Төрөөс тэтгэврийн шинэчлэлийн талаар баримтлах бодлогыг УИХ-аар хэлэлцэж байгаатай холбогдуулан МАН, АН намуудын дэвшүүлж буй бодлогыг хялбар зурагт хуудсаар харьцуулсан Аль Намын Бодлого Зөв бэ? мэдээ гарчээ. Энд нийгмийн даатгалын шимтгэлийн хувийг нэмэх зөв үү, ахмадуудын тэтгэвэрт гарах насыг нэмэх үү гэсэн 2 асуудлаар МАН, АН-ын байр суурийг харьцуулан үзүүлсэн байна.

ОХУ-ын Ерөнхийлөгч В.Путин энэ жил 40 ширхэг тив алгасагч баллистик пуужинг улсынхаа батлан хамгаалахын зэвсэглэлд ашиглаж эхэлнэ хэмээн мэдээлсэн тухай “RT” агентлаг онцолжээ.

Нийтийн сонсголын хуулийг хойшлууллаа

Дөрвөн настай охиныг зодож хөнөөсөн хэрэгт буруутгагдаад буй Г.Маралмаа, Т.Цогт нарыг шүүх хурал ШШГЕГ-ын харьяа цагдан хорих 461 дүгээр ангид болж байна. Шүүх хурал дөнгөж сая завсарлалаа. Учир нь шүүгдэгч Г.Маралмаагийн бие өвдөж, шүүх бүрэлдэхүүн хурлыг түр завсарлуулаад байна.

МАН-ын бүлгээс долоо хоног бүрийн лхагва гаригт хийдэг ”Морин цаг” мэдээллийн цагт УИХ-ын гишүүн Д.Хаянхярваа оролцож, АН-ын сонгуулийн мөрийн хөтөлбөрийн хэрэгжилтийн талаар танилцууллаа. Тэр дундаа Аж, үйлдвэрийн салбарт хийж, хэрэгжүүлсэн ажлуудыг нь онцлов. Түүний хэлж буйгаар Ардчилсан нам өнгөрсөн гурван жилд мөрийн хөтөлбөрөө хангалттай хэрэгжүүлж чадаагүй гэнэ. Тухайлбал, тус нам доорх 12 үйлдвэрлэл, технологийн паркыг байгуулна гэж амлаж байсан ч ганцыг ч бариагүй аж.


Мөн коксын, зэсийн, төмөрлөгийн, нүүрс шингэрүүлэх, газрын тос боловсруулах, барилгын материалын, арьс ширний, мах сүү, ноос ноолуурын гэх мэт 50 орчим үйлдвэрийг барина гэж 2012 оны сонгуульд амлаж байсан ч бариагүй байна. Тэгсэн мөртлөө маш их хэмжээний зээл авсэн гэж Д.Хаянхярваа гишүүн хэлэв. АН-ын авсан зээлийг доорх байдлаар тус нам үзүүлжээ.


Чөлөөт бүс байгуулахад 35.5 тэрбум төгрөгийг Чингис бонд болон бусад зээлээс зарцуулсан мөртлөө нөгөөдүүл нь олигтой үр дүнгээ өгч эхлээгүй талаар тэрбээр мөн хэллээ.


Тэрбээр мэдээлэлдээ

“АН 20121 оны сонгуульд оролцохдоо “Монгол хүн” мөрийн хөтөлбөр дэвшүүлсэн. Энэ мөрийн хөтбөр дотор Ажилтай орлоготой Монгол хүн, Үйлдвэржилтийн талаар авч хэрэгжүүлэх бодлогыг хэрэгжүүлэх зорилго хэрэгжүүлэхээр тусгасан байна. Үүнээс нь 2012-2016 онд Монгол Улсын Засгийн газрын хэрэгжүүлэх мөрийн хөтөлбөрийг боловсруулж, баталсан. Гэтэл энэ мөрийн хэрэгжилт ямар түвшинд байна вэ гэдэг нь эргэлзээтэй байна.

Ажилтай орлогтой Монгол хүн хөтөлбөрт “Гадаад улс орнуудын төрийн өмчит компаниудын хөрөнгө оруулалтыг хязгаарласан зохицуулалт хийнэ. Уул уурхайн ордад Монголын төрийн эзэмшлийн хувийг 51 хувиас бууруулахгүй байх эрх зүйн орчныг бүрдүүлнэ” гэсэн зорилт тавьсан байна. Гэхдээ энэ мөрийн хөтөлбөрийг дэвшүүлэхдээ тооцоо судалгаанд үндэслээгүй учраас өнөөг хүртэл хэрэгжээгүй байна. Өнөөдөр 51 хувь биш 34 хувийг эзэмших эсхүл бүр төр хувь эзэмшихгүй байх гэсэн асуудал яригдаж байна.

Энэ бүхнээс сонгуулийн үед улс төрийн мөрийн хөтөлбөртөө боловсруулахдаа тооцоо судалгаагүй ханддаг нь харагдаж байна. Тиймээс улс төрийн намуудын мөрийн хөтөлбөрт анализ хийдэг байгууллагуудаар энэхүү хөтөлбөрийн хэрэгжилтийн талаар судалгаа хийлгэж, олон нийтэд танилцуулж байх нь зөв” гэв.

Үйлдвэрлэлийн бодлогын чиглэлээр уул уурхайн бүтээгдэхүүнийг боловсруулах зорилгоор аж үйлдвэрийн паркрийг Дорноговь аймгийн Сайншанд суманд байгуулна гэж заасан байна. Уг паркад жилд нэг сая тонн коксжсон нүүрс боловсруулах үйлдвэр, 850 мянган тонн бензин, 85 мянган тонн шингэн түлш болон хийн үйлдвэр болон 680 мянган тонн зэсийн баяжмал үйлдвэрлэх чадалтай үйлдвэр барина гэж заасан байна. Мөн Сайншандын бүтээн байгуулалтын дэд бүтцэд 600-800 мвт-ын хүчин чадал бүхий цахилгаан станци, төмөр замын өртөө байгуульж, авто зам барина. Сайншандын төмөр зам, автозам, нисэх онгоцы буудал бүхий тээврийн зангилаа байгуулна гэж заасан. Үүнээс нэг ч заалт хэрэгжээгүй.

Сайншандын аж үйлдвэрийн паркийг хэрэгжүүлэхээр улсын төсвөөс 17 тэрбум төгрөг зарцуулсан. Бодит амьдрал дээр энэ төсөл хэрэгжээгүй. Ямар ч үйлдвэр баригдаагүй. Уламжлалт мал аж ахуйн чиглэлээр баримтлах бодлогод аймаг бүрт шинээр олон улсын стандартаар махны үйлдвэр барина. Жилд бог малын махны экспортыг жилд 30 мянга тонноос багагүй хэмжээнд хүргэнэ гэсэн байна. Өнөөдөр нэг ч аймагт махны үйлдвэр баригдаагүй. Энэ мэтчлэн эрх баригч хүчний мөрийн хөтөлбөрийн хэрэгжилт хангалтгүй байгаа.

АН-ын мөрийн хөтөлбөрт Коксжсон нүүрсний, төмрлөгийн, нүүрс шингэрүүлэх, газрын тос боловсруулах, барилгын материалын, арьс ширний, мах, сүүний, цөцгийн тосны, аж үйлдвэрийн парк, ноолуурын, оёмол бүтээгдэхүүн, дизайны парк гэх мэт нийт 50 гаруй үйлдвэрийг 2016 он гэхэд ашиглалт оруулахаар тусгасан. Өнөөдөр парламетын бүрэн эрхийн хугацаа дуусгавар болоход нэг жилийн хугацаа үлдсэн. Гэтэл мөрийн хөтөлбөрт тусгасан үйлдвэрүүд дотроос хэд нь баригдсаныг хэлж мэдэхгүй байна. Хэрвээ дээрх үйлдвэр, парк бий болсон бол Монголын эдийн засаг өнөөдөр дээд түвшинд байх байлаа. Дархан хотод Төмөрлөгийн цогц үйлдвэрүүд баригдахаар зааж, менежментийн гэрээнд оруулсан. Харин Төмөрлөгийн иж бүрэн цогцолбор үйлдвэр байгуулаагүй. Эдийн засгийн хувьд хүндрэлтэй, татварын өр авлага ихтэй байгаа. Үүнтэй уялдуулаад үйлдвэр барихад Чингис бондын мөнгөнөөс тодорхой төсвийг зарцуулсан гэдэг. Хөтөлийн цемент шохойн үйлдвэрийг 170 тэрбум төгрөг олгохоос 151 тэрбум төгрөгийг олгосон байдаг. Арьс шир боловсруулах үйлдвэрт тодорхой хэмжээний хөрөнгө зарцуулсан байдаг. Үүнээс өөр зүйлийг Чингис бондоос олгоод барьж, хэрэгжүүлсэн зүйл харагдахгүй байна.

Энэ бүхнийг дан ганц эрх баригч АН-тай холбож ярих гэсэнгүй. Монгол Улс сүүлийн 12 жилд чөлөөт бүс байгуулах асуудлаар 35.5 тэрбум төгрөгийг зарцуулсан байдаг. Цагааннуурын чөлөөт бүсэд 3.9, Алтанбулагийн чөлөөт бүсэд 21.7, Чойрын чөлөөт бүсэд 1.8, Замын-Үүдийн чөлөөт бүсэд 8.1 тэрбум төгрөгийг тус тус зарцуулжээ. Гэтэл өнөөдөр жинхэнэ утгаараа ажиллаж байгаа чөлөөт бүс нэг ч байхгүй. Аль аймагт юу хэлвэл хэнд таалагдах вэ гэдэг зарчмаар мөрийн хөтөлбөр боловсруулагдаж, төрийн бодлого явж байна. Эцсийн дүндээ ард иргэд улс төрийн сонгуульд оролцож байгаа улс төрийн хүчин, Засгийн газраас мөрийн хөтөлбөрийг нь шаардаж чадахгүй байна. Тиймээс сонгууль ялсан улс төрийн хүчнээс мөрийн хөтөлбөрийг нь тоо баримтаар шаардаж, хэрэгжилтийг хангуулах чиглэлээр шахаж ажиллавал улс орны амьдралд хэрэгтэй гэж бодож байна.

Өнөөдөр бүрэн чадлаараа үйл ажиллагаагаа хэрэгжүүлээгүй байгаа дөрвөн чөлөөт бүсийн асуудал дээр нэмээд Халх голын чөлөөт бүс байгуулах асуудал орж ирж байна. Халх голд хөдөө аж ахуй, газар тариалангийн чиглэлээр чөлөөт бүс байгуулна гэнэ. Бид хөрөнгө санхүүгээ зөв зүйлд захиран зарцуулж чадахгүй, сонгуулийн шоунд үнэгүй урсгаж байгаа.

Үнэгүй урсгаж байгаа зардлуудын нэг нь энэ. Чойрын чөлөөт бүсийг 1997 онд анх барихаар ярьсан. Үүнээс хойш дахин яригдаагүй.

Чөлөөт бүсийн асуудлыг бүх нам мөрийн хөтөлбөртөө оруулдаг. Одоо аж үйлдвэрийн парк ярьдаг боллоо. 12 аж үйлдвэрийн паркийн асуудлыг тавьсан байна. 7.9 тэрбум төгрөгийг аж үйлдвэрийн парк байгуулахаар зарцуулжээ. Өнөөдөр аж үйлдвэрийн паркуудаас нэг нь ч хэрэгжээгүй гэлээ.

Дөрөвхөн настай охиныг зодож хөнөөсөн хэрэгт буруутгагдаад буй талийгаач охины хойд эх Г.Маралмаа, хэргийг нуун дарагдуулсан хэмээн буруутгагдсан талийгаач охины төрсөн эцэг Т.Цогт нарыг шүүх хурал өнөөдөр ШШГЕГ-ын харьяа цагдан хорих 461 дүгээр ангид үргэлжилж байна. Өмнөх шүүх хурал энэ сарын 3-нд болох байсан ч шүүгдэгч Г.Маралмаа алдаж унан, түргэн тусламжаар эмнэлэгт хүргэгдсэн юм. Тиймээс шүүх хурлыг 14 хоногоор хойшлуулаад байсан билээ. Тэгвэл өнөөдрийн шүүх хуралд Г.Маралмаагийн биеийн байдал гайгүй байна гэх мэдээллийг эх сурвалж өгч байна.

Шинэ клип: ”Увертура” хамтлаг ”Ээж минь”

Тэгвэл энэ жил 84 оюутан цагдаа үүрэг гүйцэтгэхээр өнөөдөр ажилдаа гарлаа.

Үл хөдлөх хөрөнгийн бизнест ноёрхогч, тэрбумтан Дональд Трамп 2016 оны АНУ-ын Ерөнхийлөгчийн сонгуульд өрсөлдөх болсноо мэдэгдлээ.

Японд хэт халуун болж ганцхан долоо хоногийн дотор наршсаны улмаас 800 гаруй хүн эмнэлэгт хэвтсэн байна.

Номч мэргэн, гэвш Сэнгээ Ринбүчийн мэндэлсний 110 жилийн ойд зориулсан “БУДДЫН МЭДЛЭГ УХААНЫ ХӨГЖИЛД МОНГОЛ МЭРГЭДИЙН ОРУУЛСАН ХУВЬ НЭМЭР” олон улсын эрдэм шинжилгээний бага хурал маргааш болохоор болжээ. Хурал 09.00 цагт Ханбүргэдэй их дэлгүүрийн хурлын танхимд болох юм байна.

Өчигдөр ОХУ-ын Ерөнхийлөгч Владимир Путин Финляндын Ерөнхийлөгч Саули Нийнистё нар Москва хотын баруун хэсэгт орших Ново-Огарёво дахь зуны ордонд уулзсан талаар “RT” агентлаг мэдээллээ.

Хятадын “Жозе ресурс инвестмент” компани ОХУ-ын Өвөр байгалийн хязгаараас 115 мянган га газрыг 49 жилийн хугацаагаар түрээсэлсэн тухай “South china morning post” сайт мэдээлжээ.

Хөдөлмөрийн аюулгүй байдал, эрүүл ахуйн стандарт мөрдөж ажиллахыг анхааруулав

<iframe width=”560” height=”315” src=”https://www.youtube.com/embed/-JEO8EtVE1I” frameborder=”0” allowfullscreen></iframe>

Төв цэнгэлдэх хүрээлэн, Хүй долоон худагт цэвэрлэгээ, ногоон байгууламжийн ажил эхэллээ

Ерөнхий сайд Ч.Сайханбилэг хөрөнгө оруулалтыг эрчимжүүлэх үүднээс ОХУ-д айлчилж байна. Тэрбээр ОХУ-ын Санктпетербургийн эдийн засгийн форумд оролцох гэж байгаа юм.



Айлчлалын хүрээнд ОХУ-ын Ерөнхийлөгч В.Путинтай уулзалт хийх аж. Энэ үеэр эдийн засгийн харилцаа, дэд бүтцийн асуудлын талаар санал солилцож, ярилцах юм байна.



Ерөнхий сайдын хувьд энэ зун нэлээд завгүй өнгөрөөхөөр төлөвлөөд байгаа аж. Тэрбээр ОХУ-д айлчлал хийсний дараа АНУ-ыг зорихоор төлөвлөөд байгаа юм.

Б.Дэжид

Улаанбаатар хотын гудамж, зам талбайн гадна гэрэлтүүлгийг цагийн механизм ашиглаж удирдах үйл ажиллагааг автоматжуулсан ”ТУЛГА” систем ашиглах сургалт зохион байгууллаа. Сургалтад Улаанбаатар хотын Захирагчийн алба, Нийтийн үйлчилгээний Улаанбаатар нэгтгэл, дүүргүүдийн дэд бүтэц тохижилтын хэлтсийн мэргэжилтнүүд, дүүргүүдийн гэрэлтүүлэг ашиглалт үйлчилгээ хариуцсан байгууллагуудын инженер, техникийн ажилчид хамрагдав.

Налайх хотын Захирагчийн сонгуульд аль нэг нэр дэвшигч олонхийн санал аваагүй тул журмын дагуу дахин сонгуулийг зохион байгуулах гэж байна. Дахин сонгууль маргааш буюу 2015 оны 06 дугаар сарын 18-ны өдөр 07-22 цагийн хооронд зургаан хэсгийн хороонд болно. Энэ удаагийн сонгуульд өмнөх сонгуульд хамгийн олон санал авсан 2 нэр дэвшигч буюу Налайх дүүргийн ИТХ-аас нэр дэвшигч Ш..Хаан, бие даан нэр дэвшигч Ц.Минжинхүү нар өрсөлдөнө. Эдгээр нэр дэвшигчийн хамгийн олон санал авсан нэр дэвшигч Нийслэлийн анхны дагуул хот Налайх хотын Захирагчаар сонгогдоно. Тиймээс Монгол Улс, нийслэлийн түүхэнд анх удаа зохион байгуулагдаж буй Захирагчийн сонгуульд идэвхтэй оролцож саналаа өгөөрэй гэж НЗДТГ-ын Хэвлэл мэдээлэл олон нийттэй харилцах хэлтсээс мэдээллээ.

Байнгын хороодын өнөөдрийн хуралдааны хуваарь /2015.06.17/

Байнгын хорооны хуралдаан:

06 дугаар сарын 17-ны Лхагва гарагт:

1.Байгаль орчин, хүнс, хөдөө аж ахуйн байнгын хорооны хуралдаан 09.00 цагаас “А” танхимд:

Хэлэлцэх асуудал:

Төрөөс хүнс, хөдөө аж ахуйн талаар баримтлах бодлого батлах тухай болон “Халх гол” чөлөөт бүс байгуулах тухай Улсын Их Хурлын тогтоолын төсөл /Засгийн газар 2015.06.10-ны өдөр өргөн мэдүүлсэн, хэлэлцэх эсэх/;

Газрын тухай хуульд нэмэлт оруулах тухай хуулийн төсөл /Засгийн газар 2015.05.28-ны өдөр өргөн мэдүүлсэн, нэн яаралтай хэлэлцэх дэгээр, анхны хэлэлцүүлэг/.

​2.Агаарын бохирдлыг бууруулах асуудлын дэд хорооны хуралдаан Байгаль орчин, хүнс, хөдөө аж ахуйн байнгын хорооны хуралдааны дараа “А” танхимд:

Хэлэлцэх асуудал

Засгийн газраас 2015 онд агаарын бохирдлыг бууруулах ажлын хүрээнд авто тээврийн хэрэгслэлээс ялгарах хорт утааг багасгах тал дээр авч хэрэгжүүлж байгаа арга хэмжээний талаар болон хийгээр халаалтын асуудлыг шийдвэрлэх чиглэлээр авч хэрэгжүүлж байгаа арга хэмжээний талаар цаашид хийхээр төлөвлөж байгаа ажлын талаар сонсох.

​3.Төрийн байгуулалтын байнгын хорооны хуралдаан 09.00 цагаас “Б” танхимд:

Хэлэлцэх асуудал:

Нийтийн сонсголын тухай болон холбогдох бусад хуулийн төслүүд /Монгол Улсын Ерөнхийлөгч, 2014.07.08-ны өдөр өргөн мэдүүлсэн, анхны хэлэлцүүлэг/.

4.Аюулгүй байдал, гадаад бодлогын байнгын хорооны хуралдаан 14.00 цагаас “А” танхимд:

Хэлэлцэх асуудал:

Монгол Улсын Төрийн цэргийн бодлогын үндсийг батлах тухай Улсын Их Хурлын тогтоолын төсөл /Монгол Улсын Ерөнхийлөгч 2015.04.14-ний өдөр өргөн мэдүүлсэн, анхны хэлэлцүүлэг/;

Монгол Улсын цөмийн зэвсгээс ангид байх статусыг шинэ түвшинд гаргах тухай” Улсын Их Хурлын тогтоолын төсөл/Улсын Их хурлын гишүүн Р.Амаржаргал нарын 3 гишүүн 2015.06.03-ны өдөр өргөн мэдүүлсэн, анхны хэлэлцүүлэг/;

“Ялтан шилжүүлэх тухай Монгол Улс, Бүгд Найрамдах Казахстан Улс хоорондын гэрээ”-ний төсөл /Засгийн газар 2015.06.11-ний өдөр өргөн мэдүүлсэн, зөвшилцөх/;

Цөмийн энергийн комиссын мэдээлэл сонсох;

Бусад

5.Өргөдлийн байнгын хорооны хуралдаан 14.00 цагаас “Г” танхимд:

Хэлэлцэх асуудал:

Гэр хорооллын нөхцөлийг сайжруулах төслийг хэрэгжүүлэх явцад иргэдийг хохироосон тухай өргөдлийн дагуу хяналт шалгалт хийж, шийдвэрийн төсөл боловсруулах үүрэг бүхий ажлын хэсгийн танилцуулга хэлэлцүүлэх тухай.