Анхдугаар үндсэн хууль баталж, Бүгд найрамдах улсыг тунхагласны 93 жилийн ойд зориулсан үндэсний бөхийн уламжлалт барилдаан Монгол бөхийн өргөөнд болно. Уг барилдаанд улс, аймгийн алдар цолтой хүчит 256 бөх зодоглох аж.

Улс тунхагласны ойн барилдаан нь улсын их баяр наадам, цагаан сарын барилдааны дараа орохуйц өндөр чансаатай бөгөөд 1990 оноос хойш зохион байгуулж эхэлсэн. Уг барилдаанд дархан аварга Б.Бат-Эрдэнэ хамгийн олон буюу зургаан удаа түрүүлж байсан юм.

Дэлхийн Зөн Монгол Олон Улсын Байгууллага нь шинэ стратегийн түншлэлийн хүрээнд 2017-2020 оны хооронд хэрэгжих “Төгсөлтийн аргачлал-600”, “Орон Нутгийн Хүүхэд Хамгаалал”, “Хүүхдийн Төлөөх Орон Нутаг” төслийн нээлтийн үйл ажиллагаагаа Нийслэлийн Засаг Даргын Тамгын Газар, Нийслэлийн гэр бүл хүүхэд залуучуудын хөгжлийн газартай хамтран зохион байгуулаа.

Нээлтийн үйл ажиллагаанд Нийслэлийн ядуурлыг бууруулах, хөдөлмөр эрхлэлтийн асуудал хариуцсан төслүүдийн удирдагч, Нийслэлийн Засаг даргын орлогч Д.Энхтөр, Сонгинохайрхан дүүргийн Засаг дарга Ж.Сандагсүрэн, Баянзүрх дүүргийн Засаг дарга Т.Баясах, Хан-Уул дүүргийн Засаг даргын тамгын газрын дарга Б.Энхболд, Дэлхийн Зөн Монгол Олон Улсын Байгууллагын үйл ажиллагаа хариуцсан захирал Дорана Хавиер нар оролцлоо. Мөн шинээр хэрэгжих төслүүдийн тогтвортой хэрэгжилтийг хангахад бүх талын тусламж дэмжлэгийг үзүүлэх талаар хамтын ажиллагааны санамж бичиг байгууллаа.

Дэлхийн Зөн Монгол Олон Улсын Байгууллагын 2017-2020 онд хэрэгжих “Төгсөлтийн аргачлал-600”, “Орон Нутгийн Хүүхэд Хамгаалал”, “Хүүхдийн Төлөөх Орон Нутаг” төслүүдийг Баянзүрх, Сонгинохайрхан, Хан-Уул дүүргүүдэд хэрэгжүүлэх бөгөөд нийт 1100 өрх, 4000 гаруй хүүхдүүд тус төслүүдэд хамрагдана.

Дэлхийн Зөн Монгол Олон Улсын Байгууллага нь Монгол улсад 1995 оноос үйл ажиллагаагаа явуулж эхэлсэн бөгөөд эрүүл мэнд, боловсрол, хүүхэд хамгаалал, эдийн засаг болон өрхийн амьжиргааг сайжруулах чиглэлийн төсөл хөтөлбөрүүдээр дамжуулан хувьсан өөрчлөлт хийж, ядуурлыг бууруулах зорилгоор 16 Орон Нутгийн Хөгжлийн Хөтөлбөр болон 2-3 жилийн богино хугацааны төслүүдийг хэрэгжүүлж байна гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын чуулганы нэгдсэн хуралдаанаар Гаалийн албан татвараас чөлөөлөх тухай, Нэмүү өртгийн албан татвараас чөлөөлөх тухай хуулийн төслүүдийг хэлэлцэх эсэхийг шийдэв. Гаалийн албан татвараас чөлөөлөх тухай хуулийн төслийг хэлэлцэх эсэхийг шийдэв.

УИХ, Засгийн газрын гишүүн, БСШУС-ын сайд Ц.Цогзолмаа БНСУ-ын Сөүл хотноо зохион байгуулагдаж буй АСЕМ-ын орнуудын Боловсролын сайд нарын VI чуулга уулзалтын үеэр БНСУ-ын Шадар сайд бөгөөд Боловсролын сайд Ким Сан Кун-тай албан ёсны уулзалт хийлээ.

Нийслэлийн Онцгой байдлын газрын даргын А/104 дүгээр тушаалаар Нийслэлийн Онцгой байдлын газрын бүтцийн нэгжийн жилийн эцсийн ажлын үйл ажиллагааг шалгаж, үнэлэлт дүгнэлт өгөх ажлыг 2017 оны 11 дүгээр сарын 23 – 24 -ны өдрүүдэд зохион байгуулж байна.

Шалгалтыг зохион байгуулах ажлын хэсгийн бүрэлдэхүүнийг дэд дарга, дэд хурандаа Н.Нямхорлоо ахалж хэлтэс, албадын холбогдох мэргэжилтнүүд чиглэлийн дагуу шалгалтыг хийж байна.

Шалгалтаар Багануур, Багахангай, Баянгол, Сонгинохайрхан, Баянзүрх, Сүхбаатар, Чингэлтэй, Хан-Уул, Налайх дүүргийн Онцгой байдлын хэлтсүүд, нийслэлийн Аврах анги-105, Иргэдийг гамшгаас хамгаалах сургалт арга зүйн төвийн 2017 оны гамшгаас урьдчилан сэргийлэх, гамшгийн шуурхай удирдлага, гал түймэртэй тэмцэх, гал түймрийн улсын хяналт шалгалт, захиргаа удирдлага, дотоод ажлын чиглэлээр ажлын үр дүн, үзүүлэлтийг шалгах юм. Шалгалт 2 өдөр үргэлжилнэ.

Гаалын албан татвараас чөлөөлөх хуулийг хэлэлцэхийг дэмжив

Байрны найман давхарт гадна фасадны ажил хийж байсан дөрвөн хүн өндрөөс унаж, нас барсан харамсалтай осол энэ сарын 11-ны өдөр гарсан билээ.

Сүүлийн жилүүдэд архи, согтууруулах ундааг хэтрүүлэн хэрэглэсэнтэй холбоотойгоор амь

Нийслэлийн Тээврийн газар, нийтийн тээврийн үйл ажиллагаа эрхэлдэг аж ахуйн нэгж байгууллагуудын удирдлагууд болон инженер техникийн ажилчид 2017 оны арваннэгдүгээр сар 20-ний өдөр “UB METAN” ХХК-ийн үйл ажиллагаатай танилцлаа.

Тус компани нь Улаанбаатар хотын нийтийн тээврийн автобусыг байгалийн шатдаг хийгээр цэнэглэх зориулалттай нийт 180 куб метр багтаамжтай, нэгэн зэрэг 12 автобус цэнэглэх хүчин чадал бүхий түгээх станцыг байгуулаад байна. Тус станц нь имтортоор оруулж ирэх шингэрүүлсэн байгалийн хий(LNG)-г 60 куб метрийн 3 саванд буулгаж хадгалах бөгөөд насосны станц болон шингэн хий ууршуулах төхөөрөмж ашиглан хийн төлөвт шилжүүлж CNG болгон автобусыг цэнэглэх юм.

Байгалийн хий нь шаталтын дулаан өндөртэй, байгаль орчинд бага бохирдол ялгаруулдаг, эдийн засгийн хэмнэлттэй орчин үед олон улсад нийтийн тээврийн салбарт түгээмэл ашиглаж байна гэж нийслэлийн Тээврийн газраас мэдээллээ.

Дорноговь аймгийн Замын-Үүд суманд 2017 оны 5 дугаар сард 7 настай О, 5 настай О нарыг гадаа тоглож

МАН намын дүрмээ баталгаажуулжээ

Сэлэнгэ аймгийн Мандал суманд энэ сарын 16-ны өдөр мал амьтны гоц халдварт “Шүлхий” өвчин гарсны улмаас тус сумын Засаг даргын захирамжаар хорио цээрийн дэглэм тогтоогоод байгаа билээ.

Гадаад харилцааны сайд Д.Цогтбаатар зураач С.Заяасайханд Монгол Улсын Соёлын

Японы мэргэжлийн сумо бөхийн Кюүшюү башёгийн 11 дэх өдрийн барилдаанд 69 дэх Их аварга Хакүхо

Дорноговь аймгийн Замын-Үүдээс Д.Сэржмядаг охин 11 дүгээр сарын 02-нд алга болсон билээ.

Багахангай дүүргийн 2 дугаар хорооны цогцолборын барилгаас 12 дугаар байр хүртэл 268м урт, 7м өргөн, 2 талдаа 1,54м явган хүний замтай байгалийн чулуун замын ажил дуусч, байнгын ашиглалтад хүлээн авлаа. Нийслэлийн Авто замын сангийн хөрөнгөөр хэрэгжүүлсэн тус замын ажлыг “Гэрэлт зам гүүр” ХХК хийж гүйцэтгэсэн юм гэж Нийслэлийн Авто замын хөгжлийн газраас мэдээллээ.

2017 оны 11 дүгээр сарын 22-ны өдөр Замын цагдаагийн албаны ЖШУХ нийт 341 дуудлага, мэдээ мэдээлэл хүлээн авснаас зам тээврийн ослын 238 дуудлага бүртгэгдсэн бөгөөд осол хэргийн улмаас 5 хүн гэмтэж бэртсэн.
Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 33 жолоочийг илрүүлэн саатуулж ажиллаа.
Бүртгэгдсэн зам тээврийн осол, хэргийг хэлбэрээр нь авч үзвэл явган зорчигч мөргөж гэмтээсэн 4 осол, мөргөлдөх хэлбэрээр 1 осол гарч 5 хүн гэмтсэн хэрэг тус тус бүртгэгдсэн бөгөөд энэ өдөр согтууруулах ундааны зүйл хэрэглэсэн үедээ зам тээврийн осолд холбогдсон явган зорчигч 1 бүртгэгджээ.

Тагнуулын ерөнхий газрын дарга асан Б.Хурцтай холбоотой асуудал нэг хэсэг олны анхаарлаас гарахгүй нь бололтой. ТЕГ-ын даргын албан тушаалаасаа өгч, улмаар БНСУ-д суух Элчин сайдаар томилогдохоор тохироо нь бүрдээд байгаа түүнийг тойрсон сайн, муу мэдээллүүд ар араасаа хөвөрсөөр байна. Б.Хурц өнгөрсөн даваа гарагт “Цензургүй яриа” нэвтрүүлэгт орж, олны анхаарал татсан сэдвийн хүрээнд “үнэнээ өчсөн”. Тэрбээр энэ үеэрээ өөртэй нь “дайн” зарлаад буй УИХ-ын гишүүн Ж.Батзандан, ХЗДХ-ийн сайд Ц.Нямдорж болоод Эрдэнэтийн 49 хувийн талаар нэлээд дэлгэрэнгүй ярьсан билээ. Харин Б.Хурцын тухайн үед өгүүлсэн өчгийг УИХ-ын гишүүн Ж.Батзандан өчигдөр үгүйсгэж мэдээлэл хийв. Тэрбээр “Цензуртэй байгууллагын даргаар ажиллаж байсан хүн “Цензургүй яриа” нэвтрүүлэгт оролцохдоо хэд хэдэн ноцтой зүйл ярьж худлаа гүтгэлэг тараасан” хэмээн мэдэгдсэн юм. Ингээд тэдний байр суурийг “24 VS 24” буландаа онцолж байна.

Хүнийг эвдэж, хэн ч биш болгохдоо гарамгай улс төрийн хүчин бол МАН. Хамгийн гашуун жишээ нь Н.Энхбаяр. Хамгийн урамгүй баримт нь С.Баяр. Сү.Батболд ч бас энэ жагсаалтыг үргэлжлүүлсэн. Өр тэглэсэн үндэсний баатар Энхбаяр, Атрын гуравдугаар аяны ардын баатар Баяр, Кембриж Батболд гээд л эл цуваа үргэлжилнэ.

09.00 цагт “Blue Sky” зочид буудалд ”Шийдвэр гаргагч нарын оролцоог нэмэгдүүлье” сүрьеэгийн эсрэг үндэсний хэлэлцүүлэг болно.

09.00 цагт “Туушин” зочид буудалд “Жижиг дунд бизнес (ЖДБ)-ийн санхүүгийн хүртээмж форум 2017” арга хэмжээ болно.

09.30 цагт ЦУОШГ-т ”Монгол дахь бэлчээрийн мал аж ахуй, засаглал болон зудын эрсдэл” хэлэлцүүлэг болно.

10.00 цагт Төрийн ордонд УИХ-ын чуулган хуралдана.

10.00 цагт “Хvvхдийн номын ордон”-д ”Монгол бичгийн их хvн Сономбалжирын Буяннэмэх” эрдэм шинжилгээний хурал болно.

10.00 цагт НҮБ-ийн байранд Орон нутгийн тусгай хамгаалалттай газрын нэгдсэн мэдээллийн санг БОАЖЯ-нд хүлээлгэн өгөх арга хэмжээ болно.

10.00 цагт “Корпорэйт Конвейншн Центр”-т Уул уурхайн бус экспортлогчдын үндэсний чуулган болно.

11.00 цагт Монголын театрын музейд “Монголын театрын дээд боловсрол-60” үзэсгэлэнгийн нээлт болно.

11.00 цагт “Үндэсний мэдээллийн төв”-д Монгол улсад орчин цагын архивын салбар үүсч хөгжсөний 90 жилйин ойн талаар Архивын ерөнхий газраас мэдээлэл хийнэ.

11.00 цагт Монголын Үндэсний музейд “Сэтгүүлчдэд нээлттэй музей” арга хэмжээ болно.

11.10 цагт УДБЭТ-т “Дуурийн ододтой уулзах өдөрлөг” болно.

12.00 цагт МҮОНРТ-ийн байран тус телевизийн “Нээлттэй хаалганы өдөрлөг” болно.

12.00 цагт МЗХ-нд “Хөдөлмөр Нэмье” хөдөлмөрийн яармаг болно.

13.00 цагт Хан-Уул дүүргийн 73 дугаар цэцэрлэгт цахим ертөнц дэх ”Сайхан бүсгүй” группын гишүүдийн барьж, тохижуулсан цэцэрлэгийн өргөтгөлийн ашиглалтад хүлээн авах ёслол болно.

14.00 цагт Үндэсний хөгжлийн газарт УУХҮ-ийн сайд Д.Сумъяабазар салбарынхаа мэргэжлийн холбоодын удирдлагуудтай уулзана.

15.00 цагт “Blue Sky” зочид буудалд “Матад түншлэл-2017” форум болно.