-
2017 оны 9 сарын 22
Монгол Улсын Ерөнхийлөгч Х.Баттулгад Бүгд Найрамдах Чех Улс /БНЧУ/-аас Монгол Улсад суух Онц бөгөөд Бүрэн эрхт Элчин сайд Иржи Бродский өнөөдөр Итгэмжлэх жуух бичиг барив.
Элчин сайд Иржи Бродский Монгол Улс, БНЧУ эртний уламжлалт найрсаг харилцаатай гээд үүний илэрхийлэл нь чех хэлтэй 50 мянган монгол хүн байдаг, Монголоос олон хүн тус улсад ажиллаж амьдардаг гэлээ.
Тэрээр Элчин сайдын хувьд хоёр орны харилцааг өргөжүүлэн гүнзгийрүүлэх, үүний дотор худалдаа, эдийн засгийн харилцааг ашигтай хэлбэрээр хөгжүүлэх нь чухал гэдгийг онцоллоо.
Монгол Улсын Ерөнхийлөгч Х.Баттулга үүнтэй санал нэг байгаагаа илэрхийлээд “Хоёр орны хооронд худалдааны эргэлт бага байгаа. Монгол Улс Зүүн Азитай ойр хөрш оршдог. Зүүн Ази бол дэлхийн эдийн засгийн 30 хувийг бүрдүүлдэг. Дэлхийн хүн амын тал хувь нь Ази тивд бий. Иймээс Чехийн эдийн засаг, бизнесийг Зүүн Азитай холбоход Монгол Улс дамжин өнгөрөх гүүр болж чадна.
Монгол орон газар дороо төдийгүй газар дээрээ баялагтай. Далан сая толгой малтай тул ноос, ноолуур, мах зэрэг бүтээгдэхүүнийг боловсруулан гаргах боломжтой. Мөн аялал жуулчлал, өвлийн спорт, тэр дотроо Чех Улс хоккейн спортоор дэлхийд алдартай тул мөсний хоккейн төрлөөр хоёр тал хамтран ажиллах боломжтой” гэлээ.
Элчин сайд Иржи Бродский эдгээртэй санал нэг байгаагаа илэрхийлээд, ойрын үед хэрэгжүүлэхээр төлөвлөж буй төслүүдээсээ танилцуулав.
Юуны өмнө нийгмийн хамгааллын салбарт гэрээ байгуулахаар төлөвлөж байгаа бөгөөд үүгээр Чех Улсад ажиллаж, амьдарч байсан монголчуудад нийгмийн даатгал, тэтгэвэр, тэтгэмжид хамруулах бололцоо олгохыг зорьж байгаа ажээ. Мөн харилцан визний нөхцөл хөнгөвчлөх төсөл яригдах юм байна.
Элчин сайд мөн бизнесийн зарим санал танилцуулсан юм.
Монголд хөрөнгө оруулах сонирхолтой Чехийн олон компани байдгийг Элчин сайд Монголд ирэхийн өмнө судалж, танилцсан гэлээ. Мөн эрчим хүч, ХАА, байгаль орчин, спортын салбарт хамтран ажиллаж, мөсний хоккей хөгжүүлсэн туршлагаасаа Монголд нэвтрүүлэх боломжтойг хэлэв. Эдгээрийг хэрэгжүүлэхэд БНЧУ-ын ЭСЯ Монголын талтай хамтран ажиллахад бэлэн гэдгийг Элчин сайд Иржи Бродский илэрхийлж байлаа.
-
2017 оны 9 сарын 22
НИТХ XI хуралдаан үргэлжилж байна.
-
2017 оны 9 сарын 22
НИТХ-ын ээлжит 11 дүгээр хуралдаан Хангарьд ордонд 12.00 цагт эхэлсэн. Дөнгөж сая Нийслэлийн МАН-ын дарга,
-
2017 оны 9 сарын 22
Нийслэлийн иргэдийн хурлын төлөөлөгчид яг одоо хуралдаж байна. Энэ үеэр НИТХ-ын төлөөлөгч, Нийслэлийн засаг дарга асан Э.Бат-Үүл сэтгүүлчдэд мэдээлэл өглөө. Тэрбээр “2012-2016 оны хооронд нийслэл Улаанбатаар хотыг Үндсэн хуулийн дагуу НИТХ удирддаг, бодлого, хөтөлбөрөөр хангадаг байсан. 2016 сонгуулиар бий болсон одоогийн НИТХ Үндсэн хуулийн үүргээ биелүүлж чадаагүй.
-
2017 оны 9 сарын 22
УИХ-ын гишүүн Ө.Энхтүвшин өнөөдөр намынхаа гишүүдэд захидал илгээж Ерөнхий сайдад өрсөлдөх хүсэлтэй байгаагаа илэрхийллээ. Тэрээр захидалдаа “Цаг үеийн ээдрээтэй нөхцөл
-
2017 оны 9 сарын 22
МАН-ынхан энэ өдрүүдэд дарга цэргийнхээ асуудлаа цэгцлэхээр баахан хуралдаж, байс гээд л тохиролцоод буй. Тэдгээр тохиролцооны нэг хэсэг нь НИТХ-ын даргын суудал. Энэ суудалд хэн суухаас шалтгаан хэний фракци хотод ноёрхох нь хамаарах тул их багагүй гэлгүй хөрөнгө мөнгөний асуудал давхар яригдаж байгаа талаарч цахим хэрэглэгчид шуугисаар.
-
2017 оны 9 сарын 21
80-ААД ОНЫ ЗАЛУУСААС МАН-ЫН БАГА ХУРЛЫН 310 ГИШҮҮНД ХҮРГҮҮЛЭХ ЗАХИДАЛ Амьдралаа бүтээж амжилтын зүг өөдөө тэмүүлж яваа энэ цаг үеийн офицерууд бол 80-аад оны залуучууд билээ. Бид аливаа асуудалд өөр, өөрийн дүгнэлтээ хийж, нийгмийн дуу хоолой болж чадах насныхан. Тэгвэл хэдхэн хоногийн дараа МАН-ын бага хурлын гишүүд хуралдаж Монгол улсын Ерөнхий сайдыг сонгох гэж байгаатай холбогдуулан тус намын бага хурлын гишүүдэд хандаж энэхүү захидлыг хүргүүлж байна. Ерөнхий сайдаараа дамжуулан төр удирдах хэрэгт оролцож байгаа төлөөллийн ардчилалтай Монгол улсын иргэдийн төлөөлөл бидний саналыг хүлээн авна уу. Үйлчлэгч, цэвэрлэгчээр ажилд авах хүнийг ч тухайн ажлыг бүтээмжтэй хийж чадах эсэхэд нь шаардлага тавьж сонгодог. Үүнтэй адил улс төр, эдийн засаг гүн хямарсан, зайлшгүй өөрчлөлт хийх шаардлагатай эгзэгтэй чухал цаг үед Монгол улсын засгийн газрын тэргүүнээр ажиллах хүнийг сонгохдоо дараахь 5 шаардлагатай нийцүүлж үзэхийг хүсч байна. 1. ХЯМРАЛААС ГАРГАЖ ЧАДАХ Байгалийн баялгаараа дэлхийд тэргүүлэх улсын 800-хан мянган айл өрхийг хангалуун сайхан амьдруулж, улс орноо хөгжүүлэх үүднээс үндэсний үйлдвэрлэлийг дэмжиж, ажлын байрыг нэмэгдүүлж, экспортын бүтээгдэхүүний бодлогыг өсгөх шаадрлагатай байна. Уул уурхайн түүхий эдээ түүхийгээр нь хамгийн хямд үнээр зөөж дуусгахаас өмнө эцсийн бүтээгдэхүүн болгож өндөр үнээр экспортонд гаргах шаардлага тулгарч байна. Үүнийг хийхэд бүхий л боломж нь нээлттэй бөгөөд зөвхөн сэтгэл дутсанаар өнөөдрийг хүрлээ. Монгол хүний чадамжийг ашиглан уул уурхайгаар биш, оюун ухааны хүчээр эдийн засгийг хөгжүүлэх боломжийг бий болгон Залуусыг хөхүүлэн дэмжиж, дэлхийн хөгжил, жишгийг даган оюуны экспорттой болох бодлогыг баримтлах. Хөгжиж буй орнуудын түвшинд амбицтай сэтгэж том төслүүдийг эхлүүлж доройтсон улс орноо ХҮЧТЭЙ МОНГОЛ болгохын тулд шинээр сонгогдох Ерөнхий сайд “ЗОРИГТОЙ ШИНЭЧЛЭГЧ” хүн байх ёстой 2. ТӨРИЙН АЛБА НАЙМААЛЦДАГИЙГ ТАСЛАН ЗОГСООХ Албан тушаалын наймааны уршгаар төрийн албаны ямар ч хүн харь элгийн мэт цэвдэг сэтгэлтэн болчихдог гаж хандлагатай болсон. Танилтай, мөнгөтэйг нь биш чадвартай, сэтгэлтэйг нь сонгож ажиллуулдаг болчихвол энэ төрд харь гаригийн хүн орсон ч Монгол хүний төлөө, Монголын төлөө тангарагатай ажиллах зөв тогтолцоотой байх юм. Харин албан тушаал мөнгөөр үнэлэгддэгээс болж хууль эрх мэдэлтний өмнө мохож, энгийн иргэдийн өмнө ирээ гаргадаг илд болсоныг танай намын “60 ТЭРБУМ” бүлэглэл нотоллоо. Тэд төрийн албыг хууль бусаар эзэгнэж авахыг завдсан бичлэгээ эвлүүлэг хэмээн хуулийн байгууллагуудаар тайлбарлуулж хэргийг хаалаа. Эвлүүлэг нь үнэн бол төрийн өндөр албан тушаалтны нэр төрд халдсан, цаашлаад танай намын үнэ цэнэ, үзэл баримтлалд харшилсан Доржзодовыг гүтгэгчээр нь хариуцлага тооцох нь зүйтэй. Эвлүүлэг биш юм бол хууль иргэн бүрт ижил тэгш үйлчлэх ёстойг тунхаглаж төрийн албыг талх шиг зарсан эрхэмүүдтэйгээ хариуцлага тооц. Энэ бүгдийг өөрчлөхийн тулд дараагийн Ерөнхий сайд “60 тэрбум” бүлэглэлийн хүүхэлдэй биш эх орон, ард түмнийхээ эрх ашгийг ямагт тэргүүнд тавих “ШУДАРГА” нэгэн байх ёстой. 3. НАМАА ШИНЭЧИЛЖ ЧАДАХ Төр удирдаж байгаа л бол танай намын дотоод асуудал бидэнд ч хамаатай! МАН-ыг олон жил ашиг сонирхол давамгайлсан бодлогоор удирдсан хүмүүс намаа мөнгөний хэрэгсэл болгодгийг нотолсон ноцтой баримтуудыг бид үзлээ. Өнөөдөр харцандаа шунал эргэлдүүлсэн тоглоомчдын читоон дүүрэн ширээ боллоо нам чинь. Халаасандаа нүгэл имэрсэн долоогчдын шүлс үсчсэн талбар боллоо энэ нам чинь. Тиймээс залуу нас, халуун амиа золин байж эх орон тусгаар тогтнолын төлөө асч үхсэн өвөг дээдсийнхээ өмнө очихдоо үнэний нүүртэй байхаа бодож шинэ Ерөнхий сайд энэ цаг үед бусад улс төрийн хүчнүүдэд үлгэр жишээ болж МОНГОЛ АРДЫН НАМ-аа зайлшгүй шинэчлэх “ЗАНГАРГА”-тай байх ёстой. 4. МАНАН-Г АРИЛГАЖ ЧАДАХ Нам харгалзахгүй бүлэглэж, эрх ашгийнхаа төлөө ил далд хуйвалдсаар ирсэн хар хүчин, МАНАН бүлэглэлтэй тэмцэж чадах эр зоригтой нэгнийг бид хүсч байна. Тийм зоригтой хүн энэ зорилгынх нь өмнө хөндөлсөх бурхан чөтгөр хэн байсан ч хамаагүй шаардлагатай бол шанаа өгч чаддаг байх ёстой. Төрийн хоймор, түшмэлийн сэнтийд сандайлчихаад МАНАН-д хутгалдаж, өөрийн толгойгоор биш бүлэглэлийн эрх ашгаар асуудалд ханддаг утсан хүүхэлдэйг дахиж битгий сонгоорой. МАНАН хэмээх хар хүчний бүлэглэлийг ялж чадах “ТЭМЦЭГЧ”- ийг энэ цаг үеийн Ерөнхий сайдаар сонгоорой. 5. ШУДАРГА ЁСЫГ ТОГТООХ Нийгмийн баялгийг хэдхэн гэр бүл монополдож, баялгийн тэгш хуваарилалт алдагдаж, эдийн засгийн хэвийн байдлыг алдагдуулсан билээ. Конценс нэрээр төрөөс мөнгө олборлож, тендер хэмээн төсвийн хөрөнгө уудалж, хөгжлийн банкийг цөлмөж, лиценз хураан наймаалцаж, офшорт мөнгө нуудаг эрх мэдэлтнүүдийн араас нэхэн бүгдийг нь ил болгож нам харгалзахгүйгээр хатуу хариуцлагын торонд аваачих нь зөв. Төр тоногсод хэт даварч ард түмнийг боол мэт үзэж, засгийн эрхийг урт хугацаагаар барих шуналдаа автан төрт улсаа ашиг сонирхлын угсаа залгамжилсан хуйвалдааны хэрэгсэл болгосноор ардчиллын түүхэнд анх удаа Монгол улс “Феодаль” давхаргатай боллоо. Дараагийн Ерөнхий сайдыг сонгохдоо Монголын жирийн ард түмний эрх ашгийг илүүд тавьж чинээлэг дундаж давхаргынхныг олон болгохын төлөө шийдэмгий ажиллах “ЭР ЗОРИГТОЙ, ЭХ ОРОНЧ” нэгнийг сонгоно гэдэгт гүнээ итгэж байна та нарт. ТӨГСГӨЛ Цөөхнөөс, цөөхөн Монголчууд сахилга батаа алдаж өдөр бүр, цаг тутам, хором мөч бүхэнд талцан цэцэрхэж суух зуур бидний ирээдүй ийм болон хүмүүжиж байна. Монгол хүний мөн чанар дор эвлэлдэж, нэгнээ хүндлэн хайрладаг болох сайхан цаг үеийг бид хүлээж байна. Нам харгалзахгүй эрх ашгаар сүлжилдсэн МАНАН бүлэглэлийн гар хөл дахин төр удирдахаас бид айж байна. Холыг харсан биш хоноцын сэтгэлээр ханддаг хүн дахиж засаг удирдахаас айж байна. Тийм учраас конценсдох, бонд босгож тараах, байгалийн баялаг ухах бодлогоос илүүтэй Монгол хүний хөгжилд ур ухаанаа зориулж ард түмнийхээ дунд нэвтэрч амьдралд ойр шийдлүүдийг гаргаж ажиллах “ЗОРИГТОЙ УДИРДАГЧ”-ийг энэ цаг үе хүлээж байна. Дараагийн Ерөнхий сайдад У.Хүрэлсүх, Ж.Энхбаяр, Ө.Энхтүвшин, Н.Энхболд нар яригдаж байгаа юм байна. Тэдний хэн нь ийм шийдэмгий байж чадах вэ? Эс бөгөөс үүнд хэн нь ч тэнцэхгүй бол 100 жилийн түүхтэй хамгийн том улс төрийн хүчин болох танай намд шаардлага хангахуйц боловсон хүчин өөр байгаа гэдэгт итгэж байна. Улс төр, эдийн засаг гүн хямарсан чухал эгзэгтэй энэ цаг үед шинээр томилох Ерөнхий сайдыг сонгохын өмнө дээрх 5 шаардлагыг хангаж чадах “ЛИДЕР” мөн эсэх дээр та бүгд тунгаан бодно уу. ТА БҮХНИЙ СОНГОЛТ МЭРГЭН, МОНГОЛ ТӨР ТҮВШИН БАЙХ БОЛТУГАЙ ХҮНДЭТГЭСЭН: ФЕЙСБҮҮК ДЭХЬ 10.000 ГИШҮҮНТЭЙ “80-ААД ОНЫХОН” ГРУПП-ИЙН ТӨЛӨӨЛЛҮҮД
2017 оны 09 сарын 21
-
2017 оны 9 сарын 21
Улс төрд залуучууд түрж орж ирсэн нь нэгэн үе халаагаа өгч, шинэ үе эхэлж байгаа мэт боловч тэдгээр залуусын ихэнхи нь цүнх баригчид байдаг нь тоогүй. Багшийн эрдэм шавьд гэдэг. Өөрийн сурсан мэдсэнээ цүнх баригчиддаа харамгүй заасны хүчинд тэд нь халааг нь авч улс төрд орж ирсэн болохоор шинэчлэл гэдэг зүйл холуур өнгөрөөд байгаа нь нууц биш юм.
-
2017 оны 9 сарын 21
Монгол Улсын Ерөнхийлөгч Х.Баттулга өнөөдөр Бүгд Найрамдах Итали Улсаас Монгол Улсад суугаа
-
2017 оны 9 сарын 21
МАН-ын Удирдах зөвлөл хуралдаж байна. тэд энэ удаагийн хуралдаанаараа НИТХ-ын шинэ даргад нэр дэвшигчийг тодруулах аж. Нийслэлийн МАН-ын хорооны тэргүүлэгчид өчигдөр
-
2017 оны 9 сарын 21
МАН Ерөнхийлөгчийн сонгуульд ялагдал хүлээсэн өдрөөсөө эхлэн бужигнаж, хөнжил дотроо хөлөө жийлцэж эхэлсэн. Одоогийн МАН-ын дарга М.Энхболд Ерөнхийлөгчийн сонгуульд ялагдал хүлээсэн учир тэрбээр хариуцлагаа хүлээж, намын даргын суудлаа өгөхөө мэдэгдээд буй. Тэгвэл намын дарга болоод Ерөнхий сайдын төлөөх тэмцэл МАН дотор газар авч, тогооноосоо хүртэл халиад байгаа билээ.
-
2017 оны 9 сарын 21
Намрын улстөрийн сцинарийг хэн сайн тохироо хийж чадна, тэр хүн л гол зохиолыг нь гаргаад байх шиг. Ямар нэг наадам, цэнгээнд найрааг нүдний гэм мэт үзэж, шударгаар барилдахыг шаарддаг бол улс төрчдийн тохиролцоог бараг л баярлах нь холгүй хүлээж авдаг болсон нь нэгийг нь бодогдуулам. Уг чанартаа бүгд л шударга ёсыг эрхэмлэх байтал хүч бяраараа олныг баясгагч бөхчүүдээ хуйвалдааны жинхэнэ эздээс ч дорд үзэх нь өнөөгийн нийгмийн шинж мэт.
-
2017 оны 9 сарын 21
Зүүн Азийн Залуучуудын II наадмыг 2023 онд Улаанбаатар хотноо зохион байгуулна.
-
2017 оны 9 сарын 21
Улсын төсвөөс эргэн төлөгдөх нөхцөлтэй, Хөгжлийн банкны санхүүжилтээр хэрэгжиж байсан төсөл, арга хэмжээний гүйцэтгэлийн талаар Сангийн сайдын үүрэг гүйцэтгэгч Б.Чойжилсүрэн танилцуулав.
-
2017 оны 9 сарын 21
Өгийнуур, Ганга нуурын экосистемийг хамгаалан, нөхөн сэргээж тогтвортой аялал жуулчлалыг хөгжүүлэх, “Монголын эзэнт гүрэн музей” аялал жуулчлалын цогцолбор байгуулах төслүүдийг хэрэгжүүлэхийг Байгаль орчин, аялал жуулчлалын сайдын үүрэг гүйцэтгэгч Д.Оюунхоролд, төслүүдийг гадаадын хөнгөлөлттэй зээл, буцалтгүй тусламжид хамруулж санхүүжүүлэхийг Сангийн сайдын үүрэг гүйцэтгэгч Б.Чойжилсүрэнд даалгалаа.
-
2017 оны 9 сарын 21
“Олборлох үйлдвэрлэлийн ил тод байдлыг хангах зарим арга хэмжээний тухай” Засгийн газрын 2012 оны 07 дугаар сарын 04-ний өдрийн 222 дугаар тогтоолд нэмэлт, өөрчлөлт оруулав.
-
2017 оны 9 сарын 20
“Эрчим хүч хэмнэх үндэсний хөтөлбөр”-ийг хавсралтаар баталж, шаардагдах хөрөнгийг жил бүрийн Үндсэн чиглэл, улс, орон нутгийн төсөвт тусган, гадаад улс, олон улсын байгууллагын зээл, тусламжид хамруулж, төр, хувийн хэвшлийн хамтын ажиллагаанд тулгуурлан санхүүжүүлж байхаар болов.
-
2017 оны 9 сарын 20
“Хүүхдийн хөгжил, хамгааллын үндэсний хөтөлбөр”-ийг Засгийн газрын хуралдаанаар баталлаа. Шаардагдах хөрөнгийг жил бүрийн Үндсэн чиглэл, улс, орон нутгийн төсөвт тусгаж, олон улсын байгууллагын төсөл, хөтөлбөрт хамруулж санхүүжүүлэхийг сайд, аймаг, нийслэлийн Засаг дарга нарт үүрэг болголоо.
-
2017 оны 9 сарын 20
Засгийн газрын хуралдаанаар Хөдөлмөрийн тухай хуулийн шинэчилсэн найруулгын төслийг хэлэлцэн дэмжиж УИХ-д өргөн мэдүүлэхээр боллоо.
-
2017 оны 9 сарын 20
Засгийн газрын хуралдаан өнөөдөр болж дараах асуудлыг хэлэлцэн шийдвэр гаргалаа.
