Дөнгөж сая “Сутайн буянт” компанийн Их наран чиглэлийн автобус зорчигч тээвэрлэж явах үедээ доголдож, улмаар шатсан хэрэг гарчээ.

Жижиглэн худалдаа эрхлэгчид зөвлөлдлөө

өнгөж сая “Сутайн буянт” компанийн Их наран чиглэлийн автобус зорчигч тээвэрлэж явах үедээ доголдож, улмаар шатсан хэрэг гарчээ.
Өнгөрсөн долоо хоногт мөн л тус компанийн автобус буудал дээр зогсож байсан 9 хүнийг дайрч, нэг хүний аминд хүрсэн хэрэг гарсан юм. Мөн нийтийн тээвэртэй холбоотой хэд хэдэн ноцтой осол гарсан билээ.

Эндээс харахад тээврийн хэрэгслийн бүрэн бүтэн байдал манай улсад том асуудал болжээ. Монголд орж ирж байгаа автобусны чанар муу. Хуучин, элэгдэл хорогдлын улмаас техникийн асуудалтай байдаг нь осол гарах нэг шалтгаан болдог. Мөн өвлийн улиралд хотын зам гулгаа ихтэй байдаг нь олон осол ар араасаа гарах шалтгаан болдог юм.

1.8 тэрбум ам.долларыг МАН зүгээр л цацаж байсан

Ээж

Монголын Аялал Жуулчлалын Холбооноос санаачлан Монголын аялал жуулчлалын салбарын шилдгүүдийг тодруулах “Golden Compass Mongolian Tourism Awards 2015” үйл ажиллагааг БОНХАЖЯ, Нийслэлийн Аялал жуулчлалын газартай хамтран анх удаагаа зохион байгуулах гэж байна. Аялал жуулчлалын салбарынхан уг арга хэмжээг талархан хүлээж авч, шалгаруулалтын эхний шатанд нийт 66 материал ирүүлжээ.
12 сарын 18-нд “Шилдэг фестиваль”, “Гадагшаа аялуулдаг шилдэг компани”, “Шилдэг нийгмийн хариуцлагатай байгууллага”, “Шилдэг орон нутгийн аялал жуулчлалын ТББ”, “Шилдэг хоноглох байр” зэрэг 9 төрөлд шилдгүүд тодорох юм байна.
Уг шагналын үйл ажиллагааны зорилго нь:

Монголын аялал жуулчлалын салбарт өөрийн чиглэлээр манлайлан ажиллаж байгаа байгууллага, хувь хүмүүсийг шалгаруулан урамшуулж шагнах, олон нийтэд таниулах.
Салбарынхаа хамт олонд урам зориг өгөх, тухайн чиглэлд бий болсон шилдэг санаачилга, ололт амжилт, бүтээн босголт, хөрөнгө оруулалтыг салбарын хэмжээнд түгээн дэлгэрүүлэх, сайн туршлагыг хуваалцах.
Аялал жуулчлалын салбарт үйлчилгээний мэргэшсэн зөв стандарт тогтоох.
Монголын аялал жуулчлалын салбарын өрсөлдөх чадварыг нэмэгдүүлж, Дэлхийн стандартад хүргэх, олон улсын зах зээлд гаргах.
Монгол улсын хэмжээнд аялал жуулчлалын салбарын нэр хүндийг өсгөх, олон нийтийг аялал жуулчлалын салбарын талаар үнэн зөв, бодит мэдээллээр хангах.
Шалгарсан шилдгүүдийн нэр хүндийг салбарт болон олон нийтийн дунд өргөнөөр сурталчлах юм.

Шалгаруулалтын шүүгчдийн бүрэлдэхүүнийг аялал жуулчлалын салбарын оролцогч талуудаас жигдхэн оролцуулж, хараат бус байхаар шийджээ. Шүүгчид олон улсын тогтвортой аялал жуулчлалын хөгжлийн TraveLife байгууллагаас гаргасан тогтвортой аялал шалгуур үзүүлэлтийн Монголд зориулсан загвараас санаа авсан шалгуурууд, хамтран ажиллагч байгууллагуудын тодорхойлолт, нийгмийн хариуцлага буюу тухайн орон нутагт оруулж байгаа нэмэр, байгаль орчны хамгаалалтын болон соёлын өвийн хамгаалалтын ажил, салбарт эерэг нөлөө болохуйц шинэлэг, шилдэг туршлагыг анхаарахаас гадна дэлхийн аялагчдын хамгийн том онлайн плaтформ болох TripAdvisor дахь сэтгэгдлүүдийг тусгаж ажиллах юм байна гэж Нийслэлийн Аялал жуучлалын газраас мэдээллээ.

Европын аюулгүй байдал, хамтын ажиллагааны байгууллага (ЕАБХАБ)-ын Сайд нарын зөвлөлийн 22 дугаар уулзалтад оролцож буй Гадаад хэргийн сайд Л.Пүрэвсүрэн Бүгд Найрамдах Серби Улсын Гадаад хэргийн сайд Ивица Дачичтай хоёр талын уулзалт хийж, хамтын ажиллагааны асуудлаар санал солилцов.

УИХ-ын гишүүн Ш.Түвдэндорж:

-АН, Засгийн газар 2012 оноос өнөөдрийг хүртэл хийсэн ажлуудаа иргэдэд танилцуулж ирсэн. 2012 оноос өмнө 1.8 тэрбум ам.долларыг МАН зүгээр л цацаж байсан. Яг энэ хэмжээний мөнгөөр АН олон болоод юу хийсэн бэ гэдгийг иргэд мэдэж байгаа. Баруун аймгуудад шатахууны үнэ 230-270 төгрөгөөр, зүүн аймгуудад 130-160 төгрөгөөр буурч байгаа. Үүнийг дагаад өргөн хэрэглээний барааны үнэ ч буурч байгаа. 2012 онд Шинэчлэлийн Засгийн газар гарсныхаа дараа нефтийн үнийг тогтвортой байлгах арга хэмжээ авч эхэлсний үр дүн одоо гарч байна. Дотоодын валютын ханшийн савалгаанд өртөхөөргүй. Ийм тогтвортой байдалд оруулсан нефтийн үнийг. Валютын ханшийн өөрчлөлт, Засгийн газраас явуулсан бодлогын үндсэн дээр нийтдээ 60 орчим хувийн татварын үйл ажиллагаан дээр тоглолт хийгээд үнийн тогтвортой байдлыг барьж байгаа.

Энэ бол 2012 оны сонгуульд ард түмний хийсэн сонголтын гавьяа гэж хэлмээр байна. Монголын зүүн талаас баруун тал хүртэлх замын хэмжээнээс илүү гарсан хар замыг энэ гурван жилд хийсэн. Энэ бол ард түмний сонголтын гавьяа. Одоо хар зам Солонготын даваа давж байгаа. Цаашдаа баруун аймгуудыг холбоход ойрхон болсон. Өнгөрсөн долоо хоногт хамтын тэтгэврийн тухай хууль батлагдсан. Мөн Эрүүгийн болон Зөрчлийн хуулиа баталлаа. 2003 оноос хойш өөрчлөгдөөгүй байсан. Нэлээн хар, шоронжсон хууль гэж нэрлэгдэж байсан. Энэ хуулийг хүмүүнлэг, хүний эрхийн тал руу хандуулсан хууль болгосон. Хүнийг барьж хорихоос илүү, нийгэмшүүлэх, олон гэмт хэргүүдийг зөрчлийн хуулиар шийддэг болгож байгаа.

Мөн эдийн засгийн ил тод байдлын хууль хэрэгжээд Монгол Улсад хоёр тэрбум орчим төгрөг орж ирсэн байна. Энэ хууль бүрэн хэрэгжихэд 3-4 их наяд төгрөгөөр тэлнэ гэж байна. Сонгуулийн хуулийг ярилцлаа. Сонгуулиа нэг өдөр явуулья гэсэн санал гаргасныг Ардын нам дэмжихгүй байна. Мөн хар машинаасаа татгалзья гэдэг нь гар утаснаасаа татгалзья гэдэгтэй утга нэг байна. Тиймээс Сонгуулийн хуулиасаа урьтаж намуудын тухай хуулиа эхэлж ярилцья гэж намын бүлэг үзэж байна.

Ийнхүү мэдээлэл хийсний дараа сэтгүүлчдийн асуултад хариулсан юм.

-УИХ-ын гишүүн Р.Амаржаргал АН-ыг нэг компанийн хэмжээнд ажиллаж байна гэж мэдээлсэн байсан. Энэ асуудлыг хэлэлцсэн үү?

УИХ-ын гишүүн С.Одонтуяа -Р.Амаржаргал гишүүний нийтлэлийн талаар тодорхой яриагүй. Ер нь АН хийсэн бүтээсэн зүйлээ ард түмэндээ таниулж, сурталчилж байя, алдаа оноогоо залруулж байя гэж байнга ярьдаг. Өнөөдөр АН-ын үнэт зүйлийн талаар гишүүд ярьсан. Үнэт зүйлгүй байх, Ардчилал шударга ёсны төлөө тэмцэж явснаа мартахгүй байх зэргийг ярьсан. Хийсэн бүтээснээ их бага ярьж байна гэсэн шүүмжлэлд өртсөн. Р.Амаржаргал гишүүн намууд хэтэрхий их хөрөнгөжиж байна. Эдийн засгийн хувьд асуудал хөндсөн байсан. Ерөнхийлөгчийн Улс төрийн намын хуулийг бүлгийн хурал дээр нэлээд ярьсан. Намууд өмчтөй, байртай байх нь буруу юм. Ерөнхийлөгчийн оруулж ирсэн улс төрийн намын тухай хуулийг дэмжиж байгаа. Зарим намууд өөрсдийнхөө намын байрыг хураалгахаасаа эмээж энэ хуулийг дэмжихгүй байх зүйлүүд нэлээд байна. Зарим намын байр улсын төсвийн хөрөнгийн баригдсан хэрнээ бизнесийн хэрэгсэл болчихсон, зээлийн барьцаанд орчихсон байгаа. Тиймээс үүнд шүүмжлэлтэй хандаж байгаа.

УИХ-ын гишүүн Ш.Түвдэндорж -Манай намын хувьд ил тод байдаг. Сул тал нь фракцын зөрчил мэтээр харагдаж байгаа боловч эндээс шийдвэр нь эрүүл, үр дүнтэй гардаг. Үүний хүчинд манай нам 2012 оноос хойш ямар үйл ажиллагаа явуулж, ямар үр дүнд хүрснийг 2016 онд ард түмэн сонгуулиар харуулах байх.

-Ард нийтээс асуулга асуусан гэж байна. Ямар замаар, аль компани энэхүү судалгааг хийсэн бэ?

УИХ-ын гишүүн С.Одонтуяа -Судалгааг ямар компани хийсэн талаар мэдэхгүй байна. Миний ойлгож байгаагаар 2000 орчим хүнээс авсан юм шиг байна лээ. Судалгаан дээр гол дүгнэлт гарсан. АН-ын цаашид ярих гол луужин болж байна гэсэн үг.

-Улс төрийн намуудын тухай хуулийг хэлэлцэнэ гэхээр Сонгуулийн тухай хуулийг хэлэлцэж амжих юм уу?

-Сонгуулийн хууль дээр хэд хэдэн удаа ажлын хэсэг уулзсан. Энэ уулзалтаас санал тоолох автомат машин, бусад сонгуулийг хамт явуулах гэсэн хоёр асуудал дээр санал нийлэхгүй юм шиг байна лээ. Энэ асуудал нэг тийш шийдэгдэхгүй бол сонгуулийн хууль өөрчлөгдөхгүй байх магадлал өндөр. Автомат машинд итгэхгүй бол бүх намын бүлгүүдийг суулгаж байгаад, хэвлэлийнхэний өмнө тест явуулаад үзэж болно. Ер нь автомат машин ашиглаж сонгуулиар гарч ирчихээд одоо энэ машин буруу гээд яриад сууж байх нь хэр зөв зүйтэй асуудал юм бол. Харин хяналтын тооллогын тоог нэмж болох юм гэдэг дээр намын бүлгүүд санал нийлж байгаа юм.

-АН-ын Ерөнхий нарий бичгийн дарга Л.Эрхэмбаяр ИЗНН-тай нэгдэхэд болохгүй юм байхгүй гэж ярьж байна. АН сууриараа ийм байр суурь бариад байгаа юм уу?

-Албан ёсны нийлнэ нийлэхгүй гэсэн мэдээлэл ирээгүй. Өнөөдөр бүлгийн хурлаар ийм асуудал яриагүй.

Тун удахгүй 10 жилийнхээ ойг тэмдэглэх гэж Aqua Fitness төвийн захирал Б.Уянгатай ярилцлаа. Бүсгүйчүүдийнхээ эрүүл мэндэд үргэлж сэтгэлээ чилээж ирсэн түүнээс цөөн асуултанд хариулт авсанаа хүргэе.

Улаанбаатар таймс” сонины хэвлэх үйлдвэрийн барилгыг 24 тэрбум төгрөгөөр худалдах гэрээгээ цуцлах болсон гэх мэдээлэл гараад байгаа. Тэгвэл эл асуудалд Нийслэлийн өмчийн харилцааны газраас тайлбар өгөв.

Ингээд тус газрын хэвлэл мэдээллийн ажилтан Л.Баянбаттай холбогдов.

-Абдул Карим дуудлага худалдаанд оролцож ялалт байгуулсан ч татгалзсан гэх мэдээлэл байна. Энэ үнэн үү?

-Ерөнхийдөө манайд өнөөдөр өргөдлөө өглөө. Өргөдлөө өгөх болсон шалтгаанаа “Миний гэр бүлийн талаар нийгэмд таагүй мэдээлэл ихээр цацагдаж байна. Би сэтгэл санааны гүн дарамтад орлоо. Тиймээс эхнэр, хүүтэйгээ зөвлөлдөж байгаад татгалзах шийдвэр гаргалаа. Хэдий дуудлага худалдааны ялагч болсон хэдий татгалзах нь зөв шийдвэр гэдгээ илэрхийлсэн байна.

-Тэгвэл дараагийн дуудлага худалдааг зарлах уу. “Таванбогд” группын захирал Ц.Баатарсайханд боломж гарсан гэсэн үг үү?

-Тиймээ. Дахин дуудлага худалдаа зарлахгүйгээр Ц.Баатарсайхан авах боломжтой. Бид түүнд саналаа хүргүүлнэ. Хэрвээ тэр зөвшөөрөхгүй бол дараагийн дуудлага худалдааг зарлах болно.

-Хэдэн төгрөгөөр худалдаж авна гээд байгаа билээ?

-23 тэрбум 850 сая төгрөгөөр худалдаж авна гэсэн.

-Дээрх хүмүүсийн мөнгө цэвэр эсэхийг шалгаж болдоггүй юмуу. Иргэдийн дунд ийм их мөнгө хаанаас гарч байгааг хардаад байгаа юм?

-Тэр хүний мөнгө цэвэр, бохир эсэхийг манайх мэдэхгүй бас шалгахгүй шүү дээ. Шалгадаг байгууллага нь тагнуулын алба шүү дээ. Тэндээс асуувал дээр байх.

-Абдул Каримын дэнчин болгож тавьсан 710 сая төгрөгийг нь яах вэ?

-Дуудлага худалдаанд оролцох журам гэж бий. Түүний дагуу дээрх мөнгийг нь улсын орлого болгоно доо. Дуудлага худалдаа гэдэг чинь тоглоом биш шүү дээ.

Засгийн газрын хуралдаанаар 16 асуудал хэлэлцэнэ

УИХ-аар хэлэлцэж байгаа УИХ-ын сонгуулийн тухай болон, Үндсэн хуульд өөрчлөлт оруулах тухай, Улс төрийн намуудын тухай хуулийн талаар Хөдөлмөрийн үндэсний нам (ХҮН)-ын дарга С.Боргилтой ярилцлаа.

-Улс төрийн намуудын тухай хуулийн төслийг бо¬ловс¬¬руулаад танилцуул¬сан. Харин улс төрийн на¬мууд энэ хуулийн төслийг дэмжихгүйгээ мэдэгдэж, хэв-лэлийн хурал хийсэн. Танай на¬мын хувьд энэ төсөлд ямар байр суурьтай байгаа вэ?

-Одоогийн намуудын хувьд сэтгэл дундуур байгаа асуудал нь тэдний байр суурьтай холбоотой байх. Улс төрийн намуудын тухай хуулийн төслийн хэлэлцүүлэгт би очоогүй. Бид хуулийн мэргэжилтнүүдээ оролцуулсан. ХҮН-ын хувьд тухайн асуудлуудад мэргэжлийн үүднээс хандаж улс төрийн бус өнцөгөөс сонсохыг эрмэлздэг учир хуулчьдаа оролцуулсан. Монголын улс төрд цоо шинээр гарч ирж байгаа намын хувьд бид олон зүйлийг эсэргүүцдэг популист нам гэдэг нэр авч байх шиг. Зөв зүйтэй санал санаачилга, бодлого шийдлийг дэмжих, хамтрах нь бидний үүрэг. Бидний намаа байгуулсан зарчим, чиг хандлага, үзэл санаатай Ерөнхийлөгчийн санаачилсан Улс төрийн намуудын тухай хуулийн төслийн зарим заалт нийцэж байгаа. Тиймээс зарим талаараа энэ хуулийн тодорхой заалтуудыг дэмжиж байгаа.

-Зарим талаараа гэдгээ тодруулаач. Тухайлбал, ямар заалтуудыг дэмжиж байгаа юм бэ?

-Бид ХҮН-ыг 2015 оны тавдугаар сарын 4-нд шинэчлэн зохион байгуулснаас хойш санхүүжилтийн хувьд ил тод байх ёстой гэдэг зарчим баримталсан. Улс төрийн намуудын хувьд хамгийн их хардлага дагуулж байдаг зүйл нь санхүүжилт. Тэгэхээр бид санхүүжилтээ ил болгож хамгийн анх шилэн данстай болсон нам. Зургадугаар сар, есдүгээр сараар эцэс болгож санхүүгийн тайлангаа ил тавьсан. Энэ сарын сүүлчээр ч гэсэн тайлангаа ил болгоно. Бид үүнийгээ олон нийтэд ил зарлаад явдаггүй. Бид улс төрд шинэ зарчим, хандлага, соёл бий болгохыг эрмэлзэж байгаа. Хуулийн төсөлд намуудыг санхүүжилтээ ил болгохыг тусгасан. Мөн улс төрийн намуудыг лидер, удирдан толгойлогч, манлайлагчаараа биш нам гэдэг агуулгаараа бодлого, шийдвэр, асуудлын гарцыг олохоороо өрсөлдөж байхаар буюу институтын зарчмаар ажиллаж байхаар уг төслийг боловсруулж. Бидний анхнаасаа баримталсан бас нэг гол зарчим бол намыг институт болгох. Өөрөөр хэлбэл нам бол удирдагч эсвэл тухайн удирдах багаас шууд хамаардаг бүтэц биш. Дарга эсвэл баг нь солигдсон ч нам өөрийн зарчим, амлалт, зорилтоо өөрчлөхгүйгээр тас¬ралт¬¬гүй ажилладаг тийм байгууламж байх юм. ХҮН тодорхой нэг манлайлагч юм уу, удирдах албан тушаалт¬нуудаас хамаа¬ра묬тай нам биш ээ. Бид бүх шийдвэрийг хамтаараа гар¬гадаг.

-Үнэхээр хамтаараа шийдвэр гаргаж чаддаг уу?

-Тэгэлгүй яахав. Бидний хэн нэг нь хэзээ ч бие дааж шийдвэр гаргадаггүй. Өнөөдөр та бид хоёрын ярьж байгаа зүйл ч ялгаагүй намын байр суурь болохоос намын даргын байр суурь биш. Энэ ярилцлагыг өгөхийг тулд намын удирдах зөвлөлийн гишүүд, хуулийн мэргэжилтнүүд, хуулийн зөвлөхүүд, Бодлого судалгааны хүрээлэнтэй хамтарч энэ байр сууриа гаргасан. Намын дарга бол нийтээр хэлэлцэж тогтсон намын байр суурь, шийдлийг олон нийтэд намын өмнөөс тайл¬барлаж, мэдээлдэг үүрэг¬тэн. Түүнээс биш дангаараа дураараа гишүүдийнхээ өмнөөс шийд гаргадаг бие даасан мэдэлтэн биш ээ.

-Танай бодлоготой агуулга нь нийцэж байгаа төсөл учраас Улс төрийн намын тухай хуулийг дэмжинэ гэсэн үг үү?

-Намын дэргэдэх байгуул¬лагын тооны хязгаарыг тог¬тоож хуулийн төсөлд оруул¬сан юм билээ. Бид Бодлого судалгааны хүрээлэн гэж дэргэдээ ганцхан байгуул¬лага байгуулсан. Ту¬хайн асууд¬лууд дээр манай хүрээ¬¬лэнгийн судлаачид, эрдэм¬тэд, мэргэжилтнүүд онол, судалгаа, туршлага дээр үндэслэн улс төрийн ямар нэг өнцөг, ойлголт тусгаагүй бодлого, шийдэл, гарцыг намын гишүүд болон удирдах багт танилцуулдаг. Энэ үндэс¬лэлд бид улс төрийн тодорхой байр сууриа илэрхийлдэг. Улс төрийн намыг боловсон хүчний хувьд тарамдуулж, нэгдсэн бодлого, үзэл баримтлалыг хөгжүүлэхэд хамгийн их саад болж байгаа намын дэргэдэх олон дагавар бүтцийг бид эсэргүүцдэг.
Энэ агуулгаараа намын дэргэдэх бай¬гуул¬лагыг цөөлөхийг бид дэмжинэ. Дүгнэж хэлэ¬хэд ХҮН шинэчилсэн зо¬хион байгуулалтаараа дүр¬мээ шинэчилж, бүтэц зо¬хион байгуулалт, үзэл санаа, зарчим, зорилтоо тодорхойлохдоо санхүүгийн хувьд ил тод, намыг институт байлгах, ёс зүйн хатуу хариуцлагатай байхаар аль эрт хийчихсэн юм. Бидний баримталж байгаа зарчимтай хуулийн төслийн зарим заалтууд нийцэж байна. Хуулийн төсөлд ёс зүйн журамтай байхыг тусгасан бол бид аль эрт дүрэмдээ хийж өгсөн.

-Нийцэхгүй байгаа заал¬туу¬даас ганц нэгийг дурдаж болох уу?

-3000-аас доош хүн амтай засаг захиргааны нэгжид намын салбар байгуулж болохгүй гэсэн. Энэ бол ардчиллын зарчимтай шууд зөрчилдөж байгаа. Хэт улстөржилтийг намжаах зорилготой гэж тайлбарлаж байгаа ч нөгөө талдаа ардчиллын том зарчимтай зөрчилдөөд байна. Өөр олон заалт бий. Хуулийн төслийн зарим заалт дэвшилттэй боловч 25 жилд олсон ардчиллын ололтыг үгүйсгэж болохгүй. Одоогийн улс¬төржилтөөс зугатаах нэрийн дор өмнө нь олж авсан амжилтаасаа ухарч болохгүй.

-Танай нам хатуу ги¬шүүнч¬¬¬¬лэлийг дэмждэг биз дээ?

-Үгүй, бид хатуу гишүүнч¬лэлийг эсэргүүцдэг. Гэхдээ өнөөгийн Улс төрийн намын тухай хуулиар хатуу гишүүнчлэлтэй байж орон нутгийн бүтцийг бий болгоно. Үзэл санааны хувьд хатуу гишүүнчлэлийн эсрэг.

-Гэхдээ танайх үе үе ги¬шүүд элсүүлдэг. Энэ чинь тэ¬гээд хатуу гишүүнчлэлтэй бай¬гааг нэг хэлбэр биш гэж үү?

-Бид тэгж кампаничилсан байдлаар гишүүдээ элсүүл¬дэггүй. Элсэх сонирхол¬той хүмүүсээ цуглуулж байгаад тэдний үзэл бодлыг сонсдог. Үзэл баримтлал, зорилгоо танилцуулаад санаа бодол нийлсэн тохиолдолд бүлэглээд элсүүлдэг. Та бүхний сонголт, үзэл санаа улс орныхоо хөгжилд хувь нэмрээ оруулъя гэж үзэж байгаа бол хамтарч ажиллая гэдэг. Бидний үйл ажиллагааг дэмжиж байгаа хүмүүсийн байр суурь, албан тушаал, бизнесийг өнөөгийн хэт улс төржсөн нөхцөлд эрсдэлд оруулахгүй байхыг бид хичээдэг.
Тиймээс бид хүмүүсийг гишүүнээр элсэхээсээ өмнө тэдэнд өөрсдөө шийдэх бололцоо олгохыг эрмэлзэж ажилладаг. Намын жинхэнэ гишүүн болж ил гарахгүйгээр бидний үйл ажиллагаанд оролцоод явах бололцоог хангах зорилгоор бид дэмжигч гишүүн гэсэн статусыг бий болгосон. Манай намд гишүүнээр элссэн хэн боловч андгай өргөдөг. Андгай өргөхийн гол утга санаа нь намын гишүүн ямар нэг байдлаар авлига, хээл хахууль, албан тушаалын гэмт хэрэгт холбогдвол нам өмгөөлөхгүй, харин ч уг гишүүнийг хууль хяналтын байгууллагад өгнө гэдгийг хүлээн зөвшөөрсөн хэрэг. Ингэснээр ёс зүйн хувьд цэвэр байна, энэ бол бидний хамгийн том ялгарал.

-Улс төрийн намын тухай хуулийн зарим заалтыг нь дэмжиж, заримыг нь дэм¬жихгүй гэлээ. Намуудын энэ хуулиас илүүтэй Сонгуулийн хуульд ач хобогдол өгч байгаа. Танай намын байр суурь ямар байгаа вэ, Сонгуулийн хуулийн төсөлд?

-Манай Бодлого, судалгааны хүрээлэнгийн судлаачид, хуульчид ажиллаж байна. Ерөнхийдөө Улс төрийн намуудын тухай хуулийн төсөлд улс төрийн намууд тодорхой дэмжлэг үзүүлж ажиллах ёстой. Энэ хүрээнд зөв зүйтэй зарчмууд дээр санал нийцэж байгаагаа ил тод илэрхийлэх нь бидний үүрэг гэж харж байгаа. Сонгуулийн тухай хуулийн дөрвөн ч хувилбар яригдаж энэ бүхэн дээр намууд ухаанаа уралдуулж байгаа мөртлөө, Улс төрийн намын тухай хууль дээр ямар нэгэн байр суурь, хувилбарууд яригдахгүй байна. Намууд өөрчлөлтийг өөрсдөөсөө эхлүүлэх ёстой шүү дээ. Дотроосоо өөрчлөгдөхийг хичээхгүй байж улс төрийн эрх авах арга замаа өөрчлөхийг хичээж байгаа нь нийгмийг эрүүлжүүлэх гэсэн ард түмний эрлийг мухардуулж байна.

-Намууд өөрсдөдөө ашиг¬тай байх хувилбараар Сон¬гуу¬¬лийн хуулийн төслүүдийг оруулж ирсэн гэх гээд байна уу?

-Тийм ээ, хууль санаачлах эрхэнд тулгуурлан дөрвийн дөрвөн хувилбараар сонгуу-лийн тухай хуулийн төсөл орууллаа. Тэгсэн мөртлөө улс төрийн намын тогтолцоондоо аль нь ч санаа зовохгүй хаячихсан. Энэ бол улс төрийн намууд төлөвшөөгүй, үнэт зүйлс байхгүйг л харуулж байгаа юм. Улс төрийн намын тухай хуулийн төслийг батлахгүй байлаа ч гэсэн манай намын үнэт зүйлс, зарчим, бодлого өөрчлөгдөхгүй. Бид тодорхойлсон зорилгынхоо дагуу л ажиллана. Дэлхий нийт ч энэ чиглэл рүү явж байгаа шүү дээ.

-Үндсэн хуулийг өөрчлөх эсэхээр ард нийтийн санал асуулга явуулъя гэж байсан. Санал асууж шийднэ гэдэг танай намынхны нэг зорилго биелчихлээ гэж болох уу?

-Нийтийн зөвшилцлийн хамгийн том бэлгэ тэмдэг бол¬сон Үндсэн хуулийг нийтийн зөвшилцөлгүйгээр, ард нийтээс асуулгүй өөрчлөх нь ардчиллын зарчимд үл нийцэх үйлдэл. Бид 1992 онд Үндсэн хуулийг мөнгөгүй улс төрийн орчинд баталсан. Тиймээс маш цэвэр орчноос Үндсэн хууль төрсөн. Тэр үед улстөрчид нь мөнгөгүй, эрх мэдлийн тухай ойлголт ч үгүй байсан. Харин эрх мэдэлтэй байхын хэрээр, цаг хугацааны эрхээр тэд хуулиар дамжуулж эрх мэдлээ удаан хадгалж болохыг ойлгож. Энэ бусармаг үйлдэл нь сэдэрсээр 2000 онд “дордуулсан до¬лоон” өөрчлөлтийг Үндсэн хуульд хийсэн шүү дээ. Ард ний¬тээс асуулгүй хийсэн үйл¬дэл нь өнөөдрийн улс төрд мухардлын үүд хаалгыг нээсэн. Бидний харж байгаагаар эхлээд ард түмнээс өөрчлөх үү, үгүй юу гэдгийг асуу. Дараа нь ямар заалтыг яаж өөрчлөхөө олон нийт, судлаачид, улс төрийн намууд, бусад ашиг сонирхолын байгууллагуудаар хэлэлцүүлэх шаардлагатай. Эдгээрийн оролцоог боловсруу¬лал¬-тын шатанд зайлшгүй хангах ёстой. УИХ-аас ажлын хэсэг томилогдох үед бид зургадугаар сарын 26-нд Үндсэн хуулийг нийтийн зөвшилцөлгүй өөрчлөхийг эсэргүүцэж тайван цуглаан зохион байгуулсан. Бид удаа дараа шаардлага хүргүүлсэн. Хамгийн сүүлд бид арваннэгдүгээр сарын 16-нд ардын хурал зохион байгуулж, хүмүүсийн санал бодлыг сонсоод дөрөв дэх шаардлагаа хүргүүлсэн. Одоог болтол бидэнд ямар ч хариу өгөөгүй байгаа. Эдийн засаг хямарч, олон нийт бухимдаж байгаа энэ үед өөрсдийн улс төрийн нөхцөлдөө тохируулан Үндсэн хуулиараа тоглож нийгмийн тэнцвэрээр хамаагүй оролдож болохгүй.

-Ард нийтийн санал асуулгын хуулиа өөрчлөөд санал асуух шийдвэр УИХ-аас гарчихвал яах вэ?

-Ард нийтийн санал асуулга явуулахаар болоод ард нийт ямар нэг эсэргүүцэл үзүүлбэл Үндсэн хуульд нэмэлт, өөрчлөлт оруулах журмын тухай хуулийн дагуу гацах эрсдэл бий. Тэгэхээр шаардлагатай өөрчлөлт нь гацах эрсдэлтэй гэсэн үг. Одоогийн тохиолдолд улс төрийн чадамжгүй, нэр хүндгүй болсон энэ парламент Үндсэн хуулийн өөрчлөлтийг хийх эрхгүй гэж бид харж байгаа. Үндсэн хуульд нэмэлт өөрчлөлт оруулах журмын тухай хуулиа сайн унших ёстой. Тэдний энэ гоомой үйлдэл Үндсэн хуульд нэмэлт, өөрчлөлт оруулах асуудлыг найман жилээр хойшлуулах эрсдэлтэйг мэдэх хэрэгтэй.

Эх сурвалж: “Ардчилал” сонин

Дундговь аймгийн “Оюуны хөгжил” хувийн цэцэрлэгийн тогооч эмэгтэй 10 сартай хүүхдийг зодож буй бичлэг олныг цочирдуулсан.

Нийтийн тээврийн үйлчилгээнд ачаалал ихтэй чиглэлүүдийг судалж, ажил тарах цагаар 10 чиглэлд 23 автобусыг нэмж үйлчилгээнд явуулав. Нийтийн тээврийн ачаалал ихтэй баруун чиглэлийн бүсэд 5 автобус, зүүн чиглэлд 4 автобус, Таван шараас Офицеруудын ордны чиглэлд 3 автобус, Ханын материал Толгойтын чиглэлд 5 автобус, 13 дугаар хороолол Халдвартын чиглэлд 4 автобус, Авто худалдааны цогцолбор, Саппоро чиглэлд 1 автобус тус тус гарган ажиллаж байна.

Нийслэлийн Удирдах ажилтнуудын Шуурхай зөвлөлгөөний үеэр нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат дараахь үүрэг даалгаврыг өглөө. Үүнд:

Нийслэлийн нутаг дэвсгэрт байгаа мал, тэжээвэр амьтдын 2015 оны тооллогыг 12 дугаар сарын 07-17 хооронд зохион байгуулж, тооллогын дүн мэдээг танилцуулах
Нутгийн захиргааны байгууллагууд, өмчит үйлдвэрийн газар болон нийслэлийн харьяа байгууллагууд ажилтан, албан хаагчдынхаа үр дүнгийн гэрээг үнэлэх, 2015 онд төлөвлөсөн ажлаа бүрэн хэрэгжүүлж ажиллах
Нийслэлийн дүүргүүдэд гэмт хэрэг зөрчлийн тоо сүүлийн үед тогтмол өсч байгаатай холбогдуулан гэмт хэргийн гаралтыг бууруулах чиглэлээр тодорхой ажлууд зохион байгуулж дүн мэдээг 2015 оны 12 дугаар сарын 21-ний өдрийн нийслэлийн Удирдах ажилтнуудын Шуурхай зөвлөгөөн дээр танилцуулах
Төрийн үйлчилгээний нэгдсэн төвд ажиллах албан хаагчдаа бэлтгэх, 2015 оны 12 дугаар сарын 10-20-ны хооронд нүүх бэлтгэл ажлыг зохион байгуулж дүн мэдээг танилцуулах
Шинээр ашиглалтад орсон замуудын арчлалт, хамгаалалтын ажлыг эзэнжүүлэх, Богд уулын арын хурдны замын хальтиргаа гулгаа болон зам арчилгааны ажлыг сайтар зохион байгуулах
2015 оны 12 дугаар сарын 02-ны өдөр Хан-Уул дүүргийн 3 дугаар хороо Яармагийн шинэ гүүрэн дээр гарсан автын ослоос шалтгаалан гүүрийн даацын бэхэлгээнд эвдрэл гарсан тул холбогдох мэргэжлийн байгууллагууд засварын ажлыг яаралтай эхлүүлж хэвийн үйл ажиллагаанд нь оруулах
Автобусны буудлууд, явган хүний зам талбай, гарцан дээрх хальтиргаа гулгааг холбогдох мэргэжлийн байгууллагууд цэвэрлэж арилгах, Нийслэлийн ИТХ-ын 61,63 дугаар тогтоолоор баталсан журмын дагуу аж ахуй нэгж, байгууллагууд өөрсдийн хариуцдаг 50 метр квадрат талбайн цас мөсийг цэвэрлэхийг үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Их Британий Эйплби хот үерт автаад байна

Нийслэлийн хэмжээнд 2015-2016 оны өвөлжилтийн бэлтгэл ажилд үнэлэлт, дүгнэлт өгөх, инженер хангамжийн байгууллагуудын үйл ажиллагаанд хяналт тавих, аж ахуйн нэгжийн тохижилт цэвэрлэгээг шалгах зорилгоор Улаанбаатар хотын Ерөнхий менежерийн нэрэмжит үзлэгийг 11 дүгээр сарын 17-ноос 11 дүгээр сарын 27-ны өдрийн хооронд зохион байгуулав. Үзлэгийн хүрээнд нийслэлийн төвийн 6 дүүрэг, “Дулааны цахилгаан станц-2” ТӨХК, “Дулааны цахилгаан станц-3” ТӨХК, “Дулааны цахилгаан станц-4” ТӨХК, “Цахилгаан дамжуулах үндэсний сүлжээ” ТӨХК-ийн Улаанбаатар дахь салбар, “Улаанбаатар цахилгаан түгээх сүлжээ” ТӨХК, “Улаанбаатар дулааны шугам сүлжээ” ТӨХК, “Амгалан дулааны станц”, “Орон сууц нийтийн аж ахуйн удирдах газар”, “Ус сувгийн удирдах газар”, “Хэсэгчилсэн инженерийн хангамжийн удирдах газар”, “Нийтийн үйлчилгээний Улаанбаатар нэгтгэл” ОНӨААТҮГ зэрэг байгууллагын ажилтай танилцаж, өвөлжилтийн бэлтгэл ажлыг шалгав. Ажлын хэсгийнхэн нийслэлийн хэмжээнд өвөлжилтийн бэлтгэл ажил 98 хувьтай байна гэж дүгнэжээ. Мөн Нийтийн үйлчилгээний Улаанбаатар нэгтгэл, дүүргүүдийн хэмжээнд 537 тонн цас хайлуулах бодис, элс нөөцөлсөн байна.

Замын хөдөлгөөний аюулгүй байдлын хяналт шалгалтаар энэ оны 11 дүгээр сарын 09-нөөс 11 дүгээр сарын 17-ны өдрийг хүртэл согтууруулах ундааны зүйл хэрэглэсэн үедээ тээврийн хэрэгсэл жолоодсон 612, эрхээ хасуулсан үедээ авто машин жолоодсон 114, бүрэн бус тээврийн хэрэгсэл жолоодож хөдөлгөөнд оролцсон 2417, ачааны авто машинд тавих дүрэм журам, стандарт, тогтоол, захирамж зөрчсөн 1030, нийтийн тээврийн хэрэгслийн стандарт норм, дүрэм, журам зөрчсөн 1276 зэрэг нийт 21529 жолоочид 728 сая төгрөгийн торгуулийн болон тээврийн хэрэгсэл жолоодох эрх хасах арга хэмжээ авч ажиллав.

Нийслэлийн Удирдах ажилтнуудын ээлжит Шуурхай зөвлөлгөөн боллоо. Зөвлөлгөөнийг нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат удирдан явууллаа. Зөвлөлгөөнөөр өмнөх хуралд өгсөн үүргийн биелэлтийг танилцуулж, нийслэлийн Засаг даргын орлогч С.Очирбат холбогдох байгууллагуудад үүрэг даалгавар өгөв. Мөн дүүргийн Засаг дарга нар өнгөрсөн 28 хоногийн хугацаан дахь нөхцөл байдлын талаар танилцууллаа. Өнгөрсөн 28 хоногийн хугацаанд ихэнх дүүрэгт гэмт хэргийн шинжтэй мэдээлэл нэмэгдсэн үзүүлэлттэй байна.

16 настнууд “Иргэний андгай” өргөн, үнэмлэхээ гардлаа

Газар тариалан эрхлэгчдэд хандсан зөвлөмж гаргана