-
2016 оны 2 сарын 18
БГД-ийн 16-р хороо 2-60 айлын 1 давхарт гал гарч байна гэсэн дуудлага нийслэлийн Онцгой байдлын газарт өнөөдөр 13:23 цагт ирсэн. Дуудлагын дагуу Гал түймэр унтраах 10 дугаар ангийн гал унтраах 1, 2 дугаар тасгийг очиход 5 давхар байшингийн өрөөнд эд зүйл шатаж байсныг унтраасан байна. Гал түймрийн улмаас барилгын өрөөнүүд, орц утаажилт ихтэй иргэд угаартаж амь насаа алдах эрсдэлтэй байсан тул 1-14 насны 15 хүүхэд, 37 том хүнийг аврах ажиллагааг яаралтай зохион байгуулж аюулгүй газарт гарган амь насыг нь аварлаа гэж нийслэлийн Онцгой байдлын газраас мэдээллээ.
-
2016 оны 2 сарын 18
Зудтай сумдын малчдад эрүүл мэндийн үзлэг хийж байна
Архангай аймгийн Тариат, Хангай, Цахир, Өндөр-Улаан сум зудын байдалтай байгаа аж. Тиймээс тус аймгийн Засаг дарга захирамж гаргаж, эдгээр сумын алслагдсан багийн малчдад газар дээр нь эмнэлгийн тусламж үйлчилгээ үзүүлэх, эм, тариагаар хангах, өвчин хүндрэхээс сэргийлэх зорилгоор ажлын хэсэг томиллоо. Тус аймгийн Ондгой байддын газар, Эрүүл мэндийн газар, дээрх сумдын эмнэлгийн эмч, сувилагч нараас бүрдсэн ажлын таван хэсэг энэ сарын 17-20-нд Тариат, Хангай, Цахир, Өндөр-Улаан сумын алслагдсан багт ажиллаж байна.
-
2016 оны 2 сарын 18
МОНЦАМЭ агентлагийн нэрэмжит “Мэдээний шилдэг сурвалжлагч” шагнал бий боллоо
-
2016 оны 2 сарын 18
Архинд хордсон нэг хун нас баржээ
Хоёрдугаар сарын 9-16-нд нийт 543 хүн архинд их, бага хэмжээгээр хордон нийслэлийн харьяа эмнэлгүүдэд ирснээс 13 нь хэвтэн эмчлүүлсэн бол нэг нь нас баржээ. Энэ нь өнгөрсөн долоо хоногийнхоос 24.1 хувиар нэмэгдсэн үзүүлэлт аж. Амбулаториор нийт 19.998 хүн үйлчлүүлсний 2292 нь томуу, томуу төст өвчтэй байжээ. Уг өвчний тархалт өмнөх долоо хоногийнхоос мөн л 4.9 хувиар илүү байна.
Тэгвэл угаарын хийд ес, эмэнд тав, химийн бодисонд хордсон гурван хүн Хорддогын яаралтай тусламжийн төвд хандан тусламж, үйлчилгээ авсан байна. Угаарын хийд өртсөн хүмүүсийн олонх нь гал түлэх явцдаа хордсон бол дөрвөн хүн амиа хорлох зорилгоор эм уужээ.
-
2016 оны 2 сарын 18
“Тэмээний баяр” өвлийн наадам ирэх сарын 6,7-нд Өмнөговь аймгийн Даланзадгад хотноо болно.
-
2016 оны 2 сарын 18
Улсын Ерөнхий прокурорын газрын Мэдээлэл дүн шинжилгээ, хяналт шалгалтын хэлтсийн программ хангамжийн мэргэжилтэн Б.Дэлгэрсүрэн Нийслэлийн Сүхбаатар, Чингэлтэй дүүргийн прокурорын газрын туслах ажилтнуудад Шүүхэд төрийг төлөөлөх ажлын цахим бүртгэлийн чиглэлээр 2016 оны 02 дугаар сарын 16-ны өдөр сургалт зохион байгуулжээ.
Сургалтаар Прокурорын байгууллагын үйл ажиллагааны мониторинг системд эрүүгийн хэргийн шүүх хуралдаан, иргэний хэрэг хянан шийдвэрлэх ажиллагаа гэсэн цэсэнд өгөгдлийг хэрхэн бүртгэх, ихэвчлэн ямар алдаа гарч байгааг практик дээр тулгуурлан заасан бөгөөд цаашид уг праграмм дээр ажиллахад тулгамдаж байгаа асуудлууд болон программын шинэчлэлийг хийхэд нэмж оруулах санал солилцсон үр дүнтэй сургалт болжээ.
-
2016 оны 2 сарын 18
Мэргэжлийн хяналтын байгууллага Цагаан сарыг угтан улсын хэмжээнд урьдчилан сэргийлэх шалгалт хийн, шаардлагатай арга хэмжээг тухай бүр нь авч байсны дүнд баярын өдрүүдэд нийтийг хамарсан хордлого гараагүй байна.
Хүнсний аюулгүй байдлыг хангуулах, нийтийг хамарсан хордлого, халдварт өвчнөөс сэргийлэх зорилготой энэ шалгалтад хүнсний чиглэлийн үйл ажиллагаа эрхлэгч 853 аж ахуйн нэгж, байгууллага, 2662 иргэн, 3450 объект хамрагдлаа.
Нийслэлийн шалгагдсан газруудын 46 буюу 14.7 хувьд шошгын зөрчилтэй хүнсний түүхий эд, бүтээгдэхүүн үйлдвэрлэн худалдаж байжээ. ”Эрмон билэг”, “Талх чихэр”, “Русская зима” ХХК-ийн еэвэн, хэвийн боов, “SKY трейдинг” ХХК-ийн БНСУ-аас импортлосон “Gana” шоколад, “Binch biscuit”, “Butter coconut” жигнэмэг, “Gateau white” сake, “Chic Choc” цай, “ABC Chocolate”, “Kancho choco” чихэр, ”Бишрэлт трейд” ХХК-ийн БНСУ-аас импортлосон “АВС”-1297, “Fruits candy”-897ширхэг хоёр нэрийн чихэр, “Мандах газар” ХХК-ийн БНСУ-аас импортлосон сармистай зөгийн бал, “Баясах хульж” ХХК-ийн ХБНГУ-аас импортлосон хоёр төрлийн “Seista” хатаасан жимс, “Кингдом” ХХК-ийн хэвийн боов, “Манлай сүү” ХХК-ийн“Марио” цөцгийтэй тараг, Иргэн Б.Энхбаярын “Нийслэл” хэвийн боов, “Хаан хүнс” ХХК-ийн зайдас, “Зочин хүнс”, “Ану болор” ХХК-ийн утлагат хиам, “Бэст бэйкери” ХХК-ийн хэвийн боов, “Билгүүнтөгс оршихуй” ХХК-ийн /15кг/ бууз, “Уламжлалт хүнс” ХХК-ийн царцаамаг зэрэг нь шошгын зөрчилтэй, чанар, аюулгүй байдлын шаардлага хангаагүй гарсан тул хураан авч устгалаа.
Нийслэлээс татаж авсан зарим бараа, бүтээгдэхүүний үйлдвэрлэсэн хугацаа тодорхойгүй байгаа зөрчил Архангай, Баянхонгор, Булган, Говь-Алтай, Говьсүмбэр, Орхон аймагт илэрлээ. Баян-Өлгий аймагт “Вавж Ёохор”, “Омар төре” цехийн орчноос арчдас авч шинжлэхэд сальмонелла, E coli илэрсэн учир зөрчлөө арилгах хүртэл үйл ажиллагааг нь түр зогсоосон байна.
Мөн Тауба”, “Өгөөж барс”, “Болашах”, “Дөл” хүнсний дэлгүүр дэх хугацаа нь дууссан 8 нэр төрлийн хүнсний бүтээгдэхүүнийг хурааж, “Цамбагарав-Өгөөж”, “Баян-Цамбагарав” дэлгүүрт зарж байсан чанар, аюулгүйн шаардлага хангахгүй хиам, үхрийн махны цэлцэгнүүр, зөөхий зэрэг бүтээгдэхүүнийг устгажээ.
Орхон, аймгийн “Болор ууган” ХХК-ний бялуу, иргэн н.Туяагийн борлуулж байсан жимс чанарын шаардлага хангаагүй бол Төв аймагт БНХАУ-ын, хаяг, шошгын зөрчилтэй 17 төрлийн хатаасан жимс, самар, үрлэн чихэр, өнгөт үрэл “Контик”, “Еsfero”, “Love”набор, “Кисель”, “Маамуу”, “Дель”нэрийн чихэр, “От всегда сердца” нэрийн хатаасан лийр чанарын шаардлага хангаагүй тул хураан авч устгасан байна.
Дорнодаймгийн иргэн Х.Мөнхтуяагийн гарал, үүсэл тодорхойгүй, чанарын шаардлага хангаагүй өндөг, Ховд аймагт гарал үүслийн бичиггүй 1372 ш өндгийг хураан авч, вакум ууттай байцаа, цагаан манжин, өргөст хэмх, чипсийг буцаан татуулжээ.
Дархан-Уул, Ховд, Өмнөговь аймагт нийтийн эзэмшлийн зам талбай, зөвшөөрөлгүй цэгт, ил задгай худалдаа эрхэлж байгаа 54 иргэнийг худалдааны битүү захад худалдаа хийхээр болгуулж, хүнсний бүтээгдэхүүний шошго, хадгалалтын хугацаа, нөхцөл, сав баглаа боодлын шаардлагыг хангуулжээ.
Дорноговь, Дундговьаймгийн худалдааны төвд зарж байсан, хадгалалтын горим зөрчиж хөлдөөсөн, чанар байдал нь алдагдсан, хугацаа хэтэрсэн хүнсний түүхий эд бүтээгдэхүүнийг хураан авч устгасан байна.
Хөвсгөл, Хэнтий, Сэлэнгэ, Өмнөговь, Өвөрхангай, Төв, Сүхбаатар, Завхан аймгийн хүнсний зах, худалдааны төвөөр худалдаж буй импортын бүтээгдэхүүн гарал үүслийн бичиггүй, чанар байдал нь алдагдсан, муудсан, савласан бүтээгдэхүүнд хаяг шошго хийгээгүй, үйлдвэрлэсэн хугацаа бичээгүй, зөвхөн хадгалах хугацаа бичсэн зөрчилтэй хүнсний бүтээгдэхүүнийг хураан авч устгуулжээ.
Увс аймгийн худалдааны төв, дэлгүүрээс хадгалалтын хугацаа хэтэрсэн рулет, “Tiger”, “Три медведя” шар айраг, бяслаг, хатаасан жимс, өтгөрүүлсэн сүү, зөөлөн чихрийн цуглуулга, бялуу зэргийг хурааж аймгийн захиргааны Зөрчлийн улмаас хураагдсан эд зүйлийг устгах орон тооны бус зөвлөлд шилжүүлсэн байна.
Хяналт шалгалтын үеэр аж ахуйн нэгж, иргэдэд мэргэжил, арга зүйн зөвлөгөө өгч, сургалт зохион байгууллаа гэж Мэргэжлийн хяналтын ерөнхий газрын Гадаад харилцаа, олон нийттэй харилцах хэлтсээс мэдээллээ.
-
2016 оны 2 сарын 18
Монгол Улсын Үндсэн хуулийн цэцээс 2016 оны хоёрдугаар сарын 22-ны өдөр хийхээр товлоод байсан Их суудлын хуралдааныг хойшлуулжээ.
-
2016 оны 2 сарын 18
ОХУ-аас импортолж байгаа гурил цацрагийн бохирдолттой байж болзошгүй талаар Гурил үйлдвэрлэгчдийн холбооноос Мэргэжлийн хяналтын ерөнхий газарт хандсаны дагуу төлөвлөгөөт бус хяналт, шалгалт хийлээ.
2016 оны 01 дүгээр сарын 01-ний өдрөөс 27-ны өдрүүдэд гурил импортлох зөвшөөрлөө ХХААЯ-наас авсан нэр бүхий найман аж ахуйн нэгжийг шалгалтад хамруулсан байна. Аж ахуйн нэгжүүдийн импортолсон гурилнаас дээж авч Мэргэжлийн хяналтын ерөнхий газрын Хүнсний аюулгүй байдал, үндэсний лавлагаа лабораторийн шинжилгээнд орууллаа.
Ингэхэд мэдрэхүй, цавуулаг, чийглэг, үнслэг, хүчиллэг, төмрийн хольц, хар тугалга, кадьми, нийлбэр афлатоксин, хортон шавьж, хачиг, тэдгээрийн өндөг авгалдай, салмонелла, колиформ зэрэг шинжлэгдсэн үзүүлэлтүүдийн хүрээнд “Буудайн гурил. Техникийн ерөнхий шаардлага” MNS 0244:2009 стандартын шаардлага хангасан байна. Цацрагийн лабораторийн шинжилгээгээр цацрагийн бохирдолгүй байгаа нь цацрагийн аюулгүй норм (ЦАН-2015)-ын шаардлагад нийцсэн байна хэмээн Мэргэжлийн хяналтын ерөнхий газрын Гадаад харилцаа, олон нийттэй харилцах хэлтсээс мэдээллээ.
-
2016 оны 2 сарын 18
Байгалийн өнгөт чулууг олборлох, худалдах, худалдан авах, хадгалах, тээвэрлэхийг хориглосон шийдвэрийг Хэнтий аймгийн ИТХ-ын 16 дугаар хуралдаанаас гаргажээ.
-
2016 оны 2 сарын 18
Улаанбаатар хотод 1965-2000 онд барьж ашиглалтад орсон 1600 гаруй орон сууц байгаа бөгөөд эдгээр орон сууцууд ашиглалтад ороод удсан учраас хана, шал, таазны зай завсраар дулаанаа алдаж, дулааны хувийн алдагдал норматив хэмжээнээс 35-40 хувиар нэмэгдсэн байна.
-
2016 оны 2 сарын 18
Цагдаагийн ерөнхий газрын дарга, тэргүүн комиссар Р.Чингис Канад Улсын хатан хааны морьт цагдаагийн газрын атташе Роберт Ринг, Питер Цуй нарыг 2016 оны 2 дугаар сарын 16-ны өдөр өөрсдийн нь хүсэлтээр хүлээн авч уулзлаа.
Тэргүүн комиссар Р.Чингис Канад Улсаас БНХАУ-д суугаа Элчин сайдын яаманд Монгол, БНСУ-ыг хавсран хариуцсан цагдаагийн атташегээр томилогдсон явдалд ноён П.Цуйд баяр хүргэж, сүүлийн 4 жилийн хугацаанд хоёр орны цагдаагийн байгууллагын хамтын ажиллагааг хөгжүүлэх үйлсэд үнэтэй хувь нэмэр оруулсан явдалд ноён Роберт Рингд талархал илэрхийллээ.
Уулзалтаар хоёр орны цагдаагийн байгууллагын хамтын ажиллагааны талаар санал солилцсоны зэрэгцээ өндөр албан тушаалтнууд оролцсон олон улсын томоохон арга хэмжээний аюулгүй байдлыг хангах, хамгаалалтын арга хэмжээний талаар хамтран ажиллаж, Монголын цагдаагийн байгууллагын алба хаагч нарт зориулан хамтарсан сургалт зохион байгуулахаар харилцан тохиролцлоо.
-
2016 оны 2 сарын 18
Нийслэл, Олон улсын КОЙКА байгууллага, Азийн Сантай хамтран бизнес эрхлэх эмэгтэйчүүдийг дэмжин ажиллахаар тохиролцож өнөөдөр талууд харилцан ойлголцлын санамж бичигт гарын үсэг зурлаа.
-
2016 оны 2 сарын 18
Жолооч нарын дунд хуучны шар үнэмлэхтэй хүмүүс цөөнгүй байдаг. Эдгээр иргэдийг хуучин үнэмлэхээ солихыг шаардаж, солиогүй тохиолдолд торгож, зарим цагдаа нар хуучин үнэмлэхийг хураан авч байна гэх мэдээллийн дагуу тодрууллаа.
Замын цагдаагийн газрын Урьдчилан сэргийлэх, олон нийттэй харилцах хэлтсийн ажилтан ахлах дэслэгч Х.Одбаяр:-Замын хөдөлгөөний аюулгүй байдлын тухай хуулийн 17 дугаар зүйлд Тээврийн хэрэгсэл жолоодох эрх хүчинтэй байх хугацааг зааж өгсөн байгаа. 17 дугаар зүйлийн 2-т “Монгол Улсын жолоодох эрхийн үнэмлэхийг 10 жил, Монгол Улсын олон улсын жолоодох эрхийн үнэмлэхийг гурван жилийн хугацаагаар олгоно. Олон улсын жолоодох эрхийн үнэмлэхийг олгох үед тухайн жолоодох эрхийн үнэмлэхний хүчинтэй байх хугацаа гурван жилээс хэтрэхгүй байвал уг хугацаагаар хязгаарлана гэж заасан байдаг. Хуучны шар үнэмлэх дээр хугацаа байдаггүй. Иймээс шар үнэмлэхийг Цагдаагийн Ерөнхий газрын Лицензийн төв сольж байна. Ингэхдээ ямар ч торгууль шийтгэл ногдуулаагүй. Замын цагдаагийн алба хаагчид шар үнэмлэхтэй жолоочид хэлж, анхааруулаад явуулж байгаа болохоос торгуулийн арга хэмжээ авахгүй байгаа гэлээ. Мөн хүний царай жилээс жилд өөрчлөгдөж байдаг тул нас ахисан хүмүүс залуу цагийн төрхөөсөө өөрчлөгдөж, таргалж, турж байдгаас жолооч цагдаа нарын дунд маргаан үүсдэг байна. Тиймээс ашиглах хугацаа заагаагүй хуучны шар үнэмлэхийг шинэчилж байгаа. Иргэд өөрийн хүсэлтээр, эсвэл авто машин жолоодох эрхээ түр хугацаагаар хасуулсан тохиолдолд хуучин үнэмлэхийг нь устгаж, дахин шинэ үнэмлэх хэвлэн өгч байна. Шинэ үнэмлэхийг ажлын гурав хоногийн дотор хэвлэх боломжтой. Жолооны үнэмлэхтэй холбоотой мэдээллийг 70006996 тоот утсаар тодруулж болно. Хуучин үнэмлэхээ шинэчлэх хүсэлтэй иргэд дараах бичиг баримтыг бүрдүүлэн Баянзүрх дүүрэгт байрлах Лицензийн төвд очихыг зөвлөе.
ҮНЭМЛЭХ СОЛИУЛЖ ШИНЭЭР ХЭВЛҮҮЛЭН АВАХ БОЛ
Жолоочийн үнэмлэх хуучирч муудсан, хуучин шар үнэмлэх солиулах бол дараах бичиг баримтыг бүрдүүлнэ.
Иргэний үнэмлэхний хуулбар эсхүл иргэний үнэмлэхний лавлагаа.
Цээж зураг 1% /3х4см/
Эрүүл мэндийн тодорхойлолт /цусны бүлэг тогтоолгосон./
Жолооны үнэмлэхний мөнгө 12500 төгрөг тушаасан баримт. /Дансны дугаар: 900012408, Хүлээн авагч банк - Төрийн сан банк, Хүлээн авагч байгууллага - ЦЕГ-ын СХГазар/
Хуучирч муудсан, хуучин шар үнэмлэхээ заавал хураалгана гэж ЗЦГ-аас анхаарулав
-
2016 оны 2 сарын 18
Өнгөрсөн долоо хоногт ХДХВ-ын халдварын 2 шинэ тохиолдол бүртгэгдэж, онош нь албан ёсоор батлагджээ.
-
2016 оны 2 сарын 18
Замын-Үүд дэх сум дундын прокурорын газраас харьяалан ажиллаж буй Эрдэнэ, Өргөн, Улаанбадрах Замын-Үүд сумдын нутаг дэвсгэрт 2015 онд үйлдэгдсэн гэмт хэрэг эрүүгийн хэргийн нөхцөл байдлыг судалжээ. 2015 онд 229 гэмт хэрэг үйлдэгдсэнийг нутаг дэвсгэрээр нь авч үзэхэд Өргөн суманд 16 хэрэг буюу нийт хэргийн 6,9 хувь, Эрдэнэ суманд 15 хэрэг буюу 6,5 хувь, Улаанбадрах суманд 8 хэрэг буюу 3,4 хувь, Замын-Үүд суманд 189 хэрэг буюу нийт хэргийн 82,5 хувь үйлдэгдсэн байна.
2014 онд 245 гэмт хэрэг үйлдэгдэж байсан бол 2015 онд 229 гэмт хэрэг гарсан нь гэмт хэргийн гаралт 16 хэрэг буюу 6,5 хувиар буурсан байна. Эдгээр 229 гэмт хэргээс хөнгөн гэмт хэрэг 96 хэрэг буюу 41,9 хувийг, хүндэвтэр гэмт хэрэг 114 хэрэг буюу 49,7 хувийг, хүнд гэмт хэрэг 15 хэрэг буюу 6,5 хувийг, онц хүнд гэмт хэрэг 4 хэрэг буюу 1,7 хувийг эзэлж байна.
Гэмт хэргийн улмаас 35 хүний амь нас хохирч, 12 хүнд хүнд зэргийн, 11 хүнд хүндэвтэр зэргийн, 65 хүнд хөнгөн зэргийн гэмтэл болон мөнгөн дүнгээр 781859848 төгрөгний хохирол учирчээ.
Үүнээс тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэргийн улмаас 13 хүний амь нас хохирсон, 6 хүний биед хүнд зэргийн гэмтэл, 10 хүний биед хөнгөн зэргийн гэмтэл учирсан байна.
Сум дундын прокурорын газраас сумдын гэмт хэргийн нөхцөл байдалд дүгнэлт хийж, гэмт хэрэгтэй тэмцэх, түүнээс урьдчилан сэргийлэх ажилд идэвхи санаачлагатай оролцож тодорхой ажил зохион байгуулан, үр дүнг тооцон ажиллах талаар сумдын ИХТ дарга, засаг дарга нарт танилцуулга хүргүүллээ.
-
2016 оны 2 сарын 18
Шүүхэд төрийг төлөөлөх хяналтын ажлын чиглэлээр 2016 онд дэвшүүлсэн зорилтыг хэрэгжүүлж ажиллах талаар Баянгол дүүргийн прокурорын газраас удирдлага зохион байгуулалтын арга хэмжээг авч ажиллаж байна.
Энэ хяналтын чиглэлээр дэвшүүлсэн зорилтын нэг болох “Прокурорын мэтгэлцэх ур чадварыг дээшлүүлэх” зорилгоор нийт прокурор, туслах ажилтнуудын дунд “Шүүх эрх мэдлийн шинэтгэлийн хөтөлбөр”-ийн хүрээнд Шүүх, прокурор, өмгөөллийн байгууллагын сургагч багш нарын хамтран хийсэн “Шүүх хуралдааны мэтгэлцэх ур чадвар” видео сургалтын киног ашиглан практик сургалт зохион байгуулжээ.
Уг сургалтаар насанд хүрээгүй хүүхдийн үйлдсэн гэмт хэргийн шүүх хуралдааны явц, танхимын зохион байгуулалт, шүүх хуралдаанд оролцогч нарын оролцоо, “Насанд хүрээгүй хүүхдийн үйлдсэн гэмт хэрэгт Эрүүгийн байцаан шийтгэх ажиллагаа явуулах тусгай журам”-ын хэрэгжилт, шинэлэг арга барил бүхий өрөө тасалгааны байрлалтаас гадна шүүх хуралдаанд яллах, өмгөөлөх талуудын зүгээс нотлох баримтад тулгуурлан харилцан асуулт тавих, хариулт авах, тайлбар өгөх, үндэслэлээ хамгаалах, үгүйсгэж буй мэтгэлцэх зарчмийн хэрэгжилт, хэрэг шийдвэрлэхэд анхаарах асуудлын талаар прокурорууд хоорондоо харилцан яриа өрнүүлж, энэ төрлийн гэмт хэргийг шийдвэрлэхэд учирч буй тулгамдсан асуудал, бэрхшээлийн талаар санал солилцсон нь прокурорын хяналтын ажилд үр дүнтэй сургалт болжээ.
-
2016 оны 2 сарын 18
Дорноговь аймгийн Сайншанд суманд 2016 оны 02 дугаар сарын 02-ны өдөр тус аймгийн Хил хамгаалах туслах хүчний байгууллагуудын нэгдсэн зөвлөгөөн болсон ба энэхүү арга хэмжээнд Аймгийн прокурор хууль цаазын итгэмжит зөвлөх С.Цэрэнсамбуу оролцжээ.
Тэрээр аймгийн нутаг дэвсгэрт байрлаж үйл ажиллагаа явуулдаг Замын-Үүд сум дахь Хилийн 0108 дугаар анги, Эрдэнэ сум дахь Хилийн 0129 дүгээр анги, Сулин хээрийн Хилийн 0168 дугаар ангийн захирагч нартай 2016 онд хууль тогтоомж сурталчлах, мэдээ мэдээлэл солилцох, захиргааны зөрчлийн хэрэг бүртгэх эрх бүхий албан тушаалтнуудад сургалт явуулах, гэмт хэргээс урьдчилан сэргийлэх чиглэлээр хамтран ажиллах гэрээ байгуулж, гэрээнд гарын үсэг зурж баталгаажуулсан нь Прокурорын байгууллага Хилийн анги байгууллагуудын хамтын ажиллагааг сайжруулахад зохих үр дүнгээ өгсөн ажил болжээ.
-
2016 оны 2 сарын 18
Авлигатай тэмцэх газраас төрийн байгууллагуудын авлигын эсрэг үйл ажиллагаанд хөндлөнгийн шинжээчдийн өгсөн үнэлгээг танилцуулах, 2016 оны төлөвлөгөөг боловсруулах, хэрэгжүүлэхэд нь дэмжлэг үзүүлэх, арга зүйн зөвлөгөө өгөх зорилгоор тухайн байгууллагын удирдлагууд, эрх бүхий албан тушаалтнуудтай хийх уулзалтыг цувралаар зохион байгуулж байгаа юм. Энэ удаагийн уулзалтыг Монголбанкинд өнөөдөр зохион байгуулав.
Уулзалтад Монголбанкны Тамгын газрын захирал Д.Чимэд-Юндэн, Хууль эрх зүйн газрын захирал Г.Эрдэнэбаяр, Дотоод хяналт, үйл ажиллагааны эрсдлийн газрын захирал Х.Дэлгэр, Хяналт шалгалтын газрын захирал Д.Ганбат болон “МDS and Khanleks” ХХН-ийн партнер Д.Дүгэржав, Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтнууд оролцлоо.
Монголбанкны авлигын эсрэг үйл ажиллагаанд хөндлөнгийн шинжээчдийн үнэлгээг танилцуулаад цаашид анхаарах асуудал, хамтын ажиллагааны чиглэлээр санал солилцож, хамтран ажиллахаар болов.
-
2016 оны 2 сарын 18
Ус цаг уур, орчны судалгаа, мэдээллийн хүрээлэнгээс өнөөдрөөс эхлэн зарим аймгаар цасан шуурга шуурч, хүйтрэхийг анхаарууллаа.
