-
2015 оны 5 сарын 26
Дэлхийн банкнаас хөнгөлөлттэй зээл авахыг дэмжсэнгүй
-
2015 оны 5 сарын 26
• УИХ-ын Хууль зүйн байнгын хорооны өнөөдрийн хуралдаанаар Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай хуулийн төслийн эцсийн хэлэлцүүлгийг хийв.
Энэхүү хуулийн зорилт нь УИХ-аас гарч буй хууль тогтоомжийг санаачлан боловсруулах, түүнд эрх зүйн магадлан шалгалт хийх, өргөн мэдүүлэх, батлагдсан хууль тогтоомжийг хэвлэн нийтлэх, олон нийтэд таниулах, түүний хэрэгжилтийг зохион байгуулах болон хууль тогтоомжийн хэрэгжилтэд хяналт шинжилгээ, үнэлгээ хийхтэй холбогдсон харилцааг зохицуулахад оршиж байгаа юм. Өөрөөр хэлбэл, хуулийг боловсруулахаас хэрэгжүүлэх хүртэлх харилцааг нэгдсэн аргачлал стандартад оруулж байгаа гэсэн үг юм. Тус хуулийн төсөл УИХ-д хэлэлцэгдсэн цагаасаа эхлэн гишүүдийн олонхийн дэмжлэгийг авч буй. Өнөөдрийн хэлэлцүүлгийн үеэр УИХ-ын гишүүн Ж.Батзандан, ”Эрх зүйн төөрдөг байшингаасаа гаръя гэж энэ хуулийг Засгийн газар өргөн барьсан байх. Хууль тогтоомж гэдэг нь өргөн ойлголт. Хуулийн төсөлд дэмжүүштэй заалтууд байна. Гэхдээ зорилго зорилтоо бүрэн хангаагүй гэж гэж үзэж байна” гэсэн юм. Харин УИХ-ын гишүүн Ц.Нямдорж, ”Монголын өнөөгийн хэрэгжиж буй хуулиуд олон улсын жишигт нийцүүлж хийсэн боломжийн хууль. Хууль төөрүүлээд байгаа гэхээсээ төрийн албан хаагчид төөрөлдөөд байна. Мэдлэг нимгэнтэй төрийн албан хаагч бол хуулинд их төөрнө дөө” гэсэн байр суурьтай байгаагаа хэлсэн. Мөн үеэр зарим гишүүд хөдөө орон нутгийн түвшинд гарч буй эрх зүйн баримт бичгүүд хэрээс хэтэрч байна гэсэн шүүмж хэлсэн ба үүний хариуд УИХ-ын гишүүн Х.Тэмүүжин, ”Захиргааны хэм хэмжээг Захиргааны хуулиар тогтооно. Энэ хууль нь зөвхөн УИХ-аас гаргах баримт бичигт хамаарна” гэсэн тайлбарыг хийж байв. Үүний зэрэгцээ хуулийг хэзээнээс дагаж мөрдөх вэ гэдэг дээр энэ хоёр ч санал гарсан. Иймд хэрэгжих хугацаа хэзээ байх вэ гэдэг дээр санал хураалт явуулахад энэ оны 7 дугаар сарын 15-наас гэдэг дээр санал нэгдлээ. Ингээд зарчмын зөрүүтэй саналууд дээр санал хураалт явуулснаар энэ удаагийн хэлэлцүүлэг өндөрлөв.
-
2015 оны 5 сарын 26
“Оюутолгой” ХХК-д хийсэн шалгалтын дүнгийн тухай мэдээлэл сонсох;
-
2015 оны 5 сарын 26
Мянганы сорилтын сангийн Гүйцэтгэх захирлыг хүлээн авч уулзав
-
2015 оны 5 сарын 26
Нийслэлийн НАМЗХ-г шинэчлэх түр хороо байгуулагдлаа
-
2015 оны 5 сарын 26
Эмнэлгүд нэгдсэн мэдээллийн санд холбогдоно
-
2015 оны 5 сарын 26
УИХ-ын Өргөдлийн байнгын хорооны дарга О.Баасанхүү өнөөдөр Төрийн ордонд улс төрийн хилс хэргээр хэлмэгдэгсэдийн ар гэрийнхэнтэй хамтарч хэвлэлийн бага хурал хийлээ. Тэрбээр, “Тус байнгын хороог ахалж ажилласнаас хойш улс төрийн хилс хэргээр хэлмэгдэгсэдийн ар гэрийнхэнд олгох нөхөн олговрын асуудлыг нааштайгаар шийдэж өгөөч, ингэхийн тулд зохих шатны байгууллагууд нь анхаарлаа хандуулж ажиллаач гэсэн өргөдөл гомдол тасралтгүй ирж байна. Одоогоор Улс төрийн хилс хэрэгт хэлмэгдэгсэдийг цагаатгах, тэдэнд нөхөн олговор олгох тухай хуулинд нэмэлт өөрчлөлт оруулах хуулийн төслийг өргөн барьсан. Тус хуулийн төслийг хэрэгжүүлэхэд ойролцоогоор 2 их наяд төгрөг шаардагдах юм байна гэсэн тооцоо байгаа юмсанхүүгийн нөхцөл байдлаас хамаарч батлагдах магадлал их муу байна. Гэтэл өнөөдрийн хэвлэлийн бага хуралд оролцож буй иргэдийн ихэнх нь дунджаар 80 хүрсэн, хэлмэгсдсэн хүмүүсийн үр хүүхдүүд юм. Нийт нөхөн олговор шаардагдах иргэд гэвэл 73-92 насны 400 орчим хүн байна. Өргөдлийн байнгын хороо Улс төрийн хилс хэрэгт хэлмэгдэгчдийн цагаатгах, тэдэнд нөхөн олговор олгох тухай хуулинд нэмэлт өөрчлөлт оруулах асуудлыг яаралтай хэлэлцэн батлах нь зүйтэй гэсэн байр суурьтай байгаа. Мөн нийгмийн халамжийн болон тэтгэвэр тэтгэмжийн тухай хуулинд өөрчлөлт оруулахыг шаардаж байгаа. Дээрх асуудалтай холбоотой УИХ-ын тогтоолын төслөө Ерөнхий сайдад хүргүүлсэн. Тогтоолын төслийн гол агуулга нь улс төрийн хилс хэргээр шийтгэгдсэн иргэдийн ар гэрийнхэн хөдөлмөрийн хөлсний хэмжээний 60 хувьтай тэнцэх хэмжээний тэтгэмж буюу 100 мянган төгрөгийг тэтгэвэр дээр нь нэмж сар бүр олгох асуудлыг хаврын чуулганд оруулах хэрэгтэй гэсэн асуудлыг тусгаж өгсөн. Өчигдөр Засгийн газар 30 гаруй асуудал хэлэлцсэн ч манай асуудлыг хэлэлцэх асуудлын жагсаалтад оруулаагүй байна. Манай энэ ахмадууд чинь төр засгийн шийдвэрийг хүлээж суухаар залуу халуун настай хүмүүс биш шүү. Тухайн үедээ энэ хүмүүс улс төрийн гэмт хэрэгтний хүүхдүүд гээд сургууль соёлд хамрагдаагүй, олигтой ажил төрөл эрхлээгүй байдаг. Иймээс тэд өнөөдөр энэ нийгмийн хамгийн ядуу амьдралтай хүмүүс болчихоод байна гэв
-
2015 оны 5 сарын 26
Хайгуулын тусгай зөвшөөрөл авах хүсэлтэй 956 аж ахуйн нэгж байна
-
2015 оны 5 сарын 26
- Б.Болдбаатарыг Гадаад хэргийн яамны Төрийн нарийн бичгийн даргын үүрэгт ажлаас өөрийнх нь хүсэлтээр чөлөөлж, Б.Энхзаяаг Шударга өрсөлдөөн, хэрэглэгчийн төлөө газрын зөвлөлийн гишүүнээр томилов.
-
2015 оны 5 сарын 26
Концессын “Барих-шилжүүлэх” төрлөөр хэрэгжүүлэх ”Дунд сургууль, сургуулийн өргөтгөл, цэцэрлэг барих төсөл”-ийн хүрээнд Улаанбаатар хотод 38, 73, 32, 14 дүгээр дунд сургууль, 10, 18, 146 дугаар цэцэрлэгийг тус тус буулгаж, барилга байгууламжийг барих концессын гэрээг “Залуучуудын нээлттэй боловсролын корпораци” ХХК-тай байгуулах эрхийг Хөрөнгө оруулалтын газарт олгож, гэрээ байгуулах ажлыг холбогдох хууль тогтоомжийн дагуу удирдан зохион байгуулахыг Аж үйлдвэрийн сайд Д.Эрдэнэбатад даалгалаа.
-
2015 оны 5 сарын 26
Сэлэнгэ аймгийн Хүдэр сумын нутаг дахь Төмөртэйн уурхайгаас Ерөө суманд орших “Болд төмөр Ерөө гол” ХХК-ийн төмөр замын Хандгайт өртөө хүртэл барьж байгуулах төмөр замын шугамын чиг, зурвас газрын эргэлтийн цэг, солбицлыг баталлаа.
-
2015 оны 5 сарын 26
Эрдэнэт –ийн ДЦС ачааллаа дийлэхээ больжээ
Засгийн газар ээлжит хуралдаанаа өчигдөр хийсэн. Хуралдаанаар хэлэлцсэн асуудлын талаар Ерөнхий сайдын зөвлөх Ц.Мөнхтөр мэдээлэл хийлээ. Засгийн газар Эрдэнэт-ийн дулааны цахилгаан станцыг шинэчлэх, Эгийн голын усан цахилгаан станцын эхний ээлжийн бүтээн байгуулалтыг концессийн гэрээгээр гүйцэтгүүлэхээр шийдвэрлэж, хаврын тариалалтын явцын талаар Хүнс, хөдөө аж ахуйн сайд Р.Бурмаагийн мэдээллийг сонссон байна.
Ерөнхий сайдын зөвлөх Ц.Мөнхтөрийн мэдээлснээр Эрдэнэт-ийн хүн ам, үйлдвэрийн эрчим хүчний хэрэглээ жилд 8-10 хувиар өсч байгаа аж. 1987 оноос хойш Эрдэнэт-ийн ДЦС 150 мянган цаг ажиллахаас 220 мянган цаг ажиллаад байгаа аж. Тиймээс өдрөөс өдөрт өсч байгаа цахилгаан дулааны хэрэглээгээ хангаж чадахгүй байгаа ДЦС станцыг шинэчлэх, зарим тоног төхөөрөмжийг шинэчлэх ажлыг 2015 онд эхлүүлэхийг Сангийн сайд, Эрчим хүчний сайдад үүрэг болгосон байна. Үүнд 85 сая ам.долларын санхүүжилт шаардагдах юм байна.
Хуралдаанаар хэлэлцсэн дараагийн асуудал нь Эгийн голын усан цахилгаан станцын ажлын эхний хэсгийг концессийн гэрээгээр гүйцэтгүүлэхээр болжээ. Эхний үе шатанд хийх дэд бүтцийн ажилд 70 гаруй км автозам, цахилгаан дамжуулах шугам, гүүрийн ажлууд багтаж байгаа юм байна. Гэхдээ сонгон шалгаруулалт явуулахгүйгээр шууд гэрээгээр байгуулах замаар хийхээр болжээ. Эгийн голын усан цахилгаан станцад нийтдээ 61 сая ам.долларын хөрөнгө шаардлагатай юм байна.
Түүнчлэн хуралдаанаар хаврын тариалалтын талаар Хүнс, хөдөө аж ахуйн сайд Р.Бурмаагийн мэдээллийг сонссон байна. Энэ жил 338 мянган га талбайд үр тариа тариалахаар төлөвлөсөн нь өмнөх оныхоос өссөн үзүүлэлт юм байна. Тариалан эрхлэгч иргэдийн зүгээс газар тариалан, малын бэлчээрийн заагийг ялгах, гаднаас орж ирж байгаа газар тариалангийн тоног төхөөрөмжийг засах сэлбэг хэрэгсэл авахад хүндрэл үүсч байгаа асуудлыг анхааралдаа авахыг хүссэн байна.
хахахахха
-
2015 оны 5 сарын 26
Монгол Улсын Ерөнхийлөгч Ц.Элбэгдорж энэ сарын 20-25-нд Япон Улсад ажлын айлчлал хийгээд өчигдөр орой эх орондоо иржээ.
-
2015 оны 5 сарын 26
1.Эдийн засгийн байнгын хорооны хуралдаан 09.00 цагаас “А” танхимд:
Хэлэлцэх асуудал:
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Боловсролын чанарын шинэчлэл төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Цахим эрүүл мэнд төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Ухаалаг засаг төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
Монгол Улсын Засгийн газар, Америкийн Нэгдсэн Улсын Мянганы сорилтын корпорацын хооронд байгуулах Мянганы сорилтын компакт гэрээг боловсруулахад дэмжлэг үзүүлэх буцалтгүй тусламжийн тухай хэлэлцээрийн төсөл /Засгийн газар 2015.05.18-ны өдөр өргөн мэдүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/;
“Эдийн засаг, нийгмийг 2016 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл /Засгийн газар 2015.04.30-ны өдөр өргөн мэдүүлсэн, анхны хэлэлцүүлэг/;
Эрчим хүчний тухай тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн А.Тлейхан нарын 6 гишүүн 2015.05.21-ний өдөр өргөн мэдүүлсэн, хэлэлцэх эсэх/;
Сэргээгдэх эрчим хүчний тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Улсын Их Хурлын гишүүн А.Тлейхан нарын 6 гишүүн 2015.05.21-ний өдөр өргөн мэдүүлсэн, хэлэлцэх эсэх/.
2.Төсвийн байнгын хорооны хуралдаан 09.00 цагаас “Б” танхимд:
Хэлэлцэх асуудал:
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Боловсролын чанарын шинэчлэл төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Цахим эрүүл мэнд төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Ухаалаг засаг төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
Монгол Улсын Засгийн газар, Америкийн Нэгдсэн Улсын Мянганы сорилтын корпорацын хооронд байгуулах Мянганы сорилтын компакт гэрээг боловсруулахад дэмжлэг үзүүлэх буцалтгүй тусламжийн тухай хэлэлцээрийн төсөл /Засгийн газар 2015.05.18-нд өргөн мэдүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/;
Татварын ерөнхий хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.05.11-ний өдөр өргөн мэдүүлсэн, анхны хэлэлцүүлэг/;
Эдийн засгийн ил тод байдлыг дэмжих тухай хуулийн төсөл /Засгийн газар 2015.01.13-ны өдөр өргөн мэдүүлсэн, хэлэлцэх эсэх/.
3.Агаарын бохирдлыг бууруулах асуудлын дэд хорооны хуралдаан 10.00 цагаас “В” танхимд:
Хэлэлцэх асуудал:
Агаарын бохирдлыг бууруулах үндэсний хороо, Цэвэр агаарын сангийн 2014 оны агаарын бохирдлыг бууруулах чиглэлээр хийж гүйцэтгэсэн ажил болон 2015 оны ажлын төлөвлөгөөг сонсох.
4.Аюулгүй байдал, гадаад бодлогын байнгын хорооны хуралдаан 14.00 цагаас “А” танхимд:
Хэлэлцэх асуудал:
Монгол Улсын Засгийн газар, Японы Олон улсын хамтын ажиллагааны байгууллага хооронд байгуулсан Улаанбаатар хотын олон улсын шинэ нисэх онгоцны буудал барих төслийн нэмэлт зээлийн хэлэлцээрийг соёрхон батлах тухай хуулийн төсөл /Засгийн газар 2015.05.22-ний өдөр өргөн мэдүүлсэн, соёрхон батлах/;
“Хүмүүнлэгийн тусламж үзүүлэх, гамшгийн үр дагаврыг арилгах болон Нэгдсэн Үндэстний Байгууллагын энхийг сахиулах ажиллагааны чиглэлээр сургалт хэрэгжүүлэхэд хамтран ажиллах тухай Монгол Улсын Засгийн газар, Япон Улсын Засгийн газар хоорондын хэлэлцээр”-ийн төсөл /Засгийн газар 2015.05.18-ны өдөр өргөн мэдүүлсэн, зөвшилцөх/;
Монгол Улсын Засгийн газар, Америкийн Нэгдсэн Улсын Мянганы сорилтын корпорацын хооронд байгуулах Мянганы сорилтын компакт гэрээг боловсруулахад дэмжлэг үзүүлэх буцалтгүй тусламжийн тухай хэлэлцээрийн төсөл /Засгийн газар 2015.05.18-ны өдөр өргөн мэдүүлсэн, зөвшилцөх/;
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Боловсролын чанарын шинэчлэл төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, зөвшилцөх/;
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Цахим эрүүл мэнд төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, зөвшилцөх/;
Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх ”Ухаалаг засаг төслийн санхүүжилтийн хэлэлцээр”-ийн төсөл /Засгийн газар 2014.06.23-ны өдөр өргөн мэдүүлсэн, зөвшилцөх/;
“Оюутолгой” ХХК-д хийсэн шалгалтын дүнгийн тухай мэдээлэл сонсох;
Бусад.
5.Хууль зүйн байнгын хорооны хуралдаан 14.00 цагаас “Б” танхимд:
Хэлэлцэх асуудал:
Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай /шинэчилсэн найруулга/ хуулийн төсөл /Засгийн газар 2015.01.23-ны өдөр өргөн мэдүүлсэн, эцсийн хэлэлцүүлэг/;
Архидан согтуурахтай тэмцэх тухай хуульд нэмэлт, өөрчлөлт оруулах тухай хуулийн төсөл /Засгийн газар 2015.04.30-ны өдөр өргөн мэдүүлсэн, анхны хэлэлцүүлэг/;
Ойн тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.02.17-ны өдөр өргөн мэдүүлсэн, анхны хэлэлцүүлэг, санал, дүгнэлтээ Байгаль орчин, хүнс, хөдөө аж ахуйн байнгын хороонд хүргүүлнэ/;
Шүүх байгуулах тухай /шинэчилсэн найруулга/, Монгол Улсын Шүүхийн тухай хуульд нэмэлт, өөрчлөлт оруулах тухай, Шүүх байгуулах тухай хуулийг хүчингүй болсонд тооцох тухай хуулийн төслүүд, Шүүгчийн орон тоо батлах тухай Монгол Улсын Их Хурлын тогтоолын төсөл /Монгол Улсын Ерөнхийлөгч 2015.05.18-ны өдөр өргөн мэдүүлсэн, хэлэлцэх эсэх/;
Бусад.
6.Хүний эрхийн дэд хорооны хуралдаан Хууль зүйн байнгын хорооны хуралдааны дараа “Б” танхимд:
Хэлэлцэх асуудал:
Эрүүгийн хэрэг шалган шийдвэрлэх тухай хуулийн төсөл /Засгийн газар 2015.04.30-ны өдөр өргөн мэдүүлсэн, санал, дүгнэлтээ Хууль зүйн байнгын хороонд оруулна/.
-
2015 оны 5 сарын 25
Засгийн газрын хуралдаанаар “Шинэ төмөр зам” төслийг хэлэлцэнэ
-
2015 оны 5 сарын 25
Монгол Улсын Их Хурлын дарга З.Энхболдод Улсын Их Хурлын гишүүн, Засгийн газрын Хэрэг эрхлэх газрын дарга С.Баярцогт Галын аюулгүй байдлын тухай хуулийн төсөл, Хөдлөх эд хөрөнгө болон эдийн бус хөрөнгийн барьцааны тухай хуулийн төслүүдийг өнөөдөр /2015.05.25/ өргөн барилаа.
-
2015 оны 5 сарын 25
“Шударга ёс” эвслийн бүлэг Ерөнхий сайдаас нэмэлт мэдээлэл авна
Даваа, 5 сарын 25 2015
Бичсэн Ч.Ариунболд
Хэвлэх
Email
“Шударга ёс” эвслийн бүлэг Ерөнхий сайдаас нэмэлт мэдээлэл авна
УИХ дахь “Шударга ёс” эвслийн бүлэг өнөөдөр хуралдаж, энэ долоо хоногт чуулганы нэгдсэн хуралдаанаар хэлэлцэх асуудлуудад өөрсдийн баримтлах байр сууриа нэгтгэжээ. Энэ талаар тус бүлгийн дарга Н.Батцэрэг мэдээлэл хийв.
Бүртгэлгүй хөрөнгийг ил гаргах, далд эдийн засгийг хумих зэрэг агуулгаар нь Эдийн засгийн ил тод байдлын тухай хуулийн төслийг дэмжих боломжтой. Шударгаар татвараа төлж, Монгол Улсын төсвийн орлогыг бүрдүүлдэг олон аж ахуйн нэгжийг урамшуулах нь зөв. Харин татвараас зайлсхийдэг аж ахуйн нэгжүүдийг энэ мэт хуулийн төслөөр байнга өршөөх нь зүйд нийцэхгүй гэж бүлгийн хуралдаанаар үзсэн хэмээн Н.Батцэрэг мэдээллийнхээ эхэнд хэллээ.
Тэрбээр, Эрчим хүчний тухай хуульд нэмэлт өөрчлөлт оруулах тухай, Сэргээгдэх эрчим хүчний тухай хуульд нэмэлт, өөрчлөлт оруулах тухай хуулийн төслүүдийг дэмжинэ. Мөн Шүүх байгуулах тухай хуулийн төслийг УИХ-д өргөн барьсан. Шүүхийн шинэчлэлийн хүрээнд өргөн барьсан хэд хэдэн хууль Үндсэн хууль зөрчсөн маргаан гарч байгаа. Тиймээс бүлгийн хуралдаанд Шүүхийн Ерөнхий Зөвлөлийн Ерөнхий нарийн бичгийн дарга Т.Мэндсайханыг урьж, шүүхийн байгууллагууд шинэчлэлийг хэрхэн хүлээж авч байгаа талаар сонсгол хийсэн” гэлээ.
Түүнчлэн, “Оюутолгойн далд уурхайн бүтээн байгуулалтын хөрөнгө оруулалтын хэлэлцээрийг дуусгаж, төлөвлөгөөнд гарын үсэг зурсан. Манай бүлгийн гишүүд Оюутолгой төслийн хөрөнгө оруулалт хурдан шийдэгдэж, эдийн засагт үр өгөөжөө өгөх ёстой гэдэгт санал нэгдэж байгаа. Гэхдээ хөрөнгө оруулалтын гэрээ Монгол Улсын эрх ашгийг хөндөж, хууль зөрчих ёсгүй. УИХ-ын зарим гишүүд Ерөнхий сайдыг огцруулах санаачилга гаргасан. Энэ санаачилгад манай бүлгийн гурван гишүүн нэгдсэн байгаа. Тиймээс маргааш буюу энэ сарын 26-нд бүлгийн ээлжит бус хуралдаан зарлаж, Ерөнхий сайд Ч.Сайханбилэгийг урьж, Оюутолгой төслийн далд уурхайн бүтээн байгуулалтын төлөвлөгөөний талаар дэлгэрэнгүй мэдээлэл авах нь зөв гэж үзсэн.
-
2015 оны 5 сарын 25
Япон,Монголын найрамдлын бүлгийн дарга С.Эда бараалхав
-
2015 оны 5 сарын 25
ШХАБ-ын гишүүн орнуудын Тээврийн сайд нарын 7 дугаар уулзалтын хүрээнд анх удаагаа Монгол Улс, ОХУ, БНХАУ-ын Тээврийн сайд нарын гурван талт уулзалт болов.
-
2015 оны 5 сарын 25
Хөшигийн хөндийд казино байгуулах санал гаргажээ
АН-ын өнөөдрийн бүлгийн хуралдаанаар хэлэлцсэн асуудлын талаар бүлгийн дарга Б.Гарамгайбаатар, дэд дарга С.Одонтуяа, Ж.Батзандан нар мэдээлэл хийлээ.
АН-ын бүлэг өнөөдрийн хуралдаанаараа Ерөнхий сайд, УИХ-ын даргын мэдээллийг сонссон байна. Ерөнхий сайд өнгөрсөн долоо хоногт Арабын нэгдсэн Эмират улсын Дубайд ажлын айлчлал хийх үеэрээ Оюутолгойн хэлэлцээрээс гадна амжуулсан ажлаа танилцуулжээ. Тодруулбал нэг тэрбум ам.долларын Хөрөнгө оруулалтын сан байгуулах санамж бичиг байгуулсан. Мөн гадаадын эдийн засгийн томоохон сонин сэтгүүлд ач холбогдолтой айлчлал болсон гэж мэдээлсэн нь Монголын эдийн засаг сэргэхэд томоохон түлхэц болно гэж үзжээ. АН-ын бүлгийн гишүүд Ерөнхий сайдад баяр хүргэж амжилт хүсчээ. Ерөнхий сайдыг Дубайн айлчлалын хүрээнд, Монголоос махан бүтээгдэхүүн экспортод гаргахаар болжээ. Энэ чиглэлээр манайд үйлдвэр байгуулах боломжтой талаар дурджээ. Үүнтэй уялдуулан махны экспортын стандартыг нэг түвшинд авчрах талаар санал хэлсэн байна.
Өнгөрсөн долоо хоногийн амралтын өдөр УИХ-ын дарга Хөшигийн хөндийн нисэх онгоцны буудалтай танилцсан талаараа мэдээлэл хийжээ. Олон улсын нисэх онгоцны буудлыг тойруулан казино, чөлөөт бүс байгуулах талаар УИХ-ын дарга өөрийн байр суурийг бүлгийн хуралдаанд хэлсэн байна. Энэ асуудлаар харилцан санал солилцож, Дубайгийн нисэх буудал дээр байрлах чөлөөт бүсийн загвараар Монгол Улсад чөлөөт бүс хөгжүүлэх боломж байна гэжээ. Дубайгийн чөлөөт бүс дэх жуулчдын 60-70 хувь нь Хятадууд байдаг аж. Тиймээс 6-7 цагийн нислэгтэй Дубайг зорьж буй Хятадууд 1-2 цаг нисээд Монголд ирэх нь давуу тал болно. Тиймээс казино байгуулах нэг компанид санал тавих нь оновчтой гэж УИХ-ын дарга саналаа хэлжээ.
Мөн өнөөдрийн хуралдаанаар гурван дэд ажлын хэсгийн мэдээллийг сонссон байна. Тус намын бүлгээс ажилгүйдэл, хот төлөвлөлт, шинэ хөдөө гэсэн гурван дэд ажлын хэсэг байгуулжээ. Хот төлөвлөлт, шинэ хөдөө ажлын дэд хэсгийн ахлагч С.Одонтуяа “Энэ долоо хоногт анхаарал тавьж ажиллах зүйл бол Шинэ яармаг төсөл. Яармагийг иргэд тэндээ сургалт үйлдвэрлэлийн төвд сураад ажлын байр, орон байраар хангагдах чухал төсөл дээр АН-ын бүлэг ажлын хэсэгт хуваагдаад ажиллаж байна” гэсэн юм.
Ажилгүйдлийг шийдэх дэд ажлын хэсгийг Ж.Батзандан гишүүн ахалж байгаа юм байна. Тус ажлын хэсэг 2012-2016 оны Засгийн газрын мөрийн хөтөлбөрт тусгагдсан томоохон төсөл хөтөлбөрүүдийг хэрэгжүүлэх ёстой гэж үзжээ. Тухайлбал, Цахилгаан торгоны замын төсөл, нүүрс шингэрүүлэх төсөл, Шинэ төмөр замын бодлого, Төмөрлөгйийн үйлдвэр барих зэрэг төслүүдийг эрчимтэй хөдөлгөх юм байна.
Ажлын хэсгүүд хүнд аж, үйлдвэрийн бодлогын баримт бичиг, Хот төлөвлөлтийн баримт бичиг, Хөдөөгийн хөгжлийн баримт бичгийг гаргах юм байна.
Үүний дараа сэтгүүлчдийн сонирхсон асуултад хариуллаа.
-Оюутолгойн далд уурхайн санхүүжилтийн төлөвлөгөөг шийдвэрлэсэн баримт бичгийг Сангийн сайд баталгаажуулж, гарын үсэг зурна гэсэн мэдээлэл байгаа.
- Төлөвлөгөөнд холбогдох хүмүүс гарын үсэг зурчихсан. Сангийн сайд нэмж гарын үсэг зурахгүй. С.Ганбаатар гишүүн л уг асуудлыг ярьж байгаа.
- Гүний уурхайн санхүүжилтийн зардлыг нэмж байгааг АН-ын бүлэг хэрхэн харж байна вэ?
- Уг ажил хэрэгжиж эхэлснээс нийт 6 тэрбум долларын хөрөнгө босгох эрх нь нээгдэж байна.
- Хүнд үйлдвэрийн томоохон төслүүдийн санхүүжилтийг хаанаас гарах юм бэ?
- Засгийн газрын баталгаагүйгээр 1 тэрбум долларын зээл олгох боломжтой гэж Японы тал Ерөнхийлөгчийг айчлах үеэр мэдэгдсэн байна. Мөн Энэтхэгээс 1 тэрбум долларын зээл орж ирнэ. Эмиратын хөрөнгө оруулалтын сангийн хүрээнд 1 тэрбум доллар мөн орж ирнэ. Тэгэхээр хүнд үйлдвэр хөдлөх боломжтой болж байна.
