Өнөөдөр болох зарим үйл явдал.

Өдгөөгөөс долоон жилийн өмнөх энэ өдөр Монголчууд түүхэндээ анх удаа олимпийн аваргатай болж байлаа. Тэр өдөр бүх монголчууд “Бид олимпийн аваргатай боллоо” хэмээн баярлаж, бахархаж, уйлж, дуулж нэгдэн нийлж байсан билээ.

ОХУ өнгөрсөн зургаадугаар сарын сүүлчээр Европын холбооны зарим оронд тавьсан хүнсний импортын хоригийг нэг жилээр буюу 2016 оны зургаадугаар сарын 23-ныг хүртэл сунгах шийдвэр гаргасан билээ.

“БУЯНТ-УХАА 1”-Д ЦЭЦЭРЛЭГ БАРЬЖЭЭ

Улиастай, Гачуурт чиглэлийн замын ажил өнөөдрөөс үргэлжилнэ

Увс аймгийн Өндөрхангай сумын Цалуу баг, Батсайхан багийн зааг нутаг “Алтан бургастай” гэдэг газар жимс түүж явсан И /14 настай, эрэгтэй/ төөрч алга болжээ. Энэ тухай дуудлага тус сумын цагдаагийн хэсэгт өчигдөр 00:30 цагт ирж, цагдаагийн хэсгийн хоёр албан хаагч, орон нутгийн 12 иргэн эрэн хайх ажиллагааг зохион байгуулж хүүг тус өдрийн 13:20 цагт эсэн мэнд олжээ.

Мөн Хөвсгөл аймгийн Төмөрбулаг сумын Тээл багийн “Бүдүүн нарийн гуя” гэдэг газар энэ сарын 11-ний өдөр жимс түүж явсан иргэн Т /23 настай, эрэгтэй/, Э /50 настай, эмэгтэй/, Б /23 настай, эрэгтэй/ нар төөрч алга болжээ. Харин хүн алга болсон дуудлага өчигдөр 07:20 цагт тус аймгийн Онцгой байдлын газарт ирснээр тус газрын есөн албан хаагч, орон нутгийн 25 иргэн хамтран эрэн хайх ажилагааг зохион байгуулж 13-ны өдрийн 12:50 цагт олжээ. Төөрсөн иргэд эсэн мэнд байсан гэж ОБЕГ-ын Гамшгийн шуурхай удирдлагын газраас мэдээлэв.

Нийслэлийн нийтийн тээврийн үйлчилгээнд 21 метр урт, залгаа автобусыг нэвтрүүлэхээр болсон.

Нийслэлийн 2015 оны шилдэг тохижилт, ногоон байгууламжтай цэмцгэр байгууллага, аж ахуйн нэгж шалгаруулах болзолт уралдааны хүрээнд есөн дүүргийн 152 хороонд 51 ажлын хэсэг ажиллаж байгаа юм. Ажлын хэсгүүд аж ахуйн нэгж, иргэдийн цэвэрлэгээ, ногоон байгууламж, тохижилтын ажилд үнэлгээ үүрэг даалгаврыг биелүүлээгүй газруудад 2015.05.25-ны өдрөөс “Гахай”, ахиц дэвшил гаргасан газруудад “Смайл” наалт нааж эхэлсэн.

Нийслэлийн нийтийн эзэмшлийн гудамж талбай, цэцэрлэгүүдэд 6, 7 дугаар сард 125.0 мянган метр квадрат зүлэг тарьж, 9000 метр квадрат цэцгийн мандал, 20.0 мянган метр квадрат талбайг цэцэгжүүлж, 750 мянган м2 талбайг цэвэрлэж,зэрлэг ургамлыг нь устгалаа.
Нисэх, Яармагийн зам дагуу 40000 м2, Их Монгол Улсын гудамжинд 5000м2, 3 дугаар Дулааны цахилгаан станцын зүүн замын 2600м2, Чингэлтэй, Амгалангийн гудамжинд 6000 м2 талбайг зүлэгжүүлсэн.
Нийт 18000 урт метр ургамлан хашлагыг засч хэлбэржүүлж, 1600.0 мянган ширхэг мод, сөөгөнд графикийн дагуу усалгаа хийлээ. Хур бороо багатай, гантай байсан учраас шинээр тарьсан зүлэг, мод сөөгөнд шөнийн цагаар хийх усалгааны давтамжийг нэмэгдүүлсэн. Хотын нийтийн эзэмшлийн гудамж, цэцэрлэгүүдийн ногоон байгууламжийн арчилгааны ажлын технологийн мөрдөлтөнд “Нийслэлийн ногоон байгууламжийн иргэний зөвлөл” “Далайн цалгиа” ТББ хяналт тавьж ажиллаа гэж Улаанбаатар хотын Захирагчийн ажлын албанаас мэдээллээ.

АНУ-ын Денвер хотын Захирагч Майкл Ханкок тэргүүтэй төлөөлөгчид энэ сарын 10-наас 15-ны өдрүүдэд Улаанбаатар хотод албан айлчлал хийж байна. Энэ хүрээнд “Чингис хаан” олон улсын нисэх онгоцны буудалтай танилцаж, Денвер хотын “Стаплтон” нисэх онгоцны буудлыг дахин төлөвлөсөн туршлагын талаар санал солилцох уулзалт боллоо. Уулзалтад нийслэлийн Засаг дарга бөгөөд Улаанбаатар хотын Захирагч Э.Бат-Үүл, нийслэлийн ЗДТГ – ын дарга Ё.Гэрэлчулуун, АНУ-ын Денвер хотын Захирагч Майкл Ханкок, Денвер хотод суугаа Монгол Улсын Өргөмжит Консул Жим Вагенландер болон бусад холбогдох албаны хүмүүс оролцов.

Тэгвэл Г.Дэнзэн хорих ангиас захидал илгээжээ. Түүний бичсэн захидлыг бүрэн эхээр нь уншигч та бүхэнд хүргэж байна.

Өршөөлийн хуулийг баталсантай холбоотойгоор Ерөнхийлөгч Ц.Элбэгдорж өөрийн байр суурийг дахин хүргэлээ.

Цахилгаан

УИХ-ын даргын захирамжаар энэ сарын 3-14-ны хооронд хуралдсан УИХ-ын ээлжит бус чуулган өнөөдөр хаалтаа хийнэ. Уг чуулганаар Эрүүгийн болон Зөрчлийн хуулийн төсөл, Галт зэвсгийн тухай хуулийн шинэчилсэн найруулгын төсөл, Эдийн засгийн өршөөлийн тухай хууль, Өршөөлийн тухай хуулийн төслийг хэлэлцэхээр төлөвлөж байсан. Үүнээс Эрүүгийн болон Зөрчлийн тухай хуулийн төслийг ирэх намрын чуулганаар хэлэлцэхээр хойшлуулсан юм.

Цаашлаад МАН-ын зургаан сайдыг огцруулах асуудлыг хэлэлцэж, орны томилгоог нь хийхээр байсан билээ. Гэхдээ одоогоор МАН-ын зургаан сайдын орны хүмүүсийн томилох асуудлыг хэлэлцээгүй байна. Зургаан сайдыг томилохоор дахин ээлжит бус чуулган хуралдаж магадгүй байгаа юм.

Хэвэндээ нэг л янзаараа гээд аманд орсон дуу эхэлдэг шиг намар намарт л эцэг эхчүүд дүрэмт хувцас, хичээлийн хэрэгслийн үнэ өссөн талаар, нэг хүүхдээ сургуульд нь явуулахад хэр их мөнгө орж буй тухай, цаашлаад 3-4 хүүхэдтэй айл бол их хямралд өртөж буй талаар гомдоллодог.

2015.8.14, Баасан гараг / Билгийн тооллын: 30Зуны адаг харагчин хонь сарҮнэг одтой, хар нохой өдөр

Наймдугаар сарын 14 буюу өнөөдөр баруун зүгийн нутгийн баруун, зүүн зүгийн нутгаар, 15-нд баруун зүгийн нутаг, төвийн нутгийн баруун хэсгээр, 16-нд төв болон говийн нутаг, баруун зүгийн нутгийн зүүн хэсгээр, 17-нд төв, говь, зүүн зүгийн нутгаар дуу цахилгаантай бороо орно Салхи 14-нд Алтайн салбар уулсаар, 15,16-нд зарим газраар, 17-нд говь, талын нутгаар түр зуур 18-20 м/с хүрч ширүүснэ. 15-нд баруун зүгийн нутгаар, 16-нд нутгийн баруун хагаст, 17-нд нутгийн зүүн хагаст сэрүүсч Алтай, Хангай, Хөвсгөл, Хэнтийн уулархаг нутгаар шөнөдөө 1-6 градус, өдөртөө 13-18 градус, Дорнод Монголын тал нутаг болон говийн нутгийн өмнөд хэсгээр шөнөдөө 13-18 градус, өдөртөө 24-29 градус, бусад нутгаар шөнөдөө 7-12 градус, өдөртөө 18-23 градус дулаан байх ажээ.

Өвөлжилтийн бэлтгэл ажлыг хангах ХХАА-н сайдын тушаалаар малчид, тариаланчдад бага оврын тракторыг түүний дагалдах хэрэгсэл болох хадуур, тармуур, анжисны хамт урт хугацааны хүүгүй зээлээр олгох ажил үргэлжилж байна.

Хятадын Тяньжин хотод өчигдөр 23:30 цагийн үед хоёр хүчтэй дэлбэрэлт болж, ихээхэн хохирол учруулаад байна.

ЯДУУРЛЫН ТҮВШИН 50 ХУВЬД ХҮРЧЭЭ