Сүүлийн хоёр сарын турш улс орны эдийн засаг ямар байгаа талаар ярьж байгаа хүн алга. Сөрөг хүчин МАН-ынхан төсөв батлах үед эдийн засаг хүндэрснийг зүйл бүрээр нотолсон. Тэгээд сонгуулийн хуулиа батлуулах гээд чимээгүй болцгоосон. Гэтэл өчигдөр Засгийн газрын гишүүн, Монгол Улсын сайд М.Энхсайхан улс орны эдийн засаг ямар болчихоод байгааг пал хийтэл зарлачихлаа.

“Ноёд” группын захирал асан Г.Буяндорж, сэтгүүлч С.Баттулга нарт холбогдох эрүүгийн хэргийг дээд шатны шүүх хурал өнөөдөр болно.

ЦЭРГИЙН ҮҮРЭГТНИЙГ АМРАЛТЫН ӨДРҮҮДЭД 10-18 ЦАГИЙН ХООРОНД БҮРТГЭНЭ

ГАЗАР ӨМЧЛӨХ ӨРГӨДЛӨӨ ЭНЭ САРЫН 15 ХҮРТЭЛ БАТАЛГААЖУУЛНА

Мэдээ, мэдээлэл Цаг үеийн мэдээ

2016-01-08 09:48:21
Нийслэлийн хэмжээнд цахим системээр газар өмчлөх тавдугаар ээлжийн бүртгэлд нийт 140 мянга орчим иргэн газар өмчлөх хүсэлт ирүүлснээс 8088 иргэн сонгогдсон юм.
Энэ удаад шинээр Сүхбаатар дүүргийн Тоосгоны нэгдүгээр хэсгийн 16 нэгж талбарт, тоосгоны хоёрдугаар хэсгийн 149 нэгж талбарт, Баянзүрх дүүргийн Шарын аманд 204 нэгж талбарт, мөн 1,2,3,4 дүгээр ээлжинд хамрагдсан Баянзүрх, Хан-Уул, Сонгинохайрхан, Багануур, Багахангай дүүргийн нутаг дэвсгэрт цахим газар өмчлөлийг явуулсан.
Сонгогдсон иргэд 01 сарын 04-ний өдрөөс эхлэн 01 сарын 15 хүртэл ажлын 10 хоногт багтаан газар өмчлөх өргөдлөө баталгаажуулна. Багахангай, Багануур, Налайх дүүрэгт сонгогдсон иргэд Хан-Уул дүүргийн Соёлын ордонд, Хан-Уул, Сонгинохайрхан, Баянзүрх, Сүхбаатар дүүрэгт сонгогдсон иргэд харъяа дүүргийнхээ Өмч, газрын харилцааны албаны байранд иргэний үнэмлэхтэйгээ очиж, сонгогдсон эрхээ баталгаажуулах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын чуулганы нэгдсэн хуралдаанаар хэлэлцэх асуудлууд /2016.01.08.Баасан гараг/

МОНГОЛ УЛСЫН ИХ ХУРЛЫН НАМРЫН ЭЭЛЖИТ ЧУУЛГАНЫ 2016 ОНЫ 01 ДҮГЭЭР САРЫН 08-НЫ ӨДӨР /БААСАН ГАРАГ/-ИЙН НЭГДСЭН ХУРАЛДААНААР ХЭЛЭЛЦЭХ АСУУДАЛ

09.00 цагаас:

1.Боловсролын тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.12.17-ны өдөр өргөн мэдүүлсэн, хэлэлцэх эсэх үргэлжилнэ/:

2.“Монгол Улсын төрөөс хүн амын хөгжлийн талаар баримтлах цогц бодлого батлах тухай” Улсын Их Хурлын тогтоолын төсөл /Засгийн газар 2015.12.18-ны өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Хүн амын хөгжил, нийгмийн хамгааллын сайд С.ЭРДЭНЭ танилцуулна;

-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн С.ДЭМБЭРЭЛ танилцуулна.

3.Эрүүгийн байцаан шийтгэх хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 16 дугаар дүгнэлт:

-Үндсэн хуулийн цэцийн дүгнэлтийг Үндсэн хуулийн цэцийн гишүүн Д.ГАНЗОРИГ танилцуулна;

-Хууль зүйн байнгын хорооны санал, дүгнэлтийг Улсын Их Хурлын гишүүн О.БААСАНХҮҮ танилцуулна.

Ирвэс судлаач Т.Лхагвасүмбэрэлийн амь үрэгдсэн нууцын мөрөөр 2-р анги

“Дүнжингарав” худалдааны төвийн босс “Мон-Уран”-ы Б.Наранхүү түрээсийн үнээ огцом нэмсэн нь наймаачдыг бухимдахад хүргээд байна.

Анх байгуулагдахдаа л багагүй шүүмж хүртэж байсан Дүнжингарав худалдааны төв “Нарантуул”-ыг бодвол тохилог орчинтой. Тийм ч учраас Дүнжингаравыг сонгон худалдаа наймаагаа эрхлэх наймаачид олширсон. Гэхдээ энэ бүхэн Дүнжингаравын удирдлагуудаас хямд түрээс, тохилог орчныг санал болгосны үр дүнд бий болсон гэхэд болно.

МҮОНТВ 11-р сувгийг “дээрэмдэх”-ийг санаархаж байгааг олон нийт шүүмжилж байна
МҮОНТВ буюу ”Монголын мэдээ” суваг бусад хэвлэл мэдээллийнхний эрхийг хааж боогдуулах алхам хийж байна гэх шүүмжлэл явах боллоо. Учир нь бусад телевизийн сувгууд байрладаг 11-р сувагт эднийх хүч түрэмгийлэн орж ирэхээр, реклам сурталчилгаагаа аль хэдийнэ цацаад эхэлжээ.
Үүнд эрхээ хязгаарлуулах гэж буй телевизүүд төдийгүй ард иргэд дургүйцлээ хүчтэй илэрхийлж байна.
Үүнээс болж тус телевизийг “Дээрэмчин телевиз” гэх нэрээр хүртэл дуудаж эхэллээ.
МҮОНТ-ийн ”Монголын мэдээ” сувгийн захирлын үүрэг гүйцэтгэгчээр сэтгүүлч Ц.Мөнхтөрийг томилсон. Тэрээр Үндэсний ТВ-1 суваг, MNB.MN сайт, ММ агентлаг, радиогийн ”Хурд” агентлагийг нэгтгэсэн ”Монголын мэдээ” суваг буюу Үндэсний ТВ-2 сувгийг удирдах болсон. Тэгвэл энэ бүх асуудалд тэрбээр нэн даруй хариулт өгөх цаг болсон биз ээ.
Дээрх асуудлаас болж Монголын телевизүүдийн холбооноос хүртэл МҮОНТВ-д мэдэгдэл хvргүүлсэн байна. Мэдэгдэлд “МҮОНТВ өөрийн веб хуудас болон, цахим хуудсуудаараа, эрх бүхий албан тушаалтанууд нь 2016-01-11-ээс эхлэн IPTV буюу Юнивишн, Скаймедиа, ДиДиЭш, Сансар -н 11 дээр мэдээний суваг байрлана гэсэн мэдээлэл тараажээ. Дээрх IPTV болон 11 дээр байрладаг, C1, Тв5, 11 р суваг, Монгол ТВ, VTV-д ямар нэг албан ёсны мэдэгдэл огт ирээгүй, энэ талаарх бүгд огт мэдэхгүй байхад МҮОНТВ-н хэрэг эрхлэх газрын дарга Ц.Оюундарь ийм мэдэгдэл хийж байгаа нь Монгол Улсын Үндсэн хууль болон бусад хууль тогтоомжид тусгагдсан хувийн хэвшлийн эрх, бизнесийн эрх ашиг болон хэвлэл мэдээллийн эрх чөлөөнд халдсан, олон нийтийн эрх ашигт үйлчилдэг төрийн байгууллагын давуу эрхээ зүй бусаар хэтрүүлэн ашигласан ёс зүйгүй үйлдэл гэж МОНГОЛЫН ТЕЛЕВИЗҮҮДИЙН ХОЛБОО үзэж байна. Тиймээс Монгол Улсын хэвлэл мэдээллийн салбар, тэр тусмаа телевизийн салбарт огт гарч байгаагүй ёс зүйгүй үйлдэл, хууль бус сурталчилгаагаа албан ёсны баталгаатай мэтээр олон нийтэд зарлаж үзэгчидийг төөрөгдүүлэхгүй байхыг хүсье” гэжээ.
Монгол Улсын Үндсэн хууль болон бусад хууль тогтоомжид тусгагдсан хувийн хэвшлийн эрх, бизнесийн эрх ашиг болон хэвлэл мэдээллийн эрх чөлөөнд халдсан, олон нийтийн эрх ашигт үйлчилдэг төрийн байгууллагын давуу эрхээ зүй бусаар хэтрүүлэн ашигласан ёс зүйгүй энэхүү үйлдэлд нь иргэд дургүйцлээ сошиал ертөнцөөр илэрхийлсээр байна.
Тухайлбал, “VTV” телевизийн зүгээс “MNB зах зээлийн хуулиараа бусад ТВ-тэй өрсөлдөж, контент хөгжүүлж, хүмүүс цалинжуулдаг газар мөн билүү? Хэдэн тэрбум төгрөгийг төрөөс зүгээр авдаг (2015 онд 7 тэрбум гаруй төгрөг). Гэтэл бид үзэгчдэд танин мэдэхүйн, хөгжөөнтэй, сонирхолтой, өгөөжтэй, бусадтайгаа өрсөлдөх олон олон нэвтрүүлгийг өөрсдийн хүч чадлаараа бүтээсээр ирсэн, тэгэх ч болно. IPTV-ийн эрин зуунд Univision-ий 11-р суваг дээр VTV гардаг гэдгийг хүмүүст хүргэх гэж нойр хоолгүй хэдэн арван хүн хүчин зүтгэж байхад энэ мэт вирус шиг юм ороод ирэхээр ой гутах юм. MNB-ийн захирал Оюундарь мэтчилэн мөрөөдлөө шууд ХҮЧЭЭР ажил хэрэг болгохыг оролддог, бусадтайгаа буюу бидэнтэй ярилцаж зөвшилцөлгүй ”ар хударга” зантай нөхдүүд болиорой хөөе!!! Эрүүл сэтгэхүйгээр өрсөлдөж чадахгүй бол ажлаа өөр чаддаг хүнд нь өгөөчдээ. МҮОНТВ сүүлийн 3 жилд төсвөөс 10 гаруй тэрбум төгрөг техникийн шинэчлэл нэрээр төсөвлөж авсан. Гэтэл HD болж чадаагүйг бүгд мэдэж байгаа. 1 тэрбум төгрөгөөр гурван ч сувгийг HD болгож чадсаныг жиргээнд хүмүүс бичээд байна. Төр хувийн хэвшлээ дээрэлхэж дээрэмдэж болдог гэж бодож байвал эндүүрч байна шүү” хэмээн олон нийтийн цахим сүлжээнд сэтгэгдлээ үлдээжээ.
Мөн зарим иргэдийн зүгээс “Нэгэнт шинэ суваг нээж байгаа юм бол олон жил энэ суваг дээрээ ажиллаж үзэгчидэд танил болсон тв-үүдийг сувгийг төрийн нэрээр булааж байгаад нь үнэхээр зэвүү хүрч байна”, “Ер нь бол цэцэрлэгт өдрийн хоолоо идэж суугаа хүүхдийг нэг том биетэй баньд дээрэлхэж түлхэж унагаад суудал дээр нь тухлахтай ижил үйлдэл мөн үү?” “11-р сувгийг дээрэмдэх гэж байна” гэх мэтээр үг “чулуудаж” эхэллээ.

Ер нь нийгэмд эрүүл сэтгэхүйгээр өрсөлдөнө гэдэг зайлшгүй байх ёстой асуудал. Харин энэ бүхнийг үл тоон зарим зүйлсийг хүчээр шийдэх гэж байгаа МҮОНТВ-ийн энэ үйлдэлд уншигч та ч тодорхой “үнэлгээг” өгсөн байгаа биз ээ.
Энэхүү асуудлыг төр засгийн удирдлагууд ч “овоо хараа”-ндаа авч шударга өрсөлдөөн, хэвлэлийн эрх чөлөө, хууль дүрэмд нийцэхүйц шийдвэр гаргахыг олон нийтийн зүгээс хүсч байна.

МҮОНТВ буюу ”Монголын мэдээ” суваг бусад хэвлэл мэдээллийнхний эрхийг хааж боогдуулах алхам хийж байна гэх шүүмжлэл явах боллоо. Учир нь бусад телевизийн сувгууд байрладаг 11-р сувагт эднийх хүч түрэмгийлэн орж ирэхээр, реклам сурталчилгаагаа аль хэдийнэ цацаад эхэлжээ.

24 баримт: О.Баасанхүү “МАХН аль ажил ярьсан хүнээ хөөчихдөг”
Өргөдлийн байнгын хорооны дарга, УИХ-ын гишүүн О.Баасанхүүгийн хэвлэл мэдээлэлд өгсөн ярилцлага олны анхаарлыг ихэд татаж байна. Тэрбээр МАХН хийгээд Н.Энхбаярын талаар “хатуухан” гэмээр ярилцлагыг өгсөн. Тэгвэл түүний ярилцлагаас энэ удаагийн 24 баримт үргэлжилж байна.
1. Өдгөөгөөс 90 жилийн өмнө МАХН гэсэн ганцхан нам байсан. Дараа нь 5-6 нам “мэндэлсэн”. Тэр үед эдгээр тав, зургаан намыг нэг нам болгоё гээд тухайн үеийн МАХН-ын нөлөө бүхий залуучуудыг нэгтгэж Ардчилсан намыг байгуулсан түүхтэй. Тэгэхээр АН, МАН хоёр нэг угшилтай нам болж байгаа юм. Энэ тухай С.Зориг агсан мэддэг болохоор эсэргүүцэж байсан. Гэвч С.Зориг ч алагдаж, ард түмэн ч энэ тухай мартжээ.
2. Нийтлэлч Баабар “сэхээтний” гэдэг энэ намыг “Жижигхэн боовтой нам” гэж тодотгосон. Тэгэхээр МАН, АН бол нэг нам. Ард түмэн гуравдагч хүчин гээд байгаа хэдий ч үнэн чанартаа улс төрийн хоёрдогч хүчин үгүйлэгдэж байна.
3. Иймээс Дээд шүүхэд бүртгэлтэй намууд нэгдээд гуравдагч хүчин болохоор саналаа нэгтгээд Сонгуулийн хуулийг боловсруулсан боловч зөвшилцсөн гэх сөрөг хүчин тэднээс нүүрээ буруулж, АН-тай нэгдэж жижиг намуудыг гаргаж ирэхээргүй хууль баталсан.
4. Юуны түрүүнд намыг бус хүн дугуйлах ёстой. Дараа нь хар машины тооллого.
5. Миний хувьд хар машины тооллогын 10-15 хувийг хакердсан гэж харддаг. Тэгэхээр эргэлзээг тайлахын тулд хөндлөнгийн аудит оруулах хэрэгтэй
6. Үнэндээ АН, МАН-ынхан 48 тойргоо өмчлөөд авчихсан. Амархан шүү дээ. Тухайлбал, “Ажнай” Д.Бат-Эрдэнэ гэхэд Өмнөговь аймгийн 15 мянган хүний саналыг худалдаад авчихна. Хүн бүрт 30 мянган төгрөг өгөхөд л хангалттай. Дөрвөн жилийн хугацаанд нэг хүний саналыг 30 мянгаар худалдаад авах олигархиуд Монголд олон бий.
7. Үндсэн хуулийн Цэц айдастай болчихсон. Цэцийн гишүүдийг тэтгэврийн насных гээд хэлчихсэн, тэд ажилгүй болчихож магадгүй гэсэн айдастай байна. Цэцийн гишүүдийн баруун бөөрөнд хутга шаачихсантай адил.
8. Манай нам бүлгийн даргаа ч томилж чадахгүй байна. Хэвлэлээр О.Баасанхүү бүлгийн дарга болох донтой гэсэн байна билээ. Энэ захиалгатай нийтлэл гэдгийг мэднэ ээ. Үнэндээ би биш МАХН бүлгийн дарга болох донтой юм.
9. Тэр дөрвөн үсэгтэй намд давхар дээлгүй ганцхан гишүүн байгаа нь Д.Тэрбишдагва. Тэр хүнийг бол гэсэн ч татгалзсан.
10. Хамгийн наад зах нь Төсвийн хүрээний мэдэгдэл хийх үед онигоотой юм болсон шүү дээ. Эсэргүүцсэн мэдэгдлийг бүлгийн дарга Н.Батцэрэг унших болоход Төсвийн хуулиа эсэргүүцдэг Засгийн газрын гишүүн байж болохгүй болж таарсан. Иймээс аргагүйн эрхэнд би уншсан. Ингэж бүхэл бүтэн 200 мянган хүний саналыг уландаа гишгэж болохгүй
11. Тэгэхээр ингэж барьцаалагдаж, хов живээр ард түмнээ хулхидаж, Монголын иргэдийн сонголтыг доромжилж болохгүй. Тиймээс би МАХН-ын дарга Н.Энхбаярт миний бие ядаж байнгын хорооны дарга гэсэн энэ хоёр хүнээсээ бүлгийн даргаа сонгооч ээ гэж гуйсан.
12. Уг нь манай бүлэг МАН, АН-ыг нэгтгэхгүйн тулд Засгийн газарт орсон. Гэтэл одоо албан тушаалдаа мансуураад завхарсан юм болж байна.
13. МАХН аль ажил ярьсан хүнээ хөөчихдөг шүү дээ. Тухайлбал, Д.Өрнөхбаяр, С.Молор-Эрдэнэ, Ц.Шинэбаяр, Ю.Атар, Р.Барсболд гээд олон хүнийг хөөсөн. Хөөгдөөгүй хэн байгаа юм.
14. Би бол өөрийнхөө хүсэлтээр гарахгүй. Миний хувьд ажил хиймээр байна гэдэг ганцхан шаардлага тавьдаг. Хөгжлийн хөтөлбөрийг эрдэмтэн, доктор, хуульчдыг нийлүүлсэн томоохон багтай хамтарч боловсруулсан.
15. Монголын ард түмнийг энэ хоёр том нам нэг нь ядууруулъя, нөгөө нь мунхруулъя гэсэн уралдаан зарлаж.
16. Аливаа хуулийг зөвхөн өөрийнхөө бүлгээс асууж байгаад шийддэг. Ямар сайндаа би АН-ын бүлгийн гишүүн болдог юм бил үү гэж бодож байгаа. Миний бие 26 хууль санаачилсан. Тэгэхээр АН-ын бүлэгт орвол хуулиа дэмжүүлж магадгүй. АН, МАН-ынхан надтай уулзаад бушуухан зургаан сар өнгөрөөд чи зайлаасай гэдэг юм.
17. Манай намынхан заримдаа намайг Женкотой айхтар харддаг.
18. Н.Энхбаяр дарга хорих ангид өлсгөлөн зарлаад 11 хоноод яг амь тавих гэж байхад би ангийнхаа найз А.Гансүх дээр гүйж очоод “Женко” Х.Баттулгатай уулзуулаадах гэсэн юм. Тэгээд Женкогийн өрөө рүү дайрах шахан ороод “Н.Энхбаярын өмгөөлөгч байна. Хоёулаа Ц.Элбэгдорж Ерөнхийлөгч рүү явъя” гэсэн.
19. Тэр үед Х.Баттулга Ерөнхийлөгч Ц.Элбэгдорж руу яриад Н.Энхбаяр даргыг 461-ийн эмнэлэгт хэвтүүлсэн юм. Тэгээд өлсгөлөнгөө зогсоосон.
20. Х.Баттулга амийг нь аварсан хүн. Гэтэл амийг нь аварсан хүний хүн гээд намайг хардах юм.
21. Уг нь манай намын дарга хүн бүр гурван тойрог услаарай гэсэн. Миний хувьд Дорнод, Чингэлтэй, Эрдэнэт гэсэн тойрог аваад Чингэлтэй дүүрэгт усалгаа хийх гээд тэр газрынхаа намын даргыг авах санал тавьсан.
22. Уг нь намын гишүүд нь намайг намын дарга болгохыг дэмжсэн. Гэвч Н.Энхбаяр дарга зөвшөөрөхгүй дөрвөн жил боллоо.
23. Үнэндээ намайг ирэх жилийн сонгуульд нэр дэвшүүлэх, үгүйг мэдэхгүй юм.
24. Өргөн барих гэж байгаа олон хуулийн төсөл ч байна. Тэр хуулиудаа ямартай ч ард түмнээрээ хэлэлцүүлээд, батлуулж байж УИХ-аас сална даа.

Тухайн өдөр хонь, бич, тахиа, могой, морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр насан бүтээл хийгээд хишиг даллага дуудуулах, өглөг өгөх, бурхныг тахих, номын үүднээ орох, үхэр, адуу сургах, байшингийн суурь тавих, сайн үйлсийг бүтээх, баяр хурим хийх, их хэргэм зүүх, хувцас өмсөх, чимэг зүүх, бүжиг наадгай хийх, эм найруулах, эхнэрийг дуудах, үс авах, элчид эд өгөх зэрэгт сайн. Бэрийн үйл, үнэт эдлэлийг гадагш өгөх, их хэрэг, худалдаа арилжаа хийхэд муу. Өвчин болвол арван хоногт амирлана. Замд гарвал сайн бөгөөд эд, идээ арвижна. Зүүн чих хангинавал татвал хэрүүл тэмцэл болно. Баруун нүд татвал эд, хувцас олно. Зүүн чих хангинавал жуулчин ирнэ. Баруун чих хангинавал муу гаслан ирнэ. Нохой уливал халуун болохуй ба хэрээ дуугарвал муу хэл дуулна. Тагнай эрвэгнэвэл хэн нэгэн үхнэ. Бие татвал гэнэтийн жуулчин ирнэ. Шилбэ татвал үхлийн гэм ирэх нигууртай гэж номлосон. Өдрийн сайн цаг нь бар, туулай, могой, бич, нохой, гахай болой. Үс шинээр үргээлгэх буюу засуулбал сүлд тэнэж одно.

2016 оны 01 дүгээр сарын 07-ны 20 цагаас 01 дүгээр сарын 08-ны 20 цаг

хүртэлх цаг агаарын урьдчилсан мэдээ:



БАРУУН АЙМГУУДЫН НУТГААР: Үүлшинэ. Нутгийн хойд хэсгээр бага зэргийн цас орж, явган шуурга шуурна. Салхи баруун хойноос секундэд 6-11 метр. Идэр, Тэс, Отгон голын хөндийгөөр шөнөдөө 40-45 градус, өдөртөө 25-30 градус, Увс нуурын хотгор болон Хүрэн бэлчир орчмоор шөнөдөө 33-38 градус, өдөртөө 20-25 градус, Алтайн өвөр говиор шөнөдөө 15-20 градус, өдөртөө 6-11 градус, бусад нутгаар шөнөдөө 22-27 градус, өдөртөө 10-15 градус хүйтэн байна.



ТӨВИЙН АЙМГУУДЫН НУТГААР: Үүлшинэ. Цас орохгүй. Салхи баруун өмнөөс секундэд 5-10 метр. Дархадын хотгороор шөнөдөө 35-40 градус, өдөртөө 25-30 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 28-33 градус, өдөртөө 15-20 градус, бусад нутгаар шөнөдөө 22-27 градус, өдөртөө 10-15 градус хүйтэн байна.



ЗҮҮН АЙМГУУДЫН НУТГААР: Солигдмол үүлтэй. Цас орохгүй. Салхи баруун хойноос секундэд 7-12 метр, явган шуурга шуурна. Хэрлэн голын сав, Дарьгангын тал нутгаар шөнөдөө 26-31 градус, өдөртөө 17-22 градус, бусад нутгаар шөнөдөө 23-28 градус, өдөртөө 10-15 градус хүйтэн байна.



ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун өмнөөс секундэд 5-10 метр. Шөнөдөө 30-32 градус, өдөртөө 20-22 градус хүйтэн байна.



ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи баруунаас секундэд 6-11 метр. Өмнөговийн нутгаар шөнөдөө 18-23 градус, өдөртөө 6-11 градус, бусад нутгаар шөнөдөө 24-29 градус, өдөртөө 10-15 градус хүйтэн байна.



УЛААНБААТАР ХОТ: Багавтар үүлтэй. Цас орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор 29-31 градус, бусад хэсгээр 24-26 градус, өдөртөө 15-17 градус хүйтэн байна.

Төрийн нэр барин жижиг дунд үйлдвэр эрхлэгчдийг залилсан хэрэг удаа дараа гарчээ.

Нийслэлийн яаралтай түргэн тусламжийн төвийнхэн анх удаа хил дамнаж, алсын дуудлагад явжээ.

Өнөөдрийн /2016/01/07/ гадаад валютын дуудлага худалдаагаар банкууд 1996.0-1999.90 төгрөгийн ханшаар 23.2 сая ам.доллар худалдан авах, 304.0-304.25 төгрөгийн ханшаар 3.5 сая юань худалдан авах, 306.0 төгрөгийн ханшаар 0.5 сая юань худалдах санал тус тус ирүүлсэн бөгөөд Монголбанк 1998.49 төгрөгийн хаалтын ханштайгаар 10.7 сая ам.долларыг ялгаатай ханшаар хийх арилжааны хэлбэрээр нийлүүлэв.

Улаанбуудайн гурил импортлох хүсэлтэй 65 компанид гурилын хэмжээг тогтоож зөвшөөрөл олгожээ. Өмнөх онуудад зөвхөн 10 гаруй аж ахуйн нэгжүүдэд зөвшөөрөл олгодог байсан аж.

Арбитрын тухай хуулийн төслийг хэлэлцэхийг дэмжлээ

Ихэнх нутгаар бага зэргийн цас орно

Энэ сарын 5-ны өдөр Сэлэнгэ аймгийн Тэшиг суман дахь хилийн цэргийн ангийн хугацаат цэргийн хоёр алба хаагч оргосон.

Монголын Бүх ард түмний спортын ХIV их наадмын нэгдсэн заавар, төсөв, лого эмблемний загвар зэргийг хэлэлцэн батлав.

Улаанбурхан өвчний өвчлөл нэмэгдэх хандлагатай байгаа талаар Халдварт өвчин судлалын үндэсний төвөөс мэдээлэв.