвд үйл ажиллагаа явуулж байгаа шатахуун түгээх станцуудад гурвалсан НАНО технологи бүхий шингэн НАНО бүтээгдэхүүн нэвтрүүлэх боломжийн талаар танилцуулга мэдээлэл хийх, 2016 онд аймаг, нийслэлийн агаарын чанарыг сайжруулах бүсэд авч хэрэгжүүлэх арга хэмжээний талаар хэлэлцлээ.

Шингэн НАНО технологиор баяжуулсан “НАНО шатахуун”-ыг хэрэглэснээр автотээврийн хэрэгслээс ялгарах хорт хий, утаа, тогтворжилтийн түвшинг бууруулах боломжтойг “Жим вейл Монголиа интернейшнл” компанийнхан танилцуулсан бөгөөд энэ асуудлаар судалгаа хийхийг Уул уурхайн яам болон Газрын тосны газрын удирдлагуудад тус хорооны дарга, Монгол Улсын Ерөнхий сайд Ч.Сайханбилэг үүрэг болголоо.

Мөн тус хурлаар Агаарын бохирдлыг бууруулах үндэсний хорооны бүрэлдэхүүнд орсон Хөвсгөл, Өвөрхангай, Өмнөговь, Баянхонгор, Дархан-Уул, Орхон, Ховд аймгийн Засаг дарга нараас ирүүлсэн саналыг хэлэлцэж, эдгээр аймгуудад утаа ихтэй нэг, хоёрдугаар саруудад агаарын чанарын бохирдлыг бууруулах зарим арга хэмжээг авч хэрэгжүүлэхээр төлөвлөж, нийслэлийн агаарын чанарыг сайжруулах бүсэд БОНХАЖЯ, НЗДТГ-тай хамтран хэрэгжүүлэх арга хэмжээний талаар ярилцлаа.

Үүнд, гэр хорооллын 10-12 мянган айл өрхийг боловсруулсан түлшээр хангах, 10 орчим мянган айл хэрэглэж буй түүхий нүүрс цэвэршүүлэгч бодисоор баяжуулах турших, цахилгаан хангамжийн найдвартай ажиллагааг дээшлүүлэх чиглэлээр Их тойруугийн 110 Кв-ын дэд станцуудаас хэт ачаалагдсан 4 шугамын ачаалал хөнгөвчлөх угсралтын ажил, нийслэлийн таван цэцэрлэгийн усан халаалтын зуухыг шинэ дэвшилтэд технологид шилжүүлэх зэрэг ажлыг хэрэгжүүлэхээр төлөвлөсөн гэдгийг Агаарын бохирдлыг бууруулах үндэсний хорооны дэд дарга, БОНХАЖ-ын сайд Н.Батцэрэг хэллээ гэж Засгийн газрын Хэвлэл мэдээдэл, олон нийттэй харилцах албанаас мэдээллээ.

Барак Обама: Зул сарын баярын үеэр терроризмын баттай аюул заналхийлэл байхгүйАНУ-ын тагнуул болон терроризмын эсрэг албаны зүгээс энэ зул сарын баярын өдрүүдээр АНУ-д ямар нэгэн террорист халдлага үйлдэгдэх гэх мэт ямар нэгэн баттай мэдэгдсэн аюул, заналхийлэл байхгүй гэж мэдэгдсэн талаар Барак Обама хэлсэн байна. Тэрээр пүрэв гаригт Виржиниа мужид байрлах Терроризмтой Тэмцэх Үндэсний Төвд зочлох үеэрээ энэ талаар мэдээлсэн байна. Барак Обама АНУ-ын Засгийн Газрын зүгээс ард иргэдийнхээ аюулгүй байдлыг хангаха тал дээр бүх талын арга хэмжээг авч байгааг онцолсон байна. Мөн ард иргэддээ хандан баярын амралтын өдрүүдээр анхаарал болгоомжтой байх нь илүүдэхгүй гэдгийг анхааруулжээ.

“Сүхбаатар дүүргийн 1 дүгээр хороо, хоёрдугаар байрны зүүн талд байрлах дулааны шугамын худагт хүн унасан байна” гаргаж өгнө үү гэсэн дуудлага онцгойд иржээ. Дуудлагын дагуу Аврах ангийн бүлгийг очиход тус худаг дотор нас тодорхой бус эрэгтэй 1, 53 настай, эрэгтэй нар ухаангүй согтуу байсныг гаргаж дүүргийн цагдаагийн бүрэлдэхүүнд хүлээлгэн өгчээ. Мөн “Баянзүрх дүүргийн 16 дугаар хороо, 18 дугаар байр мансардтай зургаан давхар орон сууцны агааржуулах хоолойд хүн гацсан байна” гэж дуудлага өгснөөр нийслэлийн Аврах ангийн бүлгийг гаргахад иргэн Г согтуугаар дээврээс нь агааржуулах хоолойгоор бууж байгаад гацсан байсныг гаргаж тус дүүргийн цагдаагийн бүрэлдэхүүнд хүлээлгэн өгсөн.

Ерөнхий сайд асан Н.Алтанхуягийн ахлах зөвлөх, Шинэчлэлийн Засгийн газраас хэрэгжүүлсэн “Нүүрс” хөтөлбөрийг ахалж ажилласан Л.Гансүх, “Эм Жи Эл Эс Би” компанийн захирал Н.Даваахүү, тус компанийн нягтлан бодогч Б.Мөнгөнтуяа нарт холбогдох эрүүгийн хэргийг Нийслэлийн давж заалдан шатны шүүхэд шүүх хурал энэ сарын 21 буюу ирэх даваа гарагт болохоор товлогджээ.
Үүнтэй холбоотой мэдээллийг өнөөдөр Л.Гансүх нарын өмгөөлөгчид сэтгүүлчдэд хийх байсан ч Б.Мөнгөнтуяагийн бие муудаж, эмнэлэг рүү явснаас хэвлэлийн бага хурал хойшилсон.

Монгол Улсын Ерөнхийлөгчийн 1995 оны 109 дүгээр зарлигаар баталсан “Төрийн захиргааны албан хаагчийн тангараг өргөх ёслолын журам”-ыг баримтлан нийслэлийн нутгийн захиргааны байгууллагуудын төрийн албанд анх орсон албан хаагчдын тангараг өргөх ёслол боллоо. Энэхүү арга хэмжээнд нийслэлийн Засаг дарга бөгөөд Улаанбаатар хотын Захирагч Э.Бат-Үүл, нийслэлийн Засаг даргын Тамгын газрын дарга Ё.Гэрэлчулуун, нийслэлийн Засаг даргын Тамгын газрын Нутгийн захиргааны удирдлагын хэлтсийн дарга Ү.Ганболд нар оролцов.
Нийслэлийн нутгийн захиргааны байгууллагуудын төрийн жинхэнэ албан тушаалд томилогдон, туршилтын хугацаанд ажиллаж, тухайн ажлын байранд тавигдах шаардлагыг хангасан 195 иргэн төрийн жинхэнэ албан хаагчийн тангаргаа өргөж, Монгол Улсын төрийн далбаанд ёслон хүндэтгэл үзүүллээ. Төрийн жинхэнэ албан хаагчид “ Эх орон, ард түмнийхээ төлөө эрдэм чадлаа зориулж, төрийн хууль, ёс зүйн хэм хэмжээг чанд сахиж, албан үүргээ үнэнч шударгаар биелүүлэхээ тангараглая. Тангарагаа няцвал хуулийн хариуцлага хүлээнэ” хэмээн тангараглалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Ерөнхий сайд асан Н.Алтанхуягийн зөвлөхөөр ажиллаж байсан Л.Гансүхийн өмгөөлөгч цаг үеийн асуудлаар өнөөдөр хэвлэлийн хурал зарласан юм. Хуралд Л.Гансүхийн өмгөөлөгчөөс гадна “ЭмЖиЭлЭсБи” компанийн ажилтан Б.Мөнгөнтуяа оролцох байжээ. Харин Б.Мөнгөнтуяагийн бие муудсан гэх шалтгаанаар хэвлэлийн хурлыг цуцалсан юм.

Дашрамд дуулгахад, энэ хэргийн анхан шатны шүүх хурал өнгөрөгч есдүгээр сард болж Л.Гансүхэд 4.6 жилийн ял, харин “ЭмЖиЭлЭсБи” компанийн ажилтнууд болох Н.Даваахүү, Б.Мөнгөнтуяа нарыг тус бүр 19 сая 200 мянган төгрөгөөр торгох шийдвэр гаргасан.

Давж заалдах шатны шүүх хурал ирэх Даваа гаригт болох юм. Харин Л.Гансүхийн өмгөөлөгч давж заалдах шатны шүүх хурлыг хэвлэлийнхэнд нээлттэй явуулах хүсэлтийг тавиад байгаа юм.

“Энержи Ресурс”-ын асуудлыг Ёс зүйн дэд хороо хэлэлцэхгүй гацаасаар...

Төсвийн байнгын хороо дөрвөн асуудал хэлэлцэж шийдвэрлэв

Хугацаа дууссан бүтээгдэхүүн худалдан авахаас сэргийлээрэй

”Тэнгэрийн 7 ихэр” 18 нас хүрч байна

2015
12 сар
11 сар
10 сар
09 сар
08 сар
07 сар
06 сар
05 сар
04 сар
03 сар
02 сар
01 сар
2014
12 сар
11 сар
10 сар
09 сар
08 сар
07 сар
06 сар
05 сар
04 сар
03 сар
02 сар
01 сар
2013
12 сар
11 сар
10 сар
09 сар
08 сар
07 сар
06 сар
05 сар
04 сар
03 сар
02 сар
01 сар
2012
12 сар
11 сар
10 сар
09 сар
08 сар
07 сар
06 сар
05 сар

Эхлэл
Мэдээ, мэдээлэл
УИХ-ын гишүүн
Мэдээ, мэдээлэл
УИХ-ын гишүүн, НББСШУБХ-ны дарга Д.Батцогт мэдээлэл хийв

Улсын Их Хурлаар Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төслийг хэлэлцэн баталсантай холбогдуулан Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогт өнөөдөр /2015.12.18/ мэдээлэл хийв. Энэхүү хуулийн төслийг Улсын Их Хурлын гишүүн Д.Батцогт, А.Бакей, Су.Батболд, Х.Баттулга, Г.Батхүү, Б.Болор, Х.Болорчулуун, Б.Гарамгайбаатар, Ё.Отгонбаяр, Д.Оюунхорол, Я.Санжмятав, Д.Хаянхярваа, Ч.Хүрэлбаатар, Б.Чойжилсүрэн, С.Одонтуяа, С.Эрдэнэ, Ж.Эрдэнэбат нарын 17 гишүүнээс Улсын Их Хуралд 2015 оны 11 дүгээр сарын 06-ны өдөр өргөн мэдүүлсэн юм.

Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогт мэдээлэлдээ, “Нийгмийн даатгалын тухай хуулиар малчид нийгмийн даатгалд сайн дураар даатгуулж байгаа. 2014 оны байдлаар нийт 293.6 мянган малчдын дөнгөж 11 хувь нь л сайн дураар нийгмийн даатгалд хамрагдаж, нийгмийн даатгалын шимтгэл төлсөн байна. Нийт тэтгэвэр авагч 59.1 мянган малчдын 45.9 мянга нь өндөр насны, 8.0 мянга нь тахир дутуугийн, 5.2 мянга нь тэжээгчээ алдсаны тэтгэвэр авч байна. Ирээдүйд малчдын дийлэнх нь Нийгмийн даатгалын сангаас тэтгэвэр авах боломжгүй болж байгаа нь одоогийн нийгмийн даатгалын шимтгэлийн тогтолцоо, хөдөлмөрийн болон орлогын хэв шинжтэй нь нийцэхгүй байна.

Мөн малчид нь жилийн дөрвөн улиралд байгаль, цаг агаараас шууд хамааралтай мал сүргээ даган байнгын нүүдэллэн амьдардаг онцлогтой. Энэ нь тэдний эрүүл мэнд, хөдөлмөрийн чадварыг бууруулах, орлого нь тогтвортой бус, улирлын чанартай эх үүсвэртэй байгаа нь малчдын амьралын түвшинг бууруулахад хүргэдэг.

Иймд малчдын тэтгэвэр тогтоолгох насыг бууруулахаас илүүтэйгээр малчдын нийгмийн даатгалын шимтгэл төлсөн хугацааг нэмэгдүүлэн тооцох нь тэдний ирээдүйд авах тэтгэврийг нэмэгдүүлэхэд чухал ач холбогдолтой гэж үзлээ. Зарим онцгой нөхцөлд ажиллаж буй цэрэг, цагдаа, дипломат алба, шүүхийн шинжилгээний салбарт ажиллагсдын ажилласаг хугацааг нэмэгдүүлэн тооцдог жишиг бий. Жишээлбэл, Дипломат албаны тухай хуулиар цаг уурын хүнд нөхцөлтэй орны дипломат төлөөлөгчийн газарт ажилласан нэг жилийг нэг жил 6 сараар тооцохоор тусгасан байдаг. Малчдын нийгмийн даатгалын шимтгэл төлсөн хугацааг нэмэгдүүлснээр малчдын тэтгэврийн даатгалд хамрагдах сонирхол дээшилж, тэдний нийгмийн баталгаа сайжрахаас гадна Нийгмийн даатгалын сангийн шимтгэлийн орлого нэмэгдэхэд чухал ач холбогдолтой юм.

Манай улсын эдийн засгийн гол салбар болох мал аж ахуй, дотоодын нийт бүтээгдэхүүний 15.0 хувь, экспортын орлогын 10 гаруй хувийг бүрдүүлж, эдийн засгийн идэвхтэй хүн амын 30 хувийг бүрдүүлж буй нийт малчдын нийгмийн асуудлыг шийдвэрлэхэд томоохон алхам болно . Нийгмийн даатгалын тухай хуулиар малчнаар нэг жил ажиллаж, нийгмийн даатгалын шимтгэл төлсөн хугацааг нэг жил хоёр сараар тооцохтой холбоотой харилцааг зохицуулсан” гэдгийг онцлон тэмдэглэв.

Мөн тэрээр, залуу малчдын халаа байхгүй боллоо гэж малчид ярьдаг. Хуулийн төсөл эцэслэн батлагдсанаар малчдын халааг залуучууд өвлөн авах, залуучуудын мал маллах сонирхол нэмэгдэхэд түлхэц болно гэж үзэж байгаа. Түүнчлэн хууль батлагдсанаар малчдын нийгмийн баталгаа мэдэгдэхүйц сайжрахын хэрээр малчдын нийгмийн даатгалын шимтгэл төлөх сонирхол нэмэгдэж, малчид өндөр тэтгэвэр тогтоолгох боломж бүрдэнэ гэдгийг хэллээ. Энэ хуулийг 2017 оны 01 дүгээр сарын 01-ний өдрөөс эхлэн дагаж мөрдөх юм. Мэдээллийн үеэр сэтгүүлчид сонирхсон асуултдаа дэлгэрэнгүй хариулт авав хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Төрийн өмчийн тухай хуулийн төслийг өргөн барилаа

Монгол Улсын төрөөс хүн амын хөгжлийн талаар баримтлах цогц бодлогын төслийг өргөн барилаа

“Ноцтой мэдээ” сонины 34 дахь дугаарт “17 жил таг дарагдсан С.Зоригийн аллага илэрчээ” гэсэн гарчигтай нийтлэл бичигджээ. Уг нийтлэлд Нийслэлийн Засаг дарга Э.Бат-Үүл хэргийн газарт байсан болон үнэн мөнийг нуун дарагдуулсан тухай тусгасан байна. Үүнтэй холбогдуулан Э.Бат-Үүлийн өмгөөлөгч Б.Алтанхуяг, В.Гомбодорж нар өнөөдөр хэвлэлийн хурал хийлгэлээ.

Өмгөөлөгчид “С.Зоригийг иргэн Э.Бат-Үүл алсан мэт илтэд гүтгэн, гүжирдсэн өнгө аястай нийтлэл бичигдсэн байна. Бодит байдалтай нийцүүлэхгүй, худал мэдээлэл тараасан учраас энэ бол гэмт хэрэг. Үүнийг бичсэн хүн, үнэн гэдгийг баталж чадахгүй бол хэвлэлийн эрх чөлөөний тухай хуулиар хариуцлага хүлээлгэнэ” хэмээв. Мөн нийслэлийн Засаг дарга Э.Бат-Үүл нэр төрөө сэргээлгэхээр, үнэн худлыг шийдэж өгөхийг хүсч хуулийн байгууллагад гомдол хүргүүлж байгаа юм байна.

Эргэн сануулахад, хэрэг гарсны дараа С.Зориг агсны гэрээс түүний цагаан өнгийн малгай олдсон байдаг. Үүнтэй холбогдуулан хэрэгтнээр татаж байсан ч, гэм буруугүй гэдгийг нь цагдаагийн байгууллага тогтоож хэргийг хэрэгсэхгүй болгосон билээ.

Энэ сарын 02-ны өдөр Хан-Уул дүүргийн Наадамчдын гудамж, Яармагийн гүүрэн дээр “Эрдэм транс” ХХК-ийн Hyundai Aerocity автобус, ”Алтай констракшн” ХХК-ийн Kia Bongo автомашинтай мөргөлдөж осол гаргасан. Зам тээврийн ослоос болж 7 хүн гэмтэж, гүүрийн давхар босоо даацын панелийн нэг панель бүрэн эвдэрсэн юм. Одоогоор ослын шалтгаан болон буруутай этгээдийг тогтоохоор цагдаагийн байгууллага ажиллаж байгаа бөгөөд осол болсон өдөр холбогдох газрын мэргэжилтнүүд гүүрэн дээр очиж, үзлэг шалгалт хийж, дүгнэлт гаргажээ.

Мэргэжлийн Хяналтын ерөнхий газрын дүгнэлтээр “Гүүрэнд гарсан эвдрэл гэмтэл нь гүүрийн ачаалал даах чадварыг бууруулж, осол гарах нөхцөл үүсгэсэн байгаа учир эвдрэл гэмтлийг засварлаж, хэвийн байдал хангагдах хүртэл тус гүүрээр нэвтрэн өнгөрөх авто тээврийн хэрэгслийн хөдөлгөөнийг хаав” гэсэн акт тавьжээ.

Үүний дагуу нийслэлийн Автозамын газар, Замын цагдаагийн газар, Нийтийн үйлчилгээний “Улаанбаатар нэгтгэл” ОНӨААТҮГ хамтран ажиллаж гүүрийг хаасан байна.

Мөн зураг төсөл зохиогчоос гүүрэнд гарсан эвдрэл гэмтлийг хэрхэн засварлах талаар технологи аргачлал, зөвлөмж, дүгнэлтийг гаргажээ. Дүгнэлтээр панелийг үйлдвэрийн хийцээр солих, гүүрийн эвдрэлтэй хэсгийг доороос нь дэр модон түр тулгуур хийх, гангийн цууралтаас хамгаалах зорилгоор засвар хийх хэсэгт дулаан байр барих, барьсан байрны доторх агаарын хэм+5 градусаас багагүй байх, засварын ажлыг гүүрийг угсарсан мэргэжлийн багийн тусламжтайгаар явуулах нь зохимжтой гэх мэт техникийн нарийн аргуудыг зөвлөжээ.

Түр гүүрийг хааснаар тухайн орчинд оргил цагуудад замын хөдөлгөөний түгжрэл үүсч, иргэдийн уур бухимдлыг төрүүлсэн гомдол ихээр ирж байгаа аж.
Иймд түр гүүрийн хэвийн байдлыг хангаж, замын хөдөлгөөний ачааллыг бууруулах зорилгоор дээрх дүгнэлтийн дагуу засварын ажлыг эхлүүлсэн. Гүүрийг засаж хэвийн байдалд оруулахад 77 сая төгрөг шаардлагатай гэж нийслэлийн Автозамын газраас мэдээлж байна. Тиймээс өчигдөр болсон нийслэлийн Удирдлагын зөвлөлийн хуралдаанаар энэ асуудлыг хэлэлцэн түр гүүрийн засварын ажилд шаардагдах хөрөнгийг шийдвэрлэж, ажлыг шуурхай дуусгахыг үүрэг болголоо. Замын хөдөлгөөний аюулгүй байдлыг хангах тухай хуулийн дагуу Яармагийн гүүрийн засварын ажилд зарцуулсан хөрөнгийг буруутай этгээдээр нөхөн төлүүлэх юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын гишүүн Х.Тэмүүжин хуулийн төслүүд өргөн барив

Засаг дарга нарын семинар боллоо

Хан-Уул дүүргийн шилдэг хүүхдүүд тодорлоо

GALLERIA ULAANBAATAR