2015 оны 5 дугаар сарын 20: Монгол Улсын Ерөнхий сайд, Эрхэмсэг ноён Ч.Сайханбилэгийн АНЭУ-д хийсэн хоёр хоногийн айлчлал өнөөдөр түүний АНЭУ-ын Дэд ерөнхийлөгч, Ерөнхий сайд Эрхэм дээд Мохаммед бин Рашид Ал Мактоумтай хийсэн уулзалтаар өндөрлөв.

НҮБ-ын Ерөнхий нарийн бичгийн дарга Бан Ги Мүн Хойд Солонгосын хилд байрлах хоёр Солногосын хамтарсан үйлдвэрлэлийн бүс Кэсонд очих хүсэлтийг Пхеньянд тавьсан байна.

АНУ-ын исламын хэт даврагчдыг устгахаар Сирийн бүс нутгуудад агаарын цохилт өгч байгаа. Тэгвэл энэхүү цэргийн ажиллагааны үеэр энгийн иргэн, хүүхэд амиа алдаж буй талаарх шүүмжлэл гарах боллоо.

Чингэлтэй дүүргийн 7 дугаар хороо, Хувьсгалчдын Г-ын 10 дугаар гудамжинд эрэгтэй хүн 4-5 метр гүн нүхэнд унасан байна гэсэн дуудлагыг НОБГ-т оройн 22:40 цагийн үед өгчээ. Дуудлагаар нийслэлийн Аврах ангийн 8 бүлгийг очиход 5 метр бохирын нүхэнд согтуу иргэн Б 33 настай, эрэгтэй унаж хүндэвтэр гэмтсэн байсныг гаргаж эмнэлгийн анхан шатны тусламж үзүүлэн ГССҮТ-д хүргэсэн байна.

Уламжлал болгон жил бүр зохиогддог ”Номын баяр” энэ сарын 25-26-нд Чингисийн талбайд болно.

Амьсгалын замаар эрчимтэй тархдаг, халдварлалт өндөртэй Улаанбурхан өвчний дэгдэлт ихээр гарч байгаа.

Нийслэлийн хүн ам, орон сууцны тооллого ирэх 10 дугаар сарын 01-нээс өмнө болно.

Налайх дүүргийн 3 дугаар хороо, Ар булгийн ганц тов гэдэг газар хээрийн түймэр гарсан байна гэсэн дуудлагыг өдөр 15:10 цагт өгснөөр Аврах, гал унтраах 28 дугаар ангийн бэлтгэл ээлжийн 18 албан хаагч, 2 автомашинтай, орон нутгаас 13 иргэн, 1 автомашин, 1 мотоциклтой очиход 20 га орчим өнжмөл өвс шатаж байсныг 18:00 цагт бүрэн унтрааж дүүргийн байгаль орчны байцаагчид хүлээлгэн өгсөн байна.

ОХУ-ын Ерөнхийлөгч В.Путин Япон улсад айлчлах гэж буйтай холбогдуулан тус улсад бэлтгэл ажлыг хангаж эхэлсэн талаар ”Итар-Тасс” агентлаг мэдээллээ.

Алан хядагч “Исламын улс” бүлэглэл Сирийн Пальмира хотыг өчигдөр эзэлсэн тухай мэдээлсэн. Тэгвэл хэт даврагчид эзэлсэн хотынхоо барилга байшин, соёлын өв, цахилгаан станцуудыг устгаж ард иргэдийг ихээхэн хохироож, дарамталж байгаа тухай НҮБ мэдээллээ.

Монгол Улсын Их Хурлын дарга З.Энхболд Сони мюзик энтертаймент компанийн Монголыг хариуцсан бүс нутгийн гүйцэтгэх захирал Арина Дмитриева, Юниверсал мюзик групп компанийн Монголыг хариуцсан бүс нутгийн ерөнхий захирлын нэгдүгээр орлогч Сергей Елфимов нарыг өнөөдөр хүлээн авч уулзлаа.

Энэ сарын 20-ны өдөр Дорнод аймгийн Матад сумын төвөөс баруун хойш 45 км-т орших Жаргалант багийн “Баруун сүүл” гэдэг газар хээрийн түймэр гарчээ. Түймэрт тус аймгийн Онцгой байдлын газрын 24 албан хаагч, 2 автомашинтай, орон нутгийн 151 иргэн, 19 автомашинтай, нийт 175 хүн, 21 техник хэрэгсэлтэйгээр ажиллаж унтраасан байна.

Канадын хатан хааны морьт цагдаагийн албанаас БНХАУ-д суугаа холбогч офицер Роберт Рингийг Тахарын ерөнхий газарт хүлээн авч уулзалт хийлээ. Уулзалтын үеэр талууд цаашид гэрч, хохирогчийг хамгаалах чиглэлээр хамтран ажиллах боломжтойг тодорхойлсон юм.

”Төрийн мэдээлэл” эмхэтгэлийн 2015 оны 19 дэх дугаарын тойм

Эмхэтгэлийн өнөөдрийн дугаарт, Авлигатай тэмцэх, хариуцлага, шударга ёсыг бэхжүүлэх үндэсний хөтөлбөр батлах тухай Улсын Их Хурлын тогтоолын төслийг буцаах тухай Монгол Улсын Их Хурлын тогтоол, Шүүхийн Ёс зүйн хорооны гишүүнийг чөлөөлөх тухай Монгол Улсын Ерөнхийлөгчийн зарлигийг тус тус нийтэллээ.

Мөн Монгол Улсын шүүхийн тухай хуулийн 17 дугаар зүйлийн 17.2 дахь хэсгийн холбогдох заалт Үндсэн хуулийн Тавьдугаар зүйлийн 2 дахь хэсгийг зөрчсөн эсэх тухай маргааныг хянан шийдвэрлэсэн тухай Монгол Улсын Үндсэн хуулийн цэцийн дүгнэлтийг бүрэн эхээр нь нийтлэв.

Монгол Улсын шүүхийн тухай хуулийн 17 дугаар зүйлийн 17.2 дахь хэсгийн “Хяналтын шатны шүүхийн тогтоол эцсийнх байна...” гэсэн заалт нь Монгол Улсын Үндсэн хуулийн Тавьдугаар зүйлийн 2 дахь хэсгийн “Улсын дээд шүүхийн шийдвэр шүүхийн эцсийн шийдвэр байх бөгөөд...Хэрэв Улсын дээд шүүхийн шийдвэр хуульд харшилбал түүнийг Улсын дээд шүүх өөрөө хүчингүй болгоно...” гэснийг зөрчсөн байна гэсэн дүгнэлтийг Үндсэн хуулийн цэц гаргажээ.

Тиймээс Монгол Улсын шүүхийн тухай хуулийн 17 дугаар зүйлийн 17.2 дахь хэсгийн “Хяналтын шатны шүүхийн тогтоол эцсийнх байна..” гэсэн заалтыг Үндсэн хуулийн цэцэд маргаан хянан шийдвэрлэх ажиллагааны тухай хуулийн 32 дугаар зүйлийн 4 дэх хэсэгт заасны дагуу 2015 оны 5 дугаар сарын 13-ны өдрөөс эхлэн түдгэлзүүлэхээр болжээ гэж УИХ-ын Тамгын газрын Хэвлэл, мэдээлэл, олон нийттэй харилцах хэлтэс мэдээлэв.

Авлигатай тэмцэх газар нь хуульд заасан чиг үүргийн хүрээнд төрийн өндөр албан тушаалтнууд болон хуулийн үйлчлэлд хамрагдах албан тушаалтнуудын хувийн ашиг сонирхлын мэдүүлэг болон хөрөнгө, орлогын мэдүүлгийг хянан шалгадаг.

Авлигатай тэмцэх газар 2015 оны 5 дугаар сарын 11-15-ны өдрүүдэд шинээр гэмт хэргийн шинжтэй 6 гомдол, мэдээлэл хүлээн авч, нийт 27 гомдол, мэдээллийг шалгаснаас 6 гомдол, мэдээллийг эрүүгийн хэрэг үүсгэхээс татгалзах, 1 гомдол, мэдээллийг харьяаллын дагуу шилжүүлэх саналтайгаар прокурорт шилжүүлсэн байна. Ажиллагаанд 20 гомдол, мэдээлэл шалгагдаж байна.

Авлигатай тэмцэх газраас хүргүүлсэн албан бичгийн дагуу нийслэлийн Налайх дүүргийн ИТХ-ын Тэргүүлэгчдийн хуралдаанаар тогтоол гаргаж, холбогдох хууль тогтоомж зөрчсөн шийдвэрийг хүчингүй болгов.

Баянзүрх дүүргийн нутаг дэвсгэр дэх Чулуун овооны тойргийн баруун урд замд дулааны шугам шинээр тавих ажлыг 2015.05.22-ний өдрийн 23 цагаас 2015.05.25-ны өдрийн 06 цаг хүртэл хийх аж

“Нийслэлийн нутаг дэвсгэрт барилгын материалын тээвэрлэлтийг зохион байгуулах журам” – ыг батална

-Сэжигтнүүдийн ард хууль хүчнийхэн байвал их хэцүү. Хамгийн гол нь хууль хүчний нөлөө байсан ч тэр нь мэдэгддэггүй юм. Гагцхүү сүүлд нь л мэдэгддэг хор уршигтай.
Т.Цогт өөрөө хууль хүчний байгууллагад ажилладаг байсан юм чинь хамаатан садан, найз нөхдөөс нь эрх бүхий алба хаагчид байх нь дамжиггүй гэж харж байгаа. Ний нуугүй хэлэхэд хамгийн гол буруутан нь Т.Цогт өөрөө шүү дээ. Т.Цогтын зүйл заалт хөнгөн байгаа нь цаанаа их зүйл хэлээд байна.