Орхон гол бохирдсон тухай зураг, мэдээлэл цахим орчинд цацагдаж олны анхаарлыг нэлээд татаж байна. Энэ талаар БОАЖЯ-ны Хүрээлэн буй орчин, байгалийн нөөцийн удирдлагын газрын дарга Г.Нямдаваагаас тодруулга авлаа.

-Сүүлийн үед Монгол орны томоохон голууд ихээр бохирдож байна гэсэн мэдээлэл гарч байна. Ялангуяа сошиал орчинд Орхон гол улаанаараа эргэж байна гэсэн зураг цацагдаж олон нийтийн анхаарлыг нэлээд татлаа. Үүнтэй холбоотойгоор БОАЖЯ дорвитой ажил хийхгүй байна гэсэн шүүмжлэл мөн байна. Үүн дээр байр сууриа илэрхийлнэ үү. Танай яамны зүгээс дээрх чиглэлд ямар ажил хийж байгаа вэ?

-БОАЖ-ын сайдын шийдвэрийн дагуу ажлын хэсэг томилогдон уул уурхайн үйлдвэрлэлийн улмаас ихээхэн бохирдож байгаа тодорхой гол газруудад ажиллаж байна. Тодруулбал, сүүлийн 2 долоо хоногийн хугацаанд Сэлэнгэ аймгийн Ерөө, Бугант, Хүдэр, Архангай аймгийн Цэнхэр сумын Орхон баг болон Төв аймгийн Заамар, Булган аймгийн Бүрэгхангай сумын хил дамнасан Туул голын сав газруудад ажиллаа. Уг ажлын хэсэгт манай яамны холбогдох газрын мэргэжилтнүүдээс гадна Уул уурхай, хүнд үйлдвэрийн яам, Ашигт малтмал, газрын тосны газар, МХЕГ, цагдаагийн байгууллага, орон нутгийн удирдлагууд зэрэг өргөн бүрэлдэхүүн багтсан. Ажлын хэсэг газар дээр нь очиж, тухай бүрт нь гарсан зөрчлийг таслан зогсоох чиглэлийн арга хэмжээг авч, тодорхой хугацаатай үүрэг даалгавар өгсөн байгаа.

-Архангай аймгийн Цэнхэр сумын Орхон багийн нутагт ажилласан гэлээ. Та бүхнийг ажиллаж байхад Орхон гол ямар байдалтай байсан бэ. Мөн одоо Орхон гол улаанаараа эргэсэн байна гэсэн зураг цахим орчинд яваад байна. Шалтгааныг нь тогтоосон уу?

-Биднийг наймдугаар сарын эхээр тус газарт ажиллахад нөхцөл байдал хэвийн байсан. Газар дээр нь үүрэг өгч, байгаль орчны менежментийн төлөвлөгөөг нь баталж өгсөн. Мөн тэнд үйл ажиллагаа явуулж байгаа компаниудад Орхон голыг бохирдуулахгүй байх, хяналт тавих, шуурхай арга хэмжээ авч ажиллах зэрэг тодорхой үүрэг, даалгавар, чиглэл өгсөн байгаа. Цахим ертөнцөд явж байсан зургийг харсан. Наймдугаар сарын 10-нд цэнхэрээрээ урсаж байсан гол 12-нд ингэж бохирдсон байна гэж харьцуулсан байсан. Энэ дагуу бид тус аймгийн БОАЖГ, МХГ болон холбогдох бусад хүмүүстэй ярьж, тодорхой үүрэг даалгавар өгч ажиллаж байна. Холбогдох хүмүүс газар дээр нь ажиллаж мэдээлэл өгч байгаа. Хамгийн сүүлд өгсөн мэдээллээр тус газарт 2-3 өдөр тасралтгүй бороо орсны улмаас үер бууж, зарим нэгэн далан сэтэрсэн. Далангийн сэтрэлтийг тэр даруйд нь зогсоох гэсэн боловч маш их үертэй байсан учраас техник хэрэгсэл орж чадахгүйд хүрч, бороо зогссоны дараа арга хэмжээ авсан гэсэн мэдээлэлтэй байна. БОАЖЯ-ны зүгээс үргэлж ийн анхаарал тавьж ажиллаж байгаа. Гэхдээ аливаа зөрчил, дутагдал бүхэн дээр МХЕГ байнгын хяналт тавьж ажиллаж байх ёстой. Өөрөөр хэлбэл, хуулийн дагуу үүрэг хүлээсэн гол байгууллага бол МХЕГ. Тийм учраас орон нутаг, БОАЖГ, МХГ акт тогтоох зэрэг ажлыг хийж, хамтран ажиллах шаардлагатай. Яагаад гэхээр, манай яамны хувьд шууд очоод үйл ажиллагааг нь зогсоох, торгууль тавих эрх байдаггүй. Зөвхөн ерөнхий бодлогын хүрээнд хандаж, зохион байгуулалт хийдэг. Харин хүмүүс ганц БОАЖЯ дангаараа энэ бүхнийг хариуцчихсан юм шиг ойлгоод байна. Тэр утгаараа ямар нэгэн асуудал гарах даруйд мэргэжлийн хяналтын байгууллага, цагдаагийн байгууллагаас түрүүлж БОАЖЯ руу ханддаг.

-Тэгэхээр хүмүүсийн яриад байдаг шиг асуудал үүссэн газар ганц БОАЖЯ-наас холбогдох хүмүүс очоод үйл ажиллагааг нь зогсоох, торгох, лицензийг нь хураах боломжгүй гэсэн үг үү. Тийм эрх байдаггүй гэж ойлгож байна?

-Тийм. Ашигт малтмалын болон байгаль хамгааллын чиглэлийн бүхий л хуульд зааснаар хяналтын үйл ажиллагааг МХЕГ бүх шатандаа хэрэгжүүлдэг. Харин мэргэжлийн хяналтын байгууллагын гаргасан акт болон орон нутгийн дүгнэлт, саналыг үндэслээд манай яам тухайн лицензийг хүчингүй болгох тухай саналыг боловсруулж Ашигт малтмал, газрын тосны газарт өгдөг. Түүнийг нь Ашигт малтмал, газрын тосны газар шийдвэрлэдэг. Харин БОАЖЯ-нд тийм эрхзүйн боломж байдаггүй.
Г.НЯМДАВАА

Онцгой байдлын албаны бэлтгэл, бэлэн байдлыг дээшлүүлэх, шаардлагатай техник, тоног төхөөрөмжөөр хангах зорилгоор төрийн болон төрийн бус байгууллага, иргэд, аж ахуйн нэгж байгууллагууд эд материалын болон мөнгөн хандивыг Онцгой байдлын ерөнхий газарт хандивласаар байна.

2017.08.14-ний өдрийн байдлаар Онцгой байдлын ерөнхий газрын хандивын дансанд 793 төрийн болон төрийн бус байгууллага, аж ахуйн нэгж, иргэдийн нийт 780.243.401 төгрөгийн мөнгөн хандив цуглаад байна.

Үүнээс гадна аж ахуйн нэгж байгууллага, иргэдээс цэвэр ус, талх, ундаа, бэлэн хоол зэрэг хүнсний бүтээгдэхүүн, гутал, бээлий, цамц, хүрэм, өмд, малгай зэрэг хувцас хэрэглэл, усны сав, галын гөвүүр, галын хор, амны хаалт, үлээгүүр зэрэг багаж, тоног төхөөрөмж, явуулын эмийн сан, эм, ороох боох материал зэрэг хандив, тусламжийг өгсөн байна гэж Онцгой байдлын ерөнхий газраас мэдээллээ.

Нийслэлийн Тээврийн газрын Тээврийн төлөвлөлт технологийн хэлтсийн орлогч дарга Булгаа баруун 4 замаас зүүн 4 зам хүртэл зүүн гар тийш эргэдэггүй болсонтой холбогдуулан

Монгол хүн олимпийн дэвжээнээс алтан медаль хүртсэн өдөр өнөөдөр тохиож байна. 2008 оны наймдугаар сарын 14 буюу есөн жилийн өмнөх энэ өдөр Найдангийн Түвшинбаяр Бээжингийн

Автомашины радиаторын урд ялаа, шумуул, шавьж шигэхээс сэргийлж тор татахдаа автомашины улсын дугаарыг ил гаргахыг цагдаагийн

УИХ-ын гишүүн О.Баасанхүүг намаасаа хөөгдсөн гэх мэдээлэл гарсан талаар бид мэдээлсэн билээ. Доляа Чимэддорж гэх иргэн өөрийн фэйсбүүк хуудсаараа дамжуулан

Баян-Өлгий аймгийн Бугат сумын “Буга” гэдэг газар Өлгий сумын харьяат иргэн 35 настай, эрэгтэй Е усанд осолдож амиа алдсан хэрэг гарчээ.

УИХ-ын гишүүн О.Баасанхүүг намаас нь хөөсөн тухай Доляа Чимэддорж гэх иргэн өөрийн фэйсбүүк

Сингапурт визгүй зорчих 14 хоногийн хугацааг хэтрүүлэхгүй байх Монгол Улсын иргэд Сингапурт 14 хүртэл хоног визгүй зорчих эрхтэй бөгөөд энэ хугацааг хэтрүүлэхгүй байх, Сингапурын хилийн шалган нэвтрүүлэх боомтын мэдүүлгийн хуудас дээр өөрийн аялалын зорилго, байх хугацаа, зочид буудал болон байрлах хаяг зэргийг дэлгэрэнгүй бичиж, танд өгөх хувийг буцаж хилээр гарах хүртлээ үрэгдүүлж болохгүй, Сингапурын хилээр нэвтрэх үед биедээ авч явахыг зөвшөөрсөн валютын хэмжээ Сингапурт аялахдаа доод тал нь 1000 сингапур доллар биедээ бэлнээр авч явах, харин 20,000-аас дээш сингапур доллар эсхүл түүнтэй тэнцэх валют бэлнээр биедээ авч яваа бол энэ талаар гаалийн мэдүүлэгт заавал мэдүүлэх, хэрэв мэдүүлээгүй тохиолдолд мөнгийг хурааж авах журамтай болохыг анхаарах,

СИНГАПУРЫН ХИЛЭЭР НЭВТРҮҮЛЭХИЙГ ХОРИГЛОСОН БАРАА БҮТЭЭГДЭХҮҮН: Сингапурын гааль, татварын газрын зөвшөөрөлгүйгээр эмчилгээний зориулалттайгаас бусад төрлийн бохь, зажилдаг тамхи болон электрон тамхи, гар бууны хэлбэртэй тамхины асаагуур, сэтгэцэд нөлөөлдөг бэлдмэл болон мансууруулах бодис, нэн ховордсон биологийн төрөл зүйл болон тэдгээрээс гаргаж авсан бүтээгдэхүүн, салют эсхүл тэсэрч дэлбэрэх бодис, садар самуун бүхий сонин сэтгүүл, бичлэг, диск, зохиогчийн эрхийг зөрчиж хуулбарласан сонин сэтгүүл, бичлэг, тус улсын бодлого зарчмаас тэрсэлсэн болон өдөөн хатгасан материал, мэдээлэл, эмчийн жоргүй эм, бэлдмэл, тан, шүдэнз, баллонтой шүршигч, химийн бодис, цэвэрлэгээний шингэн, керосин, хий, будаг, түүнийг шингэрүүлэгч, үнэт эдлэл, үслэг эдлэл, зоос маркны цуглуулга зэргийг хилээр авч орохыг хатуу хориглодог болохыг анхаарах,

Мансууруулах бодисыг хууль бусаар тээвэрлэх, худалдах, ашиглахыг хатуу хориглодог бөгөөд цаазаар авах хүртэлх ялыг оноодог тул та анхаарал болгоомжтой байж, бусдын ачаа тээш, эд зүйлс авч явахгүй байхыг онцгой анхаарах, Сингапурт согтуурсан болон мансуурсан этгээд олон нийтийн газар биеэ зөв бус авч явах тохиолдолд 6 сар хүртэл хугацаатай ял эдлэх, 1000 хүртэл сингапур долларын торгууль төлөх эсхүл хуулийн энэ 2 заалтыг зэрэг оногдуулдаг болохыг анхаарах, Хэрэв Сингапурт өмнө нь хэрэг зөрчил гаргаж цагдаад бүртгүүлж байсан бол http://www.ica.gov.sg/page.aspx?pageid=362 цахим хаягаар орж, тус улсад нэвтрэх зөвшөөрлийг урьдчилан авах шаардлагатай. Консулын газар

Сэлэнгэ аймгийн Хүдэр, Мандал зэрэг сумдын нутаг дэвсгэрт өнгөрсөн зургаа, долдугаар саруудад гарсан ой, хээрийн түймрийн голомтод Дархан-Уул аймгийн Онцгой байдлын газрын 30 алба хаагч дайчлагдан ажилласан.

Тэгвэл тус аймгийн “Дархан үйлс”, “Дархан-Оюут” сувиллын хамт олон түймрийн голомтод үүрэг гүйцэтгэсэн алба хаагчдыг долоо хоногийн хугацаанд үнэ төлбөргүй амраан сувилж байгаа аж.

Гамшгийн голомтод урт хугацаагаар ажилласан албан хаагчдын биеийн эрүүл мэндийг нөхөн сэргээх, тамир тэнхээг сайжруулах, тархины цусан хангамжийг нэмэгдүүлэх зэрэг эрүүл мэндийн үйлчилгээг тэдэнд үзүүлж байгаа юм. Эхний ээлжинд 17 алба хаагч ийнхүү эмчилгээ сувилгаанд хамрагдаад байна.

Ингэснээр алба хаагчдад бие бялдрын болон сэтгэл зүйн маш том дэмжлэг болж байна гэж алба хаагчид хэлж байна.

Ийнхүү нийгмийн хариуцлагаа ухамсарлан хамтран ажилласан сувиллын хамт олонд аймгийн Онцгой байдлын газраас талархал гардууллаа гэж Дархан–Уул аймгийн Онцгой байдлын газраас мэдээллээ.

УИХ-ын гишүүн О.Баасанхүүг намаас нь хөөсөн тухай Доляа Чимэддорж гэх иргэн өөрийн фэйсбүүк хуудсаараа дамжуулан мэдээлсэн.

Авлигатай тэмцэх газраас 2017 оны 08 дугаар сарын 07-ны өдрөөс 08 дугаар сарын 11-ний өдрүүдэд гэмт хэргийн шинжтэй 4 гомдол, мэдээлэл хүлээн авч, нийт 15 гомдол мэдээллийг шалгав. Үүнээс 4 гомдол, мэдээлэлд хэрэг бүртгэлтийн хэрэг нээхээс татгалзсан, 3 гомдол, мэдээллийг хэрэг бүртгэлтийн хэрэг нээх саналтайгаар прокурорт шилжүүлсэн байна. Ажиллагаанд одоогоор 8 гомдол, мэдээлэл шалгагдаж байна.

Өнгөрсөн долоо хоногт эрүүгийн 104 хэрэгт мөрдөн байцаалтын ажиллагаа явуулснаас 2 эрүүгийн хэргийг хэрэг бүртгэлтийн хэрэг нээх, 2 хэргийг хэрэг бүртгэлтийн хэрэг хаах саналтайгаар прокурорт шилжүүлсэн, одоогоор 104 хэрэгт мөрдөн байцаалтын ажиллагаа явуулж байна.

Засгийн газрын хэрэгжүүлэгч агентлаг Биеийн тамир, спортын газар, Нийслэлийн биеийн тамир, спортын хороо, “Grand china sport” холбооноос хамтран зохион байгуулсан “Dawa” цомын нэрэмжит “Үзэсгэлэнт Улаанбаатар-2017” олон улсын өртөөт марафон гүйлт өнгөрөгч ням гаригт боллоо.



Аялал жуулчлалыг хөгжүүлж, биеийн тамир, спортын арга хэмжээнд гадаад, дотоодын иргэдийг өргөнөөр оролцуулах зорилготой тус анхдугаар арга хэмжээнд оролцогчид “Жуулчин”, “Гэр бүл”, “Найзууд”, “Сэтгэлд хоногшсон Улаанбаатар” гэсэн дөрвөн төрлөөр амжилттай өрсөлдсөн юм.

“Үзэсгэлэнт Улаанбаатар-2017” олон улсын өртөөт марафоны үеэр Нийслэлийн эрүүл мэндийн газрын харьяа эрүүл мэндийн байгууллагын 20 эмч, мэргэжилтэн дөрвөн цэгт ажиллаж, энэ өдөр нийт 70 гаруй хүнд эмнэлгийн тусламж, үйлчилгээг хүргэсэн байна.

Баянгол дүүргийн Эрүүгийн хэргийн анхан шатны шүүхэд ”мунзуй” хочит Г.Нямдорж нарт

УИХ-ын Тамгын газрын төсөл хэлэлцүүлэгч баг Өвөрхангай аймгийн хоёр дахь бүсчилсэн хэлэлцүүлгийг өнөөдөр (2010.08.13) Арвайхээр хотод зохион байгууллаа.



Хэлэлцүүлэгт Өвөрхангай аймгийн Арвайхээр, Нарийнтээл, Хайрхандулаан, Баруунбаян-Улаан, Уянга, Тарагт, Өлзийт сумдын төрийн захиргааны болон нутгийн өөрөө удирдах байгууллагын албан хаагч, иргэдийн төлөөлөл хүрэлцэн ирсэн юм.

Хэлэлцүүлгийг нээж Өвөрхангай аймгийн Засаг дарга Г.Ганболд, УИХ-ын Тамгын газрын Мэдээлэл, хяналт шинжилгээ, үнэлгээний хэлтсийн дарга Б.Эрдэнэбилэгт нар үг хэллээ.



Аймгийн Засаг дарга Г.Ганболд хэлсэн үгэндээ, “УИХ-аас Монгол Улсын Үндсэн хуульд нэмэлт, өөрчлөлт оруулах асуудлаар тогтоол гаргаж улс орны хэмжээнд ард нийтээрээ санал асуулгыг зохион байгуулж байгаа билээ. Өвөрхангай аймгийн говийн бүсийн хэлэлцүүлгийг Баянгол суманд, төвийн бүсийн хэлэлцүүлэг Арвайхээрт зохион байгуулж байгаа бол хангайн бүсийн хэлэлцүүлгийг Хархорин суманд зохион байгуулна” гэдгийг дурдаад орон нутагт тулгардаг Засаг захиргаа, нутаг дэвсгэрийн нэгж, түүний удирдлагын тухай хуульд нэмэлт, өөрчлөлт оруулах зайлшгүй шаардлага байгааг онцолсон юм.

Дараа нь УИХ-ын Тамгын газрын зөвлөх Б.Мөнхцэцэг Монгол Улсын Үндсэн хууль оруулах нэмэлт, өөрчлөлтийн хэлэлцүүлгийн зорилго, дэг, хуулийн төслийн танилцуулга хийх сэдвийн талаар танилцуулав. Үргэлжлүүлэн төсөл хэлэлцүүлэгч баг Үндсэн хуулинд оруулах нэмэлт, өөрчлөлтийн төслийн талаархи багц сэдвүүдийг танилцуулж, иргэд сонирхсон асуултдаа хариулт авч, саналаа илэрхийлсэн юм.



Тухайлбал, Өвөрхангай аймгийн Баруунбаян-Улаан сумын иргэн н.Жамбал “УИХ Хяналтын түр хороо байгуулна гэж юу гэсэн үг вэ; Баг, сумдын Засаг даргыг томилоход ямар шалгуур тавигддаг вэ; Ерөнхийлөгч УИХ-ыг тараах санал гаргаж болох уу?” гэдгийг асууж Ажлын хэсгээс хариулт авсан юм.



Өвөрхангай аймгийн Баруунбаян-Улаан сумын есдүгээр багийн иргэн, Ардын Их Хурлын депутат асан Ц.Төмөр-Очир “Зөвхөн Ерөнхий сайдыг “давхар дээл”-тэй байхыг дэмжиж байна. Мөн шүүгчийн насыг нэмж байгааг дэмжихгүй байна. Хуулийн төсөлд УИХ-ын гишүүнд хариуцлага тооцдог зүйл заалтуудыг оруулмаар байна” гэлээ.



Мөн Хайрхандулаан сумын зургаадугаар багийн иргэн С.Болооч “Хуулийн төсөлд төрийн албыг мэргэшсэн, тогтвортой ажиллуулах талаар заалт байхгүй байна. Авлига авсан төрийн албан хаагчдад хариуцлага тооцдог байхыг санал болгож байна” гэлээ.



Өвөрхангай аймгийн Хайрхандулаан сумын ИТХ-ын дарга П.Алтанган “Бусад орнууд Үндсэн хуульдаа нэмэлт, өөрчлөлт оруулахад хэрхэн ажилладаг вэ? Ерөнхий сайдын эрх мэдлийг дөвийлгөсөн хуулийн төсөл байна” гэж байв.



Түүнчлэн Баруунбаян-Улаан сумын Засаг дарга Д.Баатарчулуун багийн Засаг даргыг томилж, сумын Засаг даргыг сумын иргэд сонгодог байхыг, мөн Ерөнхийлөгчийн бүрэн эрхийн хугацааг зургаан жил, Улсын Их Хурлын бүрэн эрхийн хугацааг таван жил байх саналтай байгаагаа хэллээ..



Харин Арвайхээр хотын тавдугаар багийн иргэн Ч.Чинбат “Нутгийн өөрөө удирдах байгууллагыг хуулийн төсөлд ямар нэрээр тусгаж байгаа вэ?” гэсэн асуулт асууж, хариулт авсан юм.

Улсын Их Хурлын даргын 78 дугаар захирамжаар байгуулагдсан Ажлын хэсэг Монгол Улсын Үндсэн хуульд нэмэлт, өөрчлөлт оруулах асуудлыг долоо хэмжиж, нэг огтлох зарчмын дагуу Монголын нийгэм дэх Үндсэн хуулийн ач холбогдлыг хэвээр хадгалах, Үндсэн хуулийн үндсэн бүтцийг эвдэхгүй, харин улам бэхжүүлэх шаардлагатай гэж үзэж Монгол Улсын Үндсэн хуульд оруулах нэмэлт, өөрчлөлтийн төслийг боловсруулаад байгаа юм.



Ийнхүү төсөл хэлэлцүүлэгч багийн Өвөрхангай аймгийн хоёр дахь бүсчилсэн хэлэлцүүлэг амжилттай өндөрлөлөө. Дараагийн хэлэлцүүлэг маргааш (2017.08.14) Өвөрхангай аймгийн Хархорин суманд үргэлжилнэ гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.

Майкопын технологийн улсын их сургууль
МТИС нь ОХУ-ын Краснодар муж дахь технологийн чиглэлээр сургалтаа явуулдаг хамгийн шилдэг сургууль юм. Тус сургууль нь 52 мэргэжлээр боловсон хүчин бэлтгэдэг. Одоогийн байдлаар МТИС-д Монгол улсаас 6 оюутан нефть газийн чиглэлээр амжилттайгаар суралцаж байгаа. ОХУ-ын хамгийн үзэсгэлэнт байгальтай газар, хамгийн хямд өртгөөр эрэлттэй мэргэжлээр суралцах боломж хот,хөдөөгийн бүх элсэгчдэд нээлттэй байгаа. Тухайн суралцагч нь онц сайн дүнтэй суралцвал тэтгэлэгт хамрагдах бүрэн эрхтэй.
Утас: 8806-1234, 99652227

Улаанбаатар хотын тулгамдаж буй асуудлуудын нэг нь гэр хорооллын дахин төлөвлөлт юм. Энэ хүрээнд иргэдийн газрыг орон сууцаар солих, Сервис центр буюу инженерийн дэд бүтцийн төвийг байгуулах ажлууд хийгдэж байна. Энэ талаар тодруулга авахаар Нийслэлийн Гэр хорооллын Дэд бүтцийн газрын тамгын газрын дарга Б.Азжаргалтай ярилцлаа.

Гэр хорооллын дахин төлөвлөлт үеийн үед бүрэн шийдвэрлэгдэж чадахгүй асуудал байсаар байна. Харин Нийслэлээс шат дараатай бодлогуудыг хэрэгжүүлэхээр ажиллаж байгаа гэсэн. Энэ талаар тодорхой ойлголт өгөхгүй юу?

Өмнө нь гэр хорооллын дахин төлөвлөлтөөр иргэд багагүй хохирч, зарим нь газар ч үгүй, байр ч үгүй асуудлаа шийдвэрлүүлж чадахгүй гацаатай асуудал болоод байсан. Нийслэлийн засаг даргын тамгын газар, Нийслэлийн Гэр хорооллын Дэд бүтцийн газраас дээрхи асуудалд онцгой анхаарч иргэдийн асуудлыг шийдвэрлэж, цаашид дахин иргэдийг хохироохгүй байх гацаатай байсан төсөл хөтөлбөрүүдийг хэрхэн үргэлжлүүлж явуулах тал дээр судалж, дүн шинжилгээ хийн тодорхой шийдэл шийдвэрүүдийг гаргаад явж байна. Урьд нь нэг компанид давуу эрх олгож хэт том газрыг өгөх, тухайн компанийхаа санхүүгийн хүчин чадал чадавхийг сайн тооцоогүйгээс болоод төслүүд гацсан. Мөн хувь компани дангаараа газрыг чөлөөлсөнөөр иргэд хохирох гол шалтгаан болсон байна гэж үзэж байгаа. Дахин төлөвлөлтийг эхлүүлэхдээ хууль эрх зүйн хувьд ч нарийн зохицуулалтгүй явж байсан байдаг.

Харин одоо нээлттэй дахин төлөвлөлтийг хэрэгжүүлсэнээр өмнө нь байсан том газруудыг жижиглэх замаар дахин төсөл хэрэгжүүлэгчийг сонгон шалгаруулж, олон компаниудыг нээлттэйгээр оролцох бололцоог нээж өгсөн. Өөрөөр хэлбэл өмнө нь байсан 24 байршлыг 75 биш, 112 хэсэгчилсэн талбай болгон хуваагаад дахин төсөл хэрэгжүүлэх компаниудыг сонгон шалгаруулана гэсэн үг. Ингэснээр барилга угсралтын ажил хурдасч, иргэдийн асуудлыг түргэн шийдэх боломжтой болно гэж харж байна.

Гэр хорооллыг бүрэн барилгажуулна гэж үзвэл багадаа 60 жилийн хугацаа хэрэгтэй. Энэ бол нэлээд урт хугацаа. Тиймээс бид аль болох богино хугацаанд энэ асуудлыг шийдвэрлэхийг зорьж байна. Дэлхийн бусад орны жишгүүдээс харахад дан өндөр давхарын орон сууцнаас гадна амины орон сууц, аялал жуулчлалын бүс, худалдааны бүс зэргээр хэсэгчилэн төлөвлөж байж хугацааг дөтлөх боломжтой байдаг.

Гэр хорооллыг хөгжүүлэхэд 3 түвшинд бүсчилсэн. Энэ талаар дэлгэрүүлэхгүй юу?

2020 хүртэлх ерөнхий төлөвлөгөө, 2030 он хүртэлх хөгжлийн чиг хандлага гэсэн баримт бичиг байдаг. Мөн “Орон сууцны дунд хугацааны бодлогын баримт бичиг”-ийг НЗДТГ-т өргөн барьсан. Үүнтэй холбогдуулан Нийслэлийн суурьшлын бүсийн гурван хэсэгт хуваасан. Үүнд нэгдүгээр бүс буюу өндөр давхрын орон сууц барих хэсэг. Энэ нь иженерийн дэд бүтцэд холбогдох боломжтой, байшин хороололтой залгаа гэр хорооллын бүсүүд орж байгаа юм.

Хоёрдугаар бүс буюу нам болон дунд давхрын амины орон сууцны бүс. Энэ бүсэд инженерийн шугам, сүлжээ очих боломжгүй байршлуудад Сервис центр буюу инженерийн дэд бүтэц бүхий төвийг байгуулах юм. Энэ нь 200-300 өрхийн дунд нэг Сервис центр байхаар тооцож байна. Ингэснээр иргэдийн газрыг авахгүйгээр Нийслэлийн төсвөөс иргэдэд дэд бүтцийн тал дээр нь дэмжлэг үзүүлнэ гэсэн үг. Энэ ажлыг хэрэгжүүлэхэд хамгийн гол нь иргэдийн оролцоо маш чухал юм. Иргэд өөрсдийн газар дээрээ дэд бүтэцтэй болох боломж бүрдэж байгаа юм. Одоогийн байдлаар ТЭЗҮ нь боловсруулагдаад, ажил нь үргэлжилж байна.

Эцэст нь Гуравдугаар бүс буюу Техник технологийн шийдэл бүхий бүс. Энэ бүсэд дэд бүтцээр хангах боломжгүй алслагдмал болон зуслангийн бүсүүд орно. Байршлын хувьд таруу, нэг газарт төвлөрөөгүй, газарзүйн хувьд хэт өндөр эсвэл хэт намд байрласан байдаг. Тиймээс эдгээр газруудад сэргээгдэх эрчим хүчний төслүүдийг хэрэгжүүлэх боломжтой. Тухайлбал нарны эрчим хүч, салхи зэргийг судалдаг. Мөн бие даасан айл өрхүүдэд бохирын байгууламжийг барьж байгуулах боломжтой.

Өмнөх төсөл хэрэгжүүлэгчийн үед хохирсон иргэдийн асуудлыг яаж шийдвэрлэж байна вэ? Цаашид энэ тал дээр ямар ажлууд хийгдэх вэ?

Төрийн ажил залгамж халаатай байдаг учраас өмнөх дахин төлөвлөлтийн ажлыг нээлттэй дахин төлөвлөлт хэлбэрээр үргэлжлүүлэн явуулж, дахин иргэдийг хохироохгүй, иргэдэд хүндрэл чирэгдэл учруулахгүй байх тал дээр анхааран ажиллаж байна. Ингэснээр төсөл хэрэгжүүлэгч байгууллагуудад ч гэсэн барилга угсралтын ажлаа саадгүй хийхэд дөхөм болно. НЗДТГ болон НГХДБГ-ын зүгээс “Түр суурьшуулах сууц”-нд одоогийн байдлаар 200 орчим хохирсон айл өрхүүдийг оруулаад байна. Төсөл хэрэгжүүлэгч компаниудад гэрээний дагуу үлдсэн айл өрхүүдийн түрээсийн төлбөрийг төлж, асуудлыг шийдвэрлүүлэх тал дээр шаардлага тавиад явж байна.Гол нь иргэдийн асуудлыг түр байдлаар биш барилга угасралтын ажлыг нь түргэвчлүүлэх иргэдийг байранд нь оруулах тал дээр анхаарч шаардаж ажиллаж байна.

123



Иргэд Сервис Центрыг ихээр сонирхож, хүлээлттэй байна. Хамгийн түрүүнд аль хэсгүүдэд хэрэгжиж эхлэх вэ?

Барилга хот байгуулалтын яам, Нийслэлийн засаг даргын тамгын газар, Нийслэлийн гэр хороолол Дэд бүтцийн газрууд саналаа нэгтгэн энэ оны дөрөвдүгээр улирлаас эхлэн 2020 он хүртэл 100 орчим Сервис центр буюу инженерийн дэд бүтцийн төвийг байгуулан, 20000 орчим өрхийг хамруулах боломжтой гэж үзэж байгаа. Ингэснээр иргэд одоо эзэмшиж байгаа өөрсдийн газар дээрээ эрүүл, аюулгүй тав тухтай амьдрах орчин нөхцөл бий болно. Үүнтэй зэрэгцэн 2015 онд батлагдсан “Хот суурин газар дахин хөгжүүлэх” тухай хуулинд заасан газар дахин зохион байгуулах тухай ойлголт яригдана. Одоогийн гэр хорооллын бүсүүдэд гудамжны тохижилт, хаягжилт дутмаг байдаг. Эдгээр нөхцөл байдлыг шинэчлэн, нэгэн хэвийн амины орон сууц, нам буюу дунд давхарын орон сууцны хороолол болгон хөгжүүлэх төлөвлөгөөтэй байна.

Иргэдийн зүгээс маш их хүлээллтэй байна. Ер нь “Сервис центр” гэлтгүй дахин төлөвлөлтийн ажил бол иргэд өөрсдөө хүлээн зөвшөөрсний үндсэн дээр явагддаг учраас иргэдийн оролцоо хамгийн чухал байдаг. Өнөөдрийн байдлаар төвийн зургаан дүүрэг, хороо болгон иргэдийн бүлэгтэй болсон. Эдгээр бүлгүүд нь хамгийн багадаа 20, дээд тал нь 200 айл өрхүүд нэгдэн Сервис центр буюу Дэд бүтцийн төвийг байгуулъя, орон сууцтай больё гэсэн хүлээлттэй байгаа. Бидний зүгээс тооцоо судалгааны ажил бүрэн дууссан.

123



Ганданг аялал жуулчлалын бүс болгоно гэж байсан. Энэ ажил хэр явж байна вэ?

Хотын А бүсэд байрлах, агаарын болоод хөрсний бохирдлыг бий болгодог бүс юм. Эдгээр бүсэд хуучны хэв шинжийг агуулсан, шашны болоод аялал жуулчлал хосолсон жишиг гудамж болгох төслийг хэрэгжүүлэхээр ажиллаж байна. Одоогийн байдлаар Гандангийн Орхоны гудамнуудын газруудыг чөлөөлж, жишиг гудамж болгохоор ажиллаж байна.

Дахин төлөвлөлт хэрэгжих явцад гарч буй хүндрэл, асуудлууд хэр байна вэ?

Иргэдийн буруу ойлголт, цуу ярианд итгэх зэргээс үүдэн иргэдийн шийдвэр гаргалт өөр өөр байдаг. Жишээ нь 100 айлын газрыг чөлөөлөхөөр явж байхад 99 нь зөвшөөрөөд нэг нь зөвшөөрөхгүй байх гэх мэт ажил удаашрах тохиолдол нэлээдгүй байдаг. Дахин төлөвлөлтийн асуудлыг улс төржүүлэх тохиолдол байдаг. Энэ нь иргэдэд зөв буруу мэдээ, мэдээлллийг өгч, иргэдийн амьдрал дээшлэх, зөв шийдвэр гаргахад сөргөөр нөлөөлдөг тал бий. Тиймээс дахин төлөвлөлт дээр иргэдтэй нягт уялдаатай ойлголцож, санаа нийлж ажиллах нь хамгийн том ажил байдаг. Тиймээс энэ тал дээр анхаарч ажиллах нь чухал байна.

Өмнөх гэр хорооллын дахин төлөвлөлтийн ажлын үед компаниудын хариуцлагагүй байдлаас болж олон иргэд хохирсон гэдэг. Энэ удаагийн дахин төлөвлөлтийн ажил дээр хэрхэн анхаарч ажиллаж байна вэ

Дахин төлөвлөлтийн ажил гадны хөрөнгө оруулалттай байж хурдацтай явагддаг нэг онцлог бий. Дотоодын эдийн засгийн нөөц бололцоо, барилгын компаниудын хүчин чадал зэргийг харгалзан үзэхэд гадны хөрөнгө оруулалт зайлшгүй шаардлагатай байдаг. Одоогийн гүйцэтгэгч компаниудын дийлэнх нь дотоодын компаниуд байгаа. Өмнөх дахин төлөвлөлтийн асуудлыг дан ганц аж ахуйн нэгж гэлтгүй бодлого, туршлага дутсан, хэт хөөсрөлттэй байсан зэрэг асуудлууд байдаг. Одоо аль болох гацаанд орсон байдлаас хурдан гарах ажлыг л хийж байна. Аль болох өмнөх компаниудыг дахин ажиллуулах тал дээр анхаарч байна.

Иргэдийн дахин төлөвлөлтөнд хамрагдах хандлага хэр байна вэ?

Өмнөх дахин төлөвлөлтөнд хохирсон иргэд нэлээдгүй асуудалтай байгаа. Үүнтэй холбоотойгоор иргэд энэ асуудалд няхуур, болгоомжтой хандаж, итгэхгүй байгаагаа илэрхийлэх тохиолдол байна. Тийм учраас бид алдаа гаргах эрхгүй. Олон төсөл хэрэгжүүлэхдээ гол биш одоо хэрэгжиж байгаа төслүүдээ чанартай сайн хэрэгжүүлж, иргэдэд боломж байгаа гэдгийг харуулахыг зорьж байна.

Нөгөө талаар иргэд газрын үнэлгээтэй холбоотой асуудалд бодитой хандах хэрэгтэй. Иргэд өөрсдөдөө тулгамдаж байгаа бодит хэрэгцээгээ хангах ёстой болохоос биш ямар нэгэн байдлаар зарах, ашиг олох гэсэн үзэл маань эргээд бидний ажилд саад болж байна. Тиймээс иргэд маш зөв ойлголттой байх хэрэгтэй. Мөн шинээр хэрэгжүүлж байгаа бас нэгэн ажил бол газраа урьдчилгаа болгон ипотекийн зээлд хамрагдах боломжтой болж байгаа. Ийм хүсэлтэй иргэдийн бүртгэл явагдаж байна.

Иргэд хашаа, газраа байрны урьдчилгаа болгож болно гэсэн үг үү?

Нийслэлийн засаг даргын А/449 тоот журманд 0,04 га-аас дээш газартай иргэд 70 мкв хүртэлх талбайтай байрыг сонгож, гэр хорооллын хөгжлийн сангаас байрны урьдчилгаа төлбөрөө гаргуулж, ипотекийн зээлд хамрагдах боломжтой болно. Үүнд хамрагдахад агаарын чанарын нэг, хоёрдугаар бүсэд амьдарч буй иргэд хамрагдах бүрэн боломжтой юм.

Цаг зав гаргаж дэлгэрэнгүй ярилцлага өгсөнд баярлалаа. Танд ажлын амжилт хүсье.

Эх сурвалж: Монголын үнэн сонин

Одоогоос жилийн өмнө Имарт-ын Монгол дахь салбар нээлтээ хийж байсан билээ. Нэг жил гэдэг бизнес хөл дээрээ зогсох байтугай төлөвлөлт судалгаа хийхэд ч хүрэхгүй богино хугацаа хэдий ч “Имарт” стандартаа барьж, амжилтаа ахиулсаар одоо хоёр дахь салбараа 3,4-р хорооллын эцэс Соло моллд нээхээр, мөн үндсэн салбарынхаа 5, 6-р давхарыг ашиглалтанд оруулахаар ажиллаж байна. Имарт Баянгол, Сонгино-Хайрхан дүүргийн хэрэглэгчиддээ улам ойртож энэ оны 9-р сард нээгдэх шинэ салбарынхаа нээлтэд зориулан гишүүн бүртгэлээ эхлүүлсэн байна. Шинээр элсэж буй бүх гишүүддээ Скайтелын дугаар бэлэглэж байгааг дуулгахад таатай байна.

Эрчим хүчний салбарын хэмжээнд цахилгаан шугам тоноглолд засвар үйлчилгээ хийх хуваарьт ажил үргэлжилж байна. Өнөөдөр дараах газруудад цахилгаан хязгаарлана.

Сонгинохайрхан дүүрэг Геологийн төв лабораторийн уулзварт байрлах Эрчим хүчний дулааны төв магистраль