Ирландын гурван настай хүү Адам Вайнье бильярдыг гайхалтай тоглож буй бичлэг өнөөдөр интернэтэд вирус мэт тархаж байна. Бяцхан хүү өмнө нь хэзээ ч бильярдаар хичээллэж байгаагүй гэдгийг эцэг эх нь мэдээлжээ. Түүнийг хүмүүс бильярд тоглох гэж төрсөн нэгэн хэмээн нэрлэж байна. 3 настай хүүгийн гайхалтай ур чадварыг үзнэ үү.

Автозамын бүтээн байгуулалтын ажлыг шуурхайлахыг үүрэг болголоо

Нийслэлд хэрэгжүүлэх бүтээн байгуулалтын зарим төсөл, арга хэмжээний талаар Засгийн газрын хуралдаанд танилцуулга хийлээ.

Нийслэлийн төсвийн хөрөнгөөр энэ онд Дамбадаржаагийн уулзвар, Шаргаморьтын төмөрбетон гүүр-Хандгайт чиглэлийн 16,3 км автозамын өргөтгөл, шинэчлэлт, Улиастай-Гачууртын чиглэлийн 11 км автозамын засвар, 22-ын хуучин уулзвараас Автохудалдааны цогцолбор хүртлэх 1,7 км автозамын ажил хийгдэнэ.

Улаанбаатар хотод энэ оны долоо, наймдугаар сард гадаадын өндөр түвшний зочид, төлөөлөгчдийн айлчлал, есдүгээр сард Европын аюулгүй байдал, хамтын ажиллагааны парламентийн чуулга уулзалт, ирэх онд болох АСЕМ-ын уулзалтын бэлтгэл хангах ажлын хүрээнд нийслэлийн төсвийн хөрөнгөөр хэрэгжүүлэх автозам, замын байгууламжийн ажлыг шуурхай зохион байгуулах арга хэмжээ авахыг Сангийн сайд Ж.Эрдэнэбат, Нийслэлийн Засаг дарга бөгөөд Улаанбаатар хотын Захирагч Э.Бат-Үүл нарт Засгийн газрын хуралдаанаас даалгалаа.

Мөн Баянзүрхийн товчоо-Налайх-Чойрын уулзвар хүртлэх 17,5 км автозам, Улиастай-Гачууртын уулзвараас Баянзүрхийн товчоо хүртлэх 3,4 км автозамын өргөтгөл, чинэчлэлт, 288 метр урттай гүүр барих ажлыг хөрөнгө оруулагчтай гэрээ байгуулан шуурхай гүйцэтгүүлэхийг даалгалаа.

“Сентрал азиан петролеум корпорэйшн” ХХК-ийн эрх, үүргийг “BG Mоngolia holdings limited” компанид хэсэгчлэн шилжүүлнэ

Газрын тосны хайгуулын “Богд-IV”, “Онги-V” талбайд Газрын тосны газартай бүтээгдэхүүн хуваах гэрээ байгуулсан “Сентрал азиан петролеум корпорэйшн” ХХК-ийн бүтээгдэхүүн хуваах гэрээгээр гэрээлэгчийн хүлээсэн эрх, үүргийг “BG Mоngolia holdings limited” компанид хэсэгчлэн шилжүүлэхийг Газрын тосны газрын дарга Г.Өлзийбүрэнд зөвшөөрлөө.

Газрын тосны газар болон “Сентрал азиан петролеум корпорэйшн” компанийн хооронд газрын “Богд-IV”, “Онги-V” талбайд тус тус байгуулсан бүтээгдэхүүн хуваах гэрээг Монгол Улсын Засгийн газар 2009 оны долдугаар сард баталсан. Өнгөрсөн хугацаанд тус компани нь энэ хоёр талбайд нийт 19 сая ам.долларын хөрөнгө оруулалт хийж, үүнээс хайгуулын үйл ажиллагаанд 17 сая, бүтээгдэхүүн хуваах гэрээний дагуу Засгийн газарт 2 сая ам.доллар төлсөн байна.

Хайгуулын үр дүнд нэмэлт хайгуул, судалгааны ажлыг эрчимтэй үргэлжлүүлэх шаардлагатай байсан ч дэлхийн эдийн засгийн таагүй байдлаас хөрөнгө оруулалт татах хүндрэлтэй байжээ.

Газрын тосны тухай хууль 2014 онд шинэчлэгдэн батлагдсанаар хөрөнгө оруулагчдын сонирхол нэмэгдсэн тул BG, Chevron, Anadarko зэрэг газрын тосны томоохон компаниудтай хамтран ажиллах яриаг хэлэлцээ эхлүүлсний дүнд Их Британийн “BG Group”-тэй хамтран ажиллах фарм-аут (Farm out) гэрээ байгуулсан байна.

Уг гэрээгээр нийт 28 сая ам.долларын хөрөнгө оруулалт хийх бөгөөд үүнээс 2015 онд 13,6, 2016 онд 13 сая ам.долларыг хайгуулын ажилд, 1,4 сая долларыг Засгийн газарт төлөх төлбөрт зарцуулна.

Хамтран ажиллах гэрэний дагуу “Богд-IV”, “Онги-V” талбайн бүтээгдэхүүн хуваах гэрээний гэрээлэгчийн хүлээсэн эрх, үүргийн 78 хувийг “BG Mоngolia holdings limited” компани, 22 хувийг “Сентрал азиан петролеум корпорэйшн” ХХК эзэмших бөгөөд уламжлалт бус газрын тосны хайгуул, ашиглалтын үйл ажиллагаа эрхлэх эрх, үүрэг 100 хувь “Сентрал азиан петролеум корпорэйшн” компанид үлдэх юм.

“Улаанбаатар хотын нийтийн тээврийг хөгжүүлэх хөрөнгө оруулалтын хөтөлбөрийн нэгдүгээр төсөл”-ийн Санхүүжилтийн хэлэлцээрт гарын үсэг зурна

Монгол Улсын Засгийн газар, Азийн Хөгжлийн банк хооронд байгуулсан “Улаанбаатар хотын нийтийн тээврийг хөгжүүлэх хөрөнгө оруулалтын хөтөлбөрийн нэгдүгээр төсөл”-ийн Санхүүжилтийн хэлэлцээрийг дэмжиж, энэхүү хэлэлцээрт Засгийн газрыг төлөөлж гарын үсэг зурах бүрэн эрхийг Сангийн сайд Ж.Эрдэнэбатад олгох Ерөнхий сайдын Захирамж гаргахаар тогтлоо.

Том хэмжээтэй дэд бүтэц, бүтээн байгуулалтын төслийг салбарын бодлоготой уялдуулж, санхүүжилтийн эх үүсвэрийг нэгдсэн байдлаар шийдвэрлэх зорилгоор “Улаанбаатар хотын нийтийн тээврийг хөгжүүлэх хөрөнгө оруулалтын хөтөлбөр”-ийг боловсруулж, Санхүүжилтийн хэлэлцээрийг 2012 онд байгуулсан байна.

Хөрөнгө оруулалтын нэгдүгээр үе шатанд

· Босоо тэнхлэгийн дагуу 7,7 км замыг сайжруулах

· Энхтайваны гүүрний өргөтгөл

· Босоо тэнхлэгийн дагуу тусгай замын автобусны 14 км шугамын барилгын ажил

· Босоо тэнхлэгийн дагуу цахилгаан тээврийн хэрэгслийн 14 км дэд бүтцийг сайжруулах

· Автобусны байршил тогтоох удирдлагын системийг нэвтрүүлэх

· Төслийн удирдлага, зураг төсөл, институцын хөгжил

зэрэг ажлыг АХБ-ны 59,9 сая ам.долларын хөнгөлөлттэй болон энгийн эх үүсвэрийн холимог зээл, Дэлхийн байгаль орчны байгууллагын 1,5 сая ам.долларын буцалтгүй тусламж, Монголын Засгийн газрын 17 сая ам.долларын хөрөнгөөр хийхээр төлөвлөж байна.

Товч мэдээ

- Монгол Улсын Засгийн газар, АНУ-ын Мянганы сорилтын корпорацийн хооронд байгуулах Мянганы сорилтын компакт гэрээг боловсруулахад дэмжлэг үзүүлэх буцалтгүй тусламжийн тухай хэлэлцээрийн төслийг хэлэлцээд УИХ-ын холбогдох байнгын хороодтой зөвшилцөхөөр тогтлоо.
- Монгол Улсын Засгийн газар, Японы олон улсын хамтын ажиллагааны байгууллага хооронд байгуулсан Улаанбаатар хотын олон улсын шинэ нисэх буудал барих төслийн нэмэлт зээлийн хэлэлцээрийг соёрхон батлах тухай хуулийн төслийг УИХ-д өргөн мэдүүлэхээр тогтлоо
- Бельгийн Вант улсын хөнгөлөлттэй зээлээр хэрэгжүүлэх “Баруун бүсийн оношилгоо, эмчилгээний төвийг бэхжүүлэх төсөл”-ийг Франц Бельгийн хамтарсан FSE компаниар гүйцэтгүүлэх асуудлыг Бельгийн талд тавьж, тус компанитай худалдааны гэрээ байгуулж ажиллахыг Эрүүл мэнд, спортын сайд Г.Шийлэгдамбад даалгалаа.
- Энэ оны гуравдугаар сард хуралдсан Монгол Улс, БНСУ-ын Засгийн газар хоорондын Хамтарсан хорооны анхдугаар хуралдааны дүнг сайшааж, уг хуралдааны мөрөөр хэрэгжүүлэх ажлын төлөвлөгөөг батлан, хэрэгжилтэд нь хяналт тавьж ажиллахыг Зам, тээврийн сайд бөгөөд тус хорооны дарга Н.Төмөрхүүд даалгалаа.
- Хоёр улсын хооронд байгуулсан олон улсын гэрээг данслах тухай Монгол Улсын Засгийн газар, Бүгд Найрамдах Болгар улсын Засгийн газар хоорондын протокол”-ын төслийг хэлэлцэн дэмжээд протоколд гарын үсэг зурахыг Гадаад хэргийн сайд Л.Пүрэвсүрэнд зөвшөөрлөө.
- Мьянмарын Холбооны Бүгд Найрамдах улсын Гадаад хэргийн сайд Вунна Маун Лвин энэ сарын 13-15-нд манай улсад албан ёсны айлчлал хийнэ. Айлчлалын үеэр Монголын талаас баримтлах удирдамжийн төслийг хэлэлцээд Ерөнхий сайдаар батлуулахаар тогтов.
- Гадаад хэргийн сайд Л.Пүрэвсүрэн өнгөрсөн сарын 19-24-нд Индонезийн Жакарта болон Бандунг хотод болсон Ази-Африкийн Бандунгийн Бага хурлын 60 жилийн ойн арга хэмжээнд оролцсон дүнг Засгийн газрын гишүүдэд танилцууллаа.
- Ноолуур боловсруулах үйлдвэрүүдэд 100 тэрбум төгрөгийн эргэлтийн хөрөнгийн зориулалттай зээл олгож, ноолууран бүтээгдэхүүний экспорт нэмэгдүүлэх арга хэмжээг зохион байгуулахаар өнгөрсөн сарын 20-нд шийдвэрлэсэн. Ноолуурын салбарын зээлийн хөрөнгийн эх үүсвэрийг арилжааны банкуудаар дамжуулан олгохоор Засгийн газрын энэ хуралдаанаас шийдвэрлэлээ.

Маргааш болох Чөлөөт бөхийн Азийн аварга шалгаруулах тэмцээнд манай улсын баг тамирчид оролцохоор Катарын Доха хотыг зорьсон талаар бид мэдээлсэн.

БЗД-ийн нутаг Доржийн гудамж Монелийн уулзварт ”Жигүүр ХХК”-ны ”Мazda Demio” маркийн маркийн авто машины жолооч Т нь согтууруулах ундааны зүйл хэрэглэсэн үедээ тээврийн хэрэгсэл жолоодсноос ”Nissan Tida” , ”T.Succeed” маркийн авто машинуудтай мөргөлдөж зорчигч 59 настай эрэгтэй А гэмтсэн байна.

Өчигдөр 90 жолооч согтуугаар замын хөдөлгөөнд оролцжээ

Элсээр урласан сонирхолтой бүтээлүүдтэй танилц. Баримал аятай энэхүү бүтээлүүдийг ихэд хөдөлмөрлөсний эцэст бий болгодог гэнэ шүү.

Говьсүмбэр аймгийн прокурорын газар зөвлөмж бичиж хүргүүлжээ

Нийслэлийн Засаг дарга “Эрүүл аюулгүй байдлын индекс тооцох аргачлалыг шинэчлэн хэрэгжүүлэх тухай” А/358 дугаар захирамж, нийслэлийн Эрүүл аюулгүй байдлын индексийн хүрээнд 2015 онд хэрэгжүүлэх үйл ажиллагааны төлөвлөгөөг баталлаа.

Энэ асуудалтай холбогдож МАН-ын зарим гишүүн Тавантолгойн асуудлыг хөндөж, энэ төсөл хэрэгжихгүй бол эдийн засаг улам хүндэрнэ. Гэтэл Ардчилсан нам эрх баригч хүчин атлаа төслөө хөдөлгөх талд хөдлөхгүй байна. Дээр нь эрх баригч хүчний зүгээс Ардын намынхныг Засгаас хөөх боллоо. Хөөгдөн, хөөгдөн Засагт байх хэрэг бий юм уу. Төслөө хөдөлгөе, эдийн засгийн хүндрэлийг даван туулъя гэж МАН Засагт хамтарсан. Хамтарсан шалтгаанаа эргэн харж, асуудлыг бодитой дүгнэх ёстой гэж үзжээ.

Сүүлийн үед намын даргын ажлыг сонгогдож бус “булааж” шахуу авсан АН-ын даргын үүргийг “түр орлон” гүйцэтгэж байгаа З.Энхболдын гаргаж байгаа шийдвэр, хэлж байгаа үг, мэдэгдэл, намынхаа гишүүдэд гаргаж байгаа аяг аашийг хараад зүгээр сууснаас зүлгэж байх хэрэгтэй гэж бодлоо.

Тавантолгойг УИХ-аар хэлэлцүүлэх эсэхийг шийдэх Ажлын хэсэг тус ордыг ашиглах асуудалтай холбоотой дүгнэлт гаргахаар ажиллаж эхлээд байгаа.

Нийслэлийн удирдлагууд маргаантай байгаа компанийн төлөөлөлтэй уулзана

2015-2016 оны хичээлийн жилийн хувьсах зардал, төсвийг бодитой төлөвлөх, бүлэг дүүргэлтийн нормыг баримтлах, хичээлийн ээлжийн тоог аль болох нэмэгдүүлэхгүй байх зорилгоор нийслэлийн төрийн болон төрийн бус өмчийн ЕБС-ийн нэгдүгээр ангийн элсэлтийг зохион байгуулж байна. Нийслэлийн ЕБС-ийн нэгдүгээр ангийн элсэлт 04 дүгээр сарын 27-ноос эхэлсэн бөгөөд 05 дугаар сарын 15-ны өдөр хүртэл үргэлжилнэ.

Уран бүтээчид нийслэлд 15 хөшөө барина

Ховд аймгийн Булган, Үенч суманд малын гоц халдварт шүлхий өвчин гарч өнгөрсөн хоёрдугаар сард хорио цээрийн дэглэм тогтоосон билээ. Хорио цээрийг энэ сарын 2-нд цуцалсан байна. Тус хоёр сумын зургаан багийн 75 өрхийн нийт 922 мал шүлхийгээр өвчилжээ. Булган, Үенч, Алтай сумын нийт 38 мянга гаруй малын 97 хувьд хоёр дахь шатны вакцинжуулалтыг хийсэн байна.

Улаан бурхнаар өвчилсөн 17 иргэн эрчим эмчилгээ хийлгэж байна

Үндэсний олон нийтийн Радио, Телевизийн захирал Ц.Оюундарь өөрийн цахим хаягаар дамжуулан ноцтой мэдээллийг өгсөн нь олны анхаарлыг татаад байна.

Чөлөөт бөхийн Азийн АШТ Катарый Доха хотноо маргааш эхлэх гэж байна. Эрэгтэйчүүдийн XXVIII, эмэгтэйчүүдийн XVIII дахь удаагийн энэ тэмцээнд оролцох манай улсын баг хоёр хоногийн өмнө эх орноосоо мордсон юм.

Хорватын Загреб хотноо болсон жүдо бөхийн гранпри тэмцээн өнгөрсөн амралтын өдрүүдэд болж өндөрлөв. Олимпийн оноо олгохоороо онцлог энэ тэмцээнд 55 орны шилдэг жудочид оролцсоны дотор манай улсаас 11 бөх зодоглосон байна. Тэднээс эхний өдөр Монгол Улсын хөдөлмөрийн баатар, дэлхийн аварга Х.Цагаанбаатар мөнгө, ОУХМ Г.Хэрлэн хүрэл медаль хүртжээ.

Улаанбаатар хотын Захирагчийн ажлын алба нийслэлийн 9 дүүргийн Худалдаа үйлчилгээний хэлтэс, Боловсролын хэлтэстэй хамтран “Хүнсээ зөв сонгоё” сэдэвт сургалтыг ЕБС-уудын дунд зохион байгууллаа. Сурагчдын хоол, хүнсний талаархи мэдлэгийг дээшлүүлэх, зөв хооллохын ач холбогдлыг таниулах, дадал олгох зорилготой энэхүү сургалтад ерөнхий боловсролын төрийн 119, хувийн 94, нийт 213 сургуулийн дунд, ахлах ангийн 97504 сурагчид хамрагдав.