-
2015 оны 5 сарын 29
Хуулийг нэг стандартаар боловсруулдаг харилцаанд шилжинэ
Баасан, 5 сарын 29 2015
Бичсэн Б.Туул
Хэвлэх
Email
Хуулийг нэг стандартаар боловсруулдаг харилцаанд шилжинэ
УИХ-ын чуулганы өнөөдрийн үдээс хойшхи хуралдаан эхэллээ.
Чуулганы үдээс өмнөх хуралдаан Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай хуулийн төслийн эцсийн хэлэлцүүлгийг хийж байгаад завсарласан. Тиймээс үдээс хойшхи хуралдаанаар уг хуулийг төслийг үргэлжлүүлэн хэлэлцсэн бөгөөд эхлээд зарчмын зөрүүтэй саналаар санал хураалт явуулав. Үүний дараагаар хуулийг бүхэлд батлах санал хураалт явуулахад гишүүдийн олонх дэмжсэнээр тус хууль батлагдлаа. Ингэснээр манай улс хуулиа нэг стандартаар боловсруулдаг болж байгаа гэсэн үг юм. Мөн хуулийг өргөн мэдүүлэх, батлагдсан хууль тогтоомжийг хэвлэн нийтлэх, олон нийтэд таниулах, түүний хэрэгжилтийг зохион байгуулах болон хууль тогтоомжийн хэрэгжилтэд хяналт шинжилгээ, үнэлгээ хийх харилцаа энэ хуулиар зохицуулагдана. Одоогоор Засгийн газраас өргөн мэдүүлсэн ”Төрөөс эрчим хүчний талаар баримтлах бодлого батлах тухай” УИХ-ын тогтоолын төслийн хэлэлцэх эсэх хэлэлцүүлгийг хийж байна.
-
2015 оны 5 сарын 29
Л.Эрхэмбаяр Шинэчлэлийн хөдөлгөөний уулзалтаас ямар ч
Ардчилсан намын Шинэчлэлийн хөдөлгөөнийхөн хоёр өдрийн өмнө намынхаа удирдлагуудад шаардлага хүргүүлсэн. Тэд шаардлагадаа, намынхаа ҮЗХ-г хуралдуулах, дүрмээ шинэчлэхийг уриалсан байсан юм.
Шаардлагын хүрээнд АН-ын ЕНБД-ын үүрэг гүйцэтгэгч Л.Эрхэмбаяр тус хөдөлгөөний зохицуулагч нарыг хүлээн авч уулзлаа.
Уулзалтаар ЕНБД-ын үүрэг гүйцэтгэгчийн хувьд ойрын хугацаанд намаас баримтлах бодлого болон өөрийн байр сууриа илэрхийллээ. Улмаар АНШХ-ий тавьсан АН-ын Их хурлыг хуралдуулж, үүсээд байгаа нөхцөл байдлыг Үндсэн дүрмийн шинэчлэлийн хүрээнд шийдэх санал хүлээн авах бололцоогүй буюу ҮЗХ болон намын Их хурлыг хуралдуулахгүй гэсэн хатуу байр суурьтай байгаагаа мэдэгдлээ.
АНШХ-ий зүгээс олон зүйл дээр зарчмын зөрүүтэй байр суурьтай байгаа учраас тавьсан шаардлагынхаа хүрээнд намын даргатай уулзах саналаа илэрхийлж, тавьж байгаа шаардлагаа анхан болон дунд шатны гишүүдтэйгээ уулзаж, санал солилцох замаар намын бүх гишүүдийн оролцоотойгоор намын дүрмийг шинэчлэх ажлаа тууштай үргэлжлүүлэх тухайгаа хариу мэдэгдлээ.
Уулзалтаас ямар нэг үр дүн гарсангүй.
-
2015 оны 5 сарын 29
УИХ-ын чуулганы үдээс хойшхи хуралдаан эхэлж, Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай хуулийн төслийн эцсийн хэлэлцүүлгийг хийж, зарчмын зөрүүтэй саналын томъёоллоор санал хураалгаж байна. Нийт 13 зарчмын зөрүүтэй саналаар санал хураалгах аж.
Тухайлбал, энэхүү хуулийн мөрдөгдөж эхлэх хугацааг 2016 оны хоёрдугаар сарын 10-ны өдрөөс хэмээн заасныг гишүүдийн олонхи дэмжлээ.
Санал хураахын өмнө УИХ-ын гишүүн А.Бакей “Хуулийг мөрдөх хугацаа хэтэрхий хойно байгаа юм биш үү. Сайн зохицуулалтууд орчихсон. Ийм байхад хойш тавих шаардлага бий юм уу” гэлээ.
Дээрх хуулийн төслийг боловсруулах үүрэг бүхий ажлын хэсгийн ахлагчаар ажилласан, УИХ-ын гишүүн Ц.Нямдорж “Хуулийн төслийн хэрэгжих хугацааг хойш тавьж өгөхгүй бол ирэх жил сонгуультай учраас гишүүд олноороо хуулийн төсөл өргөн мэдүүлэх хэрэг гарна. Хуулийн төсөлтэй холбогдуулан иргэдээс санал авах зэрэг процессын ажлууд тааруухан байж магадгүй гэдэг саналыг УИХ-ын зүгээс өгсөн. Энэ ч бас үндэслэлтэй. Хууль зүйн яамныхантай ярихад мөн дэмжсэн. Саналыг байнгын хороогоор хэлэлцэх үед гишүүдийн гуравны хоёрын дэмжлэг хүлээсэн” гэлээ. Санал хураалт үргэлжилж байна.
-
2015 оны 5 сарын 29
Монгол Улсын Ерөнхийлөгч Ц.Элбэгдорж Өндөр гэгээн Занабазарын мэлмий гийсний ойд зориулсан эрдэм шинжилгээний хуралд оролцогчдод мэндчилгээ дэвшүүлэв
Administrator 2015-05-29 13:33:00
Монголын анхдугаар богд, Өндөр гэгээн Занабазарын мэлмий гийсний 380 жилийн ойд зориулсан “Өндөр гэгээн Занабазар: Амьдрал, өв” сэдэвт олон улсын эрдэм шинжилгээний хурал өнөөдөр Төрийн ордны Их танхимд болж байна.
Уг эрдэм шинжилгээний хуралд Монгол Улсын Ерөнхийлөгчийн Тамгын газрын дарга П.Цагаан, УИХ-ын дарга З.Энхболд, УИХ-ын дэд дарга, ойг тэмдэглэн өнгөрүүлэх үндэсний хорооны дарга Р.Гончигдорж, УИХ-ын гишүүн, ЗГХЭГ-ын дарга, ойг тэмдэглэн өнгөрүүлэх үндэсний хорооны дэд дарга С.Баярцогт, УИХ-ын гишүүн Д.Лүндээжанцан, Я.Содбаатар, Монгол Улс, ОХУ, Их Британийн эрдэмтэн судлаачид, лам хуврагууд оролцов.
Их танхимын тайзнаа Өндөр гэгээн Занабазарын бурханчлан бүтээсэн сэрэг дүр, шүтээн дүрийг хүндэтгэлтэйгээр залсан байв. Хурлыг нээхийн өмнө Гандантэгчинлэн хийдийн лам, хуврагууд Өндөр гэгээний Монгол орны эв нэгдэл,сайн сайхны тухайтад зохиосон Жанлавцогзол буюу “Адистидийн дээдийг хайрлагч залбирал” номыг айлтгалаа.
Үүний дараа Монгол Улсын Ерөнхийлөгчийн мэндчилгээг Ерөнхийлөгчийн Тамгын газрын дарга П.Цагаан уншиж сонордуулав.
Монгол Улсын Ерөнхийлөгч Ц.Элбэгдорж Өндөр гэгээн Занабазарын мэлмий гийсний 380 жилийн ойд зориулсан олон улсын эрдэм шинжилгээний хуралд оролцогчдод хандсан мэндчилгээндээ:
“Эрхэм хүндэт УИХ-ын дарга, эрхэм гишүүд ээ,
Эрхэм хүндэт эрдэмтэн мэргэд, зочид, төлөөлөгчид өө
Монголын анхдугаар Богд Жавзандамба хутагт, Өндөр гэгээн Занабазарын мэлмий гийсний 380 жилийн ойд зориулсан олон улсын эрдэм шинжилгээний хуралд оролцогч үндэсний болон гадаадын эрдэмтэн мэргэд Та бүхэндээ Монгол Улсын Ерөнхийлөгчийн нэрийн өмнөөс чин сэтгэлийн мэндчилгээ халуун дэвшүүлье.
Монголчууд бидний авъяас билэг төгс, хосгүй нэгэн хутагт, олноо “Өндөр гэгээн” хэмээн алдаршсан Занабазар Богдын сэнтийд өргөмжлөгдөж, өөрийн орноо бурхан шашны номыг түгээн дэлгэрүүлж, өнөөгийн Нийслэл хотын их үндсийг тавьж, дэлхийд гайхагдсан сонгодог урлагийн бүтээлд зүй ёсоор тооцогдох давтагдашгүй бүтээлүүдээ туурвин, Соёмбо үсэг, эе эв, гүн ухааны бодрол бясалгалын олон ном судар зохиож, монгол зураг, уран баримал, бүхэл бүтэн дэг сургууль үндэслэсэн хосгүй авъяс билэгтэн хүмүүн байв.
Тэрээр билэг төгс авъяастнаас гадна байгаль эх дэлхийгээ танин мэдэх, хайрлан хамгаалахад онцгой анхаардаг гавъяатан байсан.
Монголын шашин номын тэргүүн, оюун билгийн гайхамшиг, нэрт соён гэгээрүүлэгч энэ хүмүүний амьдрал, түүний бүтээсэн өв судлал Монголд төдийгүй эдүгээ олон улсын судлал болсон байна. Түүний амьдрал уран бүтээлтэй холбоотой мартериалуудыг монгол, төвд, манж, орос, хятад зэрэг хэлнээс хөрвүүлж, нийтийн хүртээл болгох, эрдэм шинжилгээ, судалгааны эргэлтэд оруулахад өнөөдрийн Та бүхний зохион байгуулж байгаа эрдэм шинжилгээний хурал жинтэй хувь нэмэр оруулна гэдэгт итгэж байна.
Өндөр гэгээн судлал цаашид улам өргөжин гүнзгийрэхэд манай залуу үе, монголч эрдэмтэн судлаачид чухал хувь нэмэр оруулна гэдэгт итгэж байна.
Эрдэм Шинжилгээний хурлын үйл ажиллагаанд амжилт хүсч, Та бүхэнд хамгийн сайн сайхан бүхнийг хүсэн ерөөе. Анхаарал тавьсанд баярлалаа” гэлээ.
Эрдэм шинжилгээний хуралд УИХ-ын дарга З.Энхболд, УИХ-ын дэд дарга Р.Гончигдорж, академич Ж.Болдбаатар, Монгол Улсын Соёлын гавъяат зүтгэлтэн, бурханч лам Г.Пүрэвбат, ОХУ-ын Санкт-Петербург хотын Эрмитаж музейн Монгол, Түвдийн сангийн эрхлэгч Ю.Е.Мелихина нарын зэрэг олон хүн Өндөр гэгээний намтар, урын арвин их сан хөмрөг, бурхан бүтээх тэгийг гаргасан, Монголчуудын эв эе, сүлд хийморийн бэлгэдэл болсон Соёмбо үсгийг зохиосон зэрэг олон сэдвээр илтгэл тавилаа.
-
2015 оны 5 сарын 29
Тамхины хяналтын тухай хуулийн хэрэгжилтийг сайн биелүүлж байна гэж үнэлэв
-
2015 оны 5 сарын 29
УИХ-ын чуулганы өнөөдрийн хуралдаанаар Прокурорын байгууллагын тухай болон холбогдох бусад хуулийн төслүүдийн хэлэлцэх эсэх хэлэлцүүлгийг хийв.
УИХ-ын гишүүн Х.Болорчулуун, -Орон нутагт ажиллаж байхад хуулийнхантай холбоотой гомдол тасрахгүй байна. Шинэчлэл хийж хэрэгжүүлэхэд цаана нь хүн бий гэдгийг ойлгох хэрэгтэй. Тухайн хүний шударга ажиллах нөхцлийг бүрдүүлээгүй тохиолдолд шинэчлэл яриад нэмэргүй. Өнөөдөр Ерөнхий прокурор 1 сая гаруй төгрөгийн цалинтай, бусдынх нь 1 сая төгрөг хүрдэггүй юм байна. Зах зээл хөгжсөн орнуудад хууль хүчний байгууллагуудын цалин өндөр байдаг. Ингэж байж шударга ёс тогтдог. Нийгэмд шударга ёс тогтооё гэвэл прокурор, цагдаагийн цалинд эрс өөрчлөлт хийх хэрэгтэй. Хоёр хөршийн ижил түвшний байгууллагын ажилтнуудын цалинтай харьцуулсан судалгаа байна уу?
Ерөнхий прокурор М.Энх-Амгалан, -“Шударга ажиллахын хамгийн наад захын шаардлага нь цалингийн баталгаа байх ёстой. Прокурорын байгууллага цалин бага ч өөрийн үүргээ үеийн үед шударгаар биелүүлж ирсэн. Хоёр орны байгууллагуудын цалинтай харьцуулсан судалгаа алга байна. Тэгэхдээ хэд дахин өндөр цалин авч байгаа.”
УИХ-ын гишүүн Ө.Энхтүвшин, -Ямар нэг намд харьяалагдаж ажиллахгүй гэж түрүүнд Ерөнхий прокурор хэллээ. Гэхдээ гэм буруугүй хүмүүсийг хохироохгүй. Хэрвээ гэм зэмгүй иргэнийг хохироосон бол тухайн ажилтанд хариуцлага тооцож ажиллаж чаддаг байна гээд хэлчихвэл зүйтэй байна. Энэ чиглэлээр хуулинд ямар заалт оруулсан бэ? Прокурор алдаа гаргасан бол төр хариуцна гэж заажээ. Хүн нь өөрөө хариуцлагаа хүлээдэг байх ёстой байх?
Ерөнхий прокурор М.Энх-Амгалан, -“Гэм буруугүй хүнийг хэлмэгдүүлэхгүй. Хэрэв хэлмэгдүүлсэн бол хариуцлага тооцно гэж Ө.Энхтүвшин гишүүний хэлсэнтэй санал нэг байна. Үүнийг тангарагтаа оруулья гэж бодож байна. Мэргэжлийн алдаа гаргасан бол тодорхой хэмжээгээр хувь хүнтэй хариуцлага тооцдог энэ жишгээрээ явна.”
УИХ-ын гишүүн С.Дэмбэрэл, -Ерөнхий прокурорын хэлсэн мэдэгдлийг нийт прокурор сонссон байх. Өнөөдөр бүх телевизээр гарах байх. АТГ, шүүх, цагдаа, прокурорын цалин яагаад ялгаатай байдаг юм бэ. Ялгаатай байх хууль зүйн үндэслэл юу вэ?
Хууль зүйн сайд Д.Дорлигжав, -“АТГ, шүүх, цагдаа, прокурорын зөвхөн цалин нь өөр биш, эрх зүйн статус нь хүртэл өөр байгаа. Нэг нь тэнгэрийн, нөгөө нь бор зүрхээрээ ажилладаг юм шиг туйлшрал яваад байгаа. Ийм бодлогын алдаа битгий гаргаасай гэж хүсч байна.”
УИХ-ын гишүүн Н.Энхболд, -2012 оны сонгуулийн дараа байгуулагдсан Засгийн газрын түвшингээсээ эхлээд хууль гэж юу юм бэ гэдэг ойлголт их тархсан. Ерөнхий сайд нь хүртэл ингэж хэлж байсан. Өнөөдөр хуульгүйгээр амьдарч болохгүй гэдгийг нийтээрээ ойлгосон байх. Өнөөгийн түвшинд хүмүүсийг гадагшаа явахыг хориглодог асуудлыг хэн шийдэж байгаа вэ, хууль баталснаар хэн шийдэх вэ?
Хууль зүйн сайд Д.Дорлигжав, -“Иргэдийг гадагшаа явахад хориг тавьдаг асуудал хавтгайрсан байсан. 2013 онд прокурорын байгууллагаас судалгаа хийсэн. Нийслэлийн Засаг дарга, хувь хүн хүртэл бусдыг гадагшаа явуулахгүй байх хүсэлт гаргасан байсан. Мөн шалгагдаад дууссан байхад хил хяналтын байгууллагад мэдэгдээгүйгээс иргэн хохирох явдал хүртэл гардаг байсан. Энэ асуудлыг цэгцлээд явж байна. Хуулийн төсөлдөө тусгасан” хэмээн хариулсан юм. Гишүүд асуулт асууж, үгээ хэлсний дараа санал хураалт явуулахад олонх дэмжсэн тул анхны хэлэлцүүлэгт бэлтгүүлэхээр Хууль зүйн байнгын хороонд шилжүүлэв.
-
2015 оны 5 сарын 29
Чуулганы үдээс өмнөх хуралдаан завсарлав
-
2015 оны 5 сарын 29
Дээд шүүх 23 дахь намаа бүртгэлээ
Баасан, 5 сарын 29 2015
Бичсэн Б.Туул
Хэвлэх
Email
Дээд шүүх 23 дахь намаа бүртгэлээ
“Тусгаар тогтнол, Эв нэгдлийн нам”-ыг улсын бүртгэлд бүртгүүлэх тухай намын дарга Ц.Баянбилэгээс гаргасан хүсэлтийг Улсын Дээд шүүх өнөөдөр хянан хэлэлцлээ.
Хүсэлтэд хавсаргасан баримт, дүрэм, мөрийн хөтөлбөр болон ирүүлсэн бусад материал нь Улс төрийн намын тухай хуульд заасан шаардлагыг хангасан байна гэж үзэж, Дээд шүүх уг намыг улсын бүртгэлд бүртгэж, гэрчилгээ олгохоор шийдвэрлэв. Дашрамд дурдахад Тусгаар тогтнол, Эв нэгдлийн нам нь улсын бүртгэлд бүртгүүлсэн 23 дахь нам боллоо.
-
2015 оны 5 сарын 29
хх
-
2015 оны 5 сарын 29
УИХ-ын чуулганы хуралдаанаар Засгийн газраас өргөн мэдүүлсэн Прокурорын байгууллагын тухай хуулийн шинэчилсэн найруулга болон холбогдох бусад хуулийн төслүүдийг хэлэлцэж байна.
Хэлэлцэж буй асуудалтай холбогдуулан УИХ-ын гишүүд асуулт, асууж байна.
Тухайлбал, УИХ-ын гишүүн Б.Ганбат “Одоогийн байдлаар Монгол улсад нийт хэдэн прокурор байгаа вэ. Мөн боловсролын түвшин ямар байгаа вэ” гэсэн юм.
Харин түүний Ерөнхий прокурор М.Энх-Амгалан хариулахдаа “Улсын хэмжээнд 460 гаруй прокурор байгаа. Энэ хууль батлагдсанаар прокурорын ачаалал нэмэгдэнэ. Тэгэхээр тэдний цалин хангамж, нийгмийн дэмжлэгийг сайн үзүүлэх хэрэгтэй болно. Гэмт хэргээс бусад зөрчлийг прокурор хянахгүй болно. 460 гаруй прокурор ажиллаж байгаа.”
УИХ-ын гишүүн Ж.Батзандан:
УИХ-ын чуулганы хуралдаанаар Засгийн газраас өргөн мэдүүлсэн Прокурорын байгууллагын тухай хуулийн шинэчилсэн найруулга болон холбогдох бусад хуулийн төслүүдийг хэлэлцэж байна.
Хэлэлцэж буй асуудалтай холбогдуулан УИХ-ын гишүүд асуулт, асууж байна.
Тухайлбал, УИХ-ын гишүүн Б.Ганбат “Одоогийн байдлаар Монгол улсад нийт хэдэн прокурор байгаа вэ. Мөн боловсролын түвшин ямар байгаа вэ” гэсэн юм.
Харин түүний Ерөнхий прокурор М.Энх-Амгалан хариулахдаа “Улсын хэмжээнд 460 гаруй прокурор байгаа. Энэ хууль батлагдсанаар прокурорын ачаалал нэмэгдэнэ. Тэгэхээр тэдний цалин хангамж, нийгмийн дэмжлэгийг сайн үзүүлэх хэрэгтэй болно. Гэмт хэргээс бусад зөрчлийг прокурор хянахгүй болно. 460 гаруй прокурор ажиллаж байгаа.”
УИХ-ын гишүүн Ж.Батзандан:
-
2015 оны 5 сарын 29
Цагдаагийн албаны тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.05.11-ний өдөр өргөн мэдүүлсэн, хэлэлцэх эсэх үргэлжилнэ/:
-
2015 оны 5 сарын 29
Засгийн газар бонд гаргахаар шийдвэрлэлээ
-
2015 оны 5 сарын 29
09.00 цагаас:
1.Цагдаагийн албаны тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.05.11-ний өдөр өргөн мэдүүлсэн, хэлэлцэх эсэх үргэлжилнэ/:
2.Прокурорын байгууллагын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.05.11-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хууль зүйн сайд Д.ДОРЛИГЖАВ танилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Ц.ОЮУНБААТАР танилцуулна.
3.Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай /шинэчилсэн найруулга/ хуулийн төсөл /Засгийн газар 2015.01.23-ны өдөр өргөн мэдүүлсэн, эцсийн хэлэлцүүлэг/:
-Хууль зүйн байнгын хорооны танилцуулгыг Улсын Их Хурлын гишүүн Ц.НЯМДОРЖ танилцуулна.
4.”Төрөөс эрчим хүчний талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.05.11-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Эрчим хүчний сайд Д.ЗОРИГТ танилцуулна;
-Эдийн засгийн хорооны санал, дүгнэлтийг Улсын Их Хурлын гишүүн А.ТЛЕЙХАН танилцуулна.
5.“Эдийн засаг, нийгмийг 2016 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл /Засгийн газар 2015.04.30-ны өдөр өргөн мэдүүлсэн, анхны хэлэлцүүлэг/:
-Эдийн засгийн хорооны санал, дүгнэлтийг Улсын Их Хурлын гишүүн А.ТЛЕЙХАН танилцуулна.
6.Татварын ерөнхий хуульд нэмэлт, өөрчлөлт оруулах тухай болон холбогдох бусад хуулийн төслүүд/Засгийн газар 2015.05.11-ний өдөр өргөн мэдүүлсэн, анхны хэлэлцүүлэг/:
-Төсвийн байнгын хорооны санал, дүгнэлтийг Улсын Их Хурлын гишүүн Ч.ХҮРЭЛБААТАР танилцуулна.
7.Архидан согтуурахтай тэмцэх тухай хуульд нэмэлт, өөрчлөлт оруулах тухай хуулийн төсөл /Засгийн газар 2015.04.30-ны өдөр өргөн мэдүүлсэн, анхны хэлэлцүүлэг/:
-Хууль зүйн байнгын хорооны санал, дүгнэлтийг Улсын Их Хурлын гишүүн Ё.ОТГОНБАЯР танилцуулна.
8.Шүүх байгуулах тухай /шинэчилсэн найруулга/ Монгол Улсын Шүүхийн тухай хуульд нэмэлт, өөрчлөлт оруулах тухай, Шүүх байгуулах тухай хуулийг хүчингүй болсонд тооцох тухай хуулийн төслүүд, Шүүгчийн орон тоо батлах тухай Монгол Улсын Их Хурлын тогтоолын төсөл /Монгол Улсын Ерөнхийлөгч 2015.05.18-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Монгол Улсын Ерөнхийлөгчийн тамгын газрын дарга П.ЦАГААН танилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Ц.ОЮУНБААТАР танилцуулна.
9.Эрчим хүчний тухай тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн А.Тлейхан нарын 6 гишүүн 2015.05.21-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн А.ТЛЕЙХАН танилцуулна;
-Эдийн засгийн байнгын хорооны санал, дүгнэлтийг Улсын Их Хурлын гишүүн Л.ЭНХ-АМГАЛАН танилцуулна.
10.Сэргээгдэх эрчим хүчний тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Улсын Их Хурлын гишүүн А.Тлейхан нарын 6 гишүүн 2015.05.21-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн А.ТЛЕЙХАН танилцуулна;
-Эдийн засгийн байнгын хорооны санал, дүгнэлтийг Улсын Их Хурлын гишүүн Л.ЭНХ-АМГАЛАН танилцуулна.
-
2015 оны 5 сарын 29
УНГАР УЛСЫН ГАДААД ХЭРЭГ, ХУДАЛДААНЫ САЙД
ПЕТЕР СИЯЯАРТОГИЙН МОНГОЛ УЛСАД ХИЙХ
АЛБАН ЁСНЫ АЙЛЧЛАЛЫН АЛБАН ЁСНЫ АРГА ХЭМЖЭЭ ЭХЭЛЛЭЭ.
-
2015 оны 5 сарын 28
Чуулганы үдээс хойшхи хуралдаан эхэллээ
Пүрэв, 5 сарын 28 2015
Бичсэн Б.Туул
Хэвлэх
Email
Чуулганы үдээс хойшхи хуралдаан эхэллээ
УИХ-ын чуулганы өнөөдрийн үдээс хойшхи хуралдаан эхэллээ.
Чуулганы үдээс өмнөх хуралдаанаар Эрүүгийн хэрэг шалган шийдвэрлэх тухай хуулийн төслийн хэлэлцэх эсэх хэлэлцүүлгийг хийж байгаад завсарласан юм. Иймээс тус хуулийн төслийг үргэлжлүүлэн хэлэлцэж байна. Эрүүгийн хэрэг шалган шийдвэрлэх ажиллагааны зорилт нь гэмт хэргийг шуурхай, бүрэн илрүүлэх, гэмт этгээдийг олж тогтоох, гэм буруугүй хэнийг ч гэмт хэрэг үйлдсэн гэм буруутайд тооцохгүй байх, гэмт хэрэг үйлдсэн гэм буруутай хүн, хуулийн этгээдэд ял шударгаар оногдуулах, хуулийн этгээд, хувь хүний эрх, хууль ёсны ашиг сонирхлыг хамгаалахад чиглэгдэж байдаг. Иймд энэхүү зорилтод нийцүүлж уг хуулийн төслийг боловсруулсан байна. Хэлэлцүүлгийн үеэр гурван гишүүн хуулийн төслийг дэмжихгүй гэдгээ илэрхийлсэн бол мөн гурван гишүүн дэмжихээ хэлсэн. Ингээд хэлэлцэж буй асуудлаар санал хураалт явуулахад гишүүдийн олонх дэмжсэн тул анхны хэлэлцүүлэгт бэлтгүүлэхээр Хууль зүйн байнгын хороонд шилжүүллээ.
-
2015 оны 5 сарын 28
Улсын Их Хурлын Ажлын хэсгээс Тавантолгойн ордыг ашиглах уралдаант шалгаруулалтын асуудлыг шийдвэрлэсэн Засгийн газрын 2014 оны 268 дугаар тогтоолыг хэлэлцсэн Засгийн газрын хуралдааны дэлгэрэнгүй тэмдэглэл, тогтоолын төсөлтэй холбоотой бусад яамдаас өгсөн санал зэрэг материалууд, тогтоолын хувийн хэрэгтэй танилцах хүсэлт хүргүүлсэн байна.
Мөн Ажлын хэсгээс Тавантолгой төслийг хөгжүүлэх Хөрөнгө оруулалтын гэрээ, Хамтын ажиллагааны гэрээ, Төмөр замын концессын гэрээ, түүнчлэн дагалдах гэрээнүүд болох Төслийн компаниас Сумитомо Корпорацитай байгуулах гэрээ, Төслийн компанийн хувь нийлүүлэгч Энержи Ресурс Корпорациас Шенхуа компанитай байгуулах гэрээний албан ёсны англи хувилбарыг удаа дараа хүссэн боловч Засгийн газраас одоог хүртэл УИХ-ын Ажлын хэсэгт ирүүлээгүй байна.
Гэрээний талаар маргаан гарсан тохиолдолд англи хувилбар давуу хүчин чадалтай хэмээн төсөлд тусгасан, түүнчлэн Улсын Их Хуралд ирүүлээд буй монгол хувилбарыг уншиж үзэхэд гэрээний төслийг эхлээд англи хэлээр бэлтгэж дараа нь монгол хэлэнд орчуулсан байдалтай байгаа тул Ажлын хэсэг гэрээнүүдийн англи эхийг гарцаагүй шалгаж үзэх ёстой гэж үзэж байна.
АЖЛЫН ХЭСЭГ
-
2015 оны 5 сарын 28
УИХ-ын чуулганы нэгдсэн хуралдаанаар Үл хөдлөх эд хөрөнгийн барьцааны тухай хуульд нэмэлт оруулах тухай хуулийн төслийг хэлэлцэв.
2002 онд УИХ-аас Монгол Улсын иргэнд газар өмчлүүлэх тухай хууль баталсан. Уг хуулийн 27 дугаар зүйлд “иргэн өмчийнхөө газрыг зохих журмын дагуу иргэнд болон банк, банк бус санхүүгийн байгууллага (ББСБ)-д барьцаалах эрхтэй” гэж заасан. 2010 онд баталсан Үл хөдлөх эд хөрөнгийн барьцааны хуулийн дагуу иргэн зээлээ төлж чадахгүй заавал шүүхэд хандаж, 3 шатны шүүхээр шийдвэрлүүлэх журам үйлчилж байгаагаас банк, ББСБ-ууд газар барьцаалж, зээл олгох сонирхолгүй болж байна. Иймд иргэн болон банк, ББСБ гэрээндээ үл маргах журмаар буюу харилцан тохиролцож, нотариатын мэдэгдэх хуудсыг шүүгчийн захирамжаар баталгаажуулсан бол барьцааны зүйлийг Иргэний хууль, Шүүхийн шийдвэр гүйцэтгэх тухай хуульд заасны дагуу албадан дуудлага худалдаагаар худалдах зохицуулалтыг шинээр нэмж тусгалаа хэмээн Хууль зүйн сайд Д.Дорлигжав хууль санаачлагчийн илтгэлдээ дурьдав.
Хуулийн төсөлтэй холбоотой Хууль зүйн байнгын хорооны санал, дүгнэлтийг УИХ-ын гишүүн Л.Болд танилцуулав. Тэрбээр, “Дээрх хуулийн төслийг байнгын хорооны хуралдаанаар хэлэлцэх үед УИХ-ын гишүүн Ц.Оюунбаатар гэрээний талууд харилцан тохиролцоод үл маргах журмаар үүргийн гүйцэтгэлийг хангуулахаар зөвшөөрөн гарын үсэг зурсан байхад заавал нотариатаар гэрчлүүлэх шаардлага байгаа эсэхийг судлах, УИХ-ын гишүүн Л.Болд, Ц.Оюунгэрэл нар хүүхдийн өмчлөлийн газрыг захиран зарцуулах болон өв залгамжлалын асуудалд нухацтай хандаж, холбогдох зохицуулалтыг хуулийн төсөлд тусгах зэрэг саналыг гаргасан. Хуулийн төслийг чуулганы хуралдаанаар хэлэлцүүлэхийг байнгын хорооны хуралдаанд оролцсон гишүүд санал нэгтэйгээр дэмжсэн” гэлээ.
Хэлэлцэж буй асуудалтай холбогдуулан УИХ-ын гишүүн Л.Болд, Өмчилж авсан газраа эдийн засгийн эргэлтэд оруулах гэдэг утгаар энэ хуулийг дэмжиж байна. Гэхдээ иргэд гарын үсэг зурсан тохиолдолд шүүхээр дамжихгүйгээр шууд дуудлага худалдаанд оруулах заалт маргаан дагуулж мэднэ. Хууль ёсоор байшин, барилга зэрэг үл хөдлөх хөрөнгөө барьцаалчихаад газрынхаа бичиг баримтыг зарах, бусдад худалдах асуудал гардаг. Тиймээс энэ бүхнийг нарийн зохицуулах нь чухал гэв.
Хууль зүйн сайд Д.Дорлигжав, “Л.Болд гишүүн Хууль зүйн байнгын хорооны хуралдааны үеэр хүүхдийн өмчийн газрыг эцэг эх нь худалдан борлуулахыг хориглох тухай санал хэлж байсан. Энэ нь Иргэний тухай хуультай зөрчилдөнө. Өөрөөр хэлбэл Иргэний хуульд насанд хүрээгүй хүүхдийн өмчийг эцэг эх, асран хамгаалагч нь захиран зарцуулна гэсэн заалттай зөрчилдөж байгаа юм. Газар болон үл хөдлөх хөрөнгийн барьцааны маргаан хуулийн байгууллагад ихээхэн хүндрэл учруулдаг. УИХ-д өргөн бариад буй Хөдлөх эд хөрөнгө болон эдийн бус хөрөнгийн барьцааны тухай хуульд үл хөдлөх хөрөнгө барьцаалсан үед газрыг нь хэрхэн шийдвэрлэх талаар заалт оруулсан” гэлээ.
Мөн УИХ-ын гишүүн Ц.Оюунгэрэл, “Энэ хуулийг хэлэлцэхийг дэмжиж байгаа. Гэхдээ Л.Болд гишүүний хэлсэн хүүхдийн өмчийн газрыг барьцаалах, худалдан борлуулах талаар нарийн судлах хэрэгтэй. Иргэний хуульд газрын талаар тусгайлсан заалт оруулж, хүүхдийн өмчийн газрыг худалдах, барьцаалахыг хориглосон ч болох юм” гэв.
Харин УИХ-ын гишүүн Ц.Баярсайхан, “2004 оноос иргэн бүрт газар өмчлүүлж эхэлсэн. Харин энэхүү газрыг эдийн засгийн эргэлтэд оруулахад ямар бодлого баримтлах вэ гэдгийг өнөөг хүртэл шийдвэрлээгүй байсан. Одоо харин холбогдох хуулийн төслийг сайжруулж байна. Гэхдээ газар барьцаалах, газар дээрх үл хөдлөх хөрөнгийг барьцаалах заалт оруулах хэрэгтэй” гэсэн санал хэллээ.
Түүнчлэн УИХ-ын гишүүн С.Ганбаатар, “Энэ хуулийн төслийг дэмжихгүй байна. Долоо хэмжиж нэг огтлох ёстой. Гэтэл энэ хуульд нарийн судалсан тоо баримт огт алга. Тиймээс нарийн тооцоо, судалгаанд тулгуурлан хуулийн төслийг боловсруулах нь зөв” гэлээ.
Ийнхүү санал хураалт явуулахад хуралдаанд оролцсон гишүүдийн 75.5 хувь дэмжиж, анхны хэлэлцүүлэгт бэлтгүүлэхээр Хууль зүйн байнгын хороонд шилжүүлэв.
-
2015 оны 5 сарын 28
Монгол Улсын Их Хурлын 2015 оны хаврын ээлжит чуулганы өнөөдрийн /2015.05.28.Пүрэв гараг/ үдээс өмнөх нэгдсэн хуралдаанаар Эрүүгийн хэрэг шалган шийдвэрлэх тухай хуулийн төслийн хэлэлцэх эсэх асуудлыг хэлэлцэж эхэллээ.
-
2015 оны 5 сарын 28
Тэрбээр мэдээлэл хийснийхээ дараа сэтгүүлчдийн сонирхсон асуултад хариулсан юм.
-Ураны асуудлаар яам ямар бодлого барьж ажиллаж байна вэ?
-Уран буюу цацраг идэвхит бодис бол маш чухал сэдэв. Уул уурхайн яам цацраг идэвхит ашигт малтмалын эрэл хайгуулыг үргэлжлүүлэх, ашиглах нь зүйтэй гэдэг байр суурийг баримталж байгаа. Ашиглана гэдгийг зөв ойлгох хэрэгтэй. Эрэл хайгуул хийгээд нөөцийг нь тогтоогоод олборлон шар нунтаг гаргаж авах хүртэл процессийг бид дэмжиж байгаа. Үүнээс цааш дараагийн процесс нь атомын цахилгаан станцын түлш болох юм. Манай улс бол үүнийг хийхгүй. Зөвхөн шар нунтаг буюу түүхий эдийг нь боловсруулах ёстой гэж боддог. Уул уурхайн яам энэ чиглэлээр үйл ажиллагаа явуулж байгаа аж ахуйн нэгжүүдийг бодлогоор дэмжиж ажиллаж байгаа. Дорноговь аймгийн нутагт 18 жил үйл ажиллагаа явуулсан Францын “Арева” компани Японы “Мицубиши” групптай хамтраад ихээхэн эрэл хайгуулж хийж, том нөөцийг тогтоосон юм билээ.
Газар дээр нь би сарын өмнө очиж танилцсан. Орон нутгийн удирдлага, иргэдтэй уулзсан. Орон нутгийнхан энэ төслийг цааш үргэлжлүүлэх явуулах байр суурьтай байна лээ. Энэ чиглэлээр сүүлийн үед Казахстан улс амжилтад хүрч байгаа юм билээ. Казахстан улсын үйл ажиллагаатай манайхан очиж танилцаж, судалсан байна. Ер нь цацраг идэвхит ашигт малтмалын салбарт олон улсын сонирхол байдаг. Үүнийг бид зөв зохистой хөгжүүлснээр Монгол Улсын эдийн засагт төдийгүй геополитикийн, улс төр, дипломат харилцааны хувьд ч маш чухал ач холбогдолтой болно гэж харж байгаа.
-Нефтийн үйлдвэр барих асуудал ямар түвшинд явж байгаа бол. Дарханд баригдах газрын тосны үйлдвэрийн төсөл яагаад зогссон бэ?
-Нефьт боловсруулах үйлдвэр нь шинэ Засгийн газрын зохион байгуулалтаар аж үйлдвэрийн яаманд харьяалагдаж байгаа. Тиймээс манай яамнаас бүх асуудал Аж үйлдвэрийн яаманд шилжсэн. Өнгөрсөн хугацаанд Японы хамтын ажиллагааны хүрээнд жилд хоёр сая тонн түүхий тос боловсруулах үйлдвэр байгуулах чиглэлээр судалгаа хийгдсэн. Энэ талаар зураг төсөл нь хүртэл бэлэн болсон. Гэхдээ хоёр шалтгааны үндсэн дээр энэ төсөл хэрэгжээгүй, зогссон.
Нэгдүгээрт, төсөвт өртөг нь бидний төсөөлж байсан өртгөөс маш их хэмжээгээр нэмэгдсэн. Хоёрдугаарт, Монгол Улсад олборлож байгаа түүхий тосон дээр түшиглэж, нефтийн үйлдвэр барих хэрэгтэй гэсэн байр сууринд хүрсэн. ҮАБЗ-өөс Монголд олборлож байгаа түүний тосоо шууд ашигла гэсэн нөхцөл тавьсан. Гэтэл “Дархан-Уул аймаг, Дорнодын Тамсаг хоёрын хооронд шууд шугамаар холбоход 1000 км зайтай. Үүнийг яаж холбох вэ гэдэг асуудал эдийн засгийн хувьд үр ашиг муутай. Энэ бүхнийг харгалзаад дээр төсөл зогсонги байдалд орсон. Аж үйлдвэрийн яамнаас зүүн, өмнөд, баруун бүсэд газрын тосны үйлдвэр барих судалгаа хийсэн. Эхлээд өмнө бүсдээ газрын тосны үйлдвэр байгуулах чиглэлээр эдийн засгийн үндэслэл боловсруулах ажил хийгдэж байна. Сэдвийн хувьд залгамж холбоо уламжлалыг хадгалж байгаа гэдгийг хэлэх нь зүйтэй байх.
-“Мон-93” бензинийг яагаад нийлүүлэхээ больсон бэ. Үнэ өртөг өндөр байв уу?
“Мон-93” бензин орж ирэхгүй болсон шалтгаан нь зах зээлийн үнэтэй холбоотой. ОХУ-тай бид тогтвортой, удаан хугацааны туршид маш сайн үнийн хэлэлцээр хийж чадсан. Энэ нь Мон-93 бензинээс хямд үнэтэй авах хэлэлцээ байсан гэж ойлгож байна. Тийм учраас ОХУ-аас хямд бензин аваад хэрэгцээгээ хангаж байгаа. Бүтээгдэхүүн хуваах гэрээ гэдэг нь нийт олборлож байгаа газрын тосныхоо хэмжээтэй уялдаад хувь харьцаа нь өөрчлөгдөж байдаг. Өөрөөр хэлбэл манай газрын тосны олборлолтын хэмжээ их болох тусам, хувь нэмэгдэж, бага байвал багасна. Энэ нь нөгөө тал бүх хөрөнгө оруулалтаа хийж, эрсдлийг нь даадаг. Харин манай зөвхөн зөвшөөрөл өгдөг. Энэ зарчим дээр тулгуурласан гэрээ. Өнөөдрийн байдлаар манай авах хувь 24 хувь байгаа. Өнөөдрийн байдлаар гэрээ хэлэлцээр ямар хэмжээнд яригдаж байгааг мэдэхгүй байна.
-
2015 оны 5 сарын 28
Сү. Батболд: Цэвэрлэх байгууламжийг шинэчлэхэд 1 тэрбум төгрөг хэрэгтэй
