-
2017 оны 2 сарын 07
Өнгөрсөн ням гаригт Замын-Үүдийн боомтоор БНХАУ-ын дугаартай “Прадо-150” машин хил зөрчин орж ирснийг хилчид, цагдаа, тагнуулынхан хамтран саатуулсан байна
-
2017 оны 2 сарын 07
Өвөлжилт хүндэрсэн сумдын нөхцөл байдал, сум орон нутгаас өвөлжилт хаваржилтыг даван туулах талаар авч хэрэгжүүлж байгаа ажлын үр дүнтэй танилцаж, тулгамдаж буй асуудлуудыг шийдвэрлэх зорилгоор аймгийн Онцгой комиссоос найман ажлын хэсэг гарч, Баян-Агт, Сайхан, Тэшиг, Хутаг-Өндөр, Сэлэнгэ, Хангал, Бугат, Орхон, Булган, Гурванбулаг сумдад тус тус ажиллалаа.
02-07 BU-2
Аймгийн Онцгой комиссын орлогч дарга, Онцгой байдлын газрын дарга, онцгой байдлын хурандаа Д.Ууганбаяраар ахлуулсан ЗДТГ-ын цэргийн штабын дарга хурандаа Х.Золзаяа, УЦУОШГ-ын дарга С.Жаргалсайхан, ОБГ, ХХААГ, ЭМГ-аас холбогдох мэргэжилтнүүдээс бүрдсэн ажлын хэсэг Хутаг-Өндөр, Тэшиг сумдад ажиллав.
02-07 BU-3
Тус ажлын хэсгийнхэн малчдад аймаг орон нутгаас зохион байгуулж байгаа ажлын мэдээллийг хүргэж, малчдыг дэмжих аяны хүрээнд цугласан тусламжийн эд зүйлсийг тарааж, эрүүл мэндийн үйлчилгээ үзүүлэн, иргэдийн хүсэлтийг сонсож, зарим асуудлуудыг газар дээр нь шийдвэрлэлээ.
Түүнчлэн Хутаг-Өндөр сумын иргэдийн хүсэлтээр аймгийн Онцгой байдлын газраас трактор гаргаж, малын бэлчээрийн зам, бэлчээрлэх талбай гарган ажиллаж байна гэж Булган аймгийн Онцгой байдлын газраас мэдээллээ.
02-07 BU
02-07 BU-1
02-07 BU-5
02-07 BU-4
02-07 БУ-1
-
2017 оны 2 сарын 07
Нийслэлийн нутаг дэвсгэрт иргэдийн амгалан тайван байдлыг хангах, гэмт хэрэг, зөрчлөөс урьдчилан сэргийлэх, гудамж талбайд үйлдэгдэж буй гэмт хэргийг таслан зогсоох зорилгоор ”Сар шинэ” нэгдсэн арга хэмжээг энэ оны нэгдүгээр сарын 23-ны өдрөөс гуравдугаар сарын 3-ны өдрийн хооронд зохион байгуулж байна.
Арга хэмжээний хүрээнд Цагдаагийн Ерөнхий Газрын олон нийтийн аюулгүй байдлыг хангах албаны хамгаалалтын нэг, хоёр, гуравдугаар газар, тус газрын үйл ажиллагааны хэрэгжилтийг зохицуулах хэлтсийн нохойт эргүүл, олон нийтийн цагдаа, урамшилт эргүүлүүдтэй хамтран өдөрт нийт 307 чиглэлд 600 гаруй алба хаагч эргүүлийн үүрэг гүйцэтгэж байна.
Алба хаагчид нэгдсэн арга хэмжээ эхэлснээс хойш долоо хоногийн хугацаанд 21 гэмт хэргийг илрүүлж, таван гэмт хэргийг таслан зогсоож, архи, согтууруулах ундаа хэтрүүлэн хэрэглэсэн 403 иргэнийг ар гэр асран хамгаалагчид нь хүлээлгэн өгч, 1,065 зөрчлийг илрүүлэн ажиллаж байгаа аж.
2017 оны нэгдүгээр сарын 23-ний өдрөөс нэгдүгээр сарын 29-ний өдрүүдэд иргэд, аж ахуйн нэгж, байгууллагаас гэмт хэрэг, зөрчлийн шинжтэй 14,184 мэдээ, мэдээлэл хүлээн авсныг өмнөх оны мөн үетэй харьцуулахад 13,881 нэгж буюу 49.4 хувиар, 503 гэмт хэргийн шинжтэй гомдол мэдээлэл бүртгэгдсэн нь 385 нэгж буюу 43.3 хувиар тус тус буурсан үзүүлэлттэй байгаа юм байна.
-
2017 оны 2 сарын 07
Нийслэлийн Засаг даргын Тамгын газар, Нийслэлийн аялал жуулчлалын газраас “Улаанбаатарын өвлийн наадам 2017” гэр бүлийн баярыг зохион байгуулах гэж байна. Нийслэлийн Засаг даргын орлогч Ш.Анхмаагаар ахлуулсан наадам зохион байгуулах ажлын хэсэг өнөөдөр хуралдлаа.
Гэр бүлийн баяр энэ амралтын өдрүүдэд буюу 2017 оны 1 дүгээр сарын 11, 12-ны өдрүүдэд Үндэсний цэцэрлэгт хүрээлэнд болох юм. Энэ үеэр иргэдийн дунд
Үндэсний хувцастай оролцогч шалгаруулах тэмцээн
Гэр бүлийн буухиа тэмцээн
Цасан урлалын тэмцээн
Мөсөн сурын сонирхогчдын тэмцээн
Мөсөн шагайн сонирхогчдын
Цанын сонирхогчдын тэмцээн
Снөүбордын сонирхогчдын тэмцээн
Мөсөн шатрын сонирхогчдын тэмцээн
Мөсөн хананд авиралтын сонирхогчдын тэмцээн тус тус зохион байгуулагдана.
“Улаанбаатарын өвлийн наадам 2017” гэр бүлийн баярт ирсэн иргэд халцун хоол цайгаар үйлчлүүлэхийн зэрэгцээ мотоциклын үзүүлбэрийг үзэж сонирхон, өвлийн дугуй, нохой чаргаар аялах боломжтой байна. Мөн “Улаанбаатар” чуулгын уран бүтээлчид урлагийн тоглолтоо үзүүлэхээр бэлджээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 2 сарын 07
Чингэлтэй дүүргийн Засаг дарга Ж.Эрдэнэбат зарим цэцэрлэг, сургуулийн ажилтай танилцлаа. Энэ үеэр дүүргийн 13 дугаар хороонд баригдаж байгаа 83 дугаар цэцэрлэгийн өргөтгөлийн барилгын ажлын явцыг шалгасан юм. Засаг даргын дэргэдэх Боловсролын хэлтсийн дарга Т.Ням-Очир, 83 дугаар цэцэрлэгийн эрхлэгч Т.Сэлэнгэ нар өргөтгөлийн барилгын ажил дуусч, хүүхдүүдээ хүлээн авахад бэлэн болж байгаа талаар дүүргийн Засаг даргад танилцуулав. Найман бүлэг, 240 хүүхдийн ор бүхий цэцэрлэгийн өргөтгөлийг ашиглалтад оруулснаар 24 цагийн үйл ажиллагаа явуулах боломж бүрдэх ажээ. Мөн дүүргийн 17 дугаар хороонд баригдсан 140 дүгээр бага сургууль, 222 дугаар цэцэрлэгийн цогцолборын үйл ажиллагаатай танилцлаа. Нийслэлийн хөрөнгө оруулалтаар баригдсан Бага сургууль, цэцэрлэгийн цогцолборын үйл ажиллагаа жигдэрчээ. 140 дүгээр бага сургууль 290 сурагч, 222 дугаар цэцэрлэг 150 орчим хүүхэдтэйгээр үйл ажиллагаагаа явуулж байна гэж Чингэлтэй дүүргийн ЗДТГ-аас мэдээллээ.
-
2017 оны 2 сарын 07
Ховд, Говь-Алтай аймгийн нутагт зэрлэг амьтад, тэр дундаа монгол бөхөн бог малын мялзан төст өвчнөөр олноор хорогдоод байгаа.
Энэ нөхцөл байдалтай газар дээр нь танилцахаар Улсын Онцгой комиссын орлогч дарга, ОБЕГ-ын дарга, бригадын генерал Т.Бадралаар ахлуулсан ажлын хэсэг энэ сарын 03-04-ний өдрүүдэд Говь-Алтай аймагт ажилласан бол 04-05-ны өдрүүдэд Ховд аймагт ажиллалаа.
DSC_0277
-
2017 оны 2 сарын 07
Хүүхдийн номын өргөө уламжлал болгон зохион байгуулдаг олон талт үйл ажиллагаандаа хөгжлийн бэрхшээлтэй хүүхдүүдийг хамруулахаар дүүргийн Хороодод хамтран ажиллах санал хүргүүлсэн билээ. Чингэлтэй дүүргийн 13 дугаар хорооны Засаг дарга Б.Бадамгарав Хүүхдийн номын өргөөний саналыг хүлээн авч, номын санч Л.Эрдэнэбатыг нийгмийн ажилтан, зохион байгуулагч нартайгаа уулзуулан, хэрхэн хамтран ажиллах талаар ярилцлаа. Мөн 3 дугаар хорооны Засаг дарга С.Туяатай уулзаж, санал солилцов. Энэ сард зохион байгуулагдах бүх арга хэмжээнд 3, 13 дугаар хороод зорилтот бүлгийн хүүхдүүдээ хамруулахаар боллоо гэж Чингэлтэй дүүргийн ЗДТГ-аас мэдээллээ.
-
2017 оны 2 сарын 07
Баянзүрх дүүргийн 11 дүгээр хорооны нутаг дахь Хонхор орчмын автозам засварын ажил бүрэн дууссантай холбогдуулж ХО:11 “Хонхор-Офицеруудын ордон-Халдвартын эмнэлэг” чиглэлд нийтийн тээврийн үйлчилгээг 2017 оны 2 дугаар сарын 3-ны өдрөөс эхлүүлж байна.
Иргэдийн зорчин явах эрэлт хэрэгцээг үндэслэж хот талд эцсийн зогсоолыг “Халдвартын эмнэлэг” хүргэж сунган, 3 дунд багтаамжийн автобусаар үйлчилгээг явуулахаар төлөвлөсөн. Үйлчилгээг “Зорчигч тээврийн нэгтгэл” ОНӨААТҮГ эрхлэн гүйцэтгэнэ.
-
2017 оны 2 сарын 07
Хайлаастад 150 хүүхдийн шинэ цэцэрлэгийн нээлт боллоо
-
2017 оны 2 сарын 07
* * *ӨРНИЙН ЗУРХАЙ * * *
ХОНЬ (3/21-4/19)
Амьдарч буй орчин, хүрэхээр тэмүүлж буй зорилгынхоо талаар эргэцүүлэх өдөр. Олонхи хонинууд өнөөдөр өөрийн удирдлагын талаар сэтгэл дундуур байна. Дарга, удирдлагадаа гомдоллох хэрэггүй. Өөрийнхөө төлөө ажилла. Хүсвэл таалагдахгүй ажлыг цагийг нь олж хаяж чаддаг бай. Бүү өнгөрсөнтэй зууралд.
ҮХЭР (4/20-5/20)
Өнөөдөр та өрөө өгч, тооцоогоо төлж дуусгана. Таны төсөв гэнэтийн зарлагаас болж хямралд орно. Зайлшгүй зардал байсан ч танахыг хичээ. Энэ цаг үед томоохон эд зүйлс бүү худалдан ав. Мөнгөө хурдан эргэх ажил хэрэгт эргэлдүүл, эсвэл банкинд хадгаламж нээлгэ. Хямрал бодитоор нүүрлэж байна.
ХАМТАТГАХ (5/21-6/21)
Ном эсвэл мэдээллийн хэрэгсэл худалдаж авахад таатай өдөр. Өөртөө багахан ч болтугай цаг зав их ажлынхаа хажуугаар гарга. Авсан ном хэрэгсэл тань таны оюун ухааны хоол хүнс болж, танд эрч хүч, хүсэл тэмүүлэл өгөх болно. Өөрийнхөө болон гэр бүлийнхээ гишүүдийн эрүүл мэндэд санаа тавьж халамжил.
МЭЛХИЙ (6/22-7/22)
Мэдээлэл цуглуулах өдөр. Ажилд шийдвэр гаргахаас өмнө мэдээллүүдэд задлан шинжилгээ хий. Олон янзын эх үүсвэрээс мэдээллүүдийг цуглуулан харьцуулж алтан дунджийг ол. Сэтгэл зүй чинь тогтворгүй байвал ажлын бүтээмж муудна. Санхүүгийн болон гэр бүлийн хүнд нөхцөл байдлаас гарах арга олохыг танд зөвлөж байна. Шаардлагатай тусламж үзүүлж чадах хүн ол.
АРСЛАН (7/23-8/22)
Олон чиглэлд хүч тарамдаагүй ажил том амжилт авч ирнэ. Ажлаа хэвийн явуулах зээл авч чадна. Өмч хөрөнгийн маргаантай асуудлыг шийдвэрлэнэ. Хувийн амьдралдаа зохион байгуулалттай ханд. Дорвитой том хөрөнгө оруулалтанд анхаарлаа хандуулснаар мөнгө олох боломжтой болно.
ОХИН (8/23-9/22)
Хайртай хосууд хоорондоо муудалцаж, гэр бүлийн харьцаанд үл ойлголцох байдал үүсч болзошгүй байна. Найз нөхөд, түншүүдтэй холбоотой сэтгэл гонсойлгосон зүйлс тохиолдоно. Энэ өдөр төсөөлөн бодох чадвар, уян хатан байдлын давуу тал гарна. Нөхцөл байдлыг даван туулах боломж таны боломжоос нэгэнт илүү хүчтэй байх тул санаагаар бүү уна. Ухаалаг хандаж, сэтгэлийн хөдөлгөөн, яаруу үг хэлээ барь. Алсын хараа, хүлээцтэй байдал тань бусдаас хүндлэл хүлээнэ.
ЖИНЛҮҮР (9/23-10/22)
Хурцлагдсан мэдрэхүйн хариу үйлдэл чинь асуудал үүсгэнэ. Бодлогогүй, огцом байдалтайгаар эргэн тойрныхондоо муу үг бүү хэл. Хэрүүл маргаанд оролцох нь нэр хүндэд муугаар нөлөөлнө. Бусдад таалагдах гэж худал жүжиглэх хэрэггүй. Та өөрийн ур чадвартайгаа нотолсноор үүссэн асуудлуудаас гарч чадна. Эргэн тойрныхноосоо хүмүүсээс тусламж гуйлгүй, өөрөө бүгдийг хариуц.
ХИЛЭНЦ (10/23-11/21)
Таны уран бүтээлч эрч хүч оргилон гарна. Залуу хилэнцүүдийн гоо сайхан, гоолиг бие бүгдийн анхаарлыг татна. Та өнөөдөр бүтээгч байж хүмүүсийг хорвоо ертөнцийг баярлуулна. Гэхдээ хэт туйлшралгүй аливаа зүйлийг байгаагаар нь хүлээн авахыг хичээ. Сэтгэлийн амар амгаланг олж чадвал хэт мөнгөнд шунахаа боливол та хижээл насандаа ч эрүүл мэнд, дур булаам байдалаа хадгалан үлдэнэ.
НУМ (11/22-12/21)
Ажил дээр гэнэтийн өөрчлөлт гарч магадгүй өдөр. Та өндөр цалинтай, илүү сонирхолтой шинэ ажилд шилжин очихыг үгүйсгэхгүй. Санхүүгийн тогтвортой байдал гадаад нөхцлөөс гадна хамт олны хөдөлмөрөөс хамаарна. Үүрэг даалгавраа ганцаараа, биелүүлэх сонирхолтой байсан ч хамт олны ажил төрөлд нэгдсэн нь танд өлзийтэй болохыг зөвлөж байна.
МАТАР (12/22-1/19)
Өндөр хариуцлагатай ажил гүйцэтгэхээс болгоомжил. Таны хийж буй ажлыг гадны яриа, төлөвлөөгүй айлчлал, гэнэтийн шинэ үүрэг даалгавар сарниулах болно. Ийм үед чухал ажлыг дуусгах нь дараа нь алдаа нь илрэх хяналтгүй болох аюул отож байна. Өмнөх ажлаа гүйцээж, хувийнхаа эд зүйлсийг эмхэлж цэгцэлсэн нь дээр. Аль болох бие даасан ажил гүйцэтгэ. Гэр орныхон, ойрын хүмүүсээ ямар нэг сайхан зүйлээр баярлуул.
ХУМХ (1/20-2/18)
Аз жаргалтай өдөр. Гэр бүл, хайр дурлалын хувьд аз жаргалтай, амжилттай байна. Хуучин хосуудад шинэ сэтгэгдэл төрүүлэхүйц үйл явдал тохионо. Та зөвхөн хайрлуулаад зогсохгүй хайрлах ёстой. Та гадаад төрхөндөө илүү анхаарч, өөрийгөө илэрхийлэхдээ бага зэргийн сэтгэл зовнингуй байх болно. Та ямар ч нөхцөл байдалд зохицож чадах болно.
ЗАГАС (2/19-3/20)
Аз, амжилт ирнэ. Зөн совиндоо итгэ. Гэхдээ түүнийг сэтгэл хөдлөл, шуналтай андуурч болохгүй. Гэнэтийн маш сонирхолтой магадгүй танд ашигтай хэд хэдэн үйл явдлууд болно. Боломжийг бүү алд. Чухал бичиг баримт бүрдүүлэх, жижиг үйлдвэрлэл эхлэхэд тохиромжтой.
-
2017 оны 2 сарын 06
2017 оны 2 дугаар сарын 06-ны өдөр “I”, “II, “III” ангилалд бүртгэлтэй 28 хувьцаат компанийн 50,033 ширхэг хувьцаа арилжигдаж нийт 21,360,975.00 төгрөгийн гүйлгээ хийгдсэнээс 9 хувьцаат компанийн хувьцаа өсч, 12 хувьцаат компанийн хувьцаа буурсан бол 7 хувьцаат компанийн хувьцаа тогтвортой байлаа. Үүнээс “Их барилга” компани хамгийн өндөр буюу 2.86-иар өссөн бол “Ремикон” 1.96%, “Сүү” 1.49%-иар тус тус өслөө.
Энэ өдөр ”MSE ALL” индекс 834.69 нэгж болж 0.41%-иар өссөн бол зах зээлийн үнэлгээ 1,432,557,103,946.00 төгрөг боллоо.
-
2017 оны 2 сарын 06
Хүнс, хөдөө аж ахуй, хөнгөн үйлдвэрийн сайд П.Сэргэлэн ОХУ-аас Монгол Улсад суугаа Онц бөгөөд Бүрэн Эрхт Элчин Сайд И.К.Азизовыг 2017.02.03-ны өдөр хүлээн авч уулзлаа.
Уулзалтын эхэнд сайд П.Сэргэлэн эртний найрсаг, найрамдалт харилцаатай, стратегийн гол түнш ОХУ-тай хүнс, хөдөө аж ахуй, хөнгөн үйлдвэрийн салбарт хэрэгжүүлэх хамтын ажиллагаандаа онцгой ач холбогдол өгч ажиллахаа илэрхийлээд Монголын хүнс, хөдөө аж ахуйн салбарын хөгжилд үнэтэй хувь нэмэр оруулж ирсэнд ОХУ-ын Засгийн газар, Элчин сайд, Элчин сайдын яамны хамт олонд гүн талархал илэрхийлэв.
Талууд цаашид Монголын мал сүргийг эрүүлжүүлэх, Монголын цаг уурт дасан зохицсон үр тарианы сортыг гаргаж авахад төсөл, хөтөлбөр хэрэгжүүлэн хамтран ажиллахаар санал солилцлоо. Тэрээр Монгол Улсын мал эрүүлжүүлэх хөтөлбөрийн 2-р үе шатны хэрэгжилтийн хүрээнд шүлхий өвчний эсрэг вакцин нийлүүлэх асуудлаар дэлгэрэнгүй санал солилцсон бөгөөд энэ хүрээнд хоёр орны мэргэжилтнүүдийг уулзуулж зөвлөх уулзалт зохион байгуулахад бэлэн байгаагаа оросын талаас илэрхийлэн цаашид хамтарч ажиллахаар тохиролцов.
Талууд хүнс, хөдөө аж ахуй, хөнгөн үйлдвэрийн салбарын хамтын ажиллагааг улам бүр идэвхжүүлэн өргөжүүлэн ажиллахаа харилцан илэрхийлснээр уулзалт өндөрлөв.
-
2017 оны 2 сарын 06
Онцгой байдлын ерөнхий газрын мэдээлснээр өнөөдрийн байдлаар нэг өдрийн дотор объектын долоон түймэр гарчээ. Үүнээс нийслэлд тав, хөдөө орон нутагт хоёр тохиолдол бүртгэгдсэн байна.
Тухайлбал, Баянгол дүүргийн 11 дүгээр хороо, ”Зүүн наран”-гийн 3 дугаар гудамжийн 48 тоотод иргэн О-ийн байшин шатаж байна гэсэн дуудлагыг өчигдөр 13.03 цагт Чингэлтэй дүүргийн Онцгой байдлын хэлтэст ирж, Гал түймэр унтраах, аврах X ангийн зургаан албан хаагч, нэг автомашинтайгаар, Чингэлтэй дүүргийн 16 дугаар хороо, “Согоот”-ын 33 дугаар гудамжийн 416 тоотод иргэн Д-ийн байшин шатаж байна гэсэн дуудлагын дагуу өнгөрөгч шөнө Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн долоон албан хаагч, хоёр автомашинтайгаар тус тус унтраасан юм.
Мөн Өвөрхангай аймгийн Хархорин сумын Ганган-Орхон багийн “Эрдэнэзуу”-гийн 78 дугаар гудамжийн 1 тоотод иргэн Д-ийн амбаар шатаж байна гэсэн дуудлагын дагуу аймгийн Онцгой байдлын газрын Гал түймэр унтраах, аврах 45 дугаар ангийнхан амжилттай ажилласан байна.
-
2017 оны 2 сарын 06
Монголын сагсан бөмбөгийн холбооны ээлжит их хурал өнгөрсөн онд болсон. Уг хуралд 300 орчим төлөөлөгч сагсан бөмбөгийн тамирчин, дасгалжуулагч, зүтгэлтнүүд оролцохдоо энэхүү спортоос төрсөн анхны гавьяат гэгдэх дасгалжуулагч Ц.Цэвэрбалыг ерөнхийлөгчөөрөө сонгожээ. Улмаар Монголд гудамжны сагсан бөмбөгийг анх дэлгэрүүлсэн Монголын үндэсний сагсан бөмбөгийн холбоотой хамтран үйл ажиллагаа явуулж эхэлсэн байна. Тэгвэл иргэн Б.Оргилын хүсэлтийн дагуу өнгөрсөн сарын 18-нд Ц.Цэвэрбал ерөнхийлөгчтэй Монголын сагсан бөмбөгийн холбооны улсын бүртгэлийг албан ёсоор хүчингүй болгожээ.
Энэ талаар тус холбооны удирдах зөвлөлийн гишүүн Р.Цэвэгмэд хэлэхдээ “Хэсэг хүн манай холбооны бүртгэлийг зориудаар бүртгэлгүй болголоо. Эрх мэдэлд шунасан, нэр хүнд хөөсөн тэр хүн Э.Анар. Түүнийг спортын хүрээнийхэн сагсан бөмбөгийн тамирчин байсан, МАН-ын дарга М.Энхболдын хүү гэдгээр нь андахгүй. Монголын сагсан бөмбөгийн холбоо дөрвөн жил шүүхээр явсны эцэст холбооны ерөнхийлөгчөө сонгож, холбоогоо сэргээсэн. Гэтэл эрх мэдлээ ашиглан хэсэг хүн Оюуны өмч, улсын бүртгэлийн ерөнхий газарт нөлөөлж бидний хийсэн ажлыг уландаа гишгэлээ. Үнэхээр Монголын сагсан бөмбөгийн холбоог шинэчилж, спортоо аврах хүсэлтэй байгаа бол хамтарч ажиллах санал тавьсан ч бидэнд татгалзсан хариу өгсөн. Тэгсэн атлаа зөвхөн өөрсдийн эрх ашигт нийцүүлсэн холбоотой болохын тулд өмнөх холбооны эрхийг хууль бусаар, хүч түрэмгийлэн цуцалсанд харамсч байна. Монголын сагсан бөмбөгийн холбоо, Үндэсний сагсан бөмбөгийн холбоо хамтран үйл ажиллагаа явуулсанаар тамирчдын амжилт нэмэгдсэн. Өнгөрсөн онд л гэхэд олон улсын найман тэмцээнд оролцохдоо долоон медаль авлаа. Энэ бол яах аргагүй амжилт. Үүнийг хэн ч үгүйсгэж чадахгүй. Манай холбооны бүртгэлийг хүчингүй болгосон учир холбогдох дараагийн байгууллагуудад хандана” гэв.
МҮСБХ, МСБХ-ны хоорондын хэрүүл ийнхүү таван жилийг ардаа үдэв. Хоёр холбооны хэрүүлээс болж Монголын сагсан бөмбөгийн шигшээ багийнхан 2017 онд болох олон улсын тэмцээнд уралдаанд оролцож чадахгүй байдалд хүрч болзошгүй байдал үүсээд байна.
-
2017 оны 2 сарын 06
Сэлэнгэ аймаг дахь Замын цагдаагийн тасаг, Автотээврийн төвтэй хамтран ажиллах төлөвлөгөөний дагуу улс, хот хоорондын болон орон нутгийн ачаа, зорчигч тээвэрлэлтэнд хяналт тавих, гэрээгүй болон хууль бус тээвэрлэлтийг таслан зогсоох зорилгоор улсын чанартай автозамын пост, 4-н замын уулзвар, Баянгол сумын ЗЦ-ийн постуудад хамтарсан хяналт шалгалтын ажлыг эрчимжүүлэн явуулж байна.
Орон нутаг руу зорчиж буй жолооч, зорчигч та замын нөхцөл байдалд тээврийн хэрэгслийн хурдаа зөв тохируулах, тээврийн хэрэгслийн техникийн бүрэн бүтэн байдлыг сайтар хангах, хүн ба ачаа тээвэрлэх журмыг баримтлах, хууль бус тээврийн хэрэгслээр үйлчлүүлэхгүй байх, алсын замд гарахдаа Ус цаг уур эрдэм шинжилгээний хүрээлэн, Цагдаагийн байгууллага, Онцгой байдлын ерөнхий газраас ирүүлж буй цаг агаарын мэдээнд ач холбогдол өгөх, бага насны хүүхдийг зориулалтын суудалд зөв аюулгүй тээвэрлэх, хамгаалах бүсээр тоноглогдсон тээврийн хэрэгслээр зорчихдоо хамгаалах бүсийг тогтмол хэрэглэж хэвшин өөрийнхөө болон бусдын амь нас эрүүл мэнд, аюулгүй байдлыг сайтар хангаж оролцохыг зөвлөж байна.
-
2017 оны 2 сарын 06
1 дүгээр сарын 27-ны өдөр болсон Нийслэлийн иргэдийн Төлөөлөгчдийн Хурлын долоодугаар хуралдаанаар нийслэлд ирэх 3 сард хэрэгжүүлэх ажил, арга хэмжээний эрчимжүүлсэн тусгай төлөвлөгөөг батласан билээ.
Хавсралтаас агаарын бохирдлыг бууруулах чиглэлээр хэрэгжүүлэх арга хэмжээний төлөвлөгөөтэй танилцана уу.
-
2017 оны 2 сарын 06
Энэ сарын 01-03-нд 461 мянга 865 иргэнд 33.8 тэрбум төгрөгийн НӨАТ-ын буцаан олголт хийсэн талаар өнөөдөр Татварын ерөнхий газрын дарга Л.Зориг мэдээлэв.
Тэрбээр, “www.ebarimt.mn цахим хуудсанд мэдээллээ бүрэн баталгаажуулаагүй 137 мянга 822 иргэн байна. Эдгээр хүмүүс энэ сарын 15-ны дотор овог нэр, банк, дансны дугаар болон регистрийн дугаараа оруулснаар нийт нэг тэрбум төгрөг буцаан авах юм. Түүнчлэн өнгөрсөн оны 01 сараас хойш 19 удаа сугалаа зохион байгуулж, нийт 3.6 тэрбум төгрөгийн азтан тодорсон. Энэхүү мөнгийг бүрэн шилжлүүлсэн” гэв:
Мөн ”Өнгөрсөн оны 01-нээс хэрэгжиж эхэлсэн НӨАТ-ын хуулийн шинэчилсэн найруулгын хүрээнд www.ebarimt.mn цахим хуудсанд 620 мянга 409 иргэн бүртгүүлжээ. Үүнээс 482 мянга 587 нь овог нэр, данс, банкны мэдээлэл, регистрийн дугаараа бүрэн оруулж, 34.5 тэрбум төгрөгийн буцаан олголт авах эрх үүссэн байна. Өнгөрсөн баасан гарагт 33.8 тэрбум төгрөгийн буцаан олгосон бол өнөөдөр 20 мянга 722 иргэний дансанд 700 сая төгрөг шилжүүлэх аж. Ингэснээр мэдээллээ баталгаажуулсан иргэдийн буцаан олголт дуусна” гэлээ.
-
2017 оны 2 сарын 06
Өнгөрсөн амралтын өдрүүдэд Замын цагдаагийн албанд нийт 579 дуудлага ирснээс зам тээврийн ослын 471 дуудлага бүртгэгджээ.
Ослын шалтгаан, хэлбэрээр нь авч үзвэл мөргөлдөх хэлбэрээр найм, үл хөдлөх зүйл мөргөсөн нэг, явган зорчигч мөргөж гэмтээсэн таван хэрэг бүртгэгдсэн байна. Үүнээс согтууруулах ундааны зүйл хэрэглэсэн үедээ замын хөдөлгөөнд оролцож зам тээврийн осолд өртсөн явган зорчигч хоёр, сургуулийн насны нэг хүүхэд байжээ.
Тодруулбал, БГД-ийн нутаг Зүүн нарангийн замд амины T.Avensis маркийн автомашины жолооч Ч нь явган зорчигч, ЕБС-ийн сурагч 13 настай, М-г мөргөж гэмтээсэн. БЗД-ийн нутаг Амгалангийн замд амины T.Mark-2 маркийн автомашины жолооч Б нь амины T.Pruis маркийн автомашинтай мөргөлдөж зорчигч 2 настай Э-г гэмтээсэн хэрэг гарчээ.
Мөн цагдаагийн байгууллагын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 84 жолоочийг илрүүлж гарч болзошгүй осол, хэргээс урьдчилан сэргийлж ажилласан байна.
-
2017 оны 2 сарын 06
-ын буцаан олголтын талаарх хөгжилтэй постууд
-
2017 оны 2 сарын 06
Нийслэлийн Газрын албанаас иргэд, аж ахуйн нэгжүүдийн газар эзэмших эрхийн хугацааг таван жилээр сунгаж ирсэн. Өнөөдөр нийслэлийн Засаг дарга бөгөөд Улаанбаатар хотын Захирагч С.Батболд 15 жилээр сунгах захирамж гаргалаа. Ингэснээр иргэд, ААН өөрийн эзэмшлийн газартаа үйл ажиллагаагаа тогтвор суурьшилтай, хөрөнгө оруулалтын зөв бодлого төлөвөлт хийж,төрийн хүнд суртал, хяналт шалгалтын давхардал , дарамтгүйгээр ашиглах боломжоор хангагдаж буй алхам юм.
Нийслэлийн Засаг дарга бөгөөд Улаанбаатар хотын Захирагч С.Батболд “Нийслэлийн зүгээс газар эзэмших, ашиглах, өмчлөх эрхийн гэрчилгээг олгож буй процесийг нээлттэй, ил тод авилгаас ангид байх “ГАЗРЫН МЕНЕЖМЕНТИЙГ САЙЖРУУЛАХ ЦОГЦ АРГА ХЭМЖЭЭ” хөтөлбөр боловсруулан ажиллаж байна. Улаанбаатар хотын нутаг дэвсгэрт газар эзэмшиж байгаа иргэд, ААН байгууллагууд газрын гэрчилгээгээ 3-5 жилээр сунгуулдаг байсан. Үүнийг өнөөдрөөс эхлэн 15 жил болгон сунгаж байна. Улсын хэмжээнд эдийн засаг хүндхэн байгаа энэ цаг үед амины орон сууцаа барих гэж буй иргэд, үйлдвэр, оффисоо бүтээн байгуулж буй ААН-үүдийг дэмжих зүй ёсны шаардлага бий болсон. Цаашдаа Улаанбаатар хот Газрын биржтэй болно. Ингэснээрээ газрыг нээлттэйгээр, илүү зөв менежментэйгээр иргэд, аж ахуй нэгжид олгох , эзэмшүүлэх боломжтой болно гэж үзэж байна” гэдгийг цохон тэмдэглэлээ.
Үүнээс хойш газар эзэмших эрхийн хугацаагаа сунгуулах шаардлагтай иргэд аж ахуйн нэгжүүдийн хүсэлт, өргөдөлийг үндэслэн ямар нэгэн тусгай шаардлага, нөхцөлгүйгээр шууд 15 жилээр сунгах аж. Хамгийн гол шалгуур нь газрын төлбөрөө тогтмол төлдөг, тухайн газартаа үйл ажиллагаа явуулдаг байх юм. Харин газар эзэмших эрх авчихаад төлбөрөө төлөөгүй, үйл ажиллагаа явуулаагүй аж ахуй нэгж, иргэдэд хуулийн дагуу хариуцлага хүлээлгэнэ. Газрын төлбөрөө төлөөд, эзэмшсэн газраа бүтээн байгуулалт, үйлдвэрлэл эрхлэж байгаа иргэд , байгууллагад бол сунгалтыг шууд хийх юм байна.
Олон жилийн турш нийслэлийн иргэдийн хардлага, шүүмжлэлийг дагуулсаар ирсэн Газрын албаны хүнд суртал, авилгын нэг хэлбэрийг таслан зогсоосон шийдвэр болж чадсанд иргэд, аж ахуйн нэгжүүд талархан хүлээн авна гэдэгт нийслэлийн удирдлагууд итгэлтэй байгаагаа илэрхийлж байсан юм.
Газар эзэмших эрхийн хугацааг сунгаж буй энэхүү үйл ажиллагаа нь нийслэлийн нутаг дэвсгэрийн газрын менежментийг сайжруулах цогц арга хэмжээний хүрээнд хийгдэж байгаа хоёр дахь томоохон алхам юм. Эхний шийдвэр нь “Улаанбаатар хотын хорооллын дундах ногоон байгууламжийг нэмэгдүүлэх, оршин суугчдын амрах болон хүүхдийн тоглоомын талбай барихаас бусад буюу орон сууц, конторын /оффис/ барилга барих зориулалтаар газар шинээр олгохгүй байх” захирамж байсан юм. Цаашлаад орон сууцны цонхыг таглан нарны гэрэл хааж барилга бариулахгүй байх шийдвэр гаргасан нь жил бүр хүүхдийн тоглоомын талбайгаа хамгаалсан иргэд, тус газар барилгын ажлаа эхлүүлэх гэсэн аж ахуйн нэгжүүдийн хоорондох тэмцэлийг зогсоож чадсан зоригтой үйлдэл байсан нь нийслэлчүүдийн сайшаалыг хүлээгээд байна. Зөвхөн газар эзэмших эрхийн гэрчилгээг 15 жилээр сунгахаас гадна Улаанбаатар хотын захирагчийн албанаас олгодог зарим гэрчилгээ, зөвшөөрөл олгох үйл ажиллагааг ч гэсэн эргэн харж, жил бүр сунгуулж, иргэдэд чирэгдэл учруулдаг төрийн дарамтыг байхгүй болгоно гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
