“Төрийн мэдээлэл” эмхэтгэлийн өнөөдрийн шинэ дугаарт Хувьсах зардлын дундаж норматив, санхүүжүүлэх аргачлал батлах тухай Засгийн газрын тогтоол болон Монгол Улсын Ерөнхийлөгчийн зарлигийг нийтэллээ.

Мөн Хувьсах зардлын дундаж норматив, санхүүжүүлэх аргачлал батлах тухай Засгийн газрын тогтоолыг нийтлэв. Уг тогтоолоор сургуулийн өмнөх болон бага, дунд боловсрол эзэмшүүлэхэд нэг суралцагчид ногдох хувьсах зардлын дундаж нормативыг тооцох бүрэлдэхүүн, сургуулийн өмнөх боловсрол эзэмшүүлэхэд нэг суралцагчид ногдох хувьсах зардлын дундаж нормативын хэмжээ, төрийн болон орон нутгийн өмчит ерөнхий боловсролын сургуулийн бага, дунд боловсрол эзэмшүүлэхэд нэг суралцагчид ногдох хувьсах зардлын дундаж нормативын хэмжээг баталжээ. Түүнчлэн ерөнхий боловсролын сургуулийн дотуур байрны нэг суралцагчид ногдох хувьсах зардлын дундаж нормативын хэмжээ, төрийн бус өмчийн ерөнхий боловсролын сургуулийн нэг суралцагчид ногдох хувьсах зардлын дундаж нормативын хэмжээ, сургуулийн өмнөх болон бага, дунд боловсрол эзэмшүүлэх, ерөнхий боловсролын сургуулийн дотуур байрны нэг суралцагчид ногдох хувьсах зардлын дундаж нормативаар санхүүжүүлэх аргачлалыг тус тус баталсан байна.

Мөн Шүүхийн ёс зүйн хорооны гишүүний албан тушаалаас чөлөөлөх тухай, Шүүхийн ёс зүйн хорооны гишүүнийг томилох тухай, Шүүхийн шүүгчийн албан тушаалаас чөлөөлөх тухай, Зарим хүмүүсийг шүүхийн шүүгчийн албан тушаалд томилох тухай Монгол Улсын Ерөнхийлөгчийн зарлигийг нийтэллээ.

Сурагчийн дүрэмт хувцасны үнэ ханш
58 минутын өмнө
Энэ жил сурагчдын дүрэмт хувцсыг арай эрт худалдаанд гаргажээ. Өнгө, хийц, материалын чанар нь ч сайжирсныг эцэг эхчүүд онцолж байна. Дүрэмт хувцасны худалдаа Цирк, Улсын их дэлгүүрийн урдах задгай талбай, “Алтжин” бөмбөгөр, Баруун дөрвөн зам, “Голомт” хотхоны хойно буюу “Шилмэл загвар”-ын өмнөх талбай, “Нарантуул” зах дээр гараад байна.

2016-2017 оны хичээлийн жилд нэгдүгээр ангид 65 мянган (нийслэлд 27.629) хүүхэд элсэх тул зургаан настнуудын дүрэмт хувцас хамгийн эрэлттэй байх нь мэдээж. Энэ хэрээр БСШУСЯ-ныхан дүрэмт хувцас үйлдвэрлэгчдэд өндөр шаардлага тавьж буй. Бөөсөрдөггүй, хөвөн даавуун материалтай, дор хаяж хоёр жилийн эдэлгээ даах ёстойгоос гадна үнээ нэмэхгүй байхыг үүрэгдсэн.
- See more at: http://www.wikimon.mn/content/70148.shtml#sthash.B8QBQ3Rr.dpuf

Арьсны өвчин судлалын үндэсний төвийг Хөдөлмөрийн гавьяаны улаан тугийн одонгоор шагналаа

Монгол, БНХАУ, ОХУ-ын Засгийн газар хоорондын хэлэлцээрийн хүрээнд Тяньжин боомтод зохион байгуулагдсан олон улсын Автотээврийн хурлын үеэр Тяньжин-Улаанбаатар-Улан-Үд чиглэлд олон улсын ачаа тээврийг тээвэрлэх гэрээнд талууд өнгөрсөн лхагва гаригт гарын үсэг зурлаа.

Тус хурлаар Монгол Улсын газар нутгаар өнгөрч байгаа транзит ачаа тээврийн замыг засаж сайжруулахад хөрш хоёр орноос туслалцаа үзүүлэх, гурван улсын нутгаар тээвэрлэлт хийхэд ямар бичиг баримтууд шаардлагатай, аль аль цэгүүдэд авто зам ашигласны төлбөр хураах, ачаа тээврийн даатгалыг хэрхэн хийх зэрэг олон чухал асуудлуудыг авч хэлэлцсэн байна.

Уулзалт энэ сэдвээр ОХУ-ын Улаан-Үд хотод үргэлжлэх бөгөөд эдийн засгийн коридор байгуулах зорилготой энэхүү гэрээ хэрэгжиж эхэлсэнээр цаг хугацаа, санхүүгийн хэмнэлттэй төдийгүй үүнийгээ дагаад эдийн засгийн эргэлт сайжирна гэдгийг мэргэжилтнүүд онцолж байв. Мөн Орос, Хятадын төлөөлөгчид ”Энэ хэлэлцээрийг батлах, транзит тээвэрлэлтийг явуулахын тулд Монголын талаас Д.Наранпүрэв, Н.Нямдаваа, Д.Батбаатар нарын зам тээврийн салбарын мэргэшсэн боловсон хүчнүүд олон жилийн хүч хөдөлмөрөө зориулсныг цохон тэмдэглэж байлаа.

ОХУ, БНХАУ-ыг холбосон хамгийн дөт зам болох энэ чиглэлээр дамжин өнгөрөх тээврийг тогтмол хийдэг болсноор Азийн тээврийн сүлжээнд Монгол Улс чухал нөлөө үзүүлэх орны нэг болох боломж нээгдэж байгааг албаныхан хэлж байна. Учир нь Ази, Европ хоорондын ачаа тээврийн 90 гаруй хувийг далайн замаар хийдэг. Энэ нь хуурай замын тээврээс, хоёр дахин урт замыг туулж, 2-3 дахин их хугацаа зарцуулдаг байна. Зүүн Ази, Европыг холбосон хуурай газрын тээврийн дөрвөн гол зам байдгаас хамгийн дөт нь Монгол Улсаар дайран өнгөрч байгаа.

Ази, Европын хооронд далайн тээвэр 45 хоног, төмөр замын тээвэр 10 хоногийн хугацаанд хийгддэг. Тэгвэл манай улсын нутгаар дайран өнгөрөх авто замын шинэ чиглэлээр тээвэрлэлт хийхэд энэ хугацааг 7 өдөр болгон богиносгож байгаа юм.

НИТХ-ын Тэргүүлэгчдийн ээлжит хуралдаанаар “Хичээлийн шинэ жил”-ийн бэлтгэл ажлын талаар хэлэлцлээ

АН-ыг булшилж, МАН-тай тохиролцон төр барих процесс удаан хугацаанд өндөр зохион байгуулалттай нууцаар явж ирсээр сая үр дүн нь гарсан. Ч.Сайханбилэгийн Засгийн газар тог­лоомын төр байсан. Гаргасан анх­ны шийдвэрээсээ эхлээд хамгийн сүүлчийн шийд­вэр хүртлээ энэ нь харагдана.

УИХ-ын ээлжит бус чуулганыг яаралтай хуралдуулахыг Ардчилсан намын бүлгээс шаардсан. Улсын төсөв, эдийн засгийн өнөөгийн нөхцөл байдлаас улбаалж төсвийн тодотгол хийх шаардлагатай байгаа юм.

Тэгвэл зарим эх сурвалжийн мэдээлж буйгаар наймдугаар сарын 25-нд ээлжит бус чуулганыг зарлаж магадгүй гэлээ. Нэгдсэн хуралдаанаар өнгөрсөн оны төсвийн тайлан, 2017 оны төсвийн хүрээний мэдэгдэл, 2017-2020 он хүртэлх дунд хугацааны хөтөлбөрийн гол параметруудыг батлах аж. Мөн төсвийн тодотголыг хийх юм.

Монгол улс олимпт амжилт гаргасан тамирчдаа урамшуулж чадахгүй...

Риогийн зуны олимп үргэлжлэн явагдахтай зэрэгцэн хэзээний спортод дуртай Монголчууд тамирчдаа улс орноороо уухайлан дэмжиж байгаа ч, эдийн засгийн хүнд нөхцөл байдлын улмаас засгийн газар нь тамирчиддаа цалин хангамжийг нь олгож чадахааргүй болжээ. 4 жилийн өмнө Монгол улсын эдийн засаг 12.3 хувийн өсөлттэй, Лондоны олимпоос 5 медаль авчихсан, бүх зүйл сайхан байлаа. Гэтэл энэ жил экспортын бараа бүтээгдэхүүний үнэ унаж, хөрөнгө оруулагчдын итгэл үзүүлэлт огцом доошилсноор эдийн засаг гүн гүнзгий хямралд автаад байна. Монгол улсын мөнгөн дэвсгэрт болох төгрөг нь энэ 8 дугаар сард дэлхийн хэмжээнд хамгийн сул мөнгөн дэвсгэртээр тодорсон бөгөөд доллартай харьцах ханш нь сарын эхний байдалтай харьцуулахад 8 хувиар унажээ. Түүнчлэн тус улсын шилдэг тамирчид нь төрөөс олгодог цалин урамшууллыг хүртэх боломжгүй болоод байна. Ерөнхий сайд Эрдэнэбатын хэлж буйгаар засгийн газар нь бокс, чөлөөт бөх, нум сум харваа гээд нилээд хэдэн спортын тамирчдад нийт 1.7 тэрбум төгрөг буюу 579,489 фунт стерлингийг сарын урамшуулал цалин болгох олгох ёстой ч, төлж чадахгүй нөхцөл байдалд хүрээд байна. 20 орчим жилийн өмнө хэрэгжиж эхэлсэн уг хуулийн дагуу сард 500 мянгаас 4 сая хүртэлх төгрөгийн урамшуулалт цалинг тамирчдад олгох ёстой юм. Хамгийн өндөр цалинг нь олимпийн наадмын алтан медаль хүртсэн тамирчид хүртэхээр зохицуулагдсан байдаг. Засгийн газар зардлаа хэмнэх үүднээс ерөнхий сайд, ерөнхийлөгч, парламентын гишүүдийн цалинг 30 хувиар бууруулах шийдвэрийг хэрэгжүүлэхээр зэхэж байна. Хөрөнгө оруулагчидтай санал зөрчилдсөн явдал, нүүрс, зэсийн үнэ буурсан, эрэлт унасан зэргээс болж эдийн засгийн нөхцөл байдал сүүлийн 4 жил огцом доройтсон бөгөөд энэ нөхцөл байдалд ажиллах хүнд хэцүү шалгуур шинээр бүрэлдсэн Монгол Ардын Намын засгийн газрын өмнө тулгараад байна.

Монгол Улсын Их Хурлын гишүүн Н.Амарзаяа, А.Ундраа, Б.Саранчимэг, Л.Энхболд нар өнөөдөр /2016.08.19/ Канадын парламентын гишүүн Брэд Трост тэргүүтэй төлөөлөгчдийг хүлээн авч уулзав.

УИХ-ын гишүүд эрхэм төлөөлөгчдийг Монгол Улсад тавтай зочлохыг хүсээд, хоёр орны парламент хоорондын харилцааг улам өргөжүүлэхийн төлөө ажиллах болно гэдгээ илэрхийлсэн юм.

Канадын парламентын Нийтийн танхимын гишүүн Брэд Торст, Канад Монгол хоёр улсын найрсаг харилцаа, хамтын ажиллагаа олон жилийн түүхтэй болохыг дурдаад, парламент хоорондын харилцааг дэмжин ажиллах зорилгоор энэ удаад Монгол Улсад ирсэн гэлээ. Энэ удаагийн уулзалт хоёр орны парламент хоорондын харилцааг эрчимжүүлж, цаашдын хамтын ажиллагааг өргөжүүлэхийн эхлэл болно гэдэгт итгэлтэй байна гэв.

Уулзалтын үеэр талууд хариуцлагатай уул уурхайг хөгжүүлэх, нөхөн сэргээлт, экологийн хөгжил, эрчимжсэн мал аж ахуйг хөгжүүлэх чиглэлээр санал солилцон, байр сууриа илэрхийлж, УИХ-ын гишүүд энэ салбарыг амжилттай хөгжүүлсэн Канад Улсаас туршлага судлах хүсэлтэй байгаагаа илэрхийлсэн хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Хөгжлийн банкны ТУЗ-ийн дарга Б.Шинэбаатарыг үүрэгт ажлаас нь чөлөөлж, ЗГХЭГ-ын дэд даргаар ажиллаж байсан Б.Даажамбыг томилсон байна. Засгийн газар өнгөрсөн лхагва гарагт хуралдаж Хөгжлийн банкны үйл ажиллагаанд шалгалт хийхээр болсон. Тодруулбал, санхүүжилтийн эх үүсвэр, зарцуулалт, төслийн сонгон шалгаруулалт, төслийн хэрэгжилтэд хяналт тавих үүрэг бүхий ажлын хэсэг байгуулсан байна. Мөн Хөгжлийн банкны гүйцэтгэх захирал Н.Мөнхбатыг чөлөөлж, Б.Батбаярыг томилжээ.

З.Дүвчин

харьяалал харгалзахгүй үйлчилж байна

дийн засагчдын зүгээс уг шийдвэрийг буруутгаж байгаа ба үл хөлдөх хөрөнгийн салбар болон улсын нийт эдийн засагт сөрөг нөлөөтэй хэмээн мэдээллэж байна.

Ямайкийн 29 настай тамирчин Усайн Болт Рио Де Жанейро хотноо болж буй олимпийн гүйлтийн 200 метрийн төрөлд түрүүлж алтан медаль хүртлээ. Ингэснээр тэрбээр Риогийн олимпоос гурван алт авна гэсэн амлалтандаа хүрэхэд ганцхан 4х100 метрийн уралдаан үлджээ. Түүнийг барианд орж ирэхэд стадион дүүрэн суусан хөгжөөн дэмжигчид нь “Болт, Болт, Болт” гэж орилж байсан учир бага зэрэг хяналтаа алдсан байна. Ингэснээр өөрийн амжилт болох 19.19 секундээ эвдэж чадаагүй аж. Тэрбээр 19.78 секундэнд орж ирсэн бол Канадын тамирчин Андре де Грасси хоёрдугаар байрт орж, Францын тамирчин Кристофе Лемайтри гуравдугаар байрт орсон байна. Усайн Болт 4х100 метрийн гүйлтийн финалдаа маргааш гүйх юм байна.

Эрүүгийн цагдаагийн газрын хар тамхитай тэмцэх хэлтсээс өнгөрсөн долдугаар сард Т, Г, Б, С нар бүлэглэн бусдад хар тамхи болон мансууруулах төрлийн бодис болох Мөсийг зарж борлуулах зорилготой явж байхад нь илрүүлсэн билээ.

Улмаар тэдэнд ЭХ-ийн 192-192,2-т зааснаар хэрэг үүсгэн шалгаж эхэлсэн. Шалгалтын явцад дээрх гэмт этгээдүүдийн гурав нь давтан гэмт хэрэгт холбогдсон бол Г нь хар тамхины хэргээр өмнө нь ял эдэлж байсан нэгэн ажээ. Тэгвэл хоёр хоногийн өмнө буюу энэ сарын 17-ны өдөр тэдний хамсаатан болох П нь мансууруулах үйлчилгээтэй ургамлын төрөлд орох каннабисийг их хэмжээгээр түүж бусдад борлуулах зорилготой авч яваад цагдаагийнханд баригдсан байна. Энэ хэрэгт холбогдуулан одоогоор гурван хүнийг Цагдан хорих 461 дүгээр ангид хорьж мөрдөн байцаалтын ажиллагаа үргэлжилж байна.

Өнөөдрийн тусгал

Зам тээврийн ослын 210 дуудлага бүртгэгджээ

Гонгор, Намсрай бурханы тахилга эхэллээ

Сургууль, цэцэрлэгүүд үүд хаалгаа нээж, хүүхэд залуусаа хүлээн авахад 10 гаруйхан хоног үлдлээ.

Эцэг эхчүүд, хүүхэд багачууд, оюутнууд хичээлийн шинэ жилийн бэлтгэлээ базаах томоохон ажлыг, нэг цэгт төвлөрүүлэн цаг завыг нь хэмнэх зорилгоор бичиг хэрэг, цүнх, сурагчийн дүрэмт хувцас, гутал, пүүз, оймс гээд бүхий л хэрэгцээг багтаасан 100 орчим аж ахуй нэгж бөөний худалдаа эрхлэгчдийн“Хичээлийн шинэ жил-2016” үзэсгэлэн худалдаа болох гэж байна.

Тус үзэсгэлэн энэ сарын 20-ны бямба гаригаас эхлэн есдүгээр сарын 5-ны өдрийг дуустал зохион байгуулахаар Нийслэлийн Засаг даргын Тамгын газар, Сүхбаатар дүүргийн Засаг даргын Тамгын газар, Глобал Ивэнт ХХК хамтран ажиллаж байна.

Үзэсгэлэн худалдааны үеэр хүүхэд багачууд, залуучуудад зориулсан “3-ын эсрэг 3” сагсан бмбөгийн тэмцээн, Боловсролын үзэсгэлэн яармаг, шатар даамны тэмцээн, гар зургийн уралдаануудыг зохион байгуулах юм. Үзэсгэлэн худалдаанд оролцохыг хүссэн аж ахуй нэгж, иргэд 9903-1800 утсаар холбогдох боломжтой. Иргэд та бүхнийг Хичээлийн Шинэ жилийн нэгдсэн үзэсгэлэн худалдаанд өргөнөөр ирж үйлчлүүлэхийг урьж байна.

Мөн Цэрэндоржийн гудамжинд энэ сарын 10-ны өдрөөс эхлэн хичээлийн хэрэгслийн өргөтгөсөн худалдаа явагдана. Энэхүү худалдаа нь есдүгээр сарын 10-ны өдрийг хүртэл үргэлжлэх юм.

СҮХБААТАР ДҮҮРГИЙН ЗАСАГ ДАРГЫН ТАМГЫН ГАЗАР

“Найрсаг Улаанбаатар” хөтөлбөрийн хүрээнд Улаанбаатар хотын музейгээс хотын иргэдийн түүх, соёлын дурсгалын талаарх мэдлэгийг тэлэх зорилгоор Улаанбаатар хотод зорьж үзэх ёстой 20 дурсгалыг хөшөө дурсгал, сүм хийд, дурсгалт барилга, дурсгалт газар гэсэн дөрвөн чиглэлээр танилцуулж байгаа билээ. Энэ удаа Улаанбаатар хотод зорьж үзэх дурсгалт барилгуудыг нэрлэж, Чин ван Ханддоржийн өргөөг танилцуулж байна.
Товч түүх:
Богд хаант Монгол Улсын үед Нийслэл хүрээнд баригдсан гоёмсог байшингийн нэг нь Чин ван Ханддоржийн өргөө юм. Түүний өргөөг хүрээнийхэн “Дайчин вангийн өндөр” гэж нэрлэдэг байв. Энэ байшинг 1913 онд Богд хаант Монгол Улсын гадаад хэргийн тэргүүн сайд Чин ван Ханддорж сууцандаа зориулан бариулж, 1915 онд насан эцэслэтлээ амьдарч байжээ. Ардын засгийн эхний жилүүдэд хичээнгүй сайд Б.Цэрэндорж сууж байв. 1923 онд уг байшинг Судар бичгийн хүрээлэнд шилжүүлжээ.

Чин ван Ханддоржийн байшин нь монголын орон сууцны барилгын нэгэн чухал дурсгал бөгөөд төлөвлөлт, чимэглэлийн хувьд сүм дуганы барилгаас ялгаатай. 7,5 м х 16,0 метрийн хэмжээтэй, тоосго, модон хана, модон дээвэртэй, сууцны зориулалттай хоёр давхар эл байшингийн нэгдүгээр давхар нь тоосгон ханатай өвөл суухад зориулагдсан, хоёрдугаар давхар нь эргэн тойрон цонхтой гонхон маягийн бөгөөд зун суухад зориулагджээ. Өдгөө тус байшинд Монгол Улсын Гадаад харилцаа, дипломат албаны түүхийн музей байрлаж байна.

Хамгаалалтын зэрэглэл:
БНМАУ-ын СнЗ-ын 1961 оны 524 дүгээр тогтоолоор улсын хамгаалалтад авсан.

Байршил:
Сүхбаатар дүүргийн 2 дугаар хороо, Сөүлийн гудамж, Нацагдоржийн нэрэмжит Улаанбаатар хотын нийтийн төв номын сангийн зүүн хэсэгт байдаг.

Солбилцол:
N47 54 49.8
E106 54 34.1

Онцлог:
Дорнод Сибирийн уламжлалт болон сүм хийдийн хосолмол загвартай барилга