Монголд дөрвөн гүентэй ирвэс анх удаа бүртгэгджээ. Тодруулбал, Дэлхийн байгаль хамгаалах сангийн Монгол дахь хөтөлбөрийн газраас хийсэн хээрийн судалгааны явцад эдгээр гүен бүртгэгдсэн байна. Өмнө нь 1-3 гүентэй ирвэс судалгааны явцад тохиолдож байсан бөгөөд энэ нь анхны тохиолдол болж байгаа аж.

Энэхүү судалгаа нь Ховд аймгийн нутагт оршдог Баатархайрхан ууланд энэ оны 8, 9 дүгээр сард хийгджээ.

Нийслэлийн Засаг даргын Тамгын газрын дарга М.Отгонбаяр “Азийн сан”-гийн суурин төлөөлөгч Мелони Линдберг нар харилцан ойлголцлын санамж бичигт гарын үсэг зурлаа. Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөрийн засаглал, эрх зүйн орчныг сайжруулах, ил тод, нээлттэй байдлыг нэмэгдүүлэх чиглэлээр хийх ажлуудтай холбоотой заалтууд болон “Авлигын эсрэг нийслэлийн хөтөлбөр”-ийг хэрэгжүүлэхэд хамтран ажиллахаар тохиролцсон байна.


Азийн сан нь 1990 оноос Монгол Улсад хөтөлбөрүүдээ хэрэгжүүлж, сайн засаглалыг дэмжих, шударга ёс, хариуцлагын тогтолцоог сайжруулах, төрийн албаны үйлчилгээг ил тод, хүнд сурталгүй болгох, авлигатай тэмцэхэд дэмжлэг үзүүлэх чиглэлээр төрийн болон төрийн бус байгууллагуудтай хамтран ажиллаж иржээ.


Энэ хүрээнд НЗДТГ-тай хамтран хотын үйлчилгээг сайжруулах, иргэдийн оролцоог нэмэгдүүлэх, засаглалыг бэхжүүлэх зэрэг хэд хэдэн чиглэлээр ажиллаж байгаа юм. Тухайлбал, 2011 онд Нийслэлийн газрын албаны үйл ажиллагаа, мэдээллийг иргэдэд нээлттэй болгоход хамтран ажилласан бол 2014 онд НЗДТГ-тай авлигаас сэргийлэх, ил тод байдлыг нэмэгдүүлэх чиглэлээр хамтран ажиллажээ. Мөн Нийслэлийн эрүүл мэндийн газар, Нийслэлийн боловсролын газартай хамтран ажилласан байна.


НЗДТГ-ын Төрийн захиргааны удирдлагын хэлтсийн дарга Ү.Ганболд “НЗДТГ “Азийн сан”-тай сүүлийн 6 жил хамтран ажиллаж байна. Өнөөдрийн зурсан санамж бичгийн дагуу нийслэлийн болон дүүргүүдийн ЗДТГ-ын шийдвэрүүд цахим хуудсаар ил тод болж байна. Газартай холбоотой шийдвэрүүд ч ил тод, иргэдэд нээлттэй болно гэсэн үг. Мөн боловсрол, эрүүл мэндийн салбарын үйл ажиллагааг ил тод болгох, ажилтан албан хаагчдын мэдлэг, ур чадварыг дээшлүүлэхэд “Азийн сан”-тай хамтарч ажиллахаар болж байна” гэлээ.


Ирэх онд хамтын ажиллагааны хүрээнд албан хаагчдыг чадавхжуулах, шийдвэрийн ил тод байдлыг нэмэгдүүлэх, Гэмт хэргээс урьдчилан сэргийлэх зөвлөлийн дэргэдэх олон нийтийн болон дэд зөвлөлийн үйл ажиллагааг дэмжих юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Сүүлийн үед УИХ, Байнгын хороодын ирц бүрдэхгүйгээс хуралдаан хойшлогдох, цагаасаа хоцорч эхлэх болсон. Энэ талаар эх баригч намын бүлгийн хуралдаанаар хэлэлцсэн байна. Бүлгийн дарга Д.Хаянхярваа “Цаашид гишүүдийн ирц, хариуцлагын асуудлаар нэгдсэн ойлголтод хүрсэн” гэлээ.

Монголын банкны холбооны ээлжит 11 дүгээр чуулга уулзалтад Монголбанкны Ерөнхийлөгч Н.Баяртсайхан оролцлоо. Тус чуулганы хувьд Монголбанкны үе үеийн Ерөнхийлөгчдөөс оролцож буй анхны тохиолдол болохыг чуулганы нээлтийн үеэр зохион байгуулагчдын зүгээс онцолж, өндөр ач холбогдол өгөв. Энэ үеэр Монголбанкны Ерөнхийлөгч банкны салбарынхантай өргөн хүрээнд ярилцлаа. Тэрээр хэлэхдээ “Эдийн засгийн хүндрэлийг даван туулахад Монголбанк арилжааны банкуудтайгаа нягт хамтран ажиллаж, дэмжих болно. Арилжааны банкууд ч бас Монголбанкны бодлого, шийдвэрийг дэмжиж, хамтран ажиллахыг хүсэж байна” гэв. Түүнчлэн “Эдийн засгийн хүндрэлтэй байгаа үед Монголбанк бодлогоо аль болох зөөлрүүлэх бодлого баримтална. Ирэх онд та бүхэн эдийн засагт мөнгөний нийлүүлэлт нэлээд хийгдэнэ гэж хүлээхэд болно. Гэхдээ нэг зүйлийг хэлэхэд, эдийн засагт нийлүүлж байгаа мөнгө валютын ханшид дарамт болж очих учиргүй тул Монголбанк болон арилжааны банкууд ойлголцож ажиллах ёстой” гэсэн юм.



Мөн энэ үеэр Монголбанкны Ерөнхийлөгч Н.Баяртсайхан ойрын үед эдийн засагт хүлээлт үүсгээд буй асуудлуудаар харилцан байр сууриа солилцлоо.

Эрүүгийн цагдаагийн газрын Кибер гэмт хэрэгтэй тэмцэх хэлтсийн алба хаагчид Бүгд Найрамдах Чех улсын Элчин сайдын яамны цахим шуудангийн хаягийг хуурамчаар дуурайлган хийж, иргэдийг залилсан этгээдүүдийг баривчилжээ.



Хэрэг үйлдсэн этгээдүүд олон нийтийн цахим сүлжээ буюу фэйсбүүк хуудаст “Чех улсад ажиллах урт хугацааны визний цаг гаргуулна” гэсэн утга бүхий зар тарааж, иргэдийн цахим шуудангийн хаяг руу хуурамч шуудан илгээн хэргийг үйлджээ. Ингэхдээ өөрийгөө Бүгд Найрамдах Чех улсын Элчин сайдын яаманд ажилладаг хэмээн итгүүлж хүсэлт амжилттай бүртгэгдсэн тул 30 минутын дотор мөнгөө шилжүүлээгүй тохиолдолд үүссэн эрх цуцлагдана хэмээн бусдад онц их хэмжээний хохирол учруулжээ. Ийм байдлаар нийт 35 иргэнээс 32 сая төгрөгийг залилан мэхэлж авсан болохыг цагдаагийн байгууллагаас тогтоогоод байна.



Энэхүү хэрэгт зохион байгуулагчаар 1967 онд төрсөн Улаанбаатар хотын харьяат А, хамтран үйлдэгчээр 1987 онд төрсөн У нарыг татан оролцуулж, этгээдүүдэд Эрүүгийн хуулийн тусгай ангийн 227.2-д зааснаар /компьютерийн мэдээллийг хууль бусаар олж авах/ эрүүгийн хэрэг үүсгэн шалгаж байгаа аж.



Дээрх этгээдүүд өмнө нь Эрүүгийн хуулийн тусгай ангийн 148 дугаар зүйл буюу бусдын эд хөрөнгийг залилан мэхэлж авсан гэмт хэргийг үйлдсэний улмаас ял шийтгэл эдэлж байжээ.



Иргэдийг хайхрамжгүй байдлаасаа болж хохирохгүй байхыг, аливаа санал хүсэлт цахим хуудсанд нь ирсэн тохиолдолд холбогдох байгууллагаас лавласны дараа мөнгөө шилжүүлэхийг Цагдаагийн байгууллагаас анхааруулж байна.



Дашрамд иргэд, олон нийтэд сонордуулахад Бүгд Найрамдах Чех улсын Элчин сайдын яамны цахим шуудангийн хаяг нь түр, болон удаан хугацаагаар виз хүсэх тухай хоёр ангилалтай аж. Харин хуурамч хаяг нь зөвхөн удаан хугацааны визний хүсэлт хүлээн авах нэг л ангилалттай юм байна. Гэхдээ хуурамч хаягийг цагдаагийн байгууллагаас устгажээ.

ТӨРИЙН БАНКНЫ ХАРИЛЦАГЧИД “ГЯЛС БАНК”-ЫГ ОНЦОЛЖЭЭ

Төрийн банк “Талархлын өдөрлөг” зохион байгуулжээ


Монголын хамгийн олон картын хэрэглэгчтэй Төрийн банк нь өөрийн 500 гаруй салбар нэгж, 2,500 гаруй картаар үйлчлэгч байгууллага, 270 АТМ-аар дамжуулан харилцагчиддаа үйлчилдэг билээ. Төрийн банк нь олон улсын Visa, UnionPay, JCB нэрийн картуудыг төлбөрт хүлээн авдаг, картын аливаа эрсдэлээс хамгаалах хяналтын цогц системийг нэвтрүүлж, олон улсын стандартад нийцсэн шинэлэг, шилдэг үйлчилгээ бүхий үндэсний хэмжээний томоохон банк юм.

Тус банк 2500 орчим картаар үйлчлэгч байгууллагынхаа төлөөллийг урин оролцуулсан “Талархлын өдөрлөг-2016” арга хэмжээг энэ сарын 16-ны өдөр “SS” клубт зохион байгууллаа. Жил бүр болдог уг арга хэмжээнд Төрийн банкны удирдлагууд, салбар тооцооны төвийн захирлууд оролцож хамтран ажилладаг байгууллагууддаа хүндэтгэл үзүүлэхийн сацуу тэдний санал хүсэлтийг хүлээн авчээ.

Өдөрлөгийн үеэр картаар үйлчлэгч байгууллагууддаа луйврын гүйлгээний болон бусад эрсдэлээс сэргийлэх мэдээ мэдээллийг хүргэснээс гадна бэлэн бус төлбөр тооцооны өнөөгийн байдал, цаашдын хандлагын талаар танилцуулсан байна. Мөн энэ үеэр Төрийн банкнаас зах зээлд нэвтрүүлээд удаагүй байгаа EMV чиптэй өндөр нууцлал, хамгаалалт бүхий олон улсад ашиглагдах “Виза кредит карт”, “JCB дебит карт”- аа өдөрлөгт оролцогчдод танилцуулжээ.

Төрийн банк жилийн турш харилцагч, хамтран ажилладаг байгууллагууддаа чиглэсэн олон төрлийн арга хэмжээ зохион байгуулдаг. Үүний нэг нь 11 сарын 05-аас энэ сарын 5-нд зохион байгуулсан “Шилдэг КҮБ” уралдаант аян бөгөөд уг аянаа дүгнэж шилдэг дөрвөн байгууллагыг шалгаруулж шагнасан байна. Арга хэмжээний үеэр мөн “Азтай” дөрвөн байгууллагад гарын бэлэг, дурсгалын зүйлс гардуулжээ.
Картаар үйлчлэгч байгууллагуудын зүгээс Төрийн банкны бүтээгдэхүүн үйлчилгээнд сэтгэл хангалуун байдгаа илэрхийлж “Гялс банк”-ны үйлчилгээг “Онцлох үйлчилгээ”-ээр нэрлэсэн юм.

“Гялс банк” үйлчилгээ нь манай улсын банкны систем дэх үйлчилгээний хамгийн өргөн хүрээ бүхий, ашиглахад хялбар, найдвартай, харилцагчийн итгэлийг хүлээсэн, нэг бүртгэлээр олон сувгийг ашиглах боломжтой шилдэг цахим бүтээгдэхүүн болж чадсан гэдгийг харилцагчид нь онцолсон байна.

Бразилийн Рио Де Жанейро хотноо бослон паралимпд амжилттай оролцож Паурлифтингийн төрлөөр хүрэл медаль хүртсэн Энхбаярын Содномпэлжээд өнөөдөр д гурван өрөө байрны түлхүүр гардуулж өглөө. ХЗДХ-ийн сайд С.Бямбацогт Э.Содномпэлжээгийн амьдралд тэгш дүүрэн байхыг бэлгэдэн тоононд нь алд цэнхэр хадаг зангидаж, спортын өндөр амжилт хүслээ

Баярын өдрүүдэд байгууллага, аж ахуй нэгжүүд шинэ жилээ хэрхэн сайхан тэмдэглэх вэ гэж бодохоос алба хаагч, ажилчидаа хэрхэн аюулгүй гэр орондоо харьж байна эдгэгт анхаарал тавьдаггүй. Үүнээс болоод шинэ жилээ тэмдэглэж байгаа хүмүүс танхай, хулгай, дээрэм гэх мэт гэмт хэрэг, зам тээврийн ослын хохирогч, холбогдогч болох, осгох хөлдөх зэрэг байдлаар амь нас, эрүүл мэнд, эд хөрөнгөөрөө хохирох явдал ихэсдэг билээ.

Мөн согтуугаар тээврийн хэрэгсэл жолоодох зөрчил эрс ихэсдэг юм. Иймээс шинэ жилийн арга хэмжээнд оролцсон үедээ согтуугаар тээврийн хэрэгсэл жолоодохгүйгээр дуудлагын жолооч дуудах үйлчилгээг авах ёстой. Ингэснээр жолооч та өөрийн амь нас эд хөрөнгөөрөө хохирохгүй мөн адил бусдын эрүүл мэндэд хохирол учруулахгүй байх боломжтой юм.

Эрүүгийн цагдаагийн газрын Кибер гэмт хэрэгтэй тэмцэх хэлтсийн алба хаагчид энэ онод иргэн, аж ахуй нэгж байгууллагад 2 тэрбум 44 сая төгрөгийн хохирол учруулсан 34 гэмт хэргийг илрүүлжээ. Илрүүлсэн хэргийг ангиллаар нь авч үзбэл:



Цахим орчинд компьютер, мэдээлэл аюулгүй байдлын эсрэг гэмт хэрэг 14



Иргэний захидал харилцааны нууцын халдашгүй байдлыг зөрчих гэмт хэрэг 2



Интернет орчинд садар самуун сурталчилсан гэмт хэрэг 2



Интернет орчинд мөрийтэй тоглоом зохион байгуулсан 2



Бусдын эд хөрөнгийг авахаар далайлган сүрдүүлсэн 10



Бусдын эд хөрөнгийг залилан мэхлэх гэмт хэрэг 2



Галт зэвсэг худалдаалсан, мансууруулах бодис хадгалсан хэрэгт тус тус 1 гэмт хэргийг илрүүлэн шалгалтын ажиллагаа явуулсан байна.



Цагдаагийн байгууллагаас иргэдийг цахим орчин дахь худал мэдээлэлд итгэн, хохирол амсахгүй байхыг анхааруулж байна. Иргэн фэйсбүүк, твиттер хуудсандаа өөрийн тухай мэдээллийг хэт дэлгэрэнгүй оруулахгүй байх тал дээр анхаарах, танихгүй хүмүүс рүү өөрийн хувийн мэдээлэл, фото зургаа явуулахгүй байхыг зөвлөж байна. Учир нь тухайн мэдээллийг ашиглан иргэдийг дарамталж, их хэмжээний мөнгө нэхэж, хохироосон асуудал цагдаагийн байгууллагад бүртгэгдэн шалгагдсаар байгаа юм байна.

Эрүүгийн цагдаагийн газрын Кибер гэмт хэрэгтэй тэмцэх хэлтсийн алба хаагчид энэ онод иргэн, аж ахуй нэгж байгууллагад 2 тэрбум 44 сая төгрөгийн хохирол учруулсан 34 гэмт хэргийг илрүүлжээ. Илрүүлсэн хэргийг ангиллаар нь авч үзбэл:



Цахим орчинд компьютер, мэдээлэл аюулгүй байдлын эсрэг гэмт хэрэг 14



Иргэний захидал харилцааны нууцын халдашгүй байдлыг зөрчих гэмт хэрэг 2



Интернет орчинд садар самуун сурталчилсан гэмт хэрэг 2



Интернет орчинд мөрийтэй тоглоом зохион байгуулсан 2



Бусдын эд хөрөнгийг авахаар далайлган сүрдүүлсэн 10



Бусдын эд хөрөнгийг залилан мэхлэх гэмт хэрэг 2



Галт зэвсэг худалдаалсан, мансууруулах бодис хадгалсан хэрэгт тус тус 1 гэмт хэргийг илрүүлэн шалгалтын ажиллагаа явуулсан байна.



Цагдаагийн байгууллагаас иргэдийг цахим орчин дахь худал мэдээлэлд итгэн, хохирол амсахгүй байхыг анхааруулж байна. Иргэн фэйсбүүк, твиттер хуудсандаа өөрийн тухай мэдээллийг хэт дэлгэрэнгүй оруулахгүй байх тал дээр анхаарах, танихгүй хүмүүс рүү өөрийн хувийн мэдээлэл, фото зургаа явуулахгүй байхыг зөвлөж байна. Учир нь тухайн мэдээллийг ашиглан иргэдийг дарамталж, их хэмжээний мөнгө нэхэж, хохироосон асуудал цагдаагийн байгууллагад бүртгэгдэн шалгагдсаар байгаа юм байна.

Утаа өнөөдөр Улаанбаатарчуудын Эрүүл, Аюулгүй орчинд амьдрах эрхийг ноцтойгоор зөрчиж байгааг бид мэдсээр, харсаар дуугүй суусаар байгаа нь үнэн.

Өчигдөр оройн 21:00 цагийн байдлаар гэхэд Баянхошуу орчмын нарийн ширхэглэгт тоосонцор ”1,796” гэсэн индекс харуулж байлаа.

Энэ нь ”Монгол Улсын агаарын чанарын стандартаас даруй 36 дахин их байна. Бүх өвчнийг сэдрээж, хүндрүүлж байна. Агаарын бохирдол яалт ч үгүй #1 нийгмийн эрүүл мэндийн тулгамдсан асуудал болоод байна” гэж Нийгмийн Эрүүл Мэндийн Хүрээлэнгийн захирал Б.Цогтбаатар өөрийн фэйсбүүктээ бичжээ.

Хүйтний эрч улам бүр чангарч байна. Нөхцөл байдал улам бүр хүндэрч байгаа учраас Утааны Эсрэг Ээжүүдийн Холбоо байгуулагджээ. Тэд энэ сарын 26-нд хүүхдүүдийнхээ төлөө утааны эсрэг жагсаал зохион байгуулахаар болсон байна.

Энэ жагсаалыг зохион байгуулагчийн бичсэнээр,

”Хүндэт эцэг, эхчүүдээ, хүүхдүүдийнхээ төлөө нэгдэж утааны эсрэг жагсая.

2016 оны 12-р сарын 26-ны даваа гарагт 10.00 цагт Сүхбаатарын талбайд жагсацгаая. Хэдий болтол бяцхан үрстэйгээ хорт утаагаар амьсгалахыг хүлцэнгүйгээр тэвчин дор бүрнээ халаглах билээ. Утаа гамшиг болсноор 15 жил өнгөрөхөд бид нэгдэж нэг удаа тэмцсэн билүү?

Тиймээс ”Утааны Эсрэг Ээжүүд” холбооноос энэхүү тайван жагсаалыг санаачилж, та бүхнийг идэвхтэй оролцохыг уриалж байна. Жагсаалд оролцох хүмүүс өөрсдийн үзэл бодол нөхцөл байдлыг илэрхийлэх лоозон самбар лаа зэргээ бэлдэж ирвэл сайн байна. Фэйсбүүк дэх ”Утааны Эсрэг Ээжүүд” группт нэгдэн жагсаалтай холбоотой санал бодлоо хуваалцаарай.

Хорт утаа аюултай хэмжээнээс 15 дахин их болсноор хүүхдүүд маань жилдээ 2-4 удаа уушгины хатгаа өвчнөөр өвчилж, антибиотек судас руугаа байнга шахуулах нь жирийн амьдралын хэвшил мэт боллоо. Утааны шууд бус нөлөөнөөс үүдэн өвлийн улиралд зулбалт дөрөв дахин нэмэгдэж, өнөө маргаашгүй төрөх дөхсөн хүүхдүүд хэвлийдээ амьгүй болж хэчнээн ээж нулимсаа арчихаас өөр зүйл хийж чадалгүй өнгөрсөн бол?

Эдгээр зовлонг тойрж гараагүй гэр бүл Улаанбаатарт байна уу?

Магадгүй бид дэндүү удаан хүлцэнгүй байснар улстөрчид утаа арилгах нэрээр улсаас мөнгө завшдаг үйлдлийг нь өөгшүүлсэн. Тиймээс нэгдэн нийлж эхний эсэргүүцлийн масктай жагсаалыг хамт хийцгээе! Энэхүү постыг олонд хүртэл шэйрлэнэ үү. Жагсаалын талаарх мэдээллийг 88002839 дугаарын утаснаас лавлана уу.

Утааны Эсрэг Ээжүүдийн Холбоо” гэжээ.

Тус жагсаалыг зохион байгуулагч нартай холбогдоход тэд одоо энэхүү жагсаалаа зохион байгуулах хүсэлтээ холбогдох эрх бүхий байгууллагад өгөхөөр явж байгаа аж. Тэдэнд зөвшөөрөл өгөх эсэхийг бид эргээд мэдээлэх болно.

Хотын дарга эмнэлгүүдийн үйл ажиллагаатай танилцаж, хэвтэн эмчлүүлэгч тэдний асран хамгаалагч нартай уулзаж санал бодлыг нь сонссоныхоо дараа дуслын шахуурга, судас тодруулагч, дусал халаагч зэрэг нэн шаардлагатай тоног төхөөрөмжүүдийг эмнэлгүүдэд хүлээлгэн өгсөн юм.
Томуу, томуу төст өвчнөөс урьдчилан сэргийлэх үүднээс өрхийн эрүүл мэндийн төвүүдийг өнгөрсөн сарын 15-наас эхлэн уртасгасан цагаар буюу ажлын өдөр 20:00 цаг хүртэл, бямба гарагт 10:00-14:00 цагийн хооронд ажиллуулж эхэлсэн байна. Мөн 0-5 хүртэлх насны хүүхдийг эмч нар гэрээр нь үзэж, эмчилж байгаа хэмээн албаныхан ярьж байлаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Хэлэлцүүлгийг нээж ХЗДХ-ийн сайд С.Бямбацогт үг хэлэв.

Шинэ жилийн баяр болж байгаатайгаар томоохон худалдааны төв болох Нарантуул, Хархорин, Дэнжийн-1000, Бөмбөгөр, Барс, 3, 4 дүгээр хороолол зэрэг орчимд зогсоолын хүрэлцээ муу, хөдөлгөөний ачаалал эрс нэмэгддэг.

Худалдааны төвийн түрээслэгч, ажилчид нь зогсоолдоо өөрсдийн тээврийн хэрэгслээ байршуулснаас болж зогсоолын талбайн эргэлт байхгүй, худалдааны төвөөр үйлчлүүлж буй иргэд замын зорчих хэсэг, нэгдүгээр эгнээнд тээврийн хэрэгслээ түр буюу удаан хугацаагаар орхих, зогсох, давхарлах зэрэг зөрчлийг гаргаж зохиомол түгжрэл бий болгож замын хөдөлгөөнд оролцогч нарт хүндрэл учруулж ихээхэн бухимдуулдаг.

Иймд томоохон худалдааны төвийн түрээслэгч, ажилчид та бүхэн өөрсдийн худалдааны төвийн зогсоолоо чөлөөлж иргэдэд үйлчлэх нөхцөл бололцоогоор хангаж өгөх, жолооч иргэд та бүхэн бусад хөдөлгөөнд оролцогч нартаа хүндэтгэлтэй хандаж, тээврийн хэрэгслээ зогсоолд зөв байршуулах, нийтийн тээврийн хэрэгслийг сонгож оролцохыг зөвлөж байна.

Замын хөдөлгөөний хэт ачаалалыг бууруулах, зам тээврийн осол хэргээс урьдчилан сэргийлэх, иргэдийг түргэн шуурхай ая тухтай зорчуулах зорилгоор Замын цагдаагийн алба хаагчид бүрэн бүрэлдэхүүнээр ажиллаж байна. Иймд замын хөдөлгөөнд оролцогч та цагдаагийн алба хаагчийн тавьсан хууль ёсны шаардлагыг биелүүлж замын хөдөлгөөний дүрмээ баримтлан, сахилга соёлтой оролцохыг ЗЦА-аас уриалж байна.

Нийслэлийн эрүүл мэндийн газраас Томуу, томуу төст өвчин ихэссэнтэй холбогдуулан албан үүрэг гаргаж утсаар зөвлөгөө өгч байна. Тодруулбал, томуу, томуу төст өвчний талаарх зөвлөгөө, мэдээллийг нийслэлийн эрүүл мэндийн төвүүд утсаар дамжуулан иргэдэд хүргэж байгаа аж. Энэхүү утсыг “Утасны эмч” хэмээн нэрлэсэн бөгөөд ажлын өдрүүдэд 08:30-19:00 цагийн хооронд ажиллах юм байна.

Ингэснээр эцэг эхчүүд бага насны хүүхдээ ханиад томуунаас яаж урьдчилан сэргийлэх, гэрийн нөхцөлд хэрхэн асарч сувилах, өвчний шинж тэмдгийг хэдийд таньж мэдэх, эмнэлгийн яаралтай тусламжийг ямар үед авах зэргийг утсаар лавлах боломжтой болжээ.

Түүнчлэн өрхийн эмнэлгүүд уртасгасан цагаар ажиллаж байгаа юм.

Ардчилсан намын даргын сонгуульд нэр дэвшиж байгаа Ерөнхий сайд асан Н.Алтанхуяг, УИХ-ын гишүүн Ж.Батзандан, С.Эрдэнэ, Д.Эрдэнэбат, УИХ-ын гишүүн асан Л.Гантөмөр, нар өнөөдөр нэр дэвшигчийн үнэмлэхээ гардаж авсан. АН-ын даргын сонгууль ирэх сарын 29-нд орон даяар болно. Харин сурталчилгааны хугацаа энэ сарын 22-ноос албан ёсоор эхэлж 40 хоног үргэлжилнэ. Намын даргын сонгуульд шинэчилсэн бүртгэлд хамрагдаж татвараа төлсөн гишүүд санал өгөх эрхтэй аж.

Эрүүгийн хуулийн 147.2 зүйл ангиар Амаржаргал 6 жил 5 сар, Мөнх-Эрдэнэ, Баатар нарт 5 жил 1 сарын ялыг жирийн дэглэмтэй хорих ангид эдлүүлэхээр оноожээ.

Бүгд Найрамдах Чех улсын Элчин сайдын яамны цахим шуудангийн хаягийг хуурамчаар дуурайлган хийжээ. Цахим хуудсыг хуурамчаар үйлдэн, олон нийтийн цахим хуудас болон фэйсбүүк хуудаст “Чех улсад ажиллах урт хугацааны визний цаг гаргуулна” гэх зар гаргасан байна.


Энэ асуудалтай холбогдуулан Цагдаагийн Ерөнхий газрын Хэвлэл мэдээллийн төвөөс өнөөдөр 14.00 цагт мэдээлэл хийхээр болжээ.

МОНГОЛ УЛСЫН ИХ ХУРЛЫН АЮУЛГҮЙ БАЙДАЛ,

УИХ-ын дэд дарга С.Баярцогтыг Швейцарийн банкинд нэг сая гаруй ам.долларын нууц данстай тухай мэдээлэл 2013 оны дөрөвдүгээр сарын 04-ны өдөр The Guardian сайтад гарсан нь гол шуугиан болж байв. Түүний оффшор данстай гэдэг нь олон нийтэд эл болсоноор оффшорыг тойрсон үнэн худал нь мэдэгдэхгүй мэдээлэл гарах болсон.

Өнөөдөр С.Баяцогтыг оффшор данстай болох нь нотлогдсон хоёр баримтыг Монголын байгаль орчныг хамгаалах хуульчдыг холбооноос мэдээллээ. Тус холбооны тэргүүн З.Туяацэцэг ”С.Баярцогтын оффшор данстай болох нь нотлогдсон есөн баримт илэрсэн. Одоогоор нягталж байна. Сайтар шалгасныхаа дараа бид дахин мэдээлэх болно. Швейцарын банкнаас С.Баярцогтод эрүү үүсгэн шалгаж эхлээд байна. С.Баярцогт өмгөөлөгч авсан байгаа” гэлээ.

Тус холбооны мэдээлж буйгаар 2009 оны аравдугаар сарын 27-ны өдөр 9.2 сая ам.доллар түүний дансанд орсон байна. Энэ нь Оюутолгойгоос орж ирсэн мөнгө болох нь нэгэнт нотлогдож албан ёсоор мэдэгдсэн байдаг. Түүнчлэн яг энэ өдөр Ерөнхий сайд асан С.Баяр ажлаа өгчээ.

Швейцарын банкнаас С.Баярцогтын дансанд яагаад ийм их хэмжээний мөнгө гэнэт орж ирсэн талаар нотлох баримт шаардаж байгаа аж.

Тэрбээр Швейцарь улсад “Legend plus capital limited” компанийн нэрээр оффшор данстай бөгөөд данс эзэмшиж эхэлсэн хугацаа нь Хятадад нээсэн он сартай давхцдаг. Мөн “Credit Suisse, Switzerland Paradeplatz 8, CH-8070 Zurich Switzerland” гэсэн байршил дээр Швейцарь дахь оффшор дансаа нээжээ.

Архангай аймгийн Тариат сумын Цагаан нуур багийн “Шанаатын тахьдаг-Овоо” гэдэг газар Тэрхийн цагаан нуурын мөсөн дээгүүр зорчиж явсан гурван зорчигч бүхий суудлын автомашин мөс цөмөрч осолджээ.