-
2015 оны 10 сарын 20
Монгол Улс байнга төвийг сахих тухай хуулийн төслийг өргөн барив
-
2015 оны 10 сарын 20
Засгийн газрын бүтцийн тухай хуулийн төслийн хэлэлцүүлгийг хойшлуулав
-
2015 оны 10 сарын 20
АЖ Самбуу,МУГЖ Төмөрбаатар тэргүүтэй нөхдүүд бас МАХН-д элсэж бгаа юм бна
-
2015 оны 10 сарын 20
З.Баянсэлэнгэ: Хадгаламж зээлийн хохирогчдын хохирлыг яаралтай барагдуулмаар байна
-
2015 оны 10 сарын 20
Улсын хэмжээнд 646 тэрбум төгрөгийн татварын өр үүсчээ
-
2015 оны 10 сарын 20
Хууль зүйн байнгын хороо хуралдлаа
-
2015 оны 10 сарын 20
Тухайлбал, Прокурорын газраас тухайн албын ихэнх хэргийг өөрсдөө л хариуцах учиртай. Өөрөөр хэлбэл, цагдаа, АТГ хоёрын хэн нь ч шалгах боломжгүй хэргүүд бий гэж үзэж байгаагаа илэрхийлсэн юм.
-
2015 оны 10 сарын 20
Ш.Абэгийн Монгол дахь айлчлал дөрвөн цаг үргэлжилнэ
-
2015 оны 10 сарын 20
1.Хууль зүйн байнгын хорооны хуралдаан 09.00 цагаас “А” танхимд:
Хэлэлцэх асуудал:
Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийг дагалдан өргөн мэдүүлсэн хуулийн төслүүд /Засгийн газар 2015.10.06-ны өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Үндсэн хуулийн цэцэд итгэмжлэгдсэн төлөөлөгч томилох тухай асуудал /Үл хөдлөх эд хөрөнгийн барьцааны тухай хуулийн 47 дугаар зүйлийн 47.1, 53 дугаар зүйлийн 53.4, 53.5 дахь хэсэг Үндсэн хуулийн холбогдох заалтыг зөрчсөн эсэх тухай/.
2.Төрийн байгуулалтын байнгын хорооны хуралдаан 09.00 цагаас “Б” танхимд:
Хэлэлцэх асуудал:
Монгол Улсын Засгийн газрын тухай хуульд нэмэлт, өөрчлөлт оруулах тухай, Төрийн албаны тухай хуулийн зарим заалтыг хүчингүй болсонд тооцох тухай, Гүйцэтгэх ажлын тухай хуульд өөрчлөлт оруулах тухай, Шинжлэх ухаан, технологийн тухай хуульд өөрчлөлт оруулах тухай, Авлигын эсрэг хуульд өөрчлөлт оруулах тухай, Нийтийн албанд нийтийн болон хувийн ашиг сонирхлын зөрчлийг зохицуулах, ашиг сонирхлын зөрчлөөс урьдчилан сэргийлэх тухай хуульд өөрчлөлт оруулах тухай хуулийн төслүүд, “Төрийн захиргааны байгууллагын тогтолцоо, бүтцийн ерөнхий бүдүүүвчийг шинэчлэн батлах тухай” Улсын Их Хурлын тогтоолын төсөл /Засгийн газар 2015.10.06-ны өдөр Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийн хамт өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийг дагалдан өргөн мэдүүлсэн хуулийн төслүүд /Засгийн газар 2015.10.06-ны өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.
3.Төсвийн зарлагын хяналтын дэд хорооны хуралдаан 10.00 цагаас “В” танхимд:
Хэлэлцэх асуудал:
Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийг дагалдан өргөн мэдүүлсэн хуулийн төслүүд /Засгийн газар 2015.10.06-ны өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.
4.Байгаль орчин, хүнс, хөдөө аж ахуйн байнгын хорооны хуралдаан 14.00 цагаас “А” танхимд:
Хэлэлцэх асуудал:
Тариалангийн тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.10.14-ний өдөр өргөн мэдүүлсэн, хэлэлцэх эсэх/;
Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийг дагалдан өргөн мэдүүлсэн хуулийн төслүүд /Засгийн газар 2015.10.06-ны өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.
5.Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “Б” танхимд:
Хэлэлцэх асуудал:
Эмнэлгийн тусламж, үйлчилгээний тухай болон холбогдох бусад хуулийн төслүүд /Засгийн газар 2015.10.14-ний өдөр өргөн мэдүүлсэн, хэлэлцэх эсэх/;
Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийг дагалдан өргөн мэдүүлсэн хуулийн төслүүд /Засгийн газар 2015.10.06-ны өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Эрүүл мэндийн даатгалын тухай хуулийг дагаж мөрдөх журмын тухай хуульд нэмэлт, өөрчлөлт оруулах тухай хуулийн төсөл /Засгийн газар 2015.10.06-ны өдөр Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийн хамт өргөн мэдүүлсэн, хэлэлцэх эсэх, санал, дүгнэлтээ Төсвийн байнгын хороонд хүргүүлнэ/.
-
2015 оны 10 сарын 19
Казахстан Улсын төлөөлөгчдийг хүлэээн авч уулзав
-
2015 оны 10 сарын 19
-Сонгуулийн тухай хуульд ажлын хэсгийн гишүүд 2-3 асуудалд санал нэгдэж чадахгүй байгаа учраас өргөн барих боломжгүй гэж Р.Бурмаа гишүүн хэлж байсан. Та Сонгуулийн тухай хуульд ямар байр суурьтай байна вэ?
-УИХ-ын гишүүн Р.Бурмаагийн ахалсан том ажлын хэсэг. Энэ ажлын хэсэг дхолимог системд өөрчлөлт оруулах уу, намын жагсаалтаар сонгох бол ямар байх вэ гэдэг дээр өөрчлөлт оруулахаар ярьсан. Бидний хувьд сонгогч ямар ч тохиолдолд хүнээ сонгоно гэсэн байр суурьтай байгаа. Сонгогч намын рейтэнгийг тодорхойлно гэдэг байр суурин дээр байгаа. Засгийн газраас санал авахаар өргөн барьсан Сонгуулийн хуульд найман зүйл заалт хүргүүлсэн. Хяналтын тооллого хийх, төрийн байгууллагуудын ажиллах эрх хэмжээ, нэр дэвшүүлэх тухай, төрийн албан хаагчийн оролцооны тухай нийт найман зүйл заалтад өөрчлөлт оруулах санал хүргүүлсэн. Нэр бүхий гишүүд энэ төслийг өргөн барьсан.
-
2015 оны 10 сарын 19
УИХ-ын гишүүн Ц.Даваасүрэн, Г.Уянга, Х.Болорчулуун нар өнгөрөгч амралтын өдрүүдэд Халхголд очиж ажилласан байна. Тиймээс тэдгээр гишүүд бие даагч гишүүдийн мэдээллийн цагаар Халх голд ажилласан томилолтдоо тулгуурлан тус бус нутагт байдал ямар байгааг сэтгүүлчдэд мэдээллээ.
Мэдээллийн эхэнд Ц.Даваасүрэн гишүүн хэлэхдээ, “Халх голд Монголын төр байна уу гэмээр нөхцөл байдал үүссэн байна билээ. Өнөөдөр тэнд хэн дуртай нь орж ирж хадлангаа хаддаг, байгаа баялагийг нь аваад явдаг, хил гаалийнхнийг нь янз бүрийн аргаар аргачихсан ийм л дүр зураг харагдаж байна” гээд тухайн бүс нутгийг дэлхийн малын эрүүл бүс болгоод, түүнийгээ дэлхий нийтэд зарлаад, малаа экспортод гаргадаг чиглэл рүү анхаарч ажиллах хэрэгтэй гэлээ. Түүнчлэн тэрбээр цааш хэлэхдээ, “Халх гол гэдэг чинь Нидерландын газар нутгаас 2-3 дахин том. Нидерланд улс гэхэд Европ тив битгий хэл дэлхийн ХАА-н бүтээгдэхүүний гол ханган нийлүүлэгч орон. Тийм том боломж бидний өмнө байхад харийнхний амьдрах нутаг болгож байгааг орон нутгийн иргэд эрс эсэргүүцэж байна. Энэ талаар биднийг ярихаар популист гэдэг. Тиймээс хэвлэлийнхэн Халх гол очиж ажиллаж хэрэгтэй байна” гэсэн юм.
Түүнчлэн УИХ-ын гишүүн Ц.Даваасүрэн энэ үеэр цалин тэтгэвэр нэмэх тал дээр эх үүсвэр цөөнгүй байгаа гэсэн байр суурьтай байгаагаа хэллээ. Тухайлбал, Оюутолгойн төсөл дээр зөвлөгөө авах нэрээр төсөвлөсөн 10 тэрбум төгрөгийг танах, Онцгой албан татварын хувь хэмжээг нэмэгдүүлэх, үр ашиггүй хөрөнгө оруулалтыг хасах замаар цалинг нэмэх бололцоотой. Архи тамхи, бензин шатахуунд оногдуулж буй онцгой албан татварын хэмжээг өнөөдрийн үйлчилж буй 1450 төгрөгөөс 2000 болгож нэмэгдүүлвэл 80 тэрбум төгрөгийн эх үүсвэрийг олох бололцоотой. Энэ саналаа холбогдох ажлын хэсгүүдэд хүргүүлнэ. гэв.
УИХ-ын гишүүн Х.Болорчулуун, “Салбарын яамныхан Халх голд хоёр ч удаа очиж ажиллана гэсэн ч хойшлуулсан. Үнэнтэй нүүр тулах болохоор тэнд очиж ажиллахгүй байна. Чөлөөт бүс гэдэг бол улс доторх улс. 500 мянган га-г хашаалсан чөлөөт бүс гэж дэлхийн хаа ч байхгүй. Чөлөөт бүсийн талаарх тогтоолоо цуцлахгүй юм бол тэмцлийн хэлбэрт шилжинэ” гэв.
УИХ-ын Г.Уянгыг Халх голд ажиллах үеэр хятадууд малчдын өвөлжөөний өвсийг хадчихсан, зам зуур газрын тоос ачсан машины тоос тасрахгүй, зогсоогоод зам асуух гэхээр хятад дугаартай хятад жолооч нар тааралдаж байсан аж. Тэнд монгол айл тааралдахгүй, тааралдсан иргэд нь “Бид зээл зээр хоёроор амьдарч байна. Гэтэл зээр ч үгүй боллоо” хэмээн халаглаж, Засгийн газрын гишүүдийг орон нутагт ирж ажиллаач ээ хэмээн хэл дуулгасан байна. Иргэдэд УИХ-ын гишүүд байдлыг эерэгээр тайлбарлахыг оролдож байсан ч иргэд өмнө нь газрын тосноос ашиг хүртэж чадаагүй. Үүнээс ч ашиг хүртэх боломж харагдахгүй байна. Энэ асуудлыг хүчингүй болгож өгөөч гэж байсан гэж Г.Уянга гишүүн ярьлаа.
-
2015 оны 10 сарын 19
УИХ дахь АН-ын бүлэг өнөөдөр ээлжит хуралдаанаа хийж, хурлаар хэлэлцсэн асуудлын талаар бүлийн дарга Б.Гарамгайбаатар мэдээлэл хийлээ. Өнөөдрийн хуралдаанаар төсөв тойрсон асуудлуудыг ярилцсан байна. Мөн УИХ-ын дарга З.Энхболд, Ерөнхий сайд Ч.Сайханбилэг, Төсөвтэй холбоотойгоор АН-ын бүлгээс байгуулсан Ажлын хэсгийн ахлагч мэдээлэл хийжээ. Мөн Тариалангийн тухай хуулийн төслийн талаар хэлэлцсэн байна. Засгийн газар Гацууртын ордтой холбоотой гэрээ хэлцлийн талаар Синтерра Гоулд компанитай тохиролцоонд хүрсэн тухай Ерөнхий сайд мэдээлсэн байна. АН-ын бүлгээс Гацууртын ордыг ашиглах тухай хуулийн төслийг өргөн барихдаа Ноён уулыг тусгай хамгаалалтад авах тухай хуулийн төсөлтэй хамт өргөн барихыг үүрэг болгожээ.
УИХ дахь АН-ын бүлгийн дарга Б.Гарамгайбаатар “Зарим хэвлэл мэдээллийн хэрэгслээр АН-ыг задарч, 2-3 нам шинээр байгуулагдаж байгаа тухай мэдээлэл гарсан. АН-ын бүлгийн даргын хувьд АН задраагүй, өөр нам, эвсэл байгуулагдаагүй гэдгийг албан ёсоор хэлье. Нам байгуулж, АН-аас гарч байгаа гэх нэр нь яригдаж байгаа гишүүдээс бүлгийн даргын хувьд тодруулахад тийм асуудал огт байхгүй гэсэн мэдээлэл надад өгсөн.
Төсвийн ажлын хэсгээс Төрийн захиргааны албан хаагдчын цалинг хасах асуудал нэлээд маргаан дагуулж байгаа тухай мэдээлэлдээ дурьдсан. АН-ын бүлэг Засгийн газраас өргөн барьсан төслөөр нь батлахад анхаарах болно. Төсөв хувийн хэвшлийн татвараас бүрддэг. Төрийн захиргааны албан хаагдчын цалинг 10 хувиар хасах нь хувийн хэвшлийн ажиллах боломжийг нээж байгаа юм. Бүтцийн өөрчлөлттэй холбоотойгоор 3000 хүн ажлаас чөлөөлөгдөж байгаа. АН эдгээр хүмүүсийг давтан сургалтад хамруулах, хувийн хэвшилд ажиллах боломжийг нь нээж өгөх хэрэгтэй гэдэгт санал нэгдсэн. МАН өмнө нь төрийн албан хаагчийн тоо өссөн талаар шүүмжилж байсан бол өнөөдөр 3000 мянган хүнийг ажилгүй болголоо хэмээн улс төрийн суртал, ухуулга хийж байна. Бүтцийн асуудлыг 2016 оны наймдугаар сарын 1-нээс хэрэгжиж эхэлнэ. Гэхдээ энэ асуудал 2015 оны төсвийн тодотголтой давхар өргөн мэдүүлсэн. ЗГХЭГ-ын дарга С.Баярцогт, “Тодотголтой хамт өргөн мэдүүлснээр 2016 оны төсөвт хүндрэл учруулахгүй байх боломжийг бүрдүүлэх зорилготой. Тиймээс АН-ын бүлэг үүнд өөрчлөлт оруулахгүйгээр анх өргөн мэдүүлсэн төслөөр нь дэмжих хэрэгтэй” хэмээн тайлбарласан. Үүнд бүлэг санал нэгдсэн.
Тэд мэдээлэл хийснийхээ дараа сэтгүүлчдийн асуултад хариуллаа.
-Бүтцийн өөрчлөлтөөр ажилгүй болох 3000 хүнийг сургалтад хамруулна гэхээр дахин зардал гарахын биш үү. Нөгөө талаар хувийн хэвшлийхэн ажилчдаа цөөлж байхад шинэ ажилтан авч чадах уу?
-Төсвийн шинэчлэл, бүтцийн өөрчлөлт хийж байгаа. Бүтцийн өөрчлөлтөд зайлшгүй 3000 орчим хүн хамрагдана гэсэн тооцоо гарсантай холбоотойгоор ийм асуудал ярьж байгаа юм. Шийдлийн Засгийн газар, үүний өмнөх Засгийн газрыг байгуулж байхад төсөв хэтрүүллээ, маш олон хүнийг ажилд авч байна, яам тамгын газруудад танил талаа харж олон хүнийг ажилд авч байна, энэ нь төсөв хүндрүүлээд байна гэж сөрөг хүчингүүд ярьж байсан. Энэ нь алдаа байгаад, үүнийгээ засч залруулъя, бүтцийн өөрчлөлт хийе гэхээр 3000 хүнийг ажилгүй болголоо гэх юм. Тэгэхээр бүтцийн өөрчлөлтөд хамрагдах эдгээр хүнийг зүгээр ажилаас нь чөлөөлөөд орхих биш, давтан сургалтад хамруулах юм. Үүнд төсвөөс мөнгө гарахгүй. Хувийн хэвшилд шилжүүлнэ гэдэг нь эдгээр хүн зах зээлийн жам ёсоор хувийн хэвшилд ажиллах боломж бий гэсэн саналыг хэлж байгаа юм.
-Яг ямар албан тушаалтан цомхотголд орж байгаа вэ?
-Төрийн захиргааны албан хаагчидын асуудал яригдаж байгаа. Мөн давхардсан албан тушаалууд орж байна. Улс төрийн албан тушаалтангуудын цалинг 30 хувиар хасч байгаа.
-Төсөв хүнд байна, таналт хийх ёстой гэж 3000 төрийн албан хаагчийг цомхотгоно гэж ярьж байна. Тэгсэн хэрнээ, Оюутолгойн гэрээнд зөвөлгөө авахах төлбөрийг төсвийн тодотголд оруулж ирсэн байна. Энэ төлбөрийн мөнгийг яагаад ингээд дахин дахин оруулж ирээд байгаа юм бэ?
-Оюутолгойн асуудлыг өнөөдрийн бүлгийн хурал дээр ярьсангүй. Энэ талаарх мэдээллийг Ерөнхий сайд өгсөн нь илүү дээр байх. Ямар ч байсан Оюутолгойн гэрээ хүчин төгөлдөр хэвээрээ байгаа. Аль аль тал нь гэрээгээр хүлээсэн үүргээ биелүүлэх үүрэгтэй. Тэр хуулийн хүрээнд л явж байгаа.
-Халх голд чөлөөт бүс байгуулах асуудал дээр танай намын бүлэг ямар байр суурьтай байгаа вэ?
-ХХАА-ын яам өнгөрсөн долоо хоногт Халх голоор тусгайлан хэлэлцүүлэг явуулсан. Тэрэн дээр илүү тодорхой мэдээлэл өгсөн байх гэж бодож байна. Өнөөдөр бүлэг дээр Халх голтой холбоотой асуудал яриагүй.
-Ерөнхий сайдыг огцруулах асуудал дээр танай намын бүлгийн гишүүдээ зурсан хүн байгаа юу
-надад байгаа мэдээллээр 14 гишүүн гарын үсэг зурсан гэсэн. АН-аас нэг гишүүн гарын үсэг зурсан байгаа.
-Танай намын зарим гишүүд нам байгуулж тусдаа гарсан гэсэн асуудал яригдаад байна. Энэ үнэн үү?
-Хэвлэлээр Ардчилсан намыг гурав задарчихсан гээд бичээд байна. Өнөөдрийн байдлаар нэр заагдсан хүмүүстэй бүлгийн даргын хувиар уулзсан. Ямар нэгэн өөр нам байгуулж, зохион байгуулалтад орсон зүйл байхгүй. Тийм учраас АН-д ямар нэгэн задрал явагдаагүй гэдгийг албан ёсоор хэлье.
-Гацууртын ордын асуудал Их хурал дээр хоёр, гурван удаа орж ирээд буцаагдсан. Засгийн газраас дахин өргөн барих гэж байгаа юм байна. Үүнийг бүлэг дэмжиж байгаа юу. Дахин, дахин өргөн барих гээд байгаа шалтгаан юу юм бол. Ард нь ямар нэгэн ашиг сонирхол яваад байгаа юм биш үү.
-гацууртын орд байнгын хардлага явж байдаг. Гацууртын түрүүчийн УИХ-ын чуулганаар батлах гэж байхад нь сэтгүүлчид Гацуурт руу бүгд явсан. Түүнээс хойш ямар түвшинд байгааг сэтгүүлчид хэвлэл, мэдээллийн хэрэгсэлээр гаргасан. Энэ асуудлыг дахиад эдийн засгийн хүнд байдал руу шилжүүлэхгүйн тулд зайлшгүй ашиглах ёстой гэдэг нь тодорхой байгаа юм. Засгийн газар, Бороо гоулд компанитай УИХ-ын гаргасан шийдвэрийн дагуу гэрээ хэлцэлд ороод асуудал нь тохиролцоонд хүрсэн гэдгийг Ерөнхий сайд хэлсэн. Тиймээс УИХ-д энэ асуудлыг эргэж оруулж ирэх шаардлагатай болсон гэсэн. Үүнийг АН-ын бүлэг дэмжиж байгаа. Нэг ёсондоо Гацууртын уурхайг ашиглахыг дэмжиж байна. Үүнтэй хамтраад Ноён уулыг тусгай хамгаалалтад авах хуулийн төслийг хамт оруулж ирэх шаардлага тавьсан.
-Засгийн газрын бүтцийн өөрчлөлтийг 2016 оны нэгдүгээр сарын 1-нээр оруулж ирж чадахгүй байгаа юм бэ. Наймдугаар сарын 1-нээс хэрэгжүүлнэ гэхээр дараагийн Засгийн газрын үйл ажиллагааны эрхэнд халдсан үйлдэл болохгүй юу?
-Нэг ёсондоо дараагийн Засгийн газрын үйл ажиллагаанд халдаж байна гэсэн шүүмжлэлийг нэг талааараа хүлээж авах боломжтой. Нөгөө талаар хүлээж авахгүй байх нөхцөл бүрдсэн байна. 2016 оны төсвийн төсөл дээр бүтцийн асуудал яригдаагүй. Саяын Засгийн газрын хэрэг эрхлэх газрын даргын өгч байгаа мэдээлэлээр 2015 оны төсвийн тодотголыг дагаж бүтцийн өөрчлөлт орж ирж байгаа. Тэгэхээр энэ асуудлыг шийдээд явчихвал өөр бүтцээр ажиллах боломжийг бүрдүүлж байна гэж тайлбарлаж байна. Нэгдүгээр сарын 1-нээс өөрчөлж болох эсэх асуудлыг Ардын нам яриад эхэлчихсэн. Энэ бол цэвэр тоглолт явагдаж байгаа. Ерөнхий сайдын өгсөн мэдээллээр бид энэ хуулийг батлан гаргасны дараагаар хэрэгжих хугацаа болтол зохион байгуулалтын зайлшгүй цаг хугацааг шаардаж байна гэсэн. Үүнтэй холбогдуулан наймдугаар сараас хэрэгжиж эхэлбэл илүү боломжтой юм гэсэн тайлбарыг өгсөн.
-
2015 оны 10 сарын 19
ххх
-
2015 оны 10 сарын 19
Ирэх 7 хоногт УИХ-ын чуулганаар доорх асуудлуудыг хэлэлцэхээр товложээ.
НЭГ.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:
10 дугаар сарын 19-ний Даваа гарагт:
Улсын Их Хурал дахь Ардчилсан намын бүлгийн хуралдаан “А” танхимд;
Улсын Их Хурал дахь Монгол ардын намын бүлгийн хуралдаан “Б” танхимд;
Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.
ХОЁР.АЖЛЫН ХЭСГИЙН ХУРАЛДААН:
10 дугаар сарын 19-ний Даваа гарагт:
Худалдааны тухай хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын дэд хэсгийн хуралдаан 10.00 цагаас 334 тоот өрөөнд;
Хөгжлийн бодлого төлөвлөлтийн тухай хуулийн төслийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулсан ажлын дэд хэсгийн хуралдаан 14.00 цагаас 334 тоот өрөөнд;
Хамтын тэтгэврийн тухай хуулийн төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 14.00 цагаас “Г” танхимд;
Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуулийн төслүүдийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулсан ажлын хэсгийн хуралдаан 14.00 цагаас “В” танхимд;
“Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төслийн талаарх Байгаль орчин, хүнс, хөдөө аж ахуйн байнгын хорооны нээлттэй хэлэлцүүлэг 14.00 цагаас Хөдөө аж ахуйн их сургуулийн Эрдмийн зөвлөлийн танхимд.
-
2015 оны 10 сарын 19
2015 оны 10 сарын 16-ны өдрийн 14.00 цагт ”Дорнод аймгийн газар ашиглалтын байдал, хөдөө аж ахуй, Халх гол чөлөөт бүс” сэдэвтэй уулзалт ярилцлага болсоныг та бүхэн надаар хэлүүлэлтгүй мэдэж байгаа биз ээ.
-
2015 оны 10 сарын 18
Нийслэлийн дагуул Багануур хотын захирагчийн сонгууль өглөөний 7 цагт албан ёсоор эхэлж сонгогчид харьяа хэсгийн хорооны санал авах байранд саналаа өгч байна. 15:00 цагийн байдлаар 1 дүгээр хэсгийн хорооны 5728 сонгогч нэрсийн жагсаалтад бичигдсэнээс 1161 иргэн саналаа өгсөн байна. Харин 2 дугаар хэсгийн хорооны хувьд 421 сонгогчоос 151 иргэн саналаа өгсөн бол 3 дугаар хэсгийн хорооны 5429 сонгогчоос 1243 иргэн 4 дүгээр хэсгийн хорооны 3231 сонгогчоос 908 сонгогч 5 дугаар хэсгийн хорооны 4215 сонгогчоос 934 сонгогч тус тус саналаа өгсөн байна. Дүүргийн хэмжээнд нийт 19024 иргэн сонгогчдын нэрсийн жагсаалтад бичигдсэнээс 4394 сонгогч саналаа өгч ирц 23,11 хувьтай байна. Санал хураалт 22:00 цаг хүртэл үргэлжлэх бөгөөд
-
2015 оны 10 сарын 18
УИХ-ын дарга З.Энхболд өчигдөр БНМАУ-ын тусгаар тогтнолын тухай бүх ард түмний санал асуулга явуулсаны 70 жилийн ойн хүрээнд зохион байгуулагдаж буй эрдэм шинжилгээний бага хуралд оролцов.
З.Энхболд хурлыг нээж хэлсэн үгэндээ, БНМАУ-ын Бага Хурлын тэргүүлэгчид бүх ард түмний санал асуулга явуулах тогтоол гаргасан нь Монгол Улсын тусгаар тогтнолд түүхэн ач холбогдолтой шийдвэр байсан юм. Тухайн үед бүх нийтийн санал асуулгын санал хураалт явуулсан зарчим нь монголчуудын хувьд анхны ардчилсан сонголт байсан гэж бид үзэж байгаа юм. Үүнийг олон баримтаар нотолж болно. Хэдийгээр санал өгсөн нийт иргэдийн 54 орчим хувь нь бичиг үсэг мэддэг байсан хэдий ч анх удаа явагдсан бүх нийтийн салан асуулгад хүн бүр идэвхтэй оролцож, улс орныхоо тусгаар тогтнолыг баталгаажуулж, ардчилсан сонголтоо хийж чадсан ард түмнээрээ Монголын залуучууд, хойч үе бахархах учиртай. Тийм ч учраас бид энэ өдрийг тэмдэглэн өнгөрүүлэх учиртай гэлээ. Түүнчлэн энэ түүхэн өдрийг хэрхэн тэмдэглэх, бүх нийтийн санал асуулгын түүхэн ач холбогдлыг судлах, дэлгэрүүлэхэд эрдэмтэн судлаачид их зүйл хийнэ гэдэгт итгэж байгаагаа тэмдэглээд хурлын ажиллагаанд амжилт хүсэв.
Нээлтийн арга хэмжээний дараа Улсын Их Хурлын дарга З.Энхболд бүх ард түмний санал хураалтын түүхэнд холбогдох сонирхолтой баримт, гэрэл зургууд, дурсгалт эд зүйлсийг дэлгэсэн “БНМАУ-ын тусгаар тогтнолын тухай бүх ард түмний санал хураалт-70 жил” тусгай үзэсгэлэнг үзэж сонирхлоо.
1945 онд Холбоотны гүрнүүд Ялтын бага хурлын үеэр БНМАУ-ын статусыг хөрш орон болох Дундад иргэн улсаар хүлээн зөвшөөрүүлэх шаардлага тавьжээ. Харин тус улс 1945 оны 08 дугаар сарын 14-нд БНМАУ-ын тусгаар тогтнолыг одоо байгаа хилийнх нь хүрээнд, ард түмнийх нь санал хураалтын үр дүнгээс шалтгаалан авч үзэж болох тухай нот бичгийг ирүүлжээ. Үүний дараа БНМАУ-ын Бага Хурлын тэргүүлэгчид тогтоол гаргаж, тусгаар тогтнолын асуудлаар бүх нийтийн санал хураалт явуулахаар шийдсэн байна. Санал хураалтад 494.960 хүн оролцож, бүгд тусгаар тогтнолоо батлан зөвшөөрчээ. Монголын ард түмэн асар их хүчин чармайлтын үр дүнд 1946 оны 01 дүгээр сарын 12-ны өдөр Дундад иргэн улсаас БНМАУ-ын тусгаар тогтнолыг хүлээн зөвшөөрсөн нот бичгийг хүлээн авсан байна. Энэхүү түүхэн үйл явдлын 70 жилийн ойн хүрээнд Шинжлэх ухааны академийн Түүх, Архелогийн хүрээлэн, Архивын Ерөнхий газар, Монголын Үндэсний түүхийн музей, МАХН хамтран энэхүү эрдэм шинжилгээний хурлыг зохион байгуулж байгаа юм байна.
Тус арга хэмжээнд Улсын Их Хурлын гишүүн, Засгийн газрын гишүүн, Монгол Улсын Шадар сайд Ц.Оюунбаатар, Улсын Их Хурлын гишүүн, Засгийн газрын гишүүн, Байгаль орчин, ногоон хөгжил, аялал жуулчлалын сайд Н.Батцэрэг, Улсын Их Хурлын гишүүн, Засгийн газрын гишүүн, Барилга хот байгуулалтын сайд З.Баянсэлэнгэ, Засгийн газрын гишүүн, Эрүүл мэнд, спортын сайд Г.Шийлэгдамба болон албаны бусад хүмүүс оролцсон юм. Түүнчлэн Түүх, Архелогийн хүрээлэн, Олон улсын харилцааны хүрээлэн, ҮТА, МУИС, МУБИС, Улаабаатар их сургууль зэрэг судалгаа, сургалтын байгууллагын эрдэмтэн, судлаачид 1945 оны тусгаар тогтнолын тухай бүх ард түмний санал хураалтын түүхэн ач холбогдол, зохион байгуулалтын бэлтгэл ажил болон явцын талаар болон өдгөө архивт хадгалагдаж байгаа баримтуудад тулгуурласан илтгэлүүдийг танилцуулав хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 10 сарын 18
НЭГ.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:
10 дугаар сарын 19-ний Даваа гарагт:
Улсын Их Хурал дахь Ардчилсан намын бүлгийн хуралдаан “А” танхимд;
Улсын Их Хурал дахь Монгол ардын намын бүлгийн хуралдаан “Б” танхимд;
Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.
ХОЁР.АЖЛЫН ХЭСГИЙН ХУРАЛДААН:
10 дугаар сарын 19-ний Даваа гарагт:
Худалдааны тухай хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын дэд хэсгийн хуралдаан 10.00 цагаас 334 тоот өрөөнд;
Хөгжлийн бодлого төлөвлөлтийн тухай хуулийн төслийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулсан ажлын дэд хэсгийн хуралдаан 14.00 цагаас 334 тоот өрөөнд;
Хамтын тэтгэврийн тухай хуулийн төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 14.00 цагаас “Г” танхимд;
Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуулийн төслүүдийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулсан ажлын хэсгийн хуралдаан 14.00 цагаас “В” танхимд;
“Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төслийн талаарх Байгаль орчин, хүнс, хөдөө аж ахуйн байнгын хорооны нээлттэй хэлэлцүүлэг 14.00 цагаас Хөдөө аж ахуйн их сургуулийн Эрдмийн зөвлөлийн танхимд.
-
2015 оны 10 сарын 18
УИХ-ын Хууль зүйн байнгын хорооны хуралдаанаар Өршөөл үзүүлэх тухай хуульд нэмэлт өөрчлөлт оруулах асуудлыг хэлэлцсэн. Энэ үеэр Улсын Дээд шүүхийн Эрүүгийн хэргийн тэнхимийн тэргүүн, шүүгч Т.Уранцэцэг маш ноцтой мэдээлэл хийв. Энэ хуулиар авлига, албан тушаалын хэрэгт буруутгагдсан хүмүүсийг өршөөх нь хэмээн олон нийт ойлголт аваад байгаа. Гэвч энэ хуулийг баталснаар түүнээс ноцтой асуудал үүсч болзошгүй байгааг тэрээр хэлсэн юм.
Ингээд шүүгч Т.Уранцэцэгийн хэлсэн үгийг бүрэн эхээр нь хүргэж байна.
Тэрбээр ”Өршөөлийн тухай хууль Үндсэн хууль зөрчсөн тул Үндсэн хуулийн цэцэд хүсэлт гаргах нь зүйтэй гэсэн 28-р тогтоол гарсан.
Шүүхээс Ганбаатар гэгдэх хүнд холбогдох залилангийн хэргийг шийдсэн байгаа. Тэрбээр урьд нь залилангийн хэрэг үйлдэж олон сая төгрөгний хохирол учруулсан. Энэ гэмт хэрэгтээ ял эдэлж байгаад ялтай байх хугацаандаа дахин бусдын эд хөрөнгийг залилан мэхэлж авч 7 жилийн хорих ялаар шийтгүүлсэн хүн. Тэгвэл энэ хүн Өршөөлийн хуульд бүрэн хамрагдаж 7 жилийн хорих ялаас суллагдах нөхцөл бий болсон. Мөн анх удаа гэмт хэрэг үйлдсэн эрүүгийн хуулийн 183-р зүйл ангиар ял авсан Бат гэж хүн байсан. Энэ хүн гудамжинд явж байгаад чулуугаар хүний нуруу руу цохисон байдаг. Гэтэл энэ хүн Өршөөлийн хуульд хамрагдах боломжгүй хаалттай байгаа.
Тиймээс шүүх бүрэлдэхүүн зургаан цаг зөвлөлдөж эл шударга бус байдлын талаар ярилцсан. Ингээд нэгбүрчлэн судалсаны эцэст Өршөөлийн хууль өөрөө Үндсэн хуулийн хэд хэдэн заалтыг зөрчсөн гэдэг дүгнэлтэнд шүүх бүрэлдэхүүн хүрсэн. Үндсэн хууль зөрчсөн заалтуудаас дурдахад, Үндсэн хуулийн нэгдүгээр зүйлийн хоёрт заасан шударга ёс, хууль дээдлэх төрийн үйл ажиллагааны үндсэн зарчим гэх заалтыг зөрчсөн. Мөн Монгол Улс олон улсын эрхзүйн нийтээр хүлээн зөвшөөрсөн хэр хэмжээ зарчмыг баримталж, энхийг эрхэмлэсэн гадаад бодлого явуулна гэсэн үндсэн хуулийн заалтыг зөрчсөн. Цаашлаад Монгол Улс олон улсын гэрээгээр хүлээсэн үүргээ шударгаар сахин биелүүлнэ, Монгол Улс олон улсын гэрээнд соёрхон баталсан буюу нэгдэн орсон хууль хүчин төгөлдөр болвол дотоодын хууль тогтоомж нэгэн адил үйлчилнэ гэсэн заалтыг зөрчсөн байна. Улмаар хүн бүр хууль шүүхийн өмнө эрх тэгш байх хийгээд өөрийн эсрэг мэдүүлэг өгөхийг шаардсан, гэм буруутай нь хуулийн дагуу шүүхээр нотлогдтол хэнийг ч гэмт хэрэг хийсэн гэм буруутайд тооцож үл болно гэсэн заалтуудыг ч зөрчжээ. Түүнчлэн, Монгол Улсад шүүх эрх мэдлийг гагцхүү шүүх хэрэгжүүлнэ, шүүх эрх мэдлийг өөр байгууллага эрхлэн хэрэгжүүлнэ гэсэн заалтуудыг зөрчсөн гэсэн үндэслэлээр бид Үндсэн хуулийн цэцэд хандсан. Хамгийн гол нь олон улсын маш олон гэрээ конвецийг зөрчсөн нь Монгол Улсын аюулгүй байдал, тусгаар тогтнолд ноцтой үр дагавар үүсэх боломж нөхцлийг бүрдүүлж байна гэж Дээд шүүх үзсэн. Хүн төрөлхтөний аюулгүй байдлын эсрэг гэмт хэргүүд хийгээд цэргийн эсрэг бүх гэмт хэргүүд Өршөөлийн хуульд хамрагдаж байгаа. Ингэснээр манай Монгол Улс нэгдэн орсон конвецийнхоо гэрээний үүргийг зөрчихөд хүрч байна. Энэ мэтээр Өршөөлийн хууль батлагдсан гадаадад аллага үйлдсэн нөхөр манайд ирээд харьяалалын дагуу хэргээ шийдвэрлүүлвэл Өршөөлийн хуульд хамрагдана гэсэн үг. Тэгэхээр НҮБ-ын Аюулгүй байдлын зөвлөл дээр манай улстай холбоотой асуудал яригдахын зэрэгцээ улс төр, эдийн засгийн хориг тавигдах маш сөрөг үр дагавартай. Дээрээс нь бид ялтан шилжлүүлэх тухай долоон улстай гэрээ хийчихсэн. Гэтэл энэ гэрээнд заасан хар тамхины хэргийг өршөөчихсөн байгаа. Ингэхээр хар тамхины хэргээр гадаадад ял эдэлж байгаа монгол иргэдээ шилжүүлж авах боломж нь эл Өршөөлийн хуулиас шалтгаалж хаагдах юм. Тиймээс ийм олон улсын гэрээг зөрчсөн Өршөөлийн хуулийг шүүх хэрэглэхгүй” гэлээ.
Д.Ундрах /24tsag.mn/
