Хонь - (3/21-4/19)
Амралтанд явах боломжийг бүү алд. Хонь амралтаа гайхалтай өнгөрүүлэхийг мөрөөдөх бөгөөд хүслээ биелүүлэхэд өнөөдөр тохиромжтой. Санхүүгийн боломж хүрэлцэхгүй байсан ч шаардлагатай мөнгийг олж чадна. Ганц бие Хонь гэр бүл зохиохыг хүсэх байх. Зарим нь хүүхэддээ санаа зовж, найз нөхөд гэр бүлийнхэнтэйгээ зөвлөлдвөл шийдэл олж чадна.
Дэлгэрэнгүй
Мягмар, 2016 оны 07 сарын 19
Үхэр - (4/20-5/20)
Биеэ тоох, хэдэр зан гаргах нь Үхрийн ордныхны хүмүүст дараагийн өдрүүдэд сөргөөр нөлөхөөс зайсхий. Халамжтай зан ааштай бай. Магадгүй чиний уурлаж бухимдах нь ихэснэ. Хайртай хүмүүсээ гомдоохоос сэргийл. Гэр бүл тань таны амьдралын утга учир болохыг сана. Ирэх амралтын өдрөөр гэртээ өөрийн гарын хоолоо хийж бусдыг дайлаарай.
Дэлгэрэнгүй
Мягмар, 2016 оны 07 сарын 19
Ихэр - (5/21-6/21)
Өдрөөс өдөрт хуримтлагдсаар байсан жижиг асуудлууд арилж, хайртай хүнтэйгээ бүрэн ойлголцож чадна. Жижигхэн бэлэг ч гэсэн маш их зүйлийг өгүүлдэг гэдгийг сана. Чухал ажил хэргийн уулзалт замын түгжрээнээс болж саатах бөгөөд утсаар ярьж өөрийгөө ойлгуулахыг хичээ. Энэ жил сурч боловсроход их таатай жил тул богино хугацааны сургалтанд суух эсвэл ажилдаа саад бололгүйгээр алсын зайн сургалтанд хамрагдах хэрэгтэй.
Дэлгэрэнгүй
Мягмар, 2016 оны 07 сарын 19
Мэлхий - (6/22-7/22)
Өнөөдөр шинэ cap таны тэмдэг Мэлхийн ордыг хөндлөн огтолж гарна. Энэ нь танд тулгарах хамгийн том сорилт болно. Цочмог зан чинь танд асуудал авчирч болох тул маш анхааралтай байхыг хичээх хэрэгтэй. Хувийн хэрэгцээ ба бизнесийн шаардлага, харьцаа хоорондын тэнцвэрийг барьж байхын тулд илүү шургуу ажиллах хэрэгтэй. Үйлчлүүлэгчидтэйгээ харьцах харьцаа бас асуудалтай байх болно.
Дэлгэрэнгүй
Мягмар, 2016 оны 07 сарын 19
Арслан - (7/23-8/22)
Өнөөдөр өөрийн эсрэг зогсож байгаа бүх хүнийг ялан дийлэх болно. Чухал төслийн ажилдаа ахиц гаргах тул үйлдэлдээ итгэлтэй бай. Маш нууцлагдмал нэгэн таны ертөнцөд гэнэт орж ирнэ. Та өмнө нь мэддэг байсан мэт сонин сэтгэгдэл төрөх ч үнэн хэрэг дээрээ анзаардаггүй байсан байх. Өөрийнхөө зөн совинд итгэ, баяр хөөрийг эргэлзээгээр битгий бүүдийлгээрэй. Та өрсөлдөгч нараа хол хаяж бүтээлч, шинэ санаагаараа бат бөх суурь тавих болно.
Дэлгэрэнгүй
Мягмар, 2016 оны 07 сарын 19
Охин - (8/23-9/22)
Өнөөдөр санхүүгийн харилцаанд урьдчилан тааварлаагүй олон зүйл тохиолдож, танаас илүү их хариуцлагатай байхыг шаардана. Харамсалтай нь таны эрч хүч маш доогуур түвшинд байгаа тул ажилдаа түүртэж, дарамтанд орох болно. Бүх зүйлийг ганцаараа хийх гэж зүтгэх хэрэггүй. Аливаад хүлээцтэй байж чадвал та ямар ч асуудлыг тайван даван гарах болно. Бусдад тусалснаар сэтгэл хангалуун болно. Ойр дотны хүмүүстэйгээ хамт цагийг хөгжилтэй өнгөрөө.
Дэлгэрэнгүй
Мягмар, 2016 оны 07 сарын 19
Жинлүүр - (9/23-10/22)
Таны идэвх, санаачлага тань гэр бүлийн тохь тухь, сайн сайхныг бэхжүүлэх нөхцөл болж өгнө. Эрүүл мэндээ бэхжүүлж, хувийн асуудлуудаа шийдвэрлэ. Чанга хатуу сорилт тулгарч байна. Сарын дунд үед санаснаа гүйцэлдүүлэх, шинэ ажил эхлэхэд тохиромжтой. Таны эрч хүч эргэн тойрныхонд тань эерэгээр нөлөөлнө. Зорилго руугаа зоригтой алх. Удахгүй албан тушаал ахина. Гэхдээ чадахгүй ажил, туршилтаас зайлсхийж шалгарсан аргаараа л урагшил.
Дэлгэрэнгүй
Мягмар, 2016 оны 07 сарын 19
Хилэнц - (10/23-11/21)
Өнөөдөр Арслангийн ордод орших бүтэн cap Хилэнцүүдийг жаахан болгоомжлуулна. Энэ нь багаар ажилладаг хүмүүст ч хамаатай. Түншүүд, худаддан авагчидтай тохиролцохдоо илүү анхаарал сэрэмжтэй бай. Буурь суурьтай Санчир гараг одоо ганцаардлыг илтгэдэг 12-р гэр болох Жинлүүр рүү ухарч байна. Эрх мэдэлтэй Хилэнцүүдийн асуудлууд, хүндрэл бэрхшээл нь Санчир ухарч дуусах хүртэл үргэлжилнэ.
Дэлгэрэнгүй
Мягмар, 2016 оны 07 сарын 19
Нум - (11/22-12/21)
Таны хэрхэн биеэ авч явж байгаагаас шалтгаалан өнөөдрийн ажлын эхний санал ирэх бололтой. Үүнийг та эерэгээр хүлээн авч өөрийн бодолдоо тунгаан боловсруулах хэрэгтэй. Од эрхэсийн таагүй байрлал харилцаанд төвөгтэй байдал үүсэхийг сануулж байна. Харин нөхцөл байдлыг бодитоор хардаг нумуудад боломж байна. Учир нь тэд хөл дээрээ бат зогсч, аливаад бодитойгоор хандаж чаддаг.
Дэлгэрэнгүй
Мягмар, 2016 оны 07 сарын 19
Матар - (12/22-1/19)
Гараг эрхсийн нөлөөгөөр санаа сэтгэл тоггворгүй хувирамтгай байх нь. Та хязгаарлагдмал байдалд дургүй ч ажил дээрээ ямар нэг зүйлийг хийх эрх мэдэл дутах нь. Эерэг өөрчлөлт гарах ч хэцүү алхам хийхээс өмнө боломжийн сонголт гарч ирнэ гэдэгт итгэ. Уур уцаар намжих үед хийсэн үйлдэлдээ харамсах сэтгэл төрнө. Сэтгэл ханамжгүй харилцааг дуусгахдаа сайн бодож үз. Аливааг саруул ухаанаар, бодитойгоор бодож үзэх хүртлээ өөрийн мэдрэмж бодлыг хяна.
Дэлгэрэнгүй
Мягмар, 2016 оны 07 сарын 19
Бумба - (1/20-2/18)
Хайртай хүндээ учирсан саад тотгорыг давахад тусал. Эхлээд яриаг нь анхааралтай сонсч, нөхцөл байдлыг дүгнэн шинж. Түүний амьдрал таныхаас ялгаатайг бүү март, иймээс таны авах арга хэмжээ хайртад тань таалагдахгүй байж мэднэ. Өнөөдөр өөрийн хүсэл сонирхлын дагуу ямар нэгэн бүлэг, нийгэмлэгт нэгдэж болно. Зөвхөн өөрийн төлөө бус бусдын төлөө ажиллах нь танд гарцаагүй таалагдана.
Дэлгэрэнгүй
Мягмар, 2016 оны 07 сарын 19
Загас - (2/19-3/20)
Уур амьсгал тайван тогтуун байх хэдий ч өнөөдрийн шийдэх гэсэн ихэнхи зүйлс тань амжилттай бүтэж, шинэ боломж гарч ирэх болно. Таны ярианы чадвар тань танийг багийхан дотроосоо илтгэгчээр шалгаруулна. Бусдад өөрийгөө хэрхэн илэрхийлэхийг зааж зөвлөгөө өг. Иогийн дасгал, баясалгал хийн бие, сэтгэлээ ариусгах нь танд шинэ эрч хүч өгөх болно.

Азийн 23 орны хуульчдын 30 холбооны тэргүүнүүдийг оролцуулсан бүс нутгийн хууль зүйн салбарын том хэмжээний уулзалт буюу Азийн Хуульчдын Холбоодын Ерөнхийлөгчдийн 27-р дээд хэмжээний чуулга уулзалтыг энэ сарын 20-22-нд Улаанбаатар хотноо зохион байгуулах гэж байна.

Өнгөрсөн 2015 онд Энэтхэгийн Гао хотод болсон хуралдаанаас дараагийн буюу 2016 оны 27-р хуралдааныг эх орондоо зохион байгуулах эрхийг Монголын Хуульчдын холбоо /МХХ/ авчээ.

Энэхүү уулзалтыг Монголын хуульчид эх орондоо анх удаа зохион байгуулах эрхтэй болсон нь байгуулагдаад гуравхан жил болж байгаа манай холбооны хувьд дараах ач холбогдолтой. Үүнд:

Энэхүү хуралдааныг амжилттай зохион байгуулсанаар Холбооны нэр хүнд бүсийн хэмжээнд өсөн бэхжиж, бүсийн Хуульчдын Холбоодын илүү хүчирхэг холбоог бий болгоход идэвхитэй хувь нэмэр оруулж, гадаад хамтын ажиллагаа өргөжих;

Олон улсын хэмжээний хурал, хуралдааныг эх орондоо зохион байгуулах туршлагатай болж, бүсийн төдийгүй олон улсын бусад томоохон арга хэмжээг зохион байгуулах чадвартай болох;

Бүсийн ижил төрлийн үйл ажиллагаа явуулдаг байгууллагуудад өөрийн улсын хууль тогтоомжийг сурталчлах, санал солилцох;

Монгол Улсад үйл ажиллагаа явуулж буй хууль зүйн зөвлөгөө өгдөг компаниуд болон нөхөрлөлүүдийн хамтын ажиллагааг өргөжүүлэх, бусад орны ижил төрлийн үйл ажиллагаа явуулдаг байгууллагуудтай туршлага солилцоход дэмжлэг үзүүлэх, гадаадын хөрөнгө оруулалт нэмэгдэх магадлалтай;

Өөрийн орны түүх, зан заншил, соёл урлагаа олон улсад сурталчлах зэрэг болно.

ЭХ СУРВАЛЖ: МОНГОЛЫН ХУУЛЬЧДЫН ХОЛБОО

Улсын баяр, АСЕМ зэрэг олон үйл явдлын үүд хаагдангууд Монголын улс төр бужигнаж эхэллээ. Тодруулбал өнөөдөр МАН-ын Удирдах зөвлөл хуралдсан бол УИХ-ын сонгуульд арайхийж бүлэг байгуулах хэмжээний санал авсан АН-ын ҮЗХ мөн хурдалдаж байна.

11:00 цагт: МОНГОЛ УЛСЫН НИЙГЭМ, ЭДИЙН ЗАСГИЙН 2016 оны эхний хагас жилийн байдлаарх мэдээллийг Засгийн Газрын III байрны 320 тоотод хийнэ.

11:00 цагт: ”Монгол ньюс”-ийн хэвлэлийн хурлын танхимд өмгөөлөгч Г.Батбаяр хэвлэлийн хурал хийнэ. Тэрээр УИХ-ын нэр бүхий гишүүнийг хүний амь нас хохироосон хэрэгт буруутай гэж үзэж байгаа бөгөөд мөн албан тушаалаа ашиглан их хэмжээний хөрөнгийг хууль бусаар ашигласан хэрэгт сэжиглэн, АТГ-т давхар шалгуулах болсон талаар мэдээлэл хийх юм байна.

12:00 цагт: Зууны мэдээ сонины Үндэсний мэдээллийн төвд Олимпийн хөгжлийг дэмжих сангаас Монголын шигшээ багийн тамирчдын TEAM MONGOLIA брэнд хувцсыг олимпийн баг тамирчдад гардуулах хэвлэлийн бага хурал болно.

Ардчилсан намын Үндэсний зөвлөлдөх хорооны хуралдаан өчигдөр товлосон цагаасаа хоёр цаг орчмын дараа эхэлж, шүрүүхэн өрнөсөн бөгөөд хэд хэдэн асуудлыг хэлэлцсэн байна. Тухайлбал Ардчилсан намын VI их хурлыг 2016 оны арванхоёрдугаар сарын 6-нд хуралдуулахаар тогтжээ.

Зуны адаг хөхөгчин хонин сар
Таван шар мэнгэтэй хар бар өдөр

өдөртөө 28-30 градус дулаан байна

АН-ын ҮЗХ маргааш 11:40 цагт үргэлжилнэ

Намын Их хурал 12.05-12.06 болохоор боллоо. Харин ҮЗХ -ны хурал маргааш 11:40 цаг хүртэл завсарлав.

Шинэчлэлийн ЗГ-ыг унагасан гишүүдтэйгээ хариуцлага ярина

Тэрээр Шинэчлэлийн Засгийн газрыг огцруулах хуралд Р.Амаржаргал, Р.Бурмаа, Ж.Батзандан, Х.Баттулга, М.Зоригт Б.Наранхүү, Л.Эрдэнэчимэг, Д.Батцогт нар эсрэг санал өгсөн бол С.Одонтуяа, С.Эрдэнэ, Д.Арвин, Д.Ганбат, Д.Ганхуяг, Г.Баярсайхан, Ш.Түвдэндорж нарын долоон гишүүн чуулганы хуралдаанд ирээгүй юм.

ҮЗХ-ны хуралдаанаар Шинэчлэлийн Засгийн газрыг огцруулахын төлөө кноп дарсан гишүүддээ хариуцлага тооцох ёстой гэсэн асуудлыг хөндөж, гишүүдийн олонхи дэмжсэнээр асуудлыг Их хурлаараа хэлэлцэхээр болжээ.
22:22 2016.07.18

Ардчилсан намын Үндэсний зөвлөлдөх хороо /ҮЗХ/-ны хуралдаан үргэлжилж байна. 19 цаг өнгөрч байхад эхэлсэн ҮЗХ-ны хуралдаан 139 гишүүний ирцтэйгээр хуралдаанаа нээсэн юм.

Ардчилсан намын ҮЗХ нь нийт 210 гаруй гишүүнтэй. Иймээс өнөөдрийн хуралдаанд ирсэн гишүүдийн ирц 50 гаруй хувьтай байна гэсэн үг юм.

ҮЗХ энэ удаагийн хуралдаанаараа дараах асуудлыг хэлэлцэн шийдвэрлэхээр төлөвлөжээ.

2016 оны УИХ-ын сонгуульд оролцсон тухай мэдээлэл,
Ардчилсан намын даргыг томилох тухай,
Намын үндсэн дүрмийн шинэчилсэн найруулгын төслийг бэлтгэх ажлын хэсгийг байгуулах,
Ардчилсан намын VI их хурлын товыг зарлах тухай,
Ардчилсан намын VI их хурлын бэлтгэл ажлыг хангах ажлын хэсгийг байгуулах тухай,
Ардчилсан намын 2012-2016 оны үйл ажиллагаанд үнэлэлт дүгнэлт гаргах ажлын хэсэг байгуулах

АН-ын ҮЗХ-ны хурал халуухан үргэлжилж байна.
Шинэчлэлийн ЗГ-ыг унагасан гишүүдтэйгээ хариуцлага ярина гэсэн бол

Дөнгөж сая Х.Баттулга хэлэхдээ “ Ерөнхийлөгч , Их хурлын дарга 2 намайг дуудаад Засгийн газрын гишүүнээс татгалзаад өргөдлөө өгчих тэгээд давхар дээлийг ярьцгаая гэж хэлсэн гэлээ

ШААРДЛАГА
2016.07.18 Улаанбаатар хот
АН гэдэг нь 1-рт: Ардчилсан хувьсгалийг сэдэж, санаачлан амь нас, эрүүл мэндээ үл хайрлан энэ үйл хэрэгт өөрийгөө зориулж ардчилалыг өнөөгийн бидэнд авчирч өгсөн ахмад үе, 2-рт: ардчилал, шудрага ёс, хүний эрх, эрх чөлөө нийгмийн сайн сайханы төлөө ажил үйлсээ зориулж яваа дундүе 3-рт: эрх зүйт төр, хууль ёсыг дээдлэх үзэл санааны үр хөврөлийг тээж буй болгох залуу үе гэсэн 3-н цагийн хэлхээс бөгөөд нийгмийн захиалга, ард түмний хүсэл зоригоор үүсч бий болсон үндэсний хэмжээний улс төрийн хүчин билээ. АН-ын дотоод шинэчлэл, дүрмийн өөрчлөлт нь улс орны ойрын болон алс хэтийн бодлого, ардчилалын замаар замнах эсэхтэй салшгүй холбоотой юм. Иймээс АН-ыг шинэчлэх, “Үндсэн дүрэм”-ийг өөрчлөхөд туйлын няхуур ул суурьтай хандах шаардлагатай гэдгийг манай хөдөлгөөний зүгээс нийт гишүүд дэмжэгчиддээ анхааруулж байна. Тэр тусмаа АН-ын намын олон мянган гишүүдийн итгэлийг эвдэн өөрийн явцууэрх ашиг сонирхолоорМАН-тай хуйвалдан Шинэчлэлийн ЗГ-ийг огцруулж, намын нэр хүндийг унагааж, УИХ болон Аймаг, нийслэлийн ээлжит сонгуульд АН-г ялагдуулахад нөлөөлсөн эрх мэдэл бүхий хүмүүсийн явцуу санаархал болох “шинэчлэл, өөрчлөлт нэрийн дор залуусыг өдөөн турхирч намын эв нэгдэлийг хагалан бутаргах”-ыг хэрхэвч зөвшөөрч болохгүй.
Ийм учраас АН-ын гишүүд дэмжигчид бид өөрийн үзэл бодол,эвийн хүчээ нэгтгэн АРДЧИЛАЛАА аврахын төлөө тууштай тэмцэнэ гэдгээ илэрхийлж доорхи шаардлагыг холбогдох байгууллага хүмүүст хүргэж байна:
1. Дүрэмгүй тоглох нь намын доторэмх замбараагүй байдал бий болгож хагарал, талцал, хуваагдалаас өөр сайн үр дүн авчрахгүй гэдгийг анхаарч ажиллахыг “ШИНЭЧЛЭЛИЙН ХӨДӨЛГӨӨН”-ны зарим нөхдөд сануулахын ялдамдөнөөдрийн хүчин төгөлдөр мөрдөгдөж байгаа “ҮНДСЭН ДҮРЭМ” нь 5 удаа ялалт авчирсан дүрэм гэдгийг санаж хүндэтгэлтэй хандахыг

2. Намын дүрэм зөрчигдөөд байгааг тогтоосон АН-ын ХЕХ-ны тогтоолууд удаа дараа гардаг боловч түүнийг намын удирдлага огт тоож үздэггүй байсан бөгөөд “ҮНДСЭН ДҮРЭМ” ээ хэрэгжүүлдэггүй том толгойтой гишүүд нилээдгүй байснаас асуудал хүндэрсэн болохоос биш дүрэмийн муугаас болоогүй гэдгийг бүгд ойлгож намын удирдлагаасХЕХ-ны тогтоолуудыг хэрэгжүүлэх, УИХ дахь АН-ын бүлгийн гишүүдээс АН-ын дүрмээр өөрт олгогдсон эрх хэмжээний хүрээнд намыг төлөөлөх, эв нэгдэл, шудрага ёсны зарчимыг баримтлан эрх зүйт ёсыг дээдлэж ажиллахыг


3. Монголчууд бид “Ажил хийвэл дуустал Давс хийвэл уустал” гэж ярьдаг. АН-ын дарга хэзээч, ямар ч үед ГЗ-өөр томилогдож байгаагүй ба эрх зүйн хүрээнд тийм боломж байхгүйг хүндэтгэн АН-ын даргаар ажиллаж байсан З.Энхболдыг санхүүгийн тайлангаа тавиад ажлаа гүйцэд хүлээлгэж өгөхийг

4. АН-ын их хурлын товыг ойрын үед нийтэд зарлаж хурлыг зохион байгуулах ажлын хэсэгт эгэл жирийн гишүүдийн төлөөлөлийг оролцуулахыг

5. Үндсэн дүрэм зөрчин сонгогдсон нь ХЕХ-оортогтоогдсон ҮЗХ-ны гишүүдийн бүрэн эрхийг түдгэлзүүлэхийг нийт ҮЗХ-ны гишүүдээсхатуу шаардаж байна.




АРДЧИЛСАН НАМАА АВРАХ ХӨДӨЛГӨӨН

Ардчилсан намын Үндэсний зөвлөлдөх хороо/ҮЗХ/-ны хуралдааныг өнөөдөр 18.00 цагт товлосон байсан ч ирц бүрдэхгүй байсаар дөнгөж сая эхэллээ.

Батлан хамгаалахын сайд Ц.Цолмон өнөөдөр Тулгар төрийн 2225 жил, Их Монгол Улс байгуулагдсаны 810 жил, Үндэсний эрх чөлөө, тусгаар тогтнолоо сэргээн мандуулсны 105 жил, Ардын хувьсгалын 95 жил, Үндэсний их баяр наадамд 70 жилийн түүхт Зэвсэгт хүчний ”Алдар” спорт хорооны тамирчид илүүрхэн өнгөллөө. Үндэсний баяр наадамд амжилттай сайн оролцсон Зэвсэгт хүчний ”Алдар” спорт хорооны бөхчүүд, харваачдыг хүлээн авч уулзаж, баяр хүргэж хүндэтгэл үзүүллээ. Батлан хамгаалахын сайдын хамт ЗХЖШ-ын дарга, хошууч генерал Д.Даваа, Батлан хамгаалахын яамны Төрийн нарийн бичгийн дарга, хурандаа Б.Батсайхан, яамны газар, хэлтсийн удирдлагууд, ”Алдар” спорт хорооны дарга, хурандаа Г.Өсөхбаяр нар байлцсан юм.

Батлан хамгаалахын сайд Ц.Цолмон баяр хүргэж хэлсэн үгэндээ ”Юуны өмнө Зэвсэгт хүчний тамирчид та бүхэндээ одтой сайхан наадаж, наадамчин олноо баясгасан сайхан барилдааныг үзүүлсэн явдалд баяр хүргэе. Олон тэгш ой тохиосон энэ жилийн наадмыг хүмүүс ”Алдар”-ын наадам, Зэвсэгт хүчний наадам боллоо гэж онцолж байна. Аргагүй үнэн үг юм. Баяр наадмын түрүү бөх манайх, үзүүр бөх нь бас л манай Зэвсэгт хүчний тамирчид байлаа. Хоёр харцагатай, 14 начин цолтон шинээр төрсний 7 нь манай ”Алдар”-ынх. Урианхай сурын харваанд алтан медаль, хүүхдийн сурын харваанд хүрэл медаль гээд бахдам сайхан амжилттай оролцлоо. Та бүхнээрээ бахархаж байна. Энэ бүх амжилтын цаана хувь хүний хөдөлмөр, хөлс, зүтгэл, чармайлалт байгаа. Бас түүний цаана биеийн тамирын төлөөх, салбарын алба хаагчдын бэлэн байдлын төлөөх БХЯ, ЗХЖШ-ын удирдлагуудын хийж хэрэгжүүлж байгаа олон ажил байгаа гэдгийг та бүхэн мэднэ. ”Алдар” спорт хорооны шинэ цогцолбор байртай болж, тамирчид маань бэлтгэл сургуулилтаа тасралтгүй гүйцэтгэх том боломж бүрдсэн. Ингээд удахгүй болох Рио-2016 олимпод ”Алдар”-аас оролцох 11 тамирчиддаа амжилт хүсч баяр хүргэе. Түүхт 70 жилийнхээ босгон дээр амжилт бүтээл арвинтай байгаа та бүхнээрээ бахархаж байна” гэсэн юм. Батлан хамгаалахын сайдын тушаалаар Үндэсний бөхийн барилдаанд 10 давж түрүүлэн ”Монгол Улсын Аварга” цол хүртсэн Зэвсэгт хүчний 032 дугаар ангийн тамирчин, дэслэгч Ч.Санжаадамба, 9 давж үзүүрлэж ”Монгол Улсын арслан” цол хүртсэн Зэвсэгт хүчний 150 дугаар ангийн тамирчин, дэслэгч Р.Пүрэвдагва нарт хоёр өрөө байр олгох батламж, мөнгөн аяга гардууллаа. Мөн шинээр улсын харцага, начин цол хүртсэн тамирчдад мөнгө аяга, дурсгалын зүйл гардуулж баяр хүргэсэн. Түүнчлэн Батлан хамгаалахын ”Тэргүүний ажилтан” цол тэмдэгээр Зэвсэгт хүчний 032 дугаар ангийн дэслэгч Ч.Санжаадамба, Зэвсэгт хүчний 150 дугаар ангийн тамирчин, дэслэгч Р.Пүрэвдагва нарыг шагналаа. ”Дайчин алдар-1” медалиар Зэвсэгт хүчний 350 дугаар ангийн ахлагч Б.Бат-Өлзий, Зэвсэгт хүчний 017 дугаар ангийн ахлагч Х.Гантулга, ”Алдар” спорт хорооны тамирчин, Монгол Улсын хошой мэргэн, ОУХМ, ахмад Д.Норжмаа нарыг шагналаа. ”Эх орны төлөө-1” хүндэт тэмдэгээр ”Алдар” спорт хорооны тамирчин, ахлагч Л.Шинэбаатар, ”Алдар” спорт хороо, Зэвсэгт хүчний 014 дугаар ангийн ахлагч Б.Дэлгэрсайхан, ”Алдар” спорт хороо, Зэвсэгт хүчний 017 дугаар ангийн ахлагч Б.Чимэдвандан, ”Алдар” спорт хороо, Зэвсэгт хүчний 120 дугаар ангийн ахлагч Ц.Чимэддорж, ”Алдар” спорт хорооны тамирчин, ахлагч Ц.Нямдорж, ”Алдар” спорт хорооны тамирчин Б.Ганзориг, ”Алдар” спорт хорооны тамирчин М.Бат-Отгон, урианхай сурын харваанд алтан медаль хүртсэн ”Алдар” спорт хорооны тамирчин Ж.Энхбат нарыг шагнасан юм. ”Халх сурын харваа”-нд хүрэл медаль хүртсэн өсвөрийн харваач Х.Цогтбаяр нарт дурсгалын зүйл гардуулж баяр хүргэсэн юм. Энэхүү арга хэмжээний даргаа ЗХЖШ-ын дарга, хошууч генерал Д.Даваа болон даргын зөвлөлийнхөн ”Алдар”-ынхныг хүлээн авч баяр хүргэж, мөнгөн шагнал, дурсгалын зүйл гардуулав. Тэрээр түүхт 70 жилийнхээ босгон дээр олон амжилт бүтээлтэй байгаа тамирчиддаа баяр хүргээд одоо та бидний өмнө Рио-2016 олимп хэмээх том ачаа бий. Бризалийн тэнгэрт эх орныхоо далбааг мандуулахын төлөө хичээе” гэсэн юм.
Дашрамд сонирхуулахад, 1985 онд ”Алдар” спорт хорооны хоёр бөх Үндэсний баяр наадмын бөхийн барилдаанд үзүүр, түрүүнд үлдэж байсан бол энэ түүх 31 жилийн дараа буюу энэ жил дахин давтагджээ.

Ази, Европын дээд хэмжээний уулзалтыг монголдоо амжилттай зохион байгуулсан Монгол Улсын Ерөнхийлөгч Ц.Элбэгдорж өөрийн фэйсбүүк хуудаснаа сэтгэгдлээ хуваалцжээ. Тэрбээр бичихдээ

”Ази Европын Дээд хэмжээний чуулганд ирсэн зочид нутаг нутгийнхаа зүг хүлгийн жолоо залцгаав. Энэхүү уулзалтын эрхийг Монгол улс зориг гаргаж, өрсөлдөж өөртөө итгэж авсан нь сайн боллоо. Монголын минь сайн нэр 5тэрбум гаруй хүний сонор мэлмийд хүрчээ. Монголын түүх, хосгүй байгаль, уламжлал соёл, ажил үйлс, ур чадвар, зохион байгуулалтыг олны олон сайшаан магтацгаав.


Бөмөрцөгийн хоёр тивийн удирдагчид манай нийслэл хотод АСЕМ-ын 20 жилийн ойг тэмдэглэв. Өнгөрсөнөө дүгнэж, өнөөг цэгнэж, ирээдүйгээ ярилцав. Хоёр тивийн бүтэн жилиийн их чуулган амжилт бүтээл дүүрэн өндөрлөж, дараагийн зочиндоо Монгол улс халаагаа өглөө. 810 жилд энэ дөрвөн тоо -1206:2016- дөрвүүлээ тэгширч (0,1,2,6) тус бүр 2 удаа давтагдсан нь олны билигшээл ерөөлийг дагуулав.


АСЕМ-ыг зохион байгуулах бэлтгэл ажилд болон олон талт үйл ажиллагаа, хурал уулзалт, баримт бичиг хэлэлцээр, сургалт суртачилгаа, үйлчилгээ хамгаалалт гээд бүх талаар хамтран ажилласан нийт хүмүүст гүн талархал илэрхийлье. Монгол хүний сурсан, хийсэн бүхэн Монголдоо үлдэнэ. Дараа дараагийн олон зүйлд хэрэг болно.


Монгол чадлаа. Монголчууд чадлаа. Ард түмэндээ баярлалаа. Зочид гийчдийн сэтгэл дээд зэргээр хангалуун буцлаа. Насан туршдаа мартахгүй сайхан дурсамжийг монголчууд Та бүхэн бидэнд үлдээж чадлаа гэж тэд дор бүрнээ ярьцгаав. Монголын ард түмэн, төрд чин сэтгэлийн талархал илэрхийлцгээв. Монголын минь ажил үйлс, буян заяа, золбоо хийморь үргэлжийн үргэлжид өөдөө байг ээ”

Зуны халуун наранд арьс тань борлож өнгөө алдаж байна уу? Тэгвэл эдгээр 10 аргуудаас өөрийн арьсны онцлогт тохируулан хэрэглээрэй.


1. Төмсөө хальстай нь чанаад, арилгаад нухна. Дээрээс нь 2 хоолны халбага сүү, 1 ширхэг өндөгний шар нэмнэ. Сайтар холиод устай ваннанд 25-30 минут тавина. Дараа нь бас жаахан хутгаж байгаад нүүрэн дээрээ түрхэнэ. 20-25 минутын дараа арилгана. Нүүрээ угаагаад арьсанд чинь тохирдог лосьоноор арчаарай. Бүх төрлийн арьсанд тохиромжтой зөгийн бал, нимбэгний маск. 100г шингэн зөгийн балыг 1 ширхэг дунд зэргийн нимбэгтэй холино. Энэ холимогоороо нүүрээ угаахаасаа 10-15 минутын өмнө өдөр болгон нүүрээ арчина. Хэрэв хөргөгчинд хадгалах юм бол удаан хадгалж болно. Тос ихтэй тосон дээр 10г нимбэгний шүүс 4:1 хэмжээгээр нэмнэ. Сайтар хутгаад нимбэгний крем бэлэн боллоо. Энэ крем нь сэвх болон наранд түлэгдсэн үед маш сайн.

2. 1 ширхэг нимбэгний шүүс, 1 ширхэг өндөгний цагаан, 10г сахар ба 100мл буцалсан ус аваад сайтар холино. Нүүрэн дээрээ түрхээд 30-40 минутын дараа арилгаад нүүрээ угаана. Нүүрээ норгоод нүүр болон хүзүүндээ тос түрхэнэ.

3. Өндгөөр маск тавих нь арьсыг жигд цайруулдаг. Хамгийн үр дүнтэй арга ч гэгддэг. Гэхдээ долоо хоногт 2-3 удаа л өндгөөр маск тавихыг зөвлөж байна. Учир өндгийг өдөр бүр нүүрэндээ тавих нь хуурайшуулдаг.


4. Цайны халбага нимбэгний шүүсийг өргөст хэмхийн шүүстэй хольж, хөвөнд шингээн нүүрнийхээ арьсыг 10 минутын турш зөөлөн арч. Энэхүү зөвлөгөөг 3-4 хоногт хэрэгжүүлснээр таны арьс хоёр дахин цайрах болно. Холливуудын нэрт жүжигчин Женнефир Анистон зураг авалтад оролцож байхдаа энэхүү аргыг хэрэглэдэг гэнэ.

5. Нэг хоолны халбага цөцгий, нимбэгний шүүс, нэг цайны халбага гурван хувийн устөрөгчийн хэт ислийн уусмалтай бэлдмэлээр нүүрээ арчина. Ганцхан удаа макс тавихад арьс тань шууд цайрах болно.

6. Улаан лоолийн шүүсийг сүүтэй хольж, арьсаа арчвал цайхын зэрэгцээ зөөлөрч булбарай болно. Үр дүнг нь үзэхийн тулд 5-10 хоног энэхүү аргыг өдөр тутам хэрэглэхийг зөвлөж байна

7. Нэг аяга усанд нэг зүсэм нимбэг нэмээд салфетик эсвэл алчууранд шингээгээрэй. Ингээд 15 минут цайруулахыг хүссэн газраа маск болгон тавих хэрэгтэй. Нэмж зөвлөхөд нүднээсээ хол байлгаарай. Долоо хоногт 2-оос 3 удаа маск тавихад л хангалттай бөгөөд хэтрүүлэх хэрэггүй.


8. Тараг нь сүүний ижил арьс цайруулдаг бол зөгийн бал тэжээл өгөх болно. Тиймээс энэ хоёрыг холиод нүүр эсвэл биендээ түрхээд 15 минут байлгаад бүлээн усаар угаах хэрэгтэй. Тараг сонгохдоо чихэргүй, жимсгүйг хэрэглээрэй.

9. Гүзээлзгэнийг няцалж маск бэлтгээд нүүр, хүзүүндээ 15 минут бигнүүр тавина.

10. Улаан лууванг үрж жижиглээд, нэг хоолны халбага ургамлын тос нэмж маск бэлтгээд нүүр, хүзүүндээ 20 минут бигнүүр тавина. Энэ нь сэвхийг бүдгэрүүлж, нөсөө толбыг арилгах шидтэй.

ЗӨСҮТөв нь өнөөдрөөс эхлэн улсын хэмжээнд тарваган тахлын эсрэг дархлаажуулалтыг энэ сарын 28-ныг дуустал зохион байгуулах юм. Тиймээс тарваган тахлын голомтот нутгийн хүн ам, малчид, зорчигчид, эрүүл мэндийн байгууллага, онцгой байдал, мэргэжлийн хяналт, хууль сахиулах байгууллагын ажилтнууд дархлаажуулалтад идэвхтэй хамрагдахыг МХЕГ-аас анхааруулж байна. Уг вакцинд зургаагаас дээш насныхан хамрагдах тул харьяа эрүүл мэндийн байгууллагууддаа цаг алдалгүй хандахыг хүсье.

ДЭМБ-ын мэдээнээс үзэхэд жил бүр 2000 орчим хүн тарваган тахал өвчнөөр өвчилж, 5-15 хувь нь нас бардаг аж. Ази, Африк, Өмнөд Америкийн зарим оронд хүмүүс тарваган тахлаар өвчилж байгаа нь нийгмийн эрүүл мэндийн тулгамдсан асуудал болоод байна.

Монгол Улсын хувьд Төв Азийн тарваган тахлын байгалийн голомтын зонхилох хэсэг бөгөөд 17 аймгийн 137 сум байгалийн голомттой гэж үздэг. Саяхан л гэхэд Баян-Өлгий аймгийн Улаанхус сумын Ууса, Жалбаа гэдэг газар тарвага үхсэн тухай дуудлагын дагуу тус аймгийн “Зоонозын өвчин судлалын төв” ажиллаж, лабораторийн шинжилгээ хийхэд тарваганы нэг зэм үхдэлээс тахлын үүсгэгч илэрсэн нь тарваган тахлын байгалийн голомт идэвхитэй байгааг харуулж байгаа юм.

Иймд иргэд тарваган тахал өвчнөөс өөрийгөө болон бусдыг хамгаалахын тулд хууль бусаар тарвага агнах, худалдаалах, худалдан авах, тээвэрлэх, тарвага тэдгээрийн гаралтай түүхий эд, бүтээгдэхүүнийг хэрэглэхгүй байж, сонор сэрэмжтэй байхыг анхааруулж байна гэж МХЕГ-ын Гадаад харилцаа, олон нийттэй харилцах хэлтсээс мэдээллээ.

АСЕМ-ын Дээд түвшний 11-р уулзалтын хаалтад зориулсан тоглолт өнөөдөр Чингисийн талбайд 20.30-24.00 цагт болно. Тус үйл ажиллагааг нээж МУ-ын Ерөнхийлөгч Ц.Элбэгдорж үг хэлэх бөгөөд урилгаар ГХЯ-ны төрийн нарийн бичгийн дарга Д.Ганхуяг, БХЯ-ны төрийн нарийн бичгийн дарга Б.Батсайхан нар оролцох аж.

Тоглолтод ”Fire”, ”Киви”, ”Colors”, ”Гурван охин”, ”Lemons” хамтлагууд тоглох юм. Мөн МУГЖ Т.Ариунаа ая дуугаа өргөх юм байна.

Монголбанк 1 долоо хоногтой ТБҮЦ-ыг арилжааллаа

Сонирхогчдын сумо бөхийн 2016 оны Дэлхийн аварга шалгаруулах тэмцээн Улаанбаатар хотноо энэ сарын 30, 31-нд болно.

Тус тэмцээн “Буянт ухаа” спорт цогцолборт болох бөгөөд уг тэмцээнд дэлхийн олон орны сумочид өрсөлдөнө. Энэхүү тэмцээний зурагт хуудсыг их аварга Хакүхо М.Даваажаргалын зурагтайгаар хэвлэсэн байна.