НИТХ-ын Тэргүүлэгчдийн ээлжит хуралдаан өнөөдөр болж хуралдаанд гэр хорооллын дахин төлөвлөлтийн үйл ажиллагааны явцын тухай мэдээллийг Гэр хорооллын дэд бүтцийн газрын дарга М.Ганбаатар мэдээллээ.

Тэрээр “2012-2016 онуудад гэр хорооллын дахин төлөвлөлтөөр 24 баршилд 34 төсөл хэрэгжүүлэгч сонгон шалгаруулалтаар шалгарсан. Одоогийн байдлаар 18 төсөл хэрэгжүүлэгчийн ажлын явц зогссон, 3 нь огт барилгын ажлаа эхлүүлээгүй, ажил удааширсан байдалтай байна. Нийтдээ дахин төлөвлөлтийн хүрээнд 78 мянган орон сууц барихаар төлөвлөж байсан ч өнөөдөр нэг хувьд ч хүрэхгүй байна. Ажил ингэж удааширч, гацах болсон шалтгаан нь гэр хорооллын дахин төлөвлөлтөөр газраа чөлөөлсөн иргэдийг түр суурьшуулах зориулалттай барьсан 300 айлын орон сууцыг зориулалтаар нь ашиглаагүйтэй холбоотой. Мөн олон бүс нутагт тархай, бутархай маягаар төлөвлөж, төлөвлөлтийн бүсүүдэд шугам сүлжээ татахад хүндрэл үүссэнтэй холбоотой” гэж тайлбарлав.

Гэр хорооллыг дахин төлөвлөх ажлыг 2010 онд эхлүүлэхдээ Улаанбаатар хотын ерөнхий төлөвлөгөөний дагуу эхлээд 7 дугаар хорооллоос төлөвлөлтийг эхлүүлж багц багцаар нь барилгажуулахаар шийдвэрлэж, газраа чөлөөлсөн иргэдийг түр суурьшуулах зориулалтай 300 айлын орон сууцыг барьж ашиглалтад оруулжээ. Яг ийм байрыг дүүрэг бүрт барихаар төлөвлөж байсан боловч 2012 онд энэ төлөвлөлтийг өөрчилсөн байна.

2012-2016 онд гэр хорооллын дахин төлөвлөлтөөр 7000 барилга барина гэж байсан ч таван мянга нь шугам сүлжээ болон бусад асуудлаас болж зогсонги байдалтай, амины орон сууц бүхий хороолол энэ хугацаанд огт баригдаагүй. Хашаа байшингаа байраа солихоор газраа чөлөөлсөн иргэдээс 615 нь түрээсийн сууцанд амьдарч байгаа бол 400 иргэн гэр оронгүй, гудамжинд гарчихаад байна гэсэн юм. Мөн өнгөрсөн 4 жилийн хугацаанд дахин төлөвлөлтийн инженерийн шугам сүлжээнд зориулан нийслэлийн төсвөөс 104 тэрбум төгрөг зарцуулсан байна. Харин бодит байдал дээр энэ хөрөнгө юунд зарцуулагдсан нь бүрхэг. Энэ мөнгөөр 10 мянган айлын орон сууцанд урьдчилгаа төлбөр болгон өгөх боломжтой, одоо бариад гацчихсан 5000 байрны 20 хувийнх нь шугам сүлжээг нь шийдчих боломжтой гэдгийг тэрээр мөн хэллээ.

Гэр хорооллын дахин төлөвлөлтөд зориулж 104,0 тэрбум төгрөг зарцуулчихсан хирнээ өнөөдөр ямар ч үр дүнд хүрээгүй байгаа нь үнэхээр харамсалтай байна. Ер нь энэ хөрөнгө хаашаа яаж оров, юунд зарцуулагсан бэ гэдгийг шалгах хэрэгтэй. Иргэдэд энэ талаар бодит мэдээлэл өгч, дахин төлөвлөлтийг цаашид яаж үргэлжлүүлэх, иргэдээ хохиролгүй болоход бид анхаарч ажиллах хэрэгтэй гэсэн саналыг НИТХ-ын Тэргүүлэгчид хэлж байлаа.

НИТХ-ын дарга Ц.Сандуй “2008 оноос эхлэн гэр хорооллын дахин төлөвлөлтийн ажил эхэлсэн. Гэр хорооллын айлууд дахин төлөвлөлтөөр газрынхаа ашиг шимийг хүртэх ёстой байсан. Гэтэл өнөөдөр энэ үйл ажиллагаанд оролцсон иргэд хохирогч болчихоод байгаа нь энэ хөтөлбөр буруу явсныг харуулж байна. Эргээд төрийн нуруун дээр энэ ачаа бууж байгаа учраас буруу шийдвэр гаргасан хүмүүст хариуцлага тооцох хэрэгтэй. Мөн иргэдийг хохирлогүй болгох, гэр хорооллын дахин төлөвлөлтийн хүрээнд зарцуулсан хөрөнгийг шалгах ажлын хэсгүүдийг байгуулах хэрэгтэй” гэсэн юм.

НИТХ-ын Тэргүүлэгчид нэн тэрүүнд орон гэргүй болон 400 айлын асуудлыг шийднэ гэдгээ хэлж гэр хорооллын дахин төлөвлөлтийн явцын талаар үнэн бодит мэдээллийг иргэдэд танилцуулж, НИТХ-ын нэгдсэн хуралдаанаар хэлэлцүүлэх ёстой гэсэн байр суурьтай байлаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлстээс мэдээллээ.

Сири улсад гал зогсоох талаар мэдэгдлээ

Монгол Улсын Их Хурлын дарга Миеэгомбын Энхболд өнөөдөр /2016.09.16/ БНМАУ-ын Ардын Их Хурлын Тэргүүлэгчдийн дарга, Сайд нарын зөвлөлийн дарга асан, БНМАУ-ын баатар, Хөдөлмөрийн баатар, БНМАУ- ын Маршал Юмжаагийн Цэдэнбал агсны хүү Ц.Зоригт хүндэтгэл үзүүлж, гэр бүлийнх нь хамт хүлээн авч уулзлаа.

Уулзалтын эхэнд УИХ-ын дарга М.Энхболд эрхэм зочидтой уулзсандаа баяртай байгаагаа илэрхийлээд БНМАУ-ын Ардын Их Хурлын Тэргүүлэгчдийн дарга, Сайд нарын зөвлөлийн дарга асан, БНМАУ-ын баатар, Хөдөлмөрийн баатар, БНМАУ- ын Маршал Юмжаагийн Цэдэнбалын мэндэлсний 100 жилийн ойн мэндийг түүний хүү, гэр бүлд нь дэвшүүлэв.

Мөн тэрбээр “Монгол Улсын Их Хурлын ээлжит бус чуулган хуралдаж, долоо хоногийн өмнө өндөрлөлөө. Ээлжит бус чуулганаар “Юмжаагийн Цэдэнбал агсны алдар гавьяаг мөнхжүүлж, түүний мэндэлсний 100 жилийн ойг тэмдэглэн өнгөрүүлэх талаар авах зарим арга хэмжээний тухай” Улсын Их Хурлын тогтоолыг баталж, Монголын төр, ард түмэн нийтээр энэ ойг тэмдэглэн өнгөрүүлэх нь зүйтэй гэсэн шийдвэрийг гаргасан. Энэхүү ойн арга хэмжээг зохион байгуулах ажлыг Улсын Их Хурлын гишүүн, Монгол Улсын сайд, Засгийн газрын Хэрэг эрхлэх газрын дарга Ж.Мөнхбат хариуцаад ажиллаж байна. Уг ойн арга хэмжээ гурван өдрийн турш болох төдийгүй хөдөө орон нутагт бид намынхаа шугамаар тодорхой ажлуудыг хийхээр төлөвлөсөн байгаа. Энэ удаагийн УИХ-ын шийдвэр бол Монголын төрийг 44 жил удирдаж явсан Ю.Цэдэнбал агсны ажил үйлс, амьдрал, Монгол төрийн төлөө зүтгэж явсан бүх зүйлийг бодитоор үнэлэн дүгнэж, хойч үедээ өвлүүлэх зорилготой. Энэ хүний Монголын төрийг удирдаж явсан тэртээх он жилүүдэд монголчууд бичиг үсэгтэй болж, эрүүлжин гэгээрч, үйлдвэржиж, НҮБ-ын гишүүн болж, жинхэнэ ёсоор тусгаар тогтносон улс болсон. XX зуунд Монгол Улс хөгжин дэвжиж, цэцэглэн мандсан бүхий л үйл хэргийг энэ эрхэм хүн удирдан жолоодсон гэдгийг монголчууд мартахгүй байхын учир УИХ-ын тогтоолыг баталсан” хэмээгээд Ю.Цэдэнбалын музейг байгуулахаар болсныг дуулгав.

Ю.Цэдэнбал агсны хүү Ц.Зориг УИХ-ын даргад хүлээн авч уулзаж байгаад нь талархаж байгаагаа илэрхийлээд Монгол Ардын Намыг УИХ-ын ээлжит сонгуульд үнэмлэхүй ялалт байгуулсанд баяр хүргэв. Тэрээр “Өнгөрсөнд болсон аливаа үйл явдал үнэн бодитоор түүхэнд үлдэх ёстой. Миний эцгийн мэндэлсний 100 жилийн ойг Монгол Улсын Их Хурал, Засгийн газар өндөр хэмжээнд зохион байгуулж байгаад баяртай байна. Энэ түүхэн ойг тэмдэглэж буй үйл явдал нь Монгол Улсын түүхэнд чухал ач холбогдолтой. Өөрийн нутагтаа эцгийнхээ мэндэлсний ойг тэмдэглэхээр ирсэндээ баяртай байна. Шинэ парламент, Засгийн газар улс орныхоо эдийн засаг, нийгэм, соёлыг улам сайн хөгжүүлэхийг хүсэн ерөөе. Миний эцэг улс орныхоо төлөө хоёргүй сэтгэлээр зүтгэсэн. Үүний үр дүнд эцгийн маань төрийг удирдаж байсан 44 жилийн хугацаанд Монгол Улс хурдацтай хөгжиж чадсан гэж боддог” гэв.

Уулзалтад Улсын Их Хурлын гишүүн, Монгол Улсын сайд, Засгийн газрын Хэрэг эрхлэх газрын дарга Ж.Мөнхбат, Улсын Их Хурлын гишүүн Ч.Хүрэлбаатар, Н.Цэрэнбат болон “Цэдэнбалын академи”-ийн төлөөлөл байлцлаа гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Өнөөдөр өглөө (IX/16) гаалийн ажилтнууд Улаанбаатараас Эрээн чиглэлийн галт тэрэгний зорчигч Н гэгч 6 кг алт нууцаар хил нэвтрүүлэх гэж байсныг илрүүлжээ. Эх сурвалжийн мэдээллэснээр, Н гэгч нь БНХАУ-ын ӨМӨЗО-ы иргэн байсан аж. Гаалийн Ерөнхий газраас хяналт шалгалтаа өндөржүүлэн ажилласны үр дүнд ноцтой олон зөрчил илрүүлж байгаагий нэг энэ юм. Монгол улсын эдийн засаг хүнд байдалтай холбоотойгоор улсын хилээр хууль бусаар түүхий эд бараа бүтээгдэхүүн нэвтрүүлэх оролдлого гарах нь нэмэгдэж байгаа аж.

Нийслэлийн Иргэдийн Төлөөлөгчдийн хурлын дэргэд эрдэмтэн, судлаачдын зөвлөл байгуулагдана

Ардчилсан намын Гүйцэтгэх зөвлөлийн өчигдрийн хуралдаанаас өнөөдөр товлогдсон байсан Үндэсний зөвлөлдөх хорооны хуралдааныг хойшлуулах шийдвэр гаргасны зэрэгцээ сум, дүүргийн Иргэдийн Төлөөлөгчдийн Хурлын 2016 оны сонгуульд Ардчилсан намыг удирдан оролцуулах сонгуулийн менежерээр УИХ-ын гишүүн Д.Эрдэнэбатыг томилж, сонгуулийн штаб байгуулж ажиллахыг үүрэг болгожээ.

2016 оны УИХ-ын сонгуульд Ардчилсан нам ялагдал хүлээсний дараа тус намын дарга З.Энхболд огцорч, Гүйцэтгэх зөвлөлийн хуралдаанаас гаргасан шийдвэрийн дагуу УИХ-ын гишүүн Д.Эрдэнэбатыг тус намын даргын үүрэг гүйцэтгэгчээр томилсон байдаг. Харин одоо орон нутгийн сонгуульд намаа удирдаж ажиллах үүргийг Гүйцэтгэх зөвлөлөөс хүлээлээ.

Түүнийг 2008-2012 онд намынхаа ерөнхий нарийн бичгийн даргаар ажиллаж байх үед Ардчилсан нам 2012 оны УИХ-ын сонгуулиас эхлэн орон нутгийн сонгууль, Ерөнхий сонгуульд тус бүр амжилттай оролцож байсан юм.

Нийслэлийн удирдлагууд НИТХ-ын төлөөлөгчидтэй зөвлөлдөх уулзалт хийлээ

<iframe width=”560” height=”315” src=”https://www.youtube.com/embed/_EiYsDzot7A” frameborder=”0” allowfullscreen></iframe>

Өнгөрсөн өдөр хөдөө орон нутийн замд хоёр осол гарч, хоёр хүн нас баржээ.

“Ulaanbaatar book fair 2016” олон улсын номын баяр яг одоо Сүхбаатарын нэрэмжит талбайд болж байна.

Өчигдрийн спот арилжаагаар банкууд 2240.75-2250.20 төгрөгийн ханшаар 22.0 сая ам.доллар, 335.00-336.80 төгрөгийн ханшаар 52.8 сая юань худалдан авах санал ирүүлжээ.

2016-2017 оны халаалтын улирал эхэлсэнтэй холбогдуулан “Улаанбаатар дулааны сүлжээ” ТӨКХ 2016 оны 09 дүгээр сарын 15-ны байдлаар 890 орон сууцны барилга, 24 цэцэрлэг, 14 сургууль, 13 эмнэлэг, 140 аж ахуйн нэгжид халаалт өгөөд байна.

Ерөнхий сайд Ерөө голын гүүрний нээлтэд оролцлоо

Г.Далайцэрэн: Төр, иргэний хамтын ажиллагааны сайн жишээ Баянзүрх дүүрэгт хэрэгжсэн

Нийслэлийн есөн дүүргээс анх удаа Баянзүрх дүүргийн иргэд өөрсдийн санаачлагаар 12 жишиг гудамжийг засч, тохижуулжээ. Мөн бусдынхаа ая тухтай орчинд амьдрах нөхцөл бололцоог хангаж амралтын болон хүүхдийн тоглоомын талбайнуудыг байгуулаад байгаа юм байна. Эдгээр ажлуудын гол зохион байгуулагч болсон Баянзүрх дүүргийн Хөгжлийн төвийн ГӨХ хариуцсан албаны ахлах мэргэжилтэн Г.Далайцэрэнтэй ярилцлаа.

Иргэдийг бүлэг болгон нэгтгэж, зохион байгуулалтад оруулан аливаа ажлыг эхлүүлнэ гэдэг нэлээд төвөгтэй. Гэсэн хэдий ч хийж бүтээсэн ажил тань олон хүний талархалыг хүлээсэн байх юм. Ярилцлагаа иргэдийн бүлэг гэж юу болох талаар эхлүүлье ?
2013 оны долдугаар сард Баянзүрх дүүргийн Засаг дарга Д.Пүрэвдаваагийн санаачилгаар Дүүргийн хөгжлийн төв байгуулагдсан. Манай төв иргэдийг нэгдсэн зохион байгуулалтад оруулж, Газар өмчлөгчдийн холбоо /ГӨХ/, мөн Сууц өмчлөгчдийн холбоо /СӨХ/ байгуулах замаар иргэдийн амьдрах орчинг сайжруулах, ажлын байр бий болгох, дундын өмчлөлийн эд хөрөнгийн эзэмшил, ашиглалт, хамгаалалтыг нэмэгдүүлэх зорилготой ажилладаг.
Иргэдийн бүлэг гэдэг маань амьдарч буй орчиндоо тулгамдаж байгаа асуудлаа өөрсдийн нөөц бололцоонд тулгуурлан хамтын хүчээр шийддэг нэгдмэл нэг зорилготой баг гэж ойлгож болно. Нэг бүлэг наймаас дээш гишүүнтэй байх бөгөөд ахлагч, нягтлан, хянагчтай ажилладаг.
Иргэдийн бүлэг байгуулж байх үед хүндрэлтэй зүйл юу байв?
Айлын нохойд хөөгдөхөөс эхлээд хүндрэлтэй зүйл багагүй байсан. Гэхдээ бид бүхэн тухайн хорооны хэсэгчилсэн зураг, төлөвлөгөөг гаргаад айлуудад тарааж, мэдээлэл өгч, амралтын өдрүүдэд Хот байгуулалт мэдээлэл судалгааны төвтэй хамтарч сургалтуудыг зохион байгуулдаг юм.
Төсөл хэрэгжүүлэх явцад манай байгууллагаас хяналтын баг давхар ажиллаж төсөл хөтөлбөрүүдийг оновчтой, зөв зарцуулалтыг хянадаг болохоор манай төсөл хөтөлбөрүүд маш чанартай хэрэгждэг. Өөрсдийн амьдарч буй орчин нь сайжирч байгаа учраас иргэд ч сайхан хүлээж авдаг.
Нэгэн жигд хашаа, гэрэлтүүлэг, камер, явган хүний зам гээд иргэдийн бүлгийн хийсэн олон жишиг гудамжийг Баянзүрх дүүргээс харлаа. Гэр хорооллынхоны “шүдний өвчин” гэж хэлж болох эдгээр асуудлыг иргэдийн оролцоотой шийдэх нь зөв бодлого байж чадав уу?
-Маш зөв бодлого. Өмнө нь аль ч дүүрэгт хийгдэж байгаагүй ажил. Өнгөрсөн 3 жил бид анхдагч байж чадсан. Бид бүхэн иргэдийг бүлэг болгож сургалтад хамруулан гэр хороололд ГӨХ буюу газар өмчлөгчдийн холбоог байгуулж, иргэд өөрсдийнхөө амьдрах орчноо бүрэн өөрчлөх төслөө биччихдэг, түүнийгээ хэрэгжүүлдэг болгох зорилготой ажилласан. Хамгийн гол нь манай төслийн давуу тал нь ажлын хөлсний зардал гэж байдаггүй. Өөрсдөө хийдэг. Материалын зардал нь маш бага. Өөрөөр хэлбэл, айл болгоны хашаанд элс, мод, цемент байж л байдаг. Үүнийг л ашиглаж хогийн цэг, хүүхдийн тоглоомын талбай, гэрэлтүүлэг хийж явган хүний зам тавьж тохижуулсан юм.
-Төслийн санхүүжилтийг хэрхэн шийддэг бэ, дүүргийн зүгээс ямар дэмжлэг байдаг бол?
-Төр, иргэний хамтран ажиллах ажиллагааг сайжруулах үндсэн дээр нийт 10 хүртлэх сая төгрөгний төсөл хөтөлбөрийг иргэдийн бүлгээр дамжуулан дүүргээс тодорхой хэмжээний санхүүжилт өгдөг. Өөрөөр хэлбэл, төслийн санхүүжилт 100 хувь гэж тооцоход иргэдийн бүлэг 10 хувийнхаа хуримтлалыг байгуулах дүрэмтэй. Үлдсэн 90 хувийг дүүрэг санхүүжүүлдэг. Мөн манай байгууллага Олон Улсын байгуулагуудтай хамтран ажиллаж, “Эзэнтэй Монгол” төсөл хөтөлбөрийг иргэдийн бүлгүүдийн дунд амжилттай хэрэгжүүлсэн. Японы “Нийтийн аж ахуйг сайжруулах Төсөл”-ийн хүрээнд Жишиг гудамж, Явган зам, Үер усны далан, Хүүхдийн тоглоомын талбайн төслүүдийг хэрэгжүүлээд байна.
Өнгөрсөн хугацаанд иргэдийн бүлэгтэй хамтран хэдэн төслийг хэрэгжүүлэв?
-Иргэдийн бүлгээр дамжуулан 2014 оноос хойш нийт 82 төсөл хөтөлбөрийг амжилттай хэрэгжүүлсэн. Тухайлбал, иргэд маань нэг бүлэг болж хамтарсанаар өөрсдийн амьдардаг орчин, нөхцлөө эрс сайжруулж чадаж байна. Өнгөрсөн жил л гэхэд Баянзүрх дүүргийн 1, 19, 22, 27 зэрэг хороонд жишиг гудамж төслийг маш амжилттай хэрэгжүүлж, 15 байршилд хүүхдийн тоглоомын талбайг шинээр хийж, тохижуулаад байна.

Монголын Урчуудын эвлэлийн үзэсгэлэнгийн танхимд энэ сарын 14-ний өдөр нээлтээ хийсэн ”Монгол камасутра” үзэсгэлэнг өчигдөр хаасан байна.

Бразилын Рио-де-Жанейро хотноо зуны пара олимпийн XV наадамд жүдо бөхийн эрэгтэйчүүдийн 60кг-ийн жинд Азербайжаны бөхтэй учраа таарч, 4 секундэнд ялалт байгуулсанаар Монгол түмэндээ пара олимпийн хоёр дахь, Дорноговь аймгийн анхны медалыг авчирсан түүхэн амжилтын эзэн болсон олон улсын хэмжээний мастер Болормаагийн Ууганхүүд Улсын Их Хурлын гишүүн Б.Дэлгэрсайхан, аймгийн Засаг дарга Т.Энхтүвшин, түүний тамгын газар, аймгийн ИТХ болон нийт ард иргэд баяр хүргэж хүндэтгэл үзүүлнэ.

Газар хөдлөлтийн гамшгаас урьдчилан сэргийлэх ажлыг эрчимжүүлнэ

“Итгэлийн зээл” олгож, үрийн аж ахуй байгуулахыг дэмжинэ

БНСУ-д үйлдвэрлэгдэж Монголчуудын өргөн хэрэглээний барааны нэг болоод буй ногоон ууттай салфьетикийг хорт бодис агуулсан тул хэрэглэхээс татгалзах уриалга цахим ертөнцөд тараад байсан. Энэ талаар Мэргэжлийн хяналтын ерөнхий газраас “БНСУ Гоо сайхны салбарт мөрдөх хуультай. Шинээр мөрдөж буй уг хуульд нойтон сальфеткид тавих шалгуурыг чангатгасан. Тухайн хуулийн дагуу ногоон ууттай нойтон сальфеткийг шинжлэхэд хэт мэдрэг арьстай хүнд харшил, улайлт өгөх, загатнаж болзошгүй ариутгал халдваргүйтгэлийн бодисыг агуулсан байжээ.

Есдүгээр сарын 17-ны өдрийн 23:00 цагаас 18-ны өдрийн 07:00 цагийн хооронд зам засварын ажил хийгдэхтэй холбогдуулан Хан-Уул дүүргийн 3-р хорооны нутаг Чингисийн өргөн чөлөө буюу Яармагийн гүүрний хойд уулзвараас Дулааны 3-р цахилгаан станцын уулзвар хүртэлх замыг хаахаар болсон байна.