-
2016 оны 9 сарын 10
Ямааны тахал шинжтэй халдварт өвчнөөр Баян-Өлгий аймгийн Булган суманд өвчилсөн бог малын тоо 15369 гаруй толгойд хүрчээ.
-
2016 оны 9 сарын 10
Увс, Ховд, Баян-Өлгий аймгууд ОХУ-аас импортоор гэрэл цахилгаан авч эрчим хүчнийхээ хэрэглээг хангадаг билээ.
-
2016 оны 9 сарын 10
Хуучны ховор автомашинуудын парад өнөөдөр болно. Парад гурвалжингийн гүүрнээс Баруун 4 зам, Тэнгис кино театр, Үндэсний соёл амралтын хүрээлэн гэсэн чиглэлд явах аж.
-
2016 оны 9 сарын 10
Улс төрийн хилс хэрэгт хэлмэгдэгсдийн дурсгалыг хүндэтгэх өдөр жилийн есдүгээр сарын 10-ны өдөр тохиодог.
-
2016 оны 9 сарын 10
Төрийн байгууллагын удирлагууд улсын мөнгийг үр ашиггүй үрж, “хумсалдаг” гэх шүүмжлэл байнга гардаг. Тэгвэл МУБИС-ийн удирдлагууд ч нэлээд олон сая төгрөгийн асуудалд орооцолджээ. Тус сургуулийн удирдлага өөрсдийн булхайг далдлахын тулд санхүүгийн аудитын компаниудтай хуйвалдан олон сая төгрөг шамшигдуулж эцэстээ бүгд шаварт унажээ. Тодруулбал МУБИС сүүлийн гурван жилийнхээ санхүүгийн тайланг “Их наяд аудит”-ын компаниар баталгаажуулсан байна. Ингэхдээ тус компанид 10-20 сая төгрөгийн хөлс төлсөн аж.
-
2016 оны 9 сарын 09
Улс төрийн хилс хэрэгт хэлмэгдэгсдийн дурсгалыг хүндэтгэх өдөр жилийн есдүгээр сарын 10-ны өдөр тохиодог.
-
2016 оны 9 сарын 09
Улсын Их Хурлын Төрийн байгуулалтын байнгын хороо өнөөдөр /2016.09.09/ үдээс хойш үргэлжлүүлэн хуралдаж, “Улсын Их Хурлын 2016 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төслийг хэлэлцлээ.
Уг асуудлыг тус байнгын хорооны өчигдрийн хуралдаанаар хэлэлцэх явцад Улсын Их Хурлын гишүүн Д.Эрдэнэбат тогтоолын төслийг Улсын Их Хурал дахь Ардчилсан намын бүлгийн хурлаар дахин хэлэлцэх шаардлагатай байна гэсэн санал гаргасан тул асуудлыг хэлэлцэхийг түр хойшлуулахаар шийдвэрлэж, байнгын хорооны хуралдааныг өнөөдөр үргэлжлүүлэхээр тогтсон.
“Улсын Их Хурлын 2016 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төсөлд хууль санаачлагчаас урьдчилан санал авахад Монгол Улсын Ерөнхийлөгчөөс 14, Засгийн газраас 54, Улсын Их Хурал дахь намын бүлэг, гишүүдээс 83, нийт 151 санал ирүүлжээ. Гэвч эдгээр төслийг бүгдийг нь Улсын Их Хурлын 2016 оны намрын ээлжит чуулганаар хэлэлцэж батлах боломжгүй учраас эхний ээлжинд хуулиар зайлшгүй хэлэлцэхээр заасан болон Засгийн газрын мөрийн хөтөлбөрийг хэрэгжүүлэх эрх зүйн орчинг боловсронгуй болгоход чиглэгдсэн, түүнчлэн өмнөх Улсын Их Хурлын үед батлагдсан зарим хуульд нэмэлт, өөрчлөлт оруулах тухай хуулийн төслүүдийг тогтоолын төсөлд нэр зааж тусгах зарчмыг байнгын хороо баримталсан байна. Одоогоор Улсын Их Хуралд өргөн мэдүүлэгдсэн 70 гаруй, хэлэлцүүлгийн шатанд 20 орчим хуулийн төсөл байгаа аж.
Хуралдааны эхэнд байнгын хорооны дарга Н.Энхболд тогтоолын төсөлтэй холбогдуулан Улсын Их Хурал дахь Ардчилсан намын бүлгээс албан бичгээр ирүүлсэн саналыг гишүүдэд танилцуулаад хэлэлцүүлгийн шатанд байгаа болон тогтоолын төслийн 1 дэх хэсэгт нэр зааснаас бусад Монгол Улсын Ерөнхийлөгч, Засгийн газар, Улсын Их Хурлын гишүүдээс өргөн мэдүүлсэн хууль, Улсын Их Хурлын бусад шийдвэрийн төслүүдийг намрын ээлжит чуулганаар хэлэлцүүлэх асуудлыг тухай бүрт нь шийдвэрлэж байхаар тогтоолын төслийн 2 дахь хэсэгт тусгасны дагуу тус намын бүлгээс ирүүлсэн саналыг шийдвэрлэх боломжтой талаар байнгын хорооны хуралдааны тэмдэглэлд тусгах нь зүйтэй гэж үзэж буйгаа хэллээ.
Тогтоолын төсөлтэй холбогдуулан Улсын Их Хурлын гишүүн Ц.Мөнх-Оргил, Д.Сумъяабазар, Ж.Мөнхбат нар асуулт асууж тодруулан саналаа хэлэв. Харин Улсын Их Хурлын гишүүн Я.Санжмятав Улс төрийн хилс хэрэгт хэлмэгдэгсдийг цагаатгах, тэдэнд нөхөх олговор олгох тухай хуульд өөрчлөлт оруулах тухай хуулийн төслийг тогтоолын төсөлд нэмж тусгуулах зарчмын зөрүүтэй санал гаргасныг байнгын хорооны хуралдаанд оролцсон гишүүдийн 83.3 хувь нь дэмжлээ. Ингээд байнгын хорооны хуралдаанд оролцсон гишүүдийн дийлэнх олонхын саналаар “Улсын Их Хурлын 2016 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төслийг чуулганы нэгдсэн хуралдаанаар хэлэлцүүлж батлуулахаар тогтов.
Улсын Их Хурлын 2016 оны намрын ээлжит чуулганаар хуулиар зайлшгүй хэлэлцэхээр тусгайлан заасан хууль тогтоомжийн төслүүдээс гадна Эрүүгийн хэрэг хянан шийдвэрлэх тухай, Хууль сахиулах ажиллагааны тухай, Прокурорын байгууллагын тухай, Шүүхийн шийдвэр гүйцэтгэх тухай, Гэр бүлийн хүчирхийлэлтэй тэмцэх тухай, Эрүүгийн хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай, Монгол Улсын гадаад харилцааны тухай, Ач санах тухай зэрэг 19 хуулийн төслийг хэлэлцэхээр нэр зааж тусгасан байна. Мөн Засгийн газрын үйл ажиллагааны хөтөлбөрийг хэрэгжүүлэхтэй холбогдсон хууль тогтоомжийн төслүүдийг хууль санаачлагчаас өргөн мэдүүлбэл намрын ээлжит чуулганы дараалалд оруулахыг Улсын Их Хурлын даргад зөвшөөрөхөөр тусгажээ гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2016 оны 9 сарын 09
Дорнод аймгийн Хэрлэн сумын Хашаатад малын боомын өвчлөл гарч хорио цээрийн дэглэм тогтоосон ба тус нутагт амьдардаг “Н”-д боом өвчний шинж тэмдэг илэрч, аймгийн БОЭТ-ийн халдвартын тасагт тусгаарлан эмчлэгдэж байна.
-
2016 оны 9 сарын 09
”Улс төрийн хэлмэгдэгсдийн дурсгалын өдөр”-ийг тохиолдуулан Нийсэлийн Иргэдийн төлөөлөгчдийн Хурал, Нийслэлийн Засаг даргын тамгын газар, Цагаатгах ажлыг удирдан зохион байгуулах нийслэлийн салбар комиссоос улс төрийн хилс хэрэгт хэлмэгдсэн 24 иргэн түүний гэр бүл, үр хүүхэдэд хүндэтгэл үзүүлэн мөнгөн тусламжийг олголоо.
Манай улс ”Улс төрийн хилс хэрэгт хэлмэгдэгсдийн өдөр”-ийг жил бүрийн есдүгээр сарын 10-ны өдөр нийтээр тэмдэглэх тэмдэглэлт өдөр болгон зохион байгуулаад 20-иод жил болж байгаа юм. Цагаатгах ажлыг удирдан зохион байгуулах нийслэл, дүүргийн салбар комисст 2005-2016 оны хугацаанд нийт 4000 гаруй өргөдөл, гомдол, санал хүсэлт ирсэн бөгөөд 421 хүнд 50,0-100,0 төгрөгийн мөнгөн тусламжийг үзүүлж, орон сууцаа хураалгасан болон орон сууц авах эрх үүссэн 25 хэлмэгдэгсдэд болон түүний хань ижил, үр хүүхдүүдэд орон сууц олгох ажлын зохион байгуулсан байна.
Мөн нэр алдрыг нь мөнхжүүлэх, хэлмэгдэгчийн нэрэмжит болгох, дурсгалын самбар бий болгох, нийгмийн хангамжийн арга хэмжээнд оролцуулах зэргээр улс төрийн хэлмэгдэлтийн үр дагаврыг арилгахад чиглэсэн олон ажил, арга хэмжээг зохион байгуулсаар байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 9 сарын 09
Маргааш буюу 9-р сарын 10-ны өдөр Чингисийн талбайд “Амин хариуцлага-Хүүхэдтэйгээ зочлох” өдөрлөг болно.
-
2016 оны 9 сарын 09
Есдүгээр сарын 1-ний өдөр хоёр сурагч хичээлээ тараад асран хамгаалагчгүй замын хөдөлгөөнд оролцож байх үедээ бэртэж гэмтсэн хэрэг гарсан.
-
2016 оны 9 сарын 09
Их аварга Хакухо М.Даваажаргал энэ удаагийн башед барилдахгүй өнжих болсон тухайгаа албан ёсоор зарлажээ. Их аварга маань өнгөрсөн долдугаар сарын тэмцээний үеэр баруун хөлийн эрхий хуруугаа гэмтээсэн юм. Тэрээр наймдугаар сард тойргийн барилдаанд оролцож байгаад зүүн өвдөгний бэртлээ улам ихээр сэдрээжээ.
-
2016 оны 9 сарын 09
адаадад 2000 оноос одоогийн байдлаар 4400 орчим монгол хүүхэд төрсөн гэх тоон судалгаа байна. Төрсөн улсынхаа хуулиар хүүхдүүд тухайн нутгийнхаа иргэн болдог бол аав ээжийнхээ харьяаллыг дагаж Монгол Улсаараа овоглох эрхтэй байдаг. Гэвч манай улс давхар иргэншлийг зөвшөөрдөггүй аж. Иймээс гадаад дахь 130 гаруй монгол иргэн иргэншлийг асуудлыг зохицуулсан эрх зүйн орчинтой болох саналыг иргэд удаа дараа Гадаад харилцааны яамд илгээдэг байна.
Үүний дагуу Монгол Улс үндэсний аюулгүй байдлаа харгалзан үзэж давхар иргэншлийг зөвшөөрөх хуультай болж, асуудлыг шийдэх талаар Гадаад харилцааны сайд Ц.Мөнх-Оргил хэллээ.
Тэрбээр “Эх орондоо ирдэг, ах дүү нартайгаа уулздаг, монголтойгоо хэлхээ холбоотой байхын тулд монгол иргэнээрээ үлдмээр байна” гэдэг хүсэлтийг гадаад дахь монголчууд ихээр тавьдаг. Монгол Улсын харьяатын тухай хуулиар давхар харьяаллыг манайх зөвшөөрдөггүй. Гэтэл хүссэн ч, хүсээгүй ч давхар харьяалал бий болдог. Жишээлбэл АНУ-д Монгол эцэг эхээс хүүхэд төрөхөөр тухайн хүүхэд шууд АНУ-ын иргэн болдог. Монгол Улсын харьяатын тухай хуулиар Монгол эцэг эхээс мэндэлсэн бол хаана төрснөөс нь үл хамаараад МУ-ын иргэнээр харьяалагддаг. Ингээд хууль зөрчөөгүй байж л давхар харьяат болоод байна. Иймээс энэ асуудлыг зохицуулахаар олон талын хувилбарууд дэвшүүлээд байгаа. Энэ асуудалтай холбоотой МУ-ын Ерөнхийлөгчийн өргөн барьсан хуулийн төсөл бий. Удахгүй Мэргэжлийн Засгийн газар давхар иргэншлийг зохицуулсан хуулийн төсөл боловсруулж өргөн барина. Энэ асуудлыг нэг тийш нь болгоно” гэлээ.
-
2016 оны 9 сарын 09
Монгол банкны захиалгаар Үл хөдлөх хөрөнгийн Тэнхлэг зууч компанийн хараат бусаар хийсэн “Орон сууцны үнийн индекс”-ийн (ОСҮИ) судалгааны 2016 оны наймдугаар сарын үр дүнг танилцуулж байна.
-
2016 оны 9 сарын 09
Сэлэнгэ аймгийн Сүхбаатар, Алтанбулаг, Шаамар, Зүүнбүрэн, Түшиг суманд энэ сарын 9, 10-нд 08:00-20:00 цагийн хооронд цахилгаан хязгаарлахаар болжээ.
-
2016 оны 9 сарын 09
Дорноговь аймгийн хэмжээнд малын гоц халдварт цэцэг өвчний тархалт нэмэгдсээр байна.
-
2016 оны 9 сарын 09
Соёл урлагийн ажилтны өдрийг энэ сарын 10-нд “Чингисийн өргөө” цогцолборт тэмдэглэнэ.
-
2016 оны 9 сарын 09
Хэнтий аймаг дахь Шүүхийн шийдвэр гүйцэтгэх ерөнхий газрын харьяа жирийн дэглэмтэй Хорих 419-р ангид хоригдож байсан хоригдол хадлангийн өвс бэлтгэх ажилд дайчлагдаад байх үеэрээ оргосон талаар бид мэдээлсэн.
-
2016 оны 9 сарын 09
Шинэчлэлийн Засгийн газраас хэрэгжүүлсэн “Нүүрс” хөтөлбөрөөс их хэмжээний мөнгө хувьдаа завшиж шамшигдуулсан хэрэгт холбогдон зургаан сарын турш хоригдсоны эцэст хэрэг нь хэрэгсэхгүй болсон Б.Мөнгөнтуяа Монголын төрийг шүүхэд өгчээ.
-
2016 оны 9 сарын 09
Нийтийн тээврийн ”Городок - Дүнжингарав худалдааны төв” чиглэлд өөрчлөлт орлоо
4 минутын өмнө Print Zasag and PDF
ShareThis Facebook Tweet LinkedIn Email
Налайх дүүргийн 5 дугаар хорооны нутаг дэвсгэр Городокын суурьшлийн бүс хүртэл 1,02 км авто зам ашиглалтад орсонтой холбогдуулан 2016 оны 09 дүгээр сарын 10–ны өдрөөс эхлэн нийтийн тээврийн үйлчилгээний хот орчмын Х0:3 ”Городок - Дүнжингарав худалдааны төв” чиглэлийн замналд өөрчлөлт орж, замналын зураглалд “Городок-1” завсрын зогсоол нэмэгдээд байна. Мөн хот орчмын Х0:3 ”Городок - Дүнжингарав худалдааны төв” чиглэл болон ХО:4 ”Тэрэлж - Мэлхий хад-Налайх - Баруун 4 зам” чиглэлийн замналын зураглалд Налайх дундын 1, Налайх дундын 2, автобусны зогсоолууд нэмэгдэж байна гэж Нийслэлийн Тээврийн газраас мэдээллээ.