-
2017 оны 2 сарын 04
Сүхбаатар аймгийн Засаг дарга өчигдөр/02.03/ ”Гамшгаас хамгаалах өндөржүүлсэн бэлэн байдлын зэрэгт шилжүүлэх тухай” захирамж гаргалаа.
Захирамжаар тус аймгийн Эрдэнэцагаан, Асгат сумдад малын гоц халдварт шүлхий халдварт өвчин оношлогдож, Баруун-Урт, Сүхбаатар сумдад өвчний шинж тэмдэг илэрч, өвчний тархалт нэмэгдэх хандлагатай байгаа тул хоёрдугаар сарын 3-ны өдрөөс эхлэн Гамшгаас хамгаалах өндөржүүлсэн бэлэн байдлын зэрэгт шилжүүлэхийг үүрэг болгосон байна.
Иймд Сүхбаатар аймгийн хэмжээнд өчигдрөөс эхлэн гамшгаас хамгаалах өндөржүүлсэн бэлэн байдлын зэрэгт шилжиж, олон нийтийн аливаа үйл ажиллагааг тодорхой бус хугацаагаар хориглолоо.
-
2017 оны 2 сарын 04
сурагчдыг АНУ-д
-
2017 оны 2 сарын 04
“Мөнгөн Улаанбаатар” арга хэмжээний үеэр иргэдэд нийтийн тээврээр үйлчилнэ
-
2017 оны 2 сарын 04
2 саяын степенттэйгээр суралцдаг оюутан болсон Монгол охины захиа
-
2017 оны 2 сарын 04
“Номоо солилцъё” өдөрлөг маргааш Сүхбаатарын талбайд болно
-
2017 оны 2 сарын 04
Олон улсын магадлан итгэмжлэлийн ACBSP-ийн 8-р бүсийн олон улсын их дээд сургуулиудын дунд анх удаа зохион байгуулсан ”Business Simulation” тэмцээн өнгөрсөн 12 сард болсон билээ. Арабын нэгдсэн Эмират улсын Дубай хотод явагдсан энэхүү тэмцээнд олон улсын боловсролын магадлан итгэмжлэлийн наймдугаар бүсэд харьяалагддаг нийт арван сургууль өрсөлдсөн бөгөөд Монголоос МУИС, Отгонтэнгэр Их сургууль, Мандах бүртгэл дээд сургуулийн гурван баг өрсөлдсөн юм.
Адил гараанаас эхэлж сонирхолтой, өгөөжтэй, мэдлэг сорьсон, бодит нөхцөлтэй уялдсан энэ удаагийн тэмцээнд Отгонтэнгэр Их сургуулийн баг дэд байр, МУИС-ийн баг гуравдугаар байр, Мандах бүртгэл дээд сургуулийн баг тусгай байр эзэлсэн.
Арабын нэгдсэн Эмират, Катар, Монгол, ОХУ, Чех, Франц зэрэг улсуудын их сургуулиудын арван баг тэмцээний найман үеийн турш гар утасны глобал зах зээлийн төлөв байдлын өөрчлөлтөнд нийцүүлсэн шийдлүүдээр шийдвэр гарган өрсөлдсөн юм.
Олон улсын бизнес загварчлалын тэмцээнд дэлхийн нэр хүндтэй их сургуулиудтай өрсөлдсөн манай оюутнууд боловсролын салбарт ийнхүү Монголынхоо нэрийг гаргаж чадлаа. Тэр дундаа хувийн их дээд сургуулиуд дэлхийд өрсөлдөхүйц Монгол мэдлэгийг түгээж байгааг их хайрханаар овоглосон чадварлаг залуус дэлхийн хэмжээний томоохон тэмцээнд оролцон, олон орны оюунлаг залуустай англи хэл дээр, тэр тусмаа мэргэжлийн түвшинд өрсөлдөж эх орон, сургуулийнхаа нэрийг дэлхийн тавцанд гаргасан байна.
Отгонтэнгэр их сургуулийн багийн бүрэлдэхүүнд Санхүү 4б ангийн Э.Ундраа, Э.Ганбаяр, Санхүү 3-р ангийн Э.Энхзаяа, Олон улсын худалдааны менежментийн 4-р ангийн Н.Намуунтөгс, Нягтлан бодох бүртгэлийн 4б ангийн Э.Уянга нар багтсан байна. Тэднийг ОТИС-ийн Эдийн засгийн тэнхимийн эрхлэгч судлаач Э.Ганбат удирдан энэхүү дэлхийн нэр хүндтэй тэмцээнд амжилттай оролцуулсан юм.
Тэмцэнд амжилттай оролцсон ОТИС-ийн баг болон бусад сургуулиудын багуудад өнөөдөр БСШУЯ-ны сайд Ж.Батсуурь ACBSP байгууллагын сертификат, цомыг албан ёсоор гардуулан өглөө.
-
2017 оны 2 сарын 04
2017 оны 02 дугаар сарын 03-ны 20 цагаас 02 дугаар сарын 04-ний 20 цаг
хүртэлх цаг агаарын урьдчилсан мэдээ
БАРУУН АЙМГУУДЫН НУТГААР: Шөнөдөө багавтар үүлтэй, өдөртөө үүлшинэ. Цас орохгүй. Салхи баруун өмнөөс секундэд 5-10 метр. Өдөртөө Алтайн уулсаар секундэд 12-14 метр хүрч ширүүснэ. Увс нуурын хотгор, Хүрэн бэлчир, Идэр, Тэс голын хөндийгөөр шөнөдөө 32-37 хэм, өдөртөө 20-25 хэм, Их нууруудын хотгор болон Монгол Алтайн нурууны өвөр хэсгээр шөнөдөө 20-25 хэм, өдөртөө 6-11 хэм, бусад нутгаар шөнөдөө 15-20 хэм, өдөртөө 3-8 хэм хүйтэн байна.
ТӨВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 5-10 метр. Дархадын хотгор, Ерөө голын хөндийгөөр шөнөдөө 30-35 хэм, өдөртөө 18-23 хэм, Хөвсгөл, Орхон-Сэлэнгэ, Эг, Хараа, Туул, Тэрэлж голын хөндийгөөр шөнөдөө 27-32 хэм, өдөртөө 11-16 хэм, Хангай, Хэнтэйн уулархаг нутгаар 21-26 хэм, өдөртөө 8-13 хэм, бусад нутгаар шөнөдөө 14-19 хэм, өдөртөө 3-8 хэм хүйтэн байна.
ЗҮҮН АЙМГУУДЫН НУТГААР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө Хэрлэн, Онон, Улз голын хөндийгөөр 24-29 хэм, бусад нутгаар 18-23 хэм, өдөртөө бүх нутгаар 9-14 хэм хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Цас орохгүй. Салхи баруунаас секундэд 4-9 метр. Шөнөдөө 28-30 хэм, өдөртөө 10-12 хэм хүйтэн байна.
ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи зүүн өмнөөс секундэд 5-10 метр. Өмнөговийн нутгаар шөнөдөө 11-16 хэм хүйтэн, өдөртөө 1 хэм дулаанаас 4 хэм хүйтэн, бусад нутгаар шөнөдөө 15-20 хэм, өдөртөө 3-8 хэм хүйтэн байна.
УЛААНБААТАР ХОТ: Багавтар үүлтэй. Цас орохгүй Салхи баруун хойноос секундэд 5-10 метр. Шөнөдөө Яармаг-Сонгины орчмоор 30-32 хэм, бусад хэсгээр 23-25 хэм, өдөртөө 11-13 хэм хүйтэн байна.
2017 оны 02 дугаар сарын 05-наас 02 дугаар сарын 09-нийг хүртэлх
цаг агаарын урьдчилсан төлөв
5-нд баруун аймгуудын нутгийн зарим газар, төвийн аймгуудын нутгийн хойд хэсгээр, 6-7-нд ихэнх нутгаар, 8-нд нутгийн өмнөд хэсгээр цас орж, цасан шуурга шуурна. Салхи 5-нд зарим газраар, 6,7-нд нутгийн өмнөд хэсгээр секундэд 14-16 метр хүрч ширүүснэ. 5-нд ихэнх нутгаар, 6-нд нутгийн өмнөд хэсгээр хүйтний эрч сулавтар байх боловч цаашдаа хүйтний эрч чангарч Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө 38-43 хэм, өдөртөө 23-28 хэм, Хөвсгөл, Хэнтийн уулархаг нутаг, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Хүрэн бэлчир орчмоор шөнөдөө 29-34 хэм, өдөртөө 16-21 хэм, Их нууруудын хотгор, Монгол Алтайн нурууны өвөр хэсэг, Хангайн уулархаг нутгаар шөнөдөө 25-30 хэм, өдөртөө 13-18 хэм, говийн бүс нутгийн өмнөд хэсгээр шөнөдөө 12-17 хэм, өдөртөө 6-11 хэм, бусад нутгаар шөнөдөө 19-24 хэм, өдөртөө 10-15 хэм хүйтэн байна.
-
2017 оны 2 сарын 03
Нийслэлийн Засаг даргын орлогч П.Баярхүү, Дэлхийн Зөн Олон Улсын байгууллагатай байгуулсан харилцан ойлголцолын санамж бичгийн хүрээнд “Гамшигт тэсвэртэй Улаанбаатар” төслийг хэрэгжүүлэн ажиллаж байна.
Тус төслийн хүрээнд нийслэлийн Онцгой байдлын газрын даргын тушаалаар төрийн байгууллагуудын боловсон хүчинг чадавжуулах , гамшгийн мэдлэг олгох сургалтыг өнгөрсөн нэгдүгээр сарын 23-24 ны өдрүүдэд зохион байгуулан явууллаа.Тус сургалтанд Хүүхэд гэр бүлийн хөгжлийн газар, Эрүүл мэндийн газар, Боловсролын газар, дүүрэг дэх салбар нэгжүүд хамрагдлаа.
Гамшгийн менежментийн багийн гишүүдийг чадавхижуулах сургалтыг нийслэлийн Онцгой байдлын газар , ДЗОУБ хамтран энэхүү сургалтыг зохион байгуулсан. Энэ сургалт гамшиг , ослоос урьдчилан сэргийлэх арга аргачлалд суралцаж бусдад түгээх “Гамшигт тэсвэртэй Улаанбаатар” төслийн зорилгыг танилцуулав гэж нийслэлийн Онцгой байдлын газраас мэдээллээ.
-
2017 оны 2 сарын 03
Онцгой байдлын ерөнхий газрын тэргүүн дэд дарга бөгөөд штабын дарга, онцгой байдлын хурандаа П.Баттогтохоор ахлуулсан ажлын хэсэг малын гоц халдварт шүлхий өвчин гарсантай холбогдуулан зүүн аймгуудад ажиллаж байна.
Ажлын хэсгийнхэн энэ сарын 01, 02-ны өдрүүдэд Сүхбаатар аймгийн Баруун-Урт, Эрдэнэцагаан сумдад ажиллаж, нөхцөл байдалтай газар дээр нь танилцан, аймаг, сумын Онцгой комиссыг хуралдуулан үүрэг, чиглэл өглөө.
Өнөөдрийн байдлаар тус аймгийн Эрдэнэцагаан сумын гурван голомт, Асгат сумын гурван голомтод малын гоц халдварт шүлхий өвчнөөр 133 толгой мал өвчилснөөс 113 толгой малыг зориудын аргаар устгаж, ариутгал халдваргүйтгэлийн ажлыг хийж урьдчилан сэргийлэх арга хэмжээг авчээ. Аймгийн хэмжээнд хорио цээр, халдваргүйтгэл, устгалын ажилд нийт 123 албан хаагч, 31 автомашин ажиллаж байгаагаас ОБГ-аас 35 албан хаагч, 5 автомашинтайгаар үүрэг гүйцэтгэж байгаа аж. Аймаг, сумын хэмжээнд суурин 9 пост, хөдөлгөөнт 12 пост ажиллаж хорио цээрийн дэглэм тогтоон ажиллаж байна.
Онцгой байдлын ерөнхий газрын тэргүүн дэд дарга бөгөөд штабын дарга, онцгой байдлын хурандаа П.Баттогтохоор ахлуулсан ажлын хэсэг өнөөдөр Дорнод аймгийн Матад суманд ажиллана гэж Онцгой байдлын ерөнхий газраас мэдээллээ.
-
2017 оны 2 сарын 03
БОАЖ-ын сайд Д.Оюунхорол “Улаанбаатар уушги нэгтэй” хөтөлбөрийн элчүүдэд өнөөдөр батламж гардууллаа.
Гандантэгчинлэн хийдийн тэргүүн хамба лам Д.Чойжамц,
МУСГЗ, яруу найрагч Ц.Хулан,
“Харанга” хамтлагийн дуучин Ц.Чулуунбат,
“Киви” хамтлагийн ахлагч Д.Уламбаяр,
Гэр бүл судлаач Л.Нарантуяа,
Жүжигчин Ж.Баясгалан,
Хийлч Х.Дэлгэрцэцэг,
Эдийн засагч Д.Жаргалсайхан,
Жүжигчин Б.Баттөмөр,
ОУХМ, МУГТ Б.Гангаамаа гэсэн 10 алдартан агаарын бохирдлыг бууруулахад ард иргэдийг уриалан ажиллахаар ийнхүү элч төлөөлөгчид боллоо.
Элчүүд батламжаа авах үеэр БОАЖ-ын сайд Д.Оюунхоролтой санал солилцож, агаарын бохирдлыг бууруулж, арилгаж, цэвэр, эрүүл орчинд амьдрахын төлөө ард иргэдийг уриалж, санал бодлоо илэрхийлсэн.
Гандантэгчилэн хийдийн тэргүүн хамба лам Д.Чойжамц, агаарын бохирдлыг бууруулахад иргэн бүрийн оролцоо чухал гэдгийг онцолж, “Дээр үед бид гэрээ бөмбийтөл дулаалаад өвөлждөг байв. Одоо ч манайхан энэ тал дээр дутмаг байна даа” гэсэн юм. Тэргүүн хамба нүүрс түлж өөрийгөө болон бусдыгаа хордуулж байгаа үйлдлээ цэгнэн үзэж, утааг бууруулах боломжуудыг эрэлхийлж, хүн бүр өөрсдийн хувь нэмрийг оруулахыг уриалав.
“Киви” хамтлагийн ахлагч Д.Уламбаяр “Хөөрхөн охид үснээсээ, хувцаснаасаа утаа үнэртүүлээд явахыг хүсэхгүй. Залуу үеийг идэвхжүүлж,хүмүүсийн сэтгэлгээ,хандлага, дадлыг өөрчлөх хэрэгтэй” гэсэн юм.
ОУХМ, МУГТ Б.Гангаамаагийн хувьд олон орноор зочилж, үзэсгэлэнт байгалийг харахдаа Монгол яагаад эдгээр орнууд шиг онгон дагшин байгальтай, эрүүл, саруул ирээдүйтэй, цэвэр цэмцгэр байж болдоггүй юм бол гэх асуултыг өөртөө тавьдаг гэнэ. Тэрбээр агаарын бохирдлын эсрэг олон хүн дуу хоолойгоо нэгтгэхийн хэрээр үр дүнд хүрнэ гэж үзэж буй ажээ.
Гэр бүл судлаач Л.Нарантуяа гэр хорооллын ард иргэд нүүрс түлэхээ болихгүй бол өөрийн болон бусдын эрүүл мэндийг хохироосоор байна гэсэн юм. Тиймээс нүүрснээс татгалзаж, цахилгаан халаагуураар халаалтын асуудлаа шийдэх хэрэгтэй гэв.
МУСГЗ, яруу найрагч Ц.Хулан агаарын бохирдлыг бууруулах элчүүд монголчуудын сэтгэлгээг өөрчлөх ажлыг хийх хэрэгтэй гэж үзэж буйгаа хэллээ. Монголчууд хэтэрхий залхуу, бэлэнчлэх сэтгэлгээтэй болсон. Эхлээд оюун санаанд нь эерэг мэдээлэл хүргэж, бид нэгдэж хийх ёстой гэсэн сэтгэлгээтэй болгох ёстой гэлээ.
Жүжигчин Ж.Баясгалан, агаарын бохирдол бидний үр хүүхдийн эрүүл, аюулгүй амьдрах эрхийг боогдуулж байгаад иргэн хүний хувьд санаа зовж байгаа учраас хөтөлбөрт нэгджээ.
“Улаанбаатар уушги нэгтэй” хөтөлбөрийн элчүүд 2017 оны турш ард иргэдэд мэдээлэл түгээн, түүхий нүүрсний хэрэглээнээс татгалзан, цахилгаан халаагуур, сайжруулсан түлш хэрэглэхийг ард иргэдэд уриалах юм.
БОАЖ-ын сайд Д.Оюунхорол агаарын бохирдлыг бууруулах ард иргэдийн оролцоог нэмэгдүүлэх БОАЖЯ-ны бодлогыг дэмжиж, олон нийтийг уриалах, хамтран ажиллахад сайн дураараа оролцон, элч төлөөлөгчид болж байгаа алдартнуудад талархал илэрхийлэв.
Энэ оны нэгдүгээр сарын 1-нээс эхлэн гэр хорооллын айл өрхүүдийн шөнийн цахилгааны тарифыг тэглэсэн. Үүнтэй холбогдуулан БОАЖЯ, нийслэлийн ЗДТГ-аас хамтран агаарын бохирдлыг бууруулах технологийн үзэсгэлэнг зохион байгуулсан. Уг үзэсгэлэнг үргэлжлүүлэн нийслэлийн гурван бүсэд зохион байгуулахаар ажиллаж байна.
Мөн цахилгаан халаагуурыг зээлээр авах нөхцөлийг бүрдүүлж, Монголын банкуудын холбоотой хамтран ногоон зээл олгох болсноо БОАЖ-ын сайд Д.Оюунхорол хэллээ гэж БОАЖЯ-ны ХМА-наас мэдээллээ.
-
2017 оны 2 сарын 03
УИХ-ын чуулганы өнөөдрийн /2017.02.03/ нэгдсэн хуралдаанаар Авто замын тухай хуулийн шинэчилсэн найруулгын төслийн үзэл баримтлалыг хэлэлцэх эсэх асуудлыг шийдлээ.
Төслийн үзэл баримтлалыг Зам, тээврийн хөгжлийн сайд Д.Ганбат танилцуулав.
-
2017 оны 2 сарын 03
Монголын Энтрепренёр Ээжүүдийн Холбоо ТББ-ынхан НЗДТГ-ын хэрэгжүүлэгч агентлаг Нийслэлийн тээврийн газрын дэмжлэгтэйгээр “Ягаан суудал” нөлөөллийн аянг эхлүүлжээ. Залуу ээжүүдийн санаачилсан энэ төслийн хүрээнд автобусаар үйлчлүүлж буй жирэмсэн ээжүүд зориулсан “Ягаан суудал” дээр суун зорчих аж.
Тэд нийслэлийн нийтийн тээврийн үйлчилгээнд явж буй 1000 автобусны хоёр суудал бүрийг ээжүүдэд зориулан ягаан суудлын бүрээсээр өнгөлөх юм байна.
-
2017 оны 2 сарын 03
Нийслэл хотын хүн ам жилээс жилд өсөн нэмэгдэж байгаа төдийгүй 70 орчим хувь нь гэр хороололд амьдардаг гэх судалгаа бий. Эдгээр айл өрхийн тэжээвэр нохойноос гадна сүүлийн үед золбин муур, нохой ихсэх болсон нь ард иргэд галзуу өвчний эрсдэлд өртөх аюулыг улам нэмэгдүүлж байгаа юм.
2017 он гарсаар Хөвсгөл, Увс, Говь-Алтай, Өмнөговь, Булган аймгийн зургаан сум, Улаанбаатар хотын Чингэлтэй, Багахангай, Хан-Уул дүүрэгт галзуугийн эрсдэлд өртсөн 22 тохиолдол бүртгэгджээ. Тухайлбал, Хан-Уул дүүргийн 12 дугаар хорооны нутаг дэвсгэрт энэ оны нэгдүгээр сарын 25-наас 26-нд шилжих шөнө тэжээвэр гурван нохой 200 гаруй тооны малд халдсан бөгөөд иргэд тухайн үхсэн малын арьсыг өвчиж эрсдэлд өртсөн байна.
Иймд айл өрх бүр тэжээвэр нохойгоо галзуу өвчний эсрэг вакцинд хамруулах, хашаандаа тогтмол уях, гадуур авч гарах бол амны хамгаалалт хийх, мөн иргэд гудамж, талбайгаар явахдаа анхаарал болгоомжтой байхыг нийслэлийн Эрүүл мэндийн газар, нийслэлийн Зоонозын өвчин судлалын төвөөс сэрэмжлүүлж байна.
Үхсэн болон галзуу өвчний сэжигтэй мал, амьтантай тааралдсан тохиолдолд:
Онцгой байдлын газар - 105
Нийслэлийн Мал эмнэлгийн газар – 70141401, 70141403, 70141407, 7014140
Зоонозын өвчин судлалын үндэсний төв – 70282853
Нийслэлийн Зоонозын өвчин судлалын төв – 70210316
Нийслэлийн Эрүүл мэндийн газар – 11-320981 утсанд яаралтай мэдэгдэнэ үү гэж нийслэлийн Эрүүл мэндийн газраас мэдээллээ.
-
2017 оны 2 сарын 03
2017 оны 1 дүгээр сарын 25-ны байдлаар нэгдсэн системд хэрэглэгчийн мэдээллээ дутуу бүртгүүлсэн 137’822 татвар төлөгч иргэн байгаа бөгөөд мэдээллээ нягтлан шалгах, засварлах сүүлийн хугацаа 2 дугаар сарын 15-ны өдөр хүртэл үргэлжилнэ.
-
2017 оны 2 сарын 03
Өчигдөр Замын цагдаагийн албаны шуурхай удирдлагын төвд зам тээврийн ослын 240 дуудлага бүртгэгджээ. Үүнээс гэмт хэргийн шинжтэй гомдол долоо бүртгэгдэж мөн долоон хүн гэмтсэн байна.
Тухайлбал, Сонгинохайрхан дүүргийн нутаг Нарангийн голын эцсийн буудлын замд амины H.Verna маркийн автомашины жолооч С нь согтууруулах ундааны зүйл хэрэглэсэн үедээ тээврийн хэрэгсэл жолоодон, явган зорчигч Б-г мөргөж гэмтээгээд хэргийн газрыг орхисон хэргийг тус дүүргийн Замын цагдаагийн албаны зохицуулагч Энх-Амгалан олж илрүүлжээ.
-
2017 оны 2 сарын 03
Галын аюулаас дөрвөн хүний амь аварсан Сонгинохайрхан дүүрэг дэх цагдаагийн хоёрдугаар хэлтсийн эрүүгийн төлөөлөгч, цагдаагийн ахлах дэслэгч Г.Ганбаярыг өнөөдөр Онцгой байдлын ерөнхий газрын удирдлагууд хүлээн авч, “Онцгой байдлын албаны төлөө-2” тэмдгээр шагналаа.
DSC_3289
Г.Ганбаяр нь энэ сарын 24-ний өглөө ажилдаа явах замдаа айлын байшинд гал гарч буйг мэдэн, цонхыг нь хагалан дөрвөн хүний амийг нь аварсан байна.
DSC_3292
Сонгинохайрхан дүүргийн 25-р хорооны тус айлд хөл муутай, босч явах боломжгүй хүн байсан бөгөөд тэднийг цонхоор нь гаргаж, эмнэлгийн тусламж дууджээ.
DSC_3294
Иргэний үүргээ нэр төртэй биелүүлсэн цагдаагийн ахлах дэслэгч Г.Ганбаярт Онцгой байдлын албаны нэрийн өмнөөс талархал дэвшүүлье.
-
2017 оны 2 сарын 03
“Мөнгөн Улаанбаатар” өвлийн спорт наадмын цасны баярын үйл ажиллагааг 2017 оны 2 дугаар сарын 4-ны бямба гаригт “Хүй 7 худаг” дахь “Монгол наадам цогцолбор” ОНӨТҮГ-т зохион байгуулна. Уг арга хэмжээний үеэр нийслэлийн Тээврийн газраас иргэдэд том оврын 2 автобусаар үйлчлэх юм. Иргэдэд үйлчлэх автобус маргааш Хувьсгалчдын музей /Хэлмэгдэгсдийн хөшөө/ – “Хүй 7 худаг” чиглэлээр явах бөгөөд өглөө 08:45-09:00, орой 17:00-17:30 цагт тус тус үйлчилнэ.
Тайлбар: Нийслэл, дүүргийн нутгийн захиргааны байгууллагууд өөрсдийн унаагаар зорчих болно. Үйлчилгээтэй холбоотой санал, хүсэлтийг 11323176, 11321490 дугаараас авах боломжтой гэж нийслэлийн Тээврийн газраас мэдээллээ.“Мөнгөн Улаанбаатар” өвлийн спорт наадмын цасны баярын үйл ажиллагааг 2017 оны 2 дугаар сарын 4-ны бямба гаригт “Хүй 7 худаг” дахь “Монгол наадам цогцолбор” ОНӨТҮГ-т зохион байгуулна. Уг арга хэмжээний үеэр нийслэлийн Тээврийн газраас иргэдэд том оврын 2 автобусаар үйлчлэх юм. Иргэдэд үйлчлэх автобус маргааш Хувьсгалчдын музей /Хэлмэгдэгсдийн хөшөө/ – “Хүй 7 худаг” чиглэлээр явах бөгөөд өглөө 08:45-09:00, орой 17:00-17:30 цагт тус тус үйлчилнэ.
Тайлбар: Нийслэл, дүүргийн нутгийн захиргааны байгууллагууд өөрсдийн унаагаар зорчих болно. Үйлчилгээтэй холбоотой санал, хүсэлтийг 11323176, 11321490 дугаараас авах боломжтой гэж нийслэлийн Тээврийн газраас мэдээллээ.
-
2017 оны 2 сарын 03
Өчигдөр Замын цагдаагийн албаны шуурхай удирдлагын төвд зам тээврийн ослын 240 дуудлага бүртгэгджээ. Үүнээс гэмт хэргийн шинжтэй гомдол долоо бүртгэгдэж мөн долоон хүн гэмтсэн байна. Тухайлбал, Сонгинохайрхан дүүргийн нутаг Нарангийн голын эцсийн буудлын замд амины H.Verna маркийн автомашины жолооч С нь согтууруулах ундааны зүйл хэрэглэсэн үедээ тээврийн хэрэгсэл жолоодон, явган зорчигч Б-г мөргөж гэмтээгээд хэргийн газрыг орхисон хэргийг тус дүүргийн Замын цагдаагийн албаны зохицуулагч Энх-Амгалан олж илрүүлжээ. Мөн орон нутгийн замд гэрэл жолооч гэрэл шилжүүлээгүйгээс үүдсэн осол аваар гарах болсон учир жолооч нарыг Замын хөдөлгөөний дүрмээ баримтлан хөдөлгөөнд оролцохыг анхааруулж байна.
Нартай үед орчны гэрэлтүүлэг 100 мянган люкс байдаг бол шөнийн харанхуйд 0,0001 люкс болтол буурч, хүний харах чадвар нэг тэрбум дахин багасдаг тул харанхуй үед замын хөдөлгөөнд оролцох нь хамгийн хүндрэлтэй байдаг гэдгийг эрдэмтэд тогтоожээ. Шулуун замд холын гэрэл нь 500-700 метр зайнаас сөрөг нөлөөгөө үзүүлж эхэлдэг гэсэн тооцоо бий. Өөрөөр хэлбэл чухам энэ зайнаас эхлэн өөдөөс ирж байгаа жолооч холын гэрлийг ойрынх болгон шилжүүлэхийг танаас хүсч эхэлдэг гэсэн үг юм. Иймд Замын хөдөлгөөний дүрмийн 15-р зүйлд ”...Өөдөөс ирж яваа тээврийн хэрэгсэл хүртэл 150 метрээс багагүй зайд буюу жолоочийг гялбуулж болзошгүй бусад тохиолдолд холын гэрлийг ойрын гэрэлд шилжүүлнэ. Мөн өөдөөс яваа жолооч гэрлээ үе үе шилжүүлэн дохивол зайн хэмжээг үл харгалзан холын гэрлийг ойрын гэрэлд шилжүүлнэ.” гэж заасан байдаг.
-
2017 оны 2 сарын 03
Налайх дүүргийн албан бус насан туршийн боловсролд хамрагддаг хүүхдүүд ЕБС-ийн бага ангийн сурагчдын адил “Үдийн цай” хөтөлбөрт хамрагдаж чаддаггүй. Дүүргийн Хангамж үйлчилгээний төвийн дарга О.Энхтайван судлан үзэж шийдвэрлэсэн байна. Тус дүүрэгт албан бус насан туршийн боловсролд хамрагддаг бага дунд ангийн 130 гаруй хүүхэд долоо хоногт хоёр удаа “Үдийн цай” хөтөлбөрт хамрагдахаар боллоо.
Өчигдөр дүүргийн Засаг даргын Нийгмийн хөгжлийн асуудал хариуцсан орлогч Х.Анхбаяр, Хангамж үйлчилгээний төвийн дарга А.Энхтайван нар Албан бус насан туршийн боловсрол төвийн сурагчидтай уулзаж, үдийн цайны хэрэглэгдэхүүнийг нь гардуулж өглөө. Энэ үеэр Насан туршийн боловсролын үндэсний төвийн захирал н.Энхбаяр Налайх дүүргийн АБНТБТ-д ажиллаж байхтай тааралдан дүүрэгтээ энэ асуудлыг нөөц боломжоороо шийдвэрлэсэнд талархалтай байгаагаа дурдсан юм гэж Налайх дүүргийн ЗДТГ-аас мэдээллээ.
-
2017 оны 2 сарын 03
НӨАТ
