-
2017 оны 2 сарын 01
2016 онд Чингэлтэй дүүрэг дэх Замын цагдаагийн хэлтсийн хариуцсан нутаг дэвсгэр Их тойруугийн гудамж буюу “Баянбүрдийн зам”-д зам тээврийн ослын улмаас хоёр явган зорчигчийн амь нас хохирсон хэрэг бүртгэгдсэн байна. Дээрх замд автобусны буудал орчимд иргэд зам хөндлөн гарахдаа явган хүний гарцаар гардаггүйн улмаас зам тээврийн осолд өртөх эрсдэл өндөр байдаг тул тус хэлтэс Нийслэлийн Авто замын хөгжлийн газар, Улаанбаатар зам засвар, арчлалтын газартай хамтран Баянбүрдийн тойгоос зүүн тийш 150 метрт замын голоор хайс байрлуулж, зам тээврийн осол, хэргээс урьдчилан сэргийлэн ажиллаж байна.
ЯВГАН ЗОРЧИГЧИД ДАРААХ ЗҮЙЛИЙГ ХОРИГЛОНО:
а/явган хүний гарцтай ба гарамтай хэсгийн гарцгүй, гарамгүй хэсгээр зам хөндлөн гарах;
б/аюулгүй байдлыг хангахаас бусад шалтгаанаар зорчих хэсэг дээр зогсох, саатах, тээврийн хэрэгслийн хөдөлгөөнд санаатайгаар саад хийх;
в/ойртон ирж яваа тээврийн хэрэгслийн урдуур гэнэт гүйх;
г/ өөрийгөө хянаж, жолоодох чадваргүй үедээ зорчих хэсгээр явах гэж Замын цагдаагийн албаны Урьдчилан сэргийлэх, олон нийттэй харилцах хэлтсээс мэдээлэв.
-
2017 оны 2 сарын 01
Томуу, томуу төст өвчний дэгдэлт улс даяар их байгаатай холбогдуулан Эрүүл мэндийн сайдын тушаалаар улсын томоохон эмнэлгүүдийн ажиллах цагийг уртасгаж байна. Тухайлбал, ирэх сарын 1-нээс Улсын нэгдүгээр төв эмнэлэг, П.Н.Шастины нэрэмжит Улсын гуравдугаар төв эмнэлэг, ХСҮТ, ЭХЭМҮТ өглөөний 08.30 цагаас оройн 20.00 цаг хүртэл уртасгасан цагаар ажиллахаар болжээ.
Харин ГССҮТ-ийн амбулатори засвартай байгаа тул цагийн хуваарийг гуравдугаар сарын 1-нээс 20.00 цаг хүртэл уртасгахаар болжээ. Хэдий хүртэл уртасгасан цагаар ажиллах нь тодорхойгүй байна.
-
2017 оны 2 сарын 01
хмадуудад НАСНЫ ХИШИГ олгох хуультай боллоо. НАСНЫ ХИШГЭЭ ЯАЖ авах вэ?
Засгийн газрын 2016-2020 оны үйл ажиллагааны хөтөлбөрт ”Ач санах хуулийг батлуулж, азай буурлууддаа насны хишиг олгох эрх зүйн орчин бүрдүүлнэ” гэж тусгасан. Энэ зорилтын хүрээнд Хөдөлмөр, нийгмийн хамгааллын яамнаас Ахмад настны тухай хуулийн шинэчилсэн найруулгын төслийг боловсруулж УИХ-аар өчигдөр батлууллаа.
Хууль батлагдсанаар:
65-69 настанд 50.000
70-79 настанд 80.000
80-89 настанд 150.000
90 түүнээс дээш настанд 250.000 төгрөгийг цагаан сар, улсын наадмаар буюу жилд 2 удаа НАСНЫ ХИШИГ болгож олгохоор болов.
Ахмадууд маань энэхүү насны хишгийг авахдаа 2 дугаар сарын 1-ний өдрөөс эхлэн оршин суугаа сум, хорооныхоо нийгмийн ажилтанд хандана. Итгэмжлэгдсэн төлөөлөгчөөрөө дамжуулж болно. Иргэний үнэмлэх нотолгоо болно. Насны хишиг авах өргөдлийн маягтыг бөглөж, банкаар дамжуулан авна. Тухайн банк НАСНЫ ХИШГИЙГ өндөр насны тэтгэврийн зээл болон бусад зээл, зээлийн хүүнд суутган авах хориотой.
НАСНЫ ХИШГИЙН зардалд зориулан 2017 оны улсын төсөвт 20.5 тэрбум төгрөг тусгасан. Энэ жил нийтдээ 122.000 орчим ахмад хамрагдана.
Ахмад настны тухай хууль нь ахмадуудын нийгмийн хамгааллаас гадна эрүүл мэндийг хамгаалах, хөгжил, оролцоог дэмжих, амьжиргааг тэтгэх, хөдөлмөрлөх эрхийг баталгаажуулах гээд олон асуудлыг цогцоор нь шийдвэрлэсэн хууль боллоо.
-
2017 оны 2 сарын 01
Монгол улсын нэрийг Сумогийн дэвжээнд гаргаж, эр бяр, хурц барилдаанаараа монгол түмний бахархал болж явсан Токитэнкү А.Хүчитбаатар өвчний улмаас таалал төгсчээ.
-
2017 оны 2 сарын 01
Малчид, тээвэрчид, иргэдэд зориулсан мэдээ:
Ойрын өдрүүдэд ихэнх нутгаар өдөртөө хүйтний эрч суларна.
-
2017 оны 2 сарын 01
* * *ӨРНИЙН ЗУРХАЙ * * *
ХОНЬ (3/21-4/19)
Таны бусдыг татах чадвар нэмэгдэнэ. Эелдэг зөөлөн зан бурхны бэлэг мэт байна. Хайр дурлалд тань сайхан дурсамж үлдэнэ. Хайрттайгаа ер бусын аз жаргалтай харилцана. Гаргасан шийдвэрээ сайн хянаж үзээрэй. Гэрээ хэлцэлд амжилт олно.
ҮХЭР (4/20-5/20)
Уран бүтээлийн хүмүүсийг амжилт хүлээж байна. Таныг урлагийн бурхан тэнгэр өнөөдөр ивээнэ. Амжилт олно гэдэгтээ итгэлтэй байж болно. Эрхэлсэн ажлаа хэвийн дадлаар, хөнгөн гүйцэтгэ. Өөрийгөө хэт зовоолгүй, зохих ёсоор нь үнэл. Ингэж чадвал та цалингаа нэмүүлэх, хамт олныхоо хүндэтгэлийг хүлээх, гэр бүлд ойлголцол бий болох зэрэг олон ашигтай тустай зүйл бүтээж чадна.
ХАМТАТГАХ (5/21-6/21)
Од эрхэс танд олуулаа байж, дотны хүмүүстэйгээ ажил төрлөө нэгдэн эрхлэхийг зөвлөж байна. Олонхи ихэрүүд өөрийн хүрээллийн хүмүүс болон өөртөө сэтгэл хангалуун байна. Ухаалаг хүмүүстэй харьцаж тэдний туршлагаас суралцахад тустай. Хүүхдүүдтэйгээ болон найзуудтайгаа чөлөөт цагаа салхинд гарч өнгөрүүлээрэй.
МЭЛХИЙ (6/22-7/22)
Эрэгтэй мэлхийнхэнд тэдний амьдралыг өөрчлөх гэнэтийн учрал тохиолдож болзошгүй. Ажил хэргийн алтан боломжийг бүү алд. Хүчин чармайлтаа дайчил. Эрүүл мэндээ анхаарч илүүдэл жинтэй бол өөртөө бодит зорилт тавь. Дур булаам харагдах нь таны амжилтын гол үндэс болно.
АРСЛАН (7/23-8/22)
Худал хуурмагийг мэдэх өдөр. Өнөөдөр та бодит үнэнийг өчүүхэн олз ашгийн төлөө гуйвуулсан явдал, худал хуурмагийг илчилж магадгүй. Иймээс тийм ч тайван бус өдөр болно. Зөвхөн мөнгөний төлөө хуурч мэхлэгсэдийн арга залинд орохоос бусдыг аварна. Танд заналхийлэл ирэх боловч бүү бууж өг. Өчүүхэн эрх ашиг эсвэл амиа бодсон байдлаас үнэнээс зугтвал та насан туршдаа харамсана.
ОХИН (8/23-9/22)
Эмэгтэйчүүд сэтгэл татам хүнтэй уулзах, эсвэл хувийн амьдралд таатай өөрчлөлт гарах мэдээ хүлээн авна. Эргэн тойронтойгоо сайхан харьцаж, ажлын хамтрах харьцаагаа эерэг хандлагатай байлгана. Ажлын ачааллаас ядрах, мэдрэлийн систем хямарч болно. Саунд орж, иллэг массаж хийлгэ. Аялалд гарах бол арын асуудлаа сайн зохицуулж, бэлтгэл ажлаа, цаг агаарын мэдээг сайтар шалга.
ЖИНЛҮҮР (9/23-10/22)
Тааламжтай өдөр. Амьдралын эрч хүч, эерэг хандлага нэмэгдэнэ. Мэргэжлийн ажил, шийдвэрлэх хариуцлагатай асуудлыг шийдэхэд сайн өдөр. Ажлын амжилт, бүтээлч үйл ажиллагаа сайжирч магадгүй. Хувийн бизнес хийдэг хүмүүс өнөөдөр амжилттай үйл ажиллагаа явуулах болно. Ажлын байрны шинэ, ашигтай санал хүлээн авч ашиглах боломжтой.
ХИЛЭНЦ (10/23-11/21)
Олонх хилэнцүүд өөрийн дотоод мөн чанар гадаад ертөнцөд болж буй үйл явдлаас багагүй ач холбогдолтой гэдгийг ухамсарладаг. Хэт түргэн зан таныг гарсан өндөрлөгөөс тань буцааж унагана. Үйл явдлын далд дохио таныг дотоод ертөнцдөө анхаарал хандуулахыг анхааруулж байна. Зөвхөн хийж буй нэг ажил хэрэг дээрээ төвлөр. Ажилдаа анхааралтай, хянуур хандсанаар гаргасан алдаагаа олж засах болно.
НУМ (11/22-12/21)
Алдаатай мэдээлэл, буруу тооцоо, болчимгүй үйлдлээс болж санаа зовоох асуудал гарах магадлалтай өдөр. Олонхи нумынхан дотны хүнийхээ өмнө буруу зүйл хийнэ. Ажил дээрээ алдаа гаргасан бол хариуцлагаас бүү зугт. Алдаагаа цагийг нь олж хүлээн зөвшөөрвөл хамт олон тань тэрхүү алдааг засахад хамтран тусална.
МАТАР (12/22-1/19)
Амбицтай, эрч хүчтэй матарынхан амжилттай өдөр. Таны хичээл зүтгэлийг зүй ёсоор үнэлэнэ. Санхүүгийн асуудал ч боломжийн байна. Олон нийтийн болон улс төрийн арга хэмжээнд оролцоно. Ажил хэргийн түншүүд сайхан санал тавина. Хамгийн гол нь таны ухаалаг, мэдлэгтэй байдал урьд өмнө хийсэн хичээл зүтгэлийн үр дүн өнөөдөр гарна.
ХУМХ (1/20-2/18)
Нэр хүнд хөрөнгө мөнгө, байдлаас илүү чухал. Эргэн тойрныхноосоо ихийг шаарддаг шигээ өөртөө байгаа бүхнийг бусадтайгаа өгөөмөрөөр хуваалц. Бат бөх бус гэр бүлүүдэд урд сарын таагүй хандлага үргэлжилнэ. Гол нь аль аль нь харилцаагаа сайжруулах хүсэлтэй байх ёстой. Хэлэх үгээ сайтар бод. Бүх зүйл аяндаа сайн сайхан болно.
ЗАГАС (2/19-3/20)
Хүндхэн ачаалалтай өдөр. Хуучин ажил хэргийн асуудлууд босч ирнэ. Өр, зээл, татвараа цагт нь төл. Хууль бүү зөрч. Хяналт шалгалтын байгууллагынхан ирж болзошгүй. Ажлаа цагт нь дуусгаж байх нь амжилттай ажиллах үндэс гэдгийг танд сануулсан өдөр болох нь. Мөн та гэр бүлээ орхигдуулахгүйгээр өөрийгөө ажилдаа зориулах хэрэгтэй болно. Гэр бүлийн асуудлаа зохицуулаад, ядарсан ч ажил хэргийн асуудалд шургуу хандаж илүү цагаар ажиллах хэрэгтэй. Эрүүл мэндээ хамгаалах хялбархан арга замыг үргэлж бодож хэрэгжүүл.
-
2017 оны 1 сарын 31
Өчигдөр хүүхэдтэй холбоотой зам тээврийн 3 осол бүртгэгдсэн байна.
Ерөнхий боловсролын сургуулийн 2 дугаар улирлын амралт дуусч хичээл сургууль эхэлж байгаатай холбоотойгоор замын хөдөлгөөнд оролцогч тэр дундаа хүүхдийн хөдөлгөөн эрс нэмэгддэг. Үүнтэй холбоотойгоор хараа хяналт, асран хамгаалагчгүй, буруу тээвэрлэлтээс шалтгаалан хүүхэд зам тээврийн осолд өртөж амь нас, эрүүл мэндээрээ хохирох явдал гардаг.
ТУХАЙЛБАЛ:
1. БЗД-ийн нутаг Нянтайсүрэнгийн гудамж, БХИС-ийн баруун замд H.Accent маркийн авто машины жолооч Д нь явган зорчигч 08 настай эмэгтэй М-г мөргөж гэмтээсэн.
Хүүхдийг гарч болзошгүй зам тээврийн осол хэргээс урьдчилан сэргийлэх,тээврийн хэрэгслээр аюулгүй зөв тээвэрлэхэд эцэг эх асран хамгаалагчийн үүрэг оролцоо хамгийн чухал байдаг.
0-10 хүртэлх насны хүүхдийг эцэг, эх асран хамгаалагчтай замын хөдөлгөөнд оролцуулах, үр хүүхэддээ тавих хараа хяналтаа сайжруулах, аюулгүй замын хөдөлгөөнд оролцох талаар байнга зөвлөж зааварлах, зөв үлгэр дуурайлалыг үзүүлдэг байх, тээврийн хэрэгслээр тээвэрлэхдээ зориулалтын хамгаалах суудал, хамгаалалтын бүсийг нь хэрэглэж хэвшин аюулгүй байдлыг нь хангаж оролцуулахыг зөвлөж байна.
-
2017 оны 1 сарын 31
Өнгөрсөн долоо хоногт
-
2017 оны 1 сарын 31
Гадаад харилцааны яамнаас санаачлан зохион байгуулсны дагуу Тайландын ГХЯ-ны Олон улсын хамтын ажиллагааны агентлаг (ТАЙКА)-аас манай сэтгүүлчдэд зориулан “Олон улсын сэтгүүл зүй ба дипломат арга ажиллагаа” сэдвээр 2017 оны 1 дүгээр сарын 17-ноос 27-ны өдрүүдэд зохион байгуулсан сургалт Тайландын Рангситын Их сургуульд амжилттай болж өнгөрөв.
Сэтгүүлчдэд зориулсан сургалтад Рангситын Их сургуулийн Олон улсын харилцааны болон Сэтгүүл зүйн танхимуудын багш, профессоруудаас гадна Тайландын Ерөнхий сайдын ажлын алба, Гадаад хэргийн яамны Мэдээллийн газар, мөн Тайландын Хааны гэрэл зургийн нийгэмлэгийн мэргэжилтнүүд ирж лекц уншив. Тухайлбал, Тайландын Засгийн газрын хэвлэлийн төлөөлөгчийн орлогч, дэслэгч-генерал Вийрачон Суконтапатипак (Deputy Government Spokesman Lieutenant General Weerachon Sukontapatipak) манай сэтгүүлчдэд зориулан төрийн албан хаагчид, ялангуяа гадаад харилцааны чиглэлээр үйл ажиллагаа явуулж буй байгууллагын төлөөлөгчид хэвлэл, мэдээллийнхэнтэй хэрхэн харилцах талаар лекц уншиж, туршлагаасаа хуваалцав.
Сургалтын хугацаанд Монгол Улсаас Тайландын Вант Улсад суугаа Элчин сайд Т.Төгсбилгүүн нийт төлөөлөгчдийг ЭСЯ-нд хүлээн авч уулзаж, Монгол- Тайландын харилцааны талаар сэтгүүлчдийн сонирхсон асуултуудад хариулж, ярилцлага өгөв. Сургалтын төгсгөлд сэтгүүлчид Тайландын орон нутагт зочилж, түүх дурсгал, соёлын цогцолбор газруудтай танилцсан болно.
Энэхүү сургалт манай сэтгүүлчдийг олон улсын харилцаанд тулгамдаж буй асуудлуудын талаарх мэдлэг, мэдээллээ дээшлүүлэх, түүнчлэн гадаадын төр, засгийн тэргүүн, өндөр албаны төлөөлөгчидтэй харилцаж мэдээлэл олж авах, ярилцлага хийх соёл, арга барилаас суралцах, мөн сүүлийн үеийн дэвшилтэт техник технологитой танилцаж, тэдгээрийг эзэмшихэд ихээхэн ач холбогдолтой болов.
-
2017 оны 1 сарын 31
Монгол Улс ёс зүйн хувьд аялахад тохиромжтой дэлхийн шилдэг 10 орны /The World’s Ten Best Distinations/ нэгээр дахин шалгарав.
Калифорни мужийн Беркели хотноо байрладаг “Ethical Traveller” ТББ-аас хөгжиж байгаа орнуудыг байгаль орчин, зэрлэг ан амьдтыг хамгаалж байгаа байдал, нийгмийн халамж, хүний эрхийн талаар хэрэгжүүлж байгаа бодлого зэрэг шалгуураар дүгнэж, ёс зүйн хувьд аялахад хамгийн тохиромжтой 10 орныг жил бүр шалгаруулдаг болсон билээ.
Монгол Улс 2016 онд шилдэг 10 орны нэгээр анх шалгарсан бөгөөд 2017 онд ийнхүү хоёрдахь удаагаа шилдэг 10 орны тоонд орлоо. Энэ жил манай улсаас гадна Белиз, Кабо-Верде, Чили, Коста Рика, Доминика, Палау, Тонга, Уругвай, Вануату зэрэг орон шалгарсан байна.
-
2017 оны 1 сарын 31
Элэгний В, С вирусыг эрүүл мэндийн даатгалаар үнэгүй тоолдог боллоо.
Тодруулбал, Элэгний В, С вирусыг улсын эмнэлгүүдэд үнэ төлбөртэй тоолдог байсан бол уг шинжилгээг ХӨСҮТ, УНТЭ-т эрүүл мэндийн даатгалын сангаас хийдэг болсон байна. Дээрх эмнэлгүүд нь эрүүл мэндийн даатгалын дэвтрийг үндэслэн шинжилгээг үнэгүй хийх ба орон нутгийн харъяалал харгалзахгүй үйлчилж байгаа аж.
Ингэхдээ вирус тоолуулах иргэн нь өрх, дүүргийн эмнэлгээсээ эрүүл мэндийн картан дээрээ “R-13” тэмдэглэгээг хийлгэж ирэх шаардлагатай. Энэ тохиолдолд та эмчийн үзлэг болон эхо, цус, шээсний шинжилгээг үнэ төлбөргүй хийлгэх боломжтой юм байна.
Дээрх шинжилгээнүүдийг ажлын өдрүүдэд 8:30-16:00 цагийн хооронд хийж байгаа бөгөөд даатгалын дэвтэргүй эсвэл дүүргээс тэмдэглэгээ хийлгээгүй тохиолдолд бүх шинжилгээ үнэ төлбөртэй аж.
-
2017 оны 1 сарын 31
Хүүхдийн утас хулгайлж байсан этгээдийг цагдаагийн алба хаагчид үйлдэл дээр нь таслан зогсоожээ. Тодруулбал, Сүхбаатар дүүргийн 13 дугаар хороонд оршин суух хаягтай, 27 настай Ш гэгч нь Баянзүрх дүүргийн 14 дүгээр хорооны нутаг дэвсгэр “Их орд” худалдааны төвийн хажууд явж байсан 13 настай Д-ын гар утсыг хулгайлж байсныг үйлдэл дээр нь илрүүлсэн байна.
Уг хэргийн ОНАБХА-ны Хамгаалалтын 1 дүгээр газрын хяналт шалгалтын офицер цагдаагийн дэслэгч Н.Мөнхтулга, цагдаагийн дэд ахлагч Б.Нарантуяа нар илрүүлжээ. Хэргийг Баянзүрх дүүрэг дэх цагдаагийн нэгдүгээр хэлтэст шалгаж эхэлжээ.
-
2017 оны 1 сарын 31
Нийслэлийн иргэдийн Төлөөлөгчдийн Хурлын дарга Ц.Сандуй НИТХ-ын дэргэдэх “Зөвлөх зөвлөл”-ийн гишүүдтэй өнөөдөр уулзлаа. Уг зөвлөлд 1992 оноос хойш НИТХ-ын даргаар ажиллаж байсан үе үеийн удирдлага багтсан байна. Өнөөдрийн уулзалтаараа зөвлөлийн даргаа сонгосон юм. “Зөвлөх зөвлөл”-ийг 1996-2000 онд НИТХ-ын даргаар ажиллаж байсан Ц.Баасанжав даргалахаар болов.
“Зөвлөх зөвлөл”-ийн дарга Ц.Баасанжав “Ахмад хүний үнэ цэнэ гэж байдаг. Яагаад үнэ цэнэтэй вэ гэхээр ахмадууд түүхийн амьд гэрч учраас. Тиймээс Монгол төрийн өнөөгийн удирдлагууд ахмадынхаа үгийг сонсч, тэдний ухааныг ашиглаж, саналыг нь сонсох зорилготойгоор “Зөвлөх зөвлөл”-ийг байгуулж байна. Хэрвээ ахмадуудад ач холбогдол өгөхгүй бол ер нь ямар ч улсад түүх бүдгэрч, гуйвж, үнэнээр бичигддэггүй. Энэ утгаараа ямар ч салбарт ахмадуудыг хүндэтгэж, үгийн сонсох хэрэгтэй. Миний хувьд Улаанбаатар хотын түүхийн 1960 оноос хойшхи үйл явдлыг мэднэ. Одоо 80-90 настай хүмүүс гэдэг Монгол Улсынхаа 80 гаруй жилийн түүхийг мэднэ гэсэн үг шүү дээ. Тэгэхээр залуу хойч үе бол ахмадуудаа амьд сэрүүн байхад нь яг өөрөөс нь өнгөрсөн түүх ямар байсныг асууж үлдэх хэрэгтэй. Би хамгийн түрүүнд энэ утгаар нь ойлгож зөвлөлд орсон. Энэ бол хариуцлагатай ажил. Нийслэлийн эрхзүйн байдлын шинэчлэлээс эхлээд Монгол Улсын нийслэл Улаанбаатар хотод тулгамдсан асуудал цөөнгүй байна. Бид энэ бүгдэд өөрсдийн дуу хоолой, мэдлэг оюунаа зориулах болно” хэмээсэн юм.
НИТХ-ын дэргэдэх “Зөвлөх зөвлөл” өнөөдрийн хурлаараа энэ онд хийх ажлын төлөвлөгөөгөө баталлаа. Тэд энэ онд НИТХ-ын Тэргүүлэгчидтэй уулзаж сургалт зохион байгуулах, тулгамдсан, шийдвэрлэх шаардлагатай асуудлаар зөвлөмж өгөх, гаргасан нийтлэг шийдвэрийг сурталчлах, биелэлтэд хяналт шинжилгээ хийх, Үндсэн хууль, Засаг захиргаа, нутаг дэвсгэрийн нэгж түүний удирдлагын тухай хууль, Төр сүм хийдийн хугацааны тухай хуулийн талаар хэлэлуүүлэг, ярилцлага зохион байгуулж, санал өгөх, Гэмт хэргээс урьдчилан сэргийлэх чиглэлээр зөвлөмж чиглэл өгөх аж. Түүнчлэн “Зөвлөх зөвлөл” нь “Аз жаргалтай хот” хөтөлбөрийг ажил хэрэг болгоход ИТХ, түүний Тэргүүлэгчид, хороод, ажлын албаны хүмүүст зөвлөгөө өгөх, зарим ажлыг санаачлан зохион байгуулах, тулгамдсан асуудлыг шийдвэрлэх гарц хайхад дэмжлэг үзүүлэх зорилготой юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 1 сарын 31
Замын цагдаагийн алба хаагчид гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож явсан 32 жолоочийг илрүүлэн саатуулж гарч болзошгүй осол хэргээс урьдчилан сэргийлж ажиллаа. 2017 оны 01 дүгээр сарын 30-ны өдөр Замын цагдаагийн албаны ЖШУХ дээр нийт 321 дуудлага, мэдээ мэдээлэл хүлээн авснаас зам тээврийн ослын 250 дуудлага бүртгэгдсэн. Үүнээс гэмт хэргийн шинжтэй гомдол мэдээлэл 9 бүртгэгдэж, 11 хүн хүнд хөнгөн гэмтсэн. Ослын шалтгаан, хэлбэрээс авч үзвэл согтууруулах ундааны зүйл хэрэглэсэн үедээ хөдөлгөөнд оролцсон жолооч 1, явган зорчигч 1 байна. Тухайлбал: БЗД-ийн нутаг Дарь эхийн зам, Шилэн соёмбо ХХК-ны зүүн замд N.Vanette маркийн авто машины жолооч Д нь H.Avante маркийн М жолоочтой авто машинтай мөргөлдөж жолооч 29 настай эрэгтэй М нарын 3 хүн гэмтсэн. Жолооч М нь согтууруулах унааны зүйл хэрэглэсэн үедээ тээврийн хэрэгсэл жолоодсон.
Орон нутагт: Архангай аймгийн Их тамир сумын нутаг Таван тээг гэх газрын асфальтан замд T.Landcruiser маркийн Н жолоочтой авто машин онхолдож 49 настай эрэгтэй Н-ийн амь нас хохирч 3 хүн гэмтсэн. Ерөнхий боловсролын сургуулийн 2 дугаар улирлын амралт дуусч хичээл сургууль эхлэж байгаатай холбоотойгоор замын хөдөлгөөнд оролцогч тэр дундаа хүүхдийн хөдөлгөөн эрс нэмэгддэг. Үүнтэй холбоотойгоор хараа хяналт, асран хамгаалагчгүй, буруу тээвэрлэлтээс шалтгаалан хүүхэд зам тээврийн осолд өртөж амь нас, эрүүл мэндээрээ хохирох явдал гардаг. Өчигдөр хүүхэдтэй холбоотой зам тээврийн 3 осол бүртгэгдсэн байна.
БЗД-ийн нутаг Нянтайсүрэнгийн гудамж, БХИС-ийн баруун замд H.Accent маркийн авто машины жолооч Д нь явган зорчигч 08 настай эмэгтэй М-г мөргөж гэмтээсэн.
Хүүхдийг гарч болзошгүй зам тээврийн осол хэргээс урьдчилан сэргийлэх,тээврийн хэрэгслээр аюулгүй зөв тээвэрлэхэд эцэг эх асран хамгаалагчийн үүрэг оролцоо хамгийн чухал байдаг. 0-10 хүртэлх насны хүүхдийг эцэг, эх асран хамгаалагчтай замын хөдөлгөөнд оролцуулах, үр хүүхэддээ тавих хараа хяналтаа сайжруулах, аюулгүй замын хөдөлгөөнд оролцох талаар байнга зөвлөж зааварлах, зөв үлгэр дуурайлалыг үзүүлдэг байх, тээврийн хэрэгслээр тээвэрлэхдээ зориулалтын хамгаалах суудал, хамгаалалтын бүсийг нь хэрэглэж хэвшин аюулгүй байдлыг нь хангаж оролцуулахыг Замын цагдаагийн албанаас зөвлөж байна.
-
2017 оны 1 сарын 31
2016 онд Чингэлтэй дүүрэг дэх Замын цагдаагийн хэлтсийн хариуцсан нутаг дэвсгэр Их тойруугийн гудамж буюу “Баянбүрдийн зам”-д зам тээврийн ослын улмаас 2 явган зорчигчийн амь нас хохирсон хэрэг бүртгэгдсэн байна.
Дээрх замд автобусны буудал орчимд иргэд зам хөндлөн гарахдаа явган хүний гарцаар гардаггүйн улмаас зам тээврийн осолд өртөх эрсдэл өндөр байдаг тул тус хэлтэс Нийслэлийн Авто замын хөгжлийн газар, Улаанбаатар зам засвар, арчлалтын газартай хамтран Баянбүрдийн тойгоос зүүн тийш 150 м-т замын голоор хайс байрлуулж, зам тээврийн осол, хэргээс урьдчилан сэргийлэн ажиллаж байна.
ЯВГАН ЗОРЧИГЧИД ДАРААХ ЗҮЙЛИЙГ ХОРИГЛОНО:
а/явган хүний гарцтай ба гарамтай хэсгийн гарцгүй, гарамгүй хэсгээр зам хөндлөн гарах;
б/аюулгүй байдлыг хангахаас бусад шалтгаанаар зорчих хэсэг дээр зогсох, саатах, тээврийн хэрэгслийн хөдөлгөөнд санаатайгаар саад хийх;
в/ойртон ирж яваа тээврийн хэрэгслийн урдуур гэнэт гүйх;
г/ өөрийгөө хянаж, жолоодох чадваргүй үедээ зорчих хэсгээр явах.
-
2017 оны 1 сарын 31
Нэн ховор амьтны тоонд зүй ёсоор багтсан бөхөн гөрөөсний эврийг хууль бусаар тээвэрлэж явсан Говь-Алтай аймгийн Хөх морьт сумын харьяат Э гэгчийг цагдаагийн алба хаагчид илрүүлсэн. Сэжигтэн Э 78 ширхэг эврийг бусдад худалдан борлуулах зорилгоор тээвэрлэж явсан нь илэрсэн бөгөөд түүний уг үйлдэлд Мөрдөн байцаах газрын Байгаль хамгаалах журмын эсрэг гэмт хэрэг мөрдөх хэлтсээс Эрүүгийн хуулийн тусгай ангийн 203 дугаар зүйлийн 203.2-т заасны дагуу эрүүгийн хэрэг үүсгэн, шалгаж байна.
Тэгвэл сэжигтэн Э дээрх эврийг гоц халдварт өвчнөөр үхэж, газарт булсан бөхөнгийн эврийг ухаж авсан байж болзошгүй аж. Саяхан мялзан өвчин дэгдэж олон тооны бөхөн үхэж байгаа талаар мэргэжлийн байгууллагынхан мэдээлсэн. Тэд ном журмын дагуу үхсэн бөхөнг усгтаж, ариутгал халдваргүйжүүлэлт хийж байгаа хэмээсэн боловч эвэртэй нь булсан байна. Учир нь холбогдох байгууллагын мэргэжилтнүүд бөхөнгийн сэг зэмийг устгахдаа эврийг нь тусгай хяналттайгаар авч хадгалах талаар санал гаргаж байсан ч Онцгой комиссынхон тоогоогүй юм байна.
-
2017 оны 1 сарын 31
Нийслэлийн удирдлагууд нээлттэй ажлын байрны өдөрлөг зарлажээ. Өдөрлөг ирэх хоёрдугаар сарын 02-нд буюу пүрэв гарагт болох бөгөөд намын харъяалал харгалзахгүй нээлттэй ил тод болох гэнэ.
Гол нь залууст гадаад, дотоодод өндөр боловсрол эзэмшсэн байх шаардлагыг тавьж байгаа аж. Энэ талаар өнөөдөр 13.00 цагт нийслэлийн Хэвлэл мэдээллийн төвд хотын удирдлагууд мэдээлэл хийх юм байна.
-
2017 оны 1 сарын 31
Сургуулийн захирал, цэцэрлэгийн эрхлэгч, ӨЭМТ-ийн дарга нартай гэрээ байгууллаа
-
2017 оны 1 сарын 31
Олон улсад хүлээн зөвшөөрөгдсөн итгэмжлэлийн байгууллага боллоо
-
2017 оны 1 сарын 31
Монгол Улс дахь АНУ-ын ЭСЯ-ны Олон нийттэй харилцах алба 2018-2020 оны Fulbright Student Fellowship хөтөлбөрт өргөдөл хүлээж авч эхэлжээ. Олон улсад алдартай уг хөтөлбөр тэтгэлэгт шалгарсан хүний суралцах хугацаан дахь бүх төлбөрийг бүрэн хариуцдаг.
Тэтгэлэгт хөтөлбөрт оролцогчдод тавигдах шаардлага:
-Монгол Улсын иргэн байх.Монгол Улсад амьдардаг байх
-Бакалавр, түүнтэй дүйх зэрэгтэй байх
-Багадаа 1.5 жил ажилласан туршлагатай байх
-Англи хэлний шалгалтын оноотой байх. Хамгийн багадаа IBT-90, PBT/IPT-575, IELTS-7.00 оноо авсан байх зэрэг шаардлагуудтай.
Сонгон суралцах боломжтой мэргэжлүүд:
-Урлаг, урлагийн менежмент
-Биологи
-Бизнес
-Харилцаа
-Эдийн засаг
-Инженер
-Англи хэл
-Жендер, эмэгтэйчүүдийн судлал
-Түүх
-Олон улсын харилцаа
-Сэтгүүл зүй
-Хууль
-Утга зохиол
-Сэтгэл судлал
-Олон нийтийн удирдлага
-Улс төрийн шинжлэх ухаан
-TESOL
-Театр
-Хот төлөвлөлт
-Малын эмч
Дээр дурдаагүй мэргэжлээр сурахыг хүсч буй бол IBT-80, PBT/IPT-550, IELTS-6.5 оноо багадаа авсан байх шаардлагатай. Англи хэлний шалгалтын онооны хавсралтгүйгээр уг тэтгэлгийн өргөдөл хүчингүй болохыг анхаарна уу. Өргөдлийн маягтыг бүрэн бөглөсөн эсэхээ сайтар шалгах хэрэгтэй ба бичиг баримтынхаа эх хувийг хавсаргахгүй. Таны илгээсэн бичиг баримт, мэдээлэл бүхий өргөдлийг буцаахгүй юм.
Өргөдөлд шаардагдах зүйлс:
1,Сүүлийн зургаан сарын дотор авахуулсан 3x4 харьцаатай цээж зураг
2,Академик болон мэргэжлийн чадварыг тань үнэлсэн хоёр хүний тодорхойлолт захидал-Уг захидал нь англи хэлээр бичигдсэн байх шаардлагатай.
-Эсвэл захиагаа баталгаат орчуулгын газраар орчуулуулан хавсаргасан байхыг шаардана.
-Захиаг цахим шуудангаар хүлээж авахгүй. Гэхдээ тодорхойлолт захиа гаргаж буй хүн нь гадаадад байгаа тохиолдолд цахим шуудангаар хүлээж авч болох ба энэ тохиолдолд Adobe (.pdf) өргөтгөлтэй байх ёстой. Захианд ажлын газрын хаяг, утасны дугаар, цахим шуудангийн хаяг зэрэг багтана.
3. Эссэ бичих
-1-2 хуудаст багтаан англи хэл дээр эссэ бичих. Үүнд:
-Яагаад АНУ-д сурах хүсэлтэй буйгаа,
-Суралцсаныхаа дараа юу хийхээр төлөвлөж буй тухайгаа бичнэ.
4. Их сургууль төгссөн дипломны баталгаажуулсан хуулбарыг албан ёсны орчуулгын хамтаар хавсаргах
5. Нийгмийн даатгалын дэвтрийн баталгаат хуулбар (Багадаа 1.5 жил нийгмийн даатгал төлсөн байх)
6. IBT, TOEFL, IELTS-ийн албан ёсны онооны баталгаат хуулбар
Анхаарах зүйлс:
-Өргөдөлд дурдагдсан бүх асуултад хариулах. Хариулт бичихгүй хэсгээ хоосон орхиж болохгүй. Хариулахгүй тохиолдолд N/A тэмдэглэгээ тавих хэрэгтэй.
-Бүх асуултад үнэн зөв хариулах. Эссэгээ өөрийн ажлын туршлага, үзэл бодолдоо тулгуурлан өөрийн бодлоор бичих.Хэн нэгний хэлсэн үгийг ашиглах тохиолдолд заавал тухайн хүний нэр, эх сурвалжийг дурдана. Худал мэдээлэл дурдсан, хэн нэгний материалыг ашигласан тохиолдолд тухайн өргөдлийг шууд хүчингүй болгоно.
-Зөвхөн дурдсан материалуудыг бүрдүүлэх. Нэмэлт материал хавсаргах шаардлагагүй.
Өргөдөл хүлээж авах сүүлийн хугацаа: 2017.03.27
